Tag: காரைச் செய்திகள்

தரம் 5 புலமைப் பரிசில் பரீட்சையில் இவ்வாண்டு காரைநகர் கோட்டப் பாடசாலை மாணவர்கள் 15 பேர் சித்தியடைந்துள்ளனர்

நேற்று வெளியாகிய தரம் 5 புலமைப் பரிசில் பரீட்சையில் காரைநகர் கோட்டப் பாடசாலை மாணவர்கள் 15 பேர் சித்தியடைந்துள்ளனர். அவர்களுன் தீவக வலயத்தில் வேரப்பிட்டி ஸ்ரீ கணேசா வித்தியாலய மாணவி கரன் அனுஜா 188 புள்ளிகளைப் பெற்று முதலிடத்தைப் பெற்றுள்ளார்.

தீவக வலயப் பாடசாலைகளில் அதிக மாணவர்கள் சித்தியடைந்த பாடசாலையாக காரைநகர் வலந்தலை தெற்கு அ.மி.த.க.பாடசாலை விளங்குகின்றது. இப் பாடசாலையில் ஆறு மாணவர்கள் சித்தியடைந்துள்ளனர்.

கணேசமூர்த்தி சயந்தா (187 புள்ளிகள்), கருணாகரன் நிரோஜன் (181 புள்ளிகள்) ,ரவிநாதன் நிலமிதன் (178 புள்ளிகள்) ,லட்சுமணன் விமலக்ஷன் (175 புள்ளிகள்) ,குமாரசேகரம் தவப்பிரியா (173 புள்ளிகள்), ரஜனிகாந் சங்கவி (172 புள்ளிகள்) ஆகிய ஆறு மாணவர்களுமே சித்தியடைந்துள்ளனர்.

ஊரி அ.மி.த.க. பாடசாலையிலிருந்த தோற்றிய இருவர் சித்தியடைந்துள்ளனர். யசோதரன் தமிழ்நிலா (175 புள்ளிகள்), கிருஸ்ணகுமார் கிருதரன் (165 புள்ளிகள்)

வலந்தலை வடக்கு அ.மி.த.க.பாடசாலை – சிவகுமார் சீராளன் (168 புள்ளிகள்)

யாழ்ற்ரன் கல்லூரி –

மயூரகுமார் தாரணி (178 புள்ளிகள்)

சிவநாதன் பவித்திரா (173 புள்ளிகள்)

ஆயிலி சிவஞானோதயா வித்தியாலய மாணவன் சிற்சபேசன் கேசவராம் (185 புள்ளிகள்)

தோப்புக்காடு மறைஞானசம்பந்தர் வித்தியாலயம், சுப்பிரமணிய வித்தியாசாலை ஆகிய பாடசாலைகளிலிருந்து தலா ஒருவரும் சித்தியடைந்துள்ளனர்.

காரைநகர் பாடசாலைகளிலிருந்து பரீட்சைகுத் தோற்றிய 162 மாணவர்களில் 15 மாணவர்கள் சித்தியடைந்துள்ளமை குறிப்பிடத்தக்கது.

இரண்டு நாட்கள் இடம் பெற்ற வடக்கு மாகாண பண்பாட்டுப்பெருவிழாவில் மாகாணத்தில் சிறந்த கலைஞர்கள் மதிப்பளிக்கப்பட்டதுடன் அவர்களில் தெரிவு செய்யப்பட்டோருக்கு வடக்கு மாகாணத்தின் அதி உயர் விருதான முதலமைச்சர் விருதும் வழங்கி கௌரவிக்கப்பட்டது.

காரைநகர் வலந்தலை சந்திக்கு அருகாமையில் காரை அபிவிருத்தி சபைக்கு சொந்தமான காணியில் புதிதாக அமைக்கப்பட்ட மக்கள் வங்கியின்(ATM) பண பரிமாற்ற இயந்திர கட்டிடம் 22/09/2018 நாளை சனிக்கிழமை காலை 10:30 மணிக்கு மக்கள் பாவனைக்காக திறக்கப்பட உள்ளது.அனைத்து இயந்திர மூலம் பணத்தினை பெறும் வாடிக்கையாளர்களையும் ,மற்றும் நலன்விரும்பிகளையும் அன்புடன் அழைக்கின்றனர் சங்கானை மக்கள் வங்கி முகாமையாளர் மற்றும் ஊழியர்கள்.

அமரர் மனோரஞ்சனா கனகசபாபதி அவர்களின் நினைவு நிதியிலிருந்து அவரது குடும்பத்தினரால் காரைநகர் பிரதேசத்தில் உள்ள ஐந்து குடும்பங்களுக்கு வாழ்வாதார உதவிகள் வழங்கப்பட்டுள்ளது.

19.09.2018 புதன்கிழமை காரைநகர் சமுர்த்தி வங்கியில் வைத்து வறுமைக் கோட்டிற்குட்பட்ட தையல் தொழிலினை மேற்கொண்டு தமது சீவனோபாயத்தை மேற்கொள்ளும் நான்கு பேருக்குத் தையல் இயந்திரமும் பாடசாலைக் கல்வியினை தொடரும் மாணவி ஒருவருக்கு துவிச்சக்கரவண்டியும் வழங்கப்பட்டது.

இந்த வாழ்வாதார உதவி வழங்கும் நிகழ்வில் காரைநகர் பிரதேச செயலர் திருமதி உஷா சுபலிங்கம்,காரைநகர் பிரதேச செயலகக் கணக்காளர் ஏ.நிர்மல், சமுர்த்தி முகாமையாளர்கள் மற்றும் கனடா நாட்டிலிருந்து வருகைதந்த மாணிக்கம் கனகசபாபதி ஆகியோர் கலந்துகொண்டனர்.

காரை அபிவிருத்திச்சபையின் “சமூக சேவைக்காக இளைஞர்களை ஊக்குவிப்போம்” எனும் தொனிப்பொருளின் கீழ் இன்று கோவளம் விளையாட்டுக் கழகம் மற்றும் காரை.சலச்சர்ஸ் விளையாட்டுக்கழக இளைஞர்கள் இணைந்து சிரமதான பணியினை முன்னெடுத்தனர். இந்நிகழ்வில் பிராந்திய வைத்திய அதிகாரி திரு. பரா நந்தகுமார் , ஆதார வைத்தியசாலை வைத்தியர், காரைநகர் சுகாதார வைத்திய அதிகாரி, காரை.அபிவிருத்திச் சபை உறுப்பினர்கள் என பலரும் கலந்து சிறப்பித்தனர்.

காரைநகர் களபூமி கரப்பிட்டியந்தனை ஸ்ரீ விக்னேஸ்வர ( தெருவடிப்பிள்ளையார்)ஆலய வருடாந்த உற்சவத்தின் 14ம் நாள் கரப்பிட்டியந்தனை இளைஞர்களின் பூங்காவனத் திருவிழா 14/09/2018 வெள்ளிக்கிழமை அன்று காலை10.00 மணிக்கு விசேட அபிஷேக தீபாராதனையும் அதனை தொடர்ந்து அன்னதான நிகழ்வும்.மாலை 6.30 மணிக்கு அறநெறி மாணவர்களின் பஜனை நிகழ்வும் அதனை தொடர்ந்து களபூமி கலையக மாணவர்களின் கலை நிகழ்வும் சங்கீத ஆசிரியரின் பண்ணிசை நிகழ்வும் கலைஞான சுடர் தர்மலிங்கம் ஐயாவின் பக்தி பாடல்களும் மற்றும் மாணவர்களுக்கான பரிசில்களும் வழங்கப்பட்டன. சிவகுமார் குழுவினர்கள் விசேட தவில் இசைக்கசேரியும் அதனை தொடர்ந்து வசந்த மண்டப பூஜையும் விநாயகப்பெருமான் அழகிய மின்சார தீபங்களினால் அலங்கரிக்கப்பட்ட பூந்தண்டிகையில் வீதியுலா வரும் காட்சியும் இடம்பெற்றன.

காரைநகர் களபூமி தன்னை சித்தி விநாயகர் ஆலயத்தில் 13/09/2018 வியாழக்கிழமை அன்று நடைபெற்ற ஆவணி விநாயகர் சதுர்த்தி உற்சவத்தில் காலை7.00 மணிக்கு பொங்கல் நிகழ்வினை தொடர்ந்து அபிஷேக ஆராதனைகளும் விநாயகப்பெருமானுக்கு பிடித்த மோதகம் ,வடை மற்றும் பல இனிப்பு பண்டங்களினால் படையல் படைக்கப்பட்டு மாலை6.30 மணிக்கு அறநெறி மாணவர்களின் பஜனையினை தொடர்ந்து வசந்தமண்டப பூஜையும் தன்னை சித்தி விநாயகப்பெருமானின் அறநெறி மாணவர்களும் சக்தி மேம்பாட்டு கழக மாணவர்களும் இணைந்து வழங்கிய கலைநிகழ்வுகளும் மற்றும் மாணவர்களுக்கான பரிசில்களும் வழங்கப்பட்டு எம்பெருமான் வீதியை வரும் காட்சியும் இடம்பெற்றன.

வட மாகாண பண்பாட்டலுவல்கள் திணைக்களத்தின் அனுசரணையுடன் காரைநகர் பிரதேச செயலகமும்,கலாசாரப் பேரவையும் இணைந்து நடாத்தும் கலாசாரப் பெருவிழா 2018 காரைநகர் பிரதேச செயலக மாநாட்டு மண்டபத்தில் 10/09/2018 திங்கட்கிழமை அன்று மாலை 2:00 மணிக்கு மடத்துக்கரை முத்துமாரி அம்மன் ஆலயத்தில் இருந்து விருந்தினர்கள் அழைத்து வரப்பட்டு மங்கள விளக்கேற்றல் நிகழ்வினை தொடர்ந்து நிகழ்வுகள் ஆரம்பமானது.இந்த நிகழ்வில் தலைவர் திருமதி. உஷா சுபலிங்கம் (பிரதேச செயலாளர், தலைவர் -கலாசார பேரவை பிரதேச செயலகம் காரைநகர்) பிரதம விருந்தினராக திருமதி .சுகுணரதி தெய்வேந்திரன் ( மேலதிக அரசாங்க அதிபர் மாவட்ட செயலகம் யாழ்ப்பாணம்) சிறப்பு விருந்தினர்கள் திரு.பரா. நந்தகுமார் (சுகாதார வைத்திய அதிகாரி ஊர்கவர்த்துறை மற்றும் காரைநகர்) திரு.மா.அருட்சந்திரன்( மாவட்ட கலாசார உத்தியோகத்தர் மாவடட செயலகம் யாழ்ப்பாணம்) ஆகியோரும் கலந்து சிறப்பித்தனர்.

இந்த நிகழ்வில் காரைநகர் பிரதேச மன்றங்களின் கலை நிகழ்வுகளும்,கலங்கரை-2018 மலர் வெளியீட்டு விழாவும், கலை ஞான சுடர் விருது வழங்கல் நிகழ்வும் ,பிரதேச கலை இலக்கியப்போட்டிகளில் வெற்றியீட்டிய மாணவர்களுக்கான சான்றிதழ்களும் வழங்கப்பட்டு நிகழ்வுகள் யாவும் இனிதே நிறைவு பெற்றன.

காரைநகர் சுகாதார வைத்திய அதிகாரி பணிமனைக்கான அடிக்கல் நாட்டும் நிகழ்வு காரைநகர் வேம்படியில் 02.09.2018 அன்று சுபநேரத்தில் இடம்பெற்றது. சுகாதார வைத்திய அதிகாரி பணிமனைக்கு 6.5 பரப்பு காணியை அன்பளிப்பு செய்த பரோபகாரி சுப்ரமணியம் கதிர்காமநாதன் அவர்களும் இந்நிகழ்வில் கலந்து கொண்டார். அவர்களுடன் யாழ் உயர் அதிகாரிகள் காரைநகர் சுகாதார வைத்திய அதிகாரி திரு. நந்தகுமார் மற்றும் ஊழியர்களும் கலந்துகொண்டனர்.

விக்னேஸ்வர அடியார்களே!
காரைநகர் என்னும் சிவபூமியில் கரப்பிட்டியந்தனை பகுதியில் கோவில் கொண்டு எழுந்த அருள் புரியும் ஸ்ரீ கற்பகவிக்னேஸ்வர பெருமானின் வருடாந்த அலங்கார உற்சவம் நிகழும் மங்களகரமான விளம்பி வருஷம் ஆவணி திங்கள் 17ம் நாள் 02/09/2018 ஞாயிற்றுக்கிழமை காலை 10.00 மணிக்கு ஆரம்பமாகி தொடர்ந்து 13 தினங்கள் உற்சவம் நடைபெற திருவருள் கைகூடியுள்ளது.இரவு 8.30 மணிக்கு வசந்த மண்டப பூஜையை தொடர்ந்து விசேட மங்கள வாத்தியங்களுடன் எம்பெருமான் மின்சார தீபங்களினால் அலங்கரிக்கப்பட்ட அழகிய சாத்துப்படி அலங்காரத்துடன் வீதியுலா வரும் காட்சியும் இடம்பெறும் எம்பெருமான் அடியார்கள் அனைவரும் ஆசாரசீலர்களாக வருகை தந்து எம் பெருமானின் இஷ்ரசித்திகளை பெற்றுஉய்யும் வண்ணம் அழைக்கின்றனர்.