அவுஸ்ரேலியா சிட்னி நகரில் காரைநகர் மகான் சிவத்திரு.ச.அருணாசலம் அவர்களின் நூல் அறிமுக விழா
அன்புடையீர்,
உங்கள் அனைவரையும் காரை சிவத்திரு ச. அருணாசலம் அவர்கள் பற்றிய நூல் அறிமுக விழாவில் கலந்து சிறப்பிக்குமாறு அன்புடன் வேண்டுகின்றோம்.
இடம்: Reg Byrne Community Center, Cnr Fyall Avenue & Darcy Road, Wentworthville, NSW.
காலம்: Sunday 6th March, from 6pm to 7:30pm
மேலதிக விபரங்களிற்கு இத்துடன் இணைக்கப்பட்டுள்ள பத்திரத்தைப் பார்க்கவும்.
அன்புடன்
செயற்குழு
அவுஸ்திரேலியா காரை கலாச்சார சங்கம்
கல்வி என்னும் கருவி மூலம் சைவப்பயிர் வளர்த்த ஈழத்துக் கல்வியாளர் காரைநகர் மகான் சிவத்திரு.ச.அருணாசலம் (1864-1920) அவர்களின் சரிதம் அடங்கிய "சைவ ஆசிரியர்களைத் தோற்றுவித்த திரு.ச.அருணாசலம்" என்ற நூல் அறிமுகவிழா 06.03.2016 ஞாயிற்றுக்கிழமை மாலை 6:00 மணிக்கு அவுஸ்ரேலியாவின் சிட்னி நகரத்தில் நடைபெற உள்ளது.
இவ்விழாவினை அவுஸ்ரேலியா காரை கலாச்சாரச் சங்கம், கனடா சைவசித்;தாந்த மன்றத் தலைவர் சிவநெறிச்செல்வர் திரு.தி.விசுவலிங்கம் அவர்களுடன் இணைந்து ஏற்பாடு செய்துள்ளது.
இவ்விழாவில் வரவேற்புரையை திரு.வனதேவா அவர்களும் அறிமுகவுரையை சிவநெறிச் செல்வர் திரு. தி.விசுவலிங்கம் அவர்களும் ஆய்வுரைகளை திரு.கணேசன் செல்வராஜா, சித்தாந்தரத்தினம் திரு.தம்பிப்பிள்ளை நந்திவர்மன், திரு.பஞ்;சாட்சரம் ஆகியோரும் இலங்கையில் சைவத்தமிழர்களின் வரலாறு பற்றிய சிறப்புரையை கலாநிதி முருகர் குணசிங்கம் அவர்களும் நிகழ்த்த உள்ளனர்.
விழாபற்றி அவுஸ்ரேலியா காரை கலாச்சார சங்கம் வெளியிட்டுள்ள செய்திக்குறிப்பில் பின்வருமாறு தெரிவிக்கப்பட்டுள்ளது.
ஈழத்திருநாட்டிலே கல்வி வளர்ச்சிக்கு வித்திட்டும் ஆங்கிலேயரின் ஆதிக்கத்தில் சைவ உணர்வாளர்களை இணைத்துச் சைவச் சூழல்சார் கல்வியின் முக்கியத்துவத்தை எடுத்துரைத்த மகான் சிவத்திரு.ச.அருணாசலம் அவர்களின் நினைவாகவும்,
நமது கலாச்சாரம் வேற்றுமதத்தவரால் சிதையுண்டபோது அதை சிதையவிடாது போராடிய ஓர் உத்தமரின் நினைவாகவும்,
நாடு கடந்து நிற்கும் நாம், நமது கலை, கலாச்சாரம் எவ்வாறு நாம் வாழும் நாட்டில் காப்பாற்றப்படவேண்டும் என்பதை சிந்திக்கும் முகமாகவும்,
வேற்று நாட்டவர் நம்மை ஆண்ட காலத்தில் நமது மதம், மொழி, கலை, கலாச்சாரத்திற்கு ஏற்பட்ட தாக்கத்தை ஓரு மீள்பார்வை செய்வதற்காகவும்;, இந்நூல் அறிமுக விழா அவுஸ்ரேலியாவில் நடைபெற உள்ளது.
கலை, கலாச்சார சமய ஆர்வலர்கள், வேற்று நாட்டவரின் ஆட்சியில் நமது மொழி, சமயம், கலாச்சாரத்தின் தாக்கத்தை உணர்ந்தவர்கள், தமிழ் அபிமானிகள் அனைவரையும் இந்நூல் அறிமுக விழாவில் கலந்து சிறப்பிக்குமாறு பணிவன்புடன் வேண்டுகின்றோம்.
பணிவன்புடன்,
நிர்வாகக் குழு
அவுஸ்ரேலியா காரை கலாச்சாரச் சங்கம்
விழாபற்றிய முழுமையான அறிவித்தலைக் கீழே காணலாம்.
