Category: CKCA KARAI RROJECT

ஒருத்தி படம் திரையிடப்பட்டதன் ஊடாக திரட்டப்பட்ட நிதியின் மூலம்

காரைநகர் வைத்தியசாலைக்கு அவசிய மருந்துப் பொருட்களை

கனடா காரை கலாசார மன்றம் உதவியுள்ளது.

காரை மண் தந்த கலைஞர் P.S.சுதாகரனின் 2வது வரலாற்றுப் படைப்பான ஒருத்தி 2 என்ற திரைப்படம் சென்ற மாதம் திரையிடப்பட்டு அதன் ஊடாக ஒரு தொகைப் பணம் திரட்டப்பட்டிருந்தது. காரைநகர் பிரதேச வைத்தியசாலையில் சில முக்கியமான மருந்துகள் இல்லாது வறிய நோயாளர்கள் பல்வேறு கஸ்டங்களை எதிர்கொள்வதாக நோயாளர் நலன்புரிச் சங்கம் கனடா காரை கலாசார மன்றத்தின் கவனத்திற்கு கொண்டு வந்ததன் அடிப்படையில் திரைப்படக் காட்சி மூலம் திரட்டப்பட்ட நிதியிலிருந்து ஒரு தொகுதி மருந்துப் பொருட்களை இம் மன்றம் உதவியுள்ளது.

குறிப்பிட்ட அத்தியாவசிய மருந்துப் பொருட்கள் 13.06.2023 செவ்வாய்க்கிழமை பிரதேச வைத்தியசாலைக்குப் பொறுப்பான வைத்திய அதிகாரி Dr.செந்தூரன் அவர்களிடம் வைத்தியசாலையில் வைத்து கையளிக்கப்பட் டன.

கனடா-காரை கலாசார மன்றத்தின் உப தலைவர் இக்கையளிப்பு நிகழ்வில் கலந்து கொண்டு
உரையாற்றுகையில் இவ் வைத்தியசாலையின் அபிவிருத்திக்கு கனடா-காரை கலாசார மன்றம் பல சந்தர்ப்பங்களிலும் உதவி செய்து வந்துள்ளதாகவும் சிறப்பாக 2006 ஆம் ஆண்டு ஆண், பெண் நோயாளர்கள் விடுதிகளிற்குத் தேவையான கட்டில்கள் ,மெத்தைகள் மற்றும் சக்கர நாற்காலிகளை உதவியதுடன் இரு ஆண்டுகளிற்கு முன்னர் P.S.சுதாகரனின் ஒருத்தி 1 திரையிடப்பட்டதன் மூலம் திரட்டப்பட்ட நிதியிலிருந்து மருத்துவ உபகரணங்கள் வாங்கி உதவப்பட்டதாகத் தெரிவித்தார். தற்போது வழங்கப்பட்டது முதலாவது தொகுதி மருந்துகள் எனவும் அடுத்த தொகுதி மருந்துகள் தேவைப்படும்போது வழங்கி வைக்கப்படும் எனவும் தெரிவித்ததுடன் சிறந்தமுறையில் சேவையாற்றி வருகின்ற வைத்திய அதிகாரி Dr.செந்தூரனதும் ஏனைய மருத்துவர்கள்,அனைத்து வைத்தியசாலை அலுவலர்களதும் சேவையினையும், நோயாளர் நலன்புரிச் சங்கத்தினது சிறப்பான பணிகளையும் கனடா-காரை கலாசார மன்றத்தின் சார்பில் பாராட்டி நன்றியையும் தெரிவித்துக்கொண்டார்.

நோயாளர் நலன்புரிச் சங்கத்தின் தலைவர் திரு.நா.பாலகிருஷ்ணன் நன்றி தெரிவித்து உரையாற்றியதுடன் கலைஞர் P.S.சுதாகரனும் உரையாற்றியிருந்தார்.

இந்நிகழ்வில் நோயாளர் நலன்புரிச் சங்கத்தின் உறுப்பினர்கள், வைத்தியசாலை அலுவலர்கள் மற்றும் பிரித்தானிய காரை நலன்புரிச் சங்க நிர்வாகத்தைச் சேர்ந்த திரு,வி.நாகேந்திரம், திரு. K.K.நாதன் ஆகியோரும் கலந்துகொண்டனர்.

கனடா காரை கலாச்சார மன்றத்தின் நிதி அனுசரணையில் க.பொ.த (சா/த) பரீட்சையில் 5A மற்றும் அதற்குக் கூடிய புள்ளிகளைப் பெற்ற காரைநகர் பாடசாலைகளில் கல்வி கற்ற மாணவர்களுக்கான கொடுப்பனவாக ரூபா 5000 வீதம் விஜயதசமி நன்நாளில் வழங்கப்பட்டது.

கனடா காரை கலாச்சார மன்றத்தின் நிதி அனுசரணையுடன் காரைநகர் அபிவிருத்திச் சபையூடாக காரை வாழ் பல்கலைக்கழக மாணவர் ஒன்றியத்தினரால் நடாத்தப்பட்ட காரைநகர் பாடசாலைகளின் க.பொ.த (சா/த) வகுப்பு மாணவர்களுக்கு 27.12.2020 ஞாயிற்றுக்கிழமை அன்று கணித பாட முன்னோடி பரீட்சை ஒன்றும் 31.12.2020, 01.01.2021 ஆகிய திகதிகளில் பரீட்சை வினாத்தாள் தொடர்பான செயலமர்வுகளும் நடாத்தப்பட்டது.

செயற்திட்டத்திற்கு உதவிய காரைநகர் அபிவிருத்திச் சபையினருக்கும் மற்றும் கனடா காரை கலாச்சார மன்றத்திற்கும் காரை வாழ் பல்கலைக்கழக மாணவர் ஒன்றியத்தினரால் நன்றி தெரிவித்த கடிதத்தை கீழே பார்வையிடலாம்.

கனடா காரை கலாச்சார மன்றம் “ஒருத்தி” திரைப்படம் மூலம் கிடைக்கப் பெற்ற நிதியைக் கொண்டு காரைநகர் பிரதேச வைத்தியசாலையின் சில தேவைகள் நிறைவேற்றப்பட்டது.

கனடா காரை கலாச்சார மன்றம் “ஒருத்தி” திரைப்படம் மூலம் காரைநகர் பிரதேச வைத்தியசாலைக்கு உதவி செய்வதன் பொருட்டு ஏறத்தாழ $ 2000 சேகரித்திருந்தது. இதன் மூலம் காரைநகர் பிரதேச வைத்தியசாலைக்குத் தேவையான உபகரணங்களும் மகப்பேற்றுத் தாய்மார்களை கிளினிக்கில் பார்வையிட வசதியாக ஒரு பகுதியினைப் புனரமைத்து மின்சார வசதிகள்,வர்ணப்பூச்சு வேலைகள்,கூரைகள் என்பனவற்றை எமது மன்றம் காரை அபிவிருத்திச் சபையூடாக நிறைவேற்றியிருந்தது. இதற்கு காரைநகர் இளையோர் அமைப்பு சிரமதானம் மூலம் அதனை நிறைவேற்றியிருந்தார்கள். மகப்பேற்று வைத்திய நிபுணர் திரு.N.சரவணபவன் தற்போது வாரந்தோறும்  காரைநகர் பிரதேச வைத்தியசாலைக்கு வருகைதந்து கர்ப்பிணிகளை பார்வையிடுகின்றார். இதற்கான Ultrasound Scan இயந்திரத்தை திரு.சுப்பிரமணியம் கதிர்காமநாதன் அன்பளிப்பு செய்துள்ளார். இவற்றை ஜூலை மாதம் 2ம் திகதி யாழ் போதனா வைத்தியசாலை  பணிப்பாளர் Dr.சத்தியமூர்த்தி சம்பிரதாயபூர்வமாகத் திறந்துவைத்தார்.

இதனை நிறைவேற்றுதற்கு உதவி செய்த கனடா வாழ் காரைநகர் மக்களுக்கும்  “ஒருத்தி” திரைப்பட இயக்குனர் P.S.சுதாகரன் அவர்களுக்கும் கனடா காரை கலாச்சார மன்றம் நன்றிகளைத் தெரிவித்துக்கொள்கின்றது.

COVID 19 மனிதாபிமான உதவி

கனடா காரை கலாச்சார மன்றம் கனடா வாழ் காரைநகர் மக்களிடம் இருந்து பெற்றுக்கொண்ட பணத்தில் முதல் கட்டமாக $5000.00 (ரூபா 655,000.00) காரை அபிவிருத்திச் சபைக்கு அனுப்பி வைத்துள்ளது. காரைநகரில் வறுமைக்கோட்டிற்கு கீழேயுள்ள வாழ்வாதாரம் பாதிக்கப்பட்ட மக்களின் தேவைக்கேற்ப

ஒருவர் உள்ள குடும்பத்திற்கு ரூபா 400.00

இருவர் உள்ள குடும்பத்திற்கு ரூபா 750.00

மூவர்களுக்கு மேற்பட்டு உள்ள குடும்பத்திற்கு ரூபா 1000.00

என்ற அடிப்படையில் தங்களுக்கு தேவையான அத்தியாவசிய பொருட்களை காரைநகர் பலநோக்குக் கூட்டுறவுச் சங்கத்தில் காரை அபிவிருத்திச் சபையினால் வழங்கப்பட்ட விசேட பற்றுச்சீட்டு மூலம் வாங்குவதற்கான ஒழுங்குகள் காரை அபிவிருத்திச் சபையினால் மேற்கொள்ளப்பட்டுள்ளது.

மேலும் இவ் வாரம் காரைநகர் வைத்தியசாலைக்கு தேவையான சில மருந்துகளை மருத்துவ அதிகாரியின் வேண்டுகோளுக்கிணங்க கனடா காரை கலாச்சார மன்றத்தினால் வழங்கப்பட்டுள்ளது.

காரைநகர் மக்களுக்கு மட்டுமல்லாது வன்னி பிரதேச மக்களுக்கு COVID 19 யினால் வாழ்வாதாரம் குறைந்த குடும்பத்தினர் தமது அன்றாட வாழ்க்கையை நகர்த்துவதற்கு பல உதவிகள் செய்துவரும் திரு.கதிர்காமநாதன் அவர்களை வாழ்த்துவதோடு அவர் பணி சிறக்கவும் நீடுழி வாழ்க என்றும் வாழ்த்துகின்றது.அதேபோல் வலந்தலை இளையோர் அமைப்பு,கலாநிதி விளையாட்டுக் கழகம் மற்றும் ஊர் அமைப்புகள்,தொண்டர்கள் ஆகியோருக்கு வாழ்த்துக்களை தெரிவித்துக்கொண்டு கனடா காரை கலாச்சார மன்றம் நன்றியைத் தெரிவித்துக்கொள்கின்றது. அத்துடன் கனடா காரை கலாச்சார மன்றத்தினால் மேற்கொள்ளப்படும் திட்டத்திற்கு சகல உதவிகளை செய்து வரும் காரை அபிவிருத்திச் சபை அதன் தலைவர் நாட்டில் இல்லாத போதும் அவரின் நெறியாள்கையில் தன்னலமற்ற சேவை செய்யும் நிர்வாக சபை உறுப்பினர்களையும் கனடா காரை கலாச்சார மன்றம் பாராட்டுகின்றது.அத்துடன் நன்றியைத் தெரிவித்துக்கொள்கின்றது.

தொடர்ந்தும் கனடா காரை கலாச்சார மன்றம் காரைநகர் மக்களுக்கான உதவிகளை செய்யும் என தெரிவித்துக்கொள்கின்றோம்.

                                                                               நன்றி

   நிர்வாகம்
கனடா காரை கலாச்சார மன்றம்

மனிதாபிமான நிதியுதவி கோரல்

கொரோனா வைரஸ் பரவுவதால் ஏற்பட்டுள்ள பாதிப்பை தொடர்ந்து வறுமைக் கோட்டிற்கு கீழ்பட்ட காரைநகர் மக்கள் பலர் வாழ்வாதாரம் பாதிக்கப்பட்ட நிலையில் உள்ளனர். அவர்களுக்கு உதவி செய்யுமாறு காரை அபிவிருத்திச் சபையினரால் வேண்டுகோள் விடுக்கப்பட்டது.

இத்தகைய நெருக்கடியான சூழ்நிலையில் காரைநகரில் வறுமைக்கோட்டிற்கு கீழேயுள்ள வாழ்வாதாரம் பாதிக்கப்பட்ட மக்களுக்கு உதவி வழங்க கனடா காரை கலாச்சார மன்றம் முடிவு செய்துள்ளது. இவ் உதவிகள் காரை அபிவிருத்திச் சபையால் நடைமுறைப்படுத்தப்படும்.

நிதி உதவி வழங்க விரும்பும் கருணை உள்ளங்கள் karainagar@gmail.com மன்ற மின்னஞ்சலுக்கு Interac e-Transfer செய்யலாம் அல்லது பின்வரும் மன்ற RBC வங்கி கணக்கில் வைப்பிலிட்டு பற்றுச்சீட்டை பொருளாளரின் தொலைபேசி இல. 647 339 5481 க்கு குறுஞ்செய்தியில் அனுப்பி வைக்குமாறு கேட்டுக்கொள்கிறோம்.

வங்கி – Royal Bank of Canada

கிளை இலக்கம் – 00022

கணக்கு எண் – 1000470

மேலதிக விபரங்களுக்கு பின்வரும் தொலைபேசி இலக்கங்களுடன் தொடர்பு கொள்ளவும்.

பொருளாளர்- 647 339 5481

உப தலைவர் – 647 818 7443

செயலாளர் – 416 418 7497

மின்னஞ்சல்: karainagar@gmail.com

நன்றி

                     நிர்வாகம்
கனடா- காரை கலாச்சார மன்றம்

கனடா-காரை கலாசார மன்றத்தின் நிதிப் பங்களிப்புடன்

சுந்தரமூர்த்தி நாயனார் வித்தியாலயத்தில் திறன் வகுப்பறை

(Smart Classroom) 31.01.2020 வெள்ளிக்கிழமை திறந்துவைக்கப்பட்டுள்ளது.

சென்ற ஆண்டு இறுதியில் கனடா-காரை கலாசார மன்றத்தின் தலைவர் திரு.சி.சிவராமலிங்கம் காரைநகருக்கான பயணத்தினை மேற்கொண்டிருந்தார். இதன்போது சில பாடசாலைகளின் முக்கியமான தேவைகளை இனம்கண்டுகொண்டதன் அடிப்படையில் சுந்தரமூர்த்தி நாயனார் வித்தியாலயத்திற்கு திறன் வகுப்பறை(Smart Classroom) ஒன்றினை அமைத்துக் கொடுப்பதென மன்றத்தினால் தீர்மானிக்கப்பட்டு இதற்கான உதவி காரை அபிவிருத்திச் சபையின் ஊடாக வழங்கப்பட்டிருந்தது.

தற்போது இத்திறன் வகுப்பறையின் அனைத்து நிர்மாணப் பணிகளும் காரை அபிவிருத்திச்சபையினால் முன்னெடுக்கப்பட்டு பூர்த்திசெய்யப்பட்டு பாவனைக்காக சென்ற 31.01.2020 வெள்ளிக்கிழமை திறந்துவைக்கப்பட்டுள்ளது. வித்தியாலயத்தின் அதிபர் திரு.சாந்தகுமார் தலைமையில் நடைபெற்ற திறப்பு விழா வைபவத்தில் காரை அபிவிருத்திச் சபையின் தலைவர் திரு.இராமநாதன் சிவசுப்பிரமணியம் பிரதம விருந்தினராகவும், தீவக வலயத்தின் பிரதிக் கல்விப் பணிப்பாளர் (கல்வி அபிவிருத்தி) திரு.ஆ.யோகலிங்கம் சிறப்பு விருந்தினராகவும், காரை அபிவிருத்திச் சபையின் நிர்வாக உறுப்பினர்கள் கௌரவ விருந்தினர்களாகவும் கலந்து கொண்டு சிறப்பித்தனர். திரு.இ.சிவசுப்பிரமணியம் அவர்கள் நாடாவினை வெட்டி சம்பிரதாயபூர்வமாக திறன் வகுப்பறை திறந்து வைக்கப்பட்டதைத் தொடர்ந்து விழாத் தலைவரும்(அதிபர்) விருந்தினர்களும் உரையாற்றினர். பாடசாலை ஆசிரியர்கள், மாணவர்கள் ஆகியோருடன், பழைய மாணவர்கள், அபிவிருத்திச் சபை உறுப்பினர்கள், நலன் விரும்பிகள் என பலரும் இந்நிகழ்வில் கலந்துகொண்டிரந்தனர். வித்தியாலயத்தின் முக்கியமான தேவைகளில் ஒன்றான திறன் வகுப்பறையின் அவசியத்தை உணர்ந்துகொண்டு அதனை அமைப்பதற்கான நிதியினை உதவிய கனடா-காரை கலாசார மன்றத்திற்கும், அமைப்புப் பணிகளை குறுகிய காலத்தில் நிறைவேற்றித் தந்த காரை அபிவிருத்திச் சபைக்கும் பாடசாலைச் சமூகத்தின் சார்பில் அதிபர் நன்றியைத் தெரிவித்துக்கொண்டார். வித்தியாலயத்தின் பரிணாம வளர்ச்சியின் மற்றொரு படிக்கல்லாக இத்திறன் வகுப்பறையின் உருவாக்கம் அமைந்திருப்பதுடன் மாணவர்களதும் ஆசிரியர்களதும் கற்றல் கற்பித்தல் செயற்பாடுகளை இலகுவாகவும் நேரமுகாமைத்துவத்தற்கு ஏற்பவும் சிறப்பான முறையில் முன்னெடுக்கமுடியும் எனவும் கருதப்படுகிறது. வைபவத்தின் இறுதியில் இத்திறன் வகுப்பறையின் மாதரிச் செயற்பாடும் ஆசிரியர்களினால் செய்து காண்பிக்கப்பட்டது.