கண் திறப்பாயோ முதலியாரே !!!

பிறப்பு: 29.09.1945                    இறப்பு: 28.01.2016

பனி படரும்  மலைகளின் ஊடே

கனி காய்க்கும் மரங்களின் கீழே

இனி எங்கு காண்போம் எம்மதிப்பு

தனிப்புலி சிங்கத்தாரே முதலியாரே

நல்லதோ கெட்டதோ அற்றதோ உள்ளதோ

வல்லதோ ஓடிந்ததோ சொல்லதோ சொல்லாததோ

மெல்லதோ விரைவதோ கூறுவதோ கூறாததோ

கல்லதோ கல்லாததோ கூறினாய் கேட்டோம்

கேட்டோம் செய்தி உற்றோம் துயர்

மாட்டோம் நேரில்வர வரம்

கேட்டோம் தில்லைச்சிவனிடம் வர

மாட்டோம் உன்னிடம் நாம்

மீசைக்கார ஜயா நின்

ஒசையை எங்கு கேட்போம்

பாசமுடன் குடும்பத்துயர் கேட்டோம்

நேசமுடன் பிராத்திக்கின்றோம்.

அன்னாரின் பிரிவால் துயருற்றிருக்கும் குடும்பத்தினருக்கும், உறவினர்கள், 

நண்பர்கள் அனைவருக்கும் தில்லைக்கூத்தனின் திருப்பாதம் பணிந்து எமது ஆழந்த துயர் 

செய்தியை பகிர்ந்து கொள்கின்றோம்.

இங்ஙனம்.

சுவிஸ் காரை அபிவிருத்திச்சபை

                     செயற்குழு உறுப்பினர்கள்

                              சுவிஸ் வாழ் காரை மக்கள்.

31.01.2016

சுவிஸ் காரை அபிவிருத்திச் சபையினால் நடாத்தப்பட்ட கட்டுரைப் போட்டி- 2015- நன்றிக்குரியோர்.

                       எந்நன்றி கொன்றார்க்கும் உய்வுண்டாம் உய்வில்லை 
                                          செய்ந்நன்றி கொன்ற மகற்கு – குறள் 

கடந்த 26–9-2015 அன்று காரை அபிவிருத்தி மற்றும் கல்வி வரலாற்றில் முக்கியமான நாள்களிலொன்றாகப் பதியப்பெறும். ஏறத்தாள நூறு மாணவர்கள் காரைநகரிலும் சூரிக் நகரிலும் ஏககாலத்தில் கட்டுரைப் போட்டியில் கலந்துகொண்டார்கள். இம்முறை மூன்று பிரிவுகளாகப் போட்டி இடம்பெற்றதும் போட்டிக்கான தலைப்புக்கள் மண்டபத்திலேயே மாணாக்கருக்கு வழங்கப்பட்டன என்பதும் குறிப்பிடத்தக்க விடயங்கள். எதிர்காலத்தில் இலண்டன், பாரிஸ், ஒஸ்லோ, ரொரன்ரோ, சிட்னி ஆகிய நகரங்களிலும் உள்ள காரை மாணவச் செல்வங்களை சிறியளவிலேனும் இணைத்து இப்போட்டியை நடாத்துவதற்கு அவ்வந்நாட்டு காரையூர்ச் சங்க நிர்வாகிகளைத் தாழ்மையுடனும் உறவின்பாற்பட்ட உரிமையுடனும் கேட்டுக்கொள்கிறோம். 

எமது சபை மாணாக்கரின் தொழில்சார் நிபுணத்துவம், மொழித்திறன், கலை, கல்வி, விளையாட்டுத்துறை போன்ற விடயங்களை மேம்படுத்தும் முகமாகக் கலை, கல்வி, மற்றும் மொழி மேம்பாட்டுக் குழு ஒன்றினை உருவாக்கி ஊக்கமளித்து வருகின்றது. இக் குழு இரண்டாவது வருடமாக உலகில் பரந்துவாழும் காரைநகர் மாணக்கருக்கான கட்டுரைப் போட்டியை காரைநகர் காலநிதி ஆ.தியாகராசா ம.ம.வித்தியாலய சயம்பு ஞாபகார்த்த மண்டபத்திலும், சுவிஸ் சரஸ்வதி வித்தியாலயத்திலும் வெகுசிறப்பாக நடாத்தி முடித்துள்ளது. 

கலை, கல்வி, மற்றும் மொழி மேம்பாட்டுக் குழுவின் உறுபினர்களாகிய ஒய்வுநிலை அதிபர் பண்டிதர். மு.சு வேலாயுதபிள்ளை அவர்களுக்கும், ஒய்வுநிலை ஆசிரியர் கலாபூஷ்ணம் யோகலட்சுமி சோமசுந்தரம் அவர்களுக்கும், சுவிஸ் சரஸ்வதி வித்தியாலயத்தில் இருந்து மேற்பார்வையாளராக கடமையாற்றிய திருமதி தாரணி சிவசண்முகநாதசர்மா அவர்களுக்கும், போட்டி ஓருங்கிணைப்பாளராக யேர்மனியில் இருந்து செயற்பட்ட கலாநிதி கென்னடி விஜயரத்தினம் அவர்களுக்கும், வவுனியா சித்தி விநாயகர் வித்தியாலய பிரதி அதிபர் திரு.அருணாசலம் வரதராஜன் அவர்களுக்கும். கட்டுரைப் போட்டியின் தலைமை மேற்பார்வையாளார்களாக காரைநகர் அபிவிருத்திச் சபைத் தலைவர், ஒய்வு நிலை வடமாகாண கல்விப் பணிப்பாளர் திரு.ப.விக்கினேஸ்வரன் அவர்களுக்கும், யாழ்பல்கலைக்கழ சிரேஷ்ட விரிவுரையாளர் திருமதி வீரமங்கை யோகரட்ணம் அவர்களுக்கும், காரைநகர் கலாநிதி ஆ.தியாகராசா ம.ம.வித்தியாலய அதிபர் திருமதி வாசுகி தவபாலன் அவர்களுக்கும், யாழ்ற்றன் கல்லூரி அதிபர் திரு.வே. முருகமூர்த்தி அவர்களுக்கும், சுந்தரமூர்த்திநாயனார் வித்தியாலய பிரதிஅதிபர் திருமதி கமலாம்பிகை லிங்கேஸ்வரன் அவர்களுக்கும், காரைநகர் கலாநிதி ஆ.தியாகராசா ம.ம.வித்தியாலய  ஆசிரியர் திரு.  ச. லிங்கேஸ்வரன் அவர்களுக்கும், மானிப்பாய் இந்து மகளிர் கல்லூரி ஆசிரியர் விஜயரத்தினம் பிரேமதாஸ் குமாரஸ்ரீ அவர்களுக்கும், வவுனியா சித்தி விநாயகர் வித்தியாலய ஆசிரியர் திருமதி பராசக்தி வரதராஜன் அவர்களுக்கும், யாழ்ற்றன் கல்லூரி ஆசிரியர் திரு.கிருஷ்ணபவான் அவர்களுக்கும், செல்வி. றேனுகா செல்வராஜா அவர்களுக்கும், தொடர்பாடல் இணைப்பாளரான யாழ்ற்றன் கல்லூரி ஆசிரியர்  திரு. சிவகுருநாதன் பிரபாகரன் ஆகியோருக்கும் எமது சபையினர் உளமார்ந்த நன்றிகளைத் தெரிவித்துக் கொள்கிறார்கள். 

இக்கட்டுரைப் போட்டியைச் சிறப்பாக நடாத்துவதற்கு காரைநகர் காலநிதி ஆ.தியாகராசா ம.ம.வித்தியாலய சயம்பு ஞாபகார்த்த மண்டபத்தை தந்துதவிய அதிபர், ஆசிரியர்கள், பாடசாலை சமூகத்தினருக்கும், மாணக்கர் எழுதுவதற்கான தாள்களையும், அனுமதி அட்டையையும் உருவாக்கி தந்த வவுனியா வாணி அச்சகத்தாருக்கும், மாணக்கரை ஊக்கமளித்து போட்டியில் பங்குபற்றச் செய்த அதிபர்கள், ஆசிரியர்கள், பெற்றோர்கள், நலன் விரும்பிகள், இன்னும் பல வழிகளில் பிரதி பலன் எதிர்பாராது உதவிகள் செய்த அனைவருக்கும் கோடானு கோடி நன்றிகள் உரித்தாகுக.

                                                                              சுவிஸ் காரை அபிவிருத்திச்சபை
                                                                                           செயற்குழு உறுப்பினர்கள், 
                                                                                            சுவிஸ் வாழ் காரை மக்கள். 
                                                                                                     14. 10. 2015

சுவிஸ் காரை அபிவிருத்திச் சபையினால் நடாத்தப்பட்ட கட்டுரைப் போட்டி- 2015

                    யாதானும் நாடாமால் ஊராமால் என்னொருவன்
                             சாந்துணையுங் கல்லாத வாறு
                                                                                   திருக்குறள்- அதிகாரம் – கல்வி

எமது  கிராமத்தின்  எதிர்கால அறிஞர்களை உருவாக்கும் நோக்குடனும் புலத்திலும் தாயகத்திலும் கல்வி பயிலும் மாணவ,மாணவிகளை ஒன்றிணைக்கும் வண்ணமும்  காரைநகரைப் பிறப்பிடமாகவோ, பூர்விகமாகவோ கொண்ட மாணவர்களுக்கான கட்டுரைப்போட்டி  (26.09.2015) பிற்பகல் 3.00மணி யிலிருந்து பிற்பகல்பகல் 5.00மணி வரை காரைநகர் காலநிதி ஆ.தியாகராசா ம.ம.வித்தியாலய சயம்பு ஞாபகார்த்த மண்டபத்தில் வெகுசிறப்பாக நடைபெற்றது.

சுவிஸ் காரை அபிவிருத்திச் சபையின்  கன்னி முயற்சியாக கட்டுரைப் போட்டி  –2014 இலத்திரனியல் மூலமாக நடாத்தப்பட்டது. இதில் காரைநகர் கலாநிதி ஆ.தியாகராசா ம.ம.வித்தியாலய மாணாக்கர் எண்மரும், கொழும்பு இந்துக்கல்லூரி மாணவரொருவரும் பங்குபற்றியிருந்தனர். அவர்கள் மணிவாசகர் விழாவில் விருதுகளும், பரிசில்களும் வழங்கி கௌரவிக்கப் பட்டமை யாவரும் அறிந்ததே!

இம்முறை போட்டியாளர்களின் பங்குபற்றலை அதிகரிக்கவும், பரிசில்களை அதிகரித்து  அதிகளவு மாணாக்கரை ஊக்குவிக்கவும் எமது சபை தீர்மானித்தது. அதற்கமைய கட்டுரைப் போட்டி  இயற்திறன் முறையில் பின்வரும் மூன்று பிரிவுகளில் நாடாத்தப்பட்டன

(அ) கீழ்ப்பிரிவு 7ஆம், 8ஆம், 9ஆம் கல்வியாண்டு மாணவர்கள்.

(ஆ) மத்தியபிரிவு 10ஆம்,11ஆம்,  கல்வியாண்டு மாணவர்கள.

(இ) மேற்பிரிவு 12ஆம்,13ஆம் பாடாலையில் கல்வி பயிலும் மாணவர்களும், இவ்வாண்டு    பல்கலைக்கழகத்திற்கு தெரிவாகி கல்விபயிலும் மாணவர்கள்

கட்டுரைப்போட்டி- 2015 எமது சபையினால் உருவாக்கப்பட்டுள்ள  கலை, கல்வி, மற்றும் மொழி மேம்பாட்டுக் குழுவின் உறுபினர்களாகிய ஒய்வுநிலை அதிபர் பண்டிதர். மு.சு வேலாயுதபிள்ளை, ஒய்வுநிலை ஆசிரியர் கலாபூஷ்ணம் யோகலட்சுமி சோமசுந்தரம், சுவிஸ் சரஸ்வதி வித்தியாலய அதிபர் திருமதி தாரணி சிவசண்முகநாதசர்மா, கலாநிதி கென்னடி விஜயரத்தினம் (எதியோப்பியா), வவுனியா, சித்தி விநாயகர் வித்தியாலய பிரதி அதிபர் திரு.அருணாசலம் வரதராஜன். ஆகியோரின் முயற்சியினாலும், காரைநகர் அபிவிருத்தித் தலைவர், ஒய்வு நிலை வடமாகாண கல்விப் பணிப்பாளர் திரு.ப.விக்கினேஸ்வரன் அவர்களின் அளப்பரிய முயற்சியினாலும்,   யாழ்பல்கலைக்கழ சிரேஷ்ட விரிவுரையாளர் திருமதி வீரமங்கை யோகரட்ணம் காரைநகர் கலாநிதி ஆ.தியாகராசா ம.ம.வித்தியாலய அதிபர் திருமதி வாசுகி தவபாலன், யாழ்ற்றன் கல்லூரி அதிபர் திரு.வே. முருகமூர்த்தி, சுந்தரமூர்த்திநாயனார் வித்தியாலய பிரதிஅதிபர் திருமதி கமலாம்பிகை லிங்கேஸ்வரன்  ஆகியோர்களது ஓத்துழைப்புடனும், பரீட்சைக்கான வேலைத்திட்டங்கள் வெகுசிறப்பாக ஒழுங்கமைக்கப்பட்டன.

யா/கலாநதி ஆ.தியாகராசா ம.ம.வித்தியாலயம்,  யா/காரைநகர் யாழ்ற்றன் கல்லூரி, யா/சுந்தரமூர்த்திநாயனார் வித்தியாலயம், யாழ்ப்பாணம் இந்துக்கல்லாரி, யா/வேம்படிமகளீர் கல்லூரி, கொழும்பு இந்துக்கல்லூரி ஆகிய பாடசாலைகளிலிருந்து காரைநகரைப் பூர்விகமாகக் கொண்ட மாணாக்கர் போட்டியிலன்று 14.30மணிக்கு தத்தமது பாடசாலைச் சீருடையில்  மண்டபத்திற்கு சமூகமளித்திருந்தனர். ஏக கால நேரத்தில் சூரிச் சரஸ்வதி வித்தியாலய மாணவிகள் இருவர் பரீட்சைக்குத் தயாராகியிருந்தனர்.

கட்டுரைப் போட்டியின் தலைமை மேற்பார்வையாளாராக காரைநகர் அபிவிருத்திச் சபைத் தலைவர், ஒய்வு நிலை வடமாகாண கல்விப் பணிப்பாளர் திரு.ப.விக்கினேஸ்வரன் அவர்களும், கட்டுரைப் போட்டியின் ஒருங்கிணைப்பாளராகக் கலாநிதி. கென்னடி விஜயரத்தினம் அவர்களும் கணணித் தொழில்நுட்ப இணைப்பாளராகத் திரு. சிவகுருநாதன் பிரபாகரன் அவர்களும், மேற்பார்வையாளார்களாகப் பின்வருவோரும் சிறப்புறச் சேவையாற்றினார்கள்.
1.    ஒய்வுநிலை அதிபர் பண்டிதர். மு.சு வேலாயுதபிள்ளை அவர்கள்
2.    ஒய்வுநிலை ஆசிரியர் கலாபூஷ்ணம் யோகலட்சுமி சோமசுந்தரம்  அவர்கள்
3.    யாழ்ற்றன் கல்லூரி அதிபர் திரு.வே. முருகமூர்த்தி அவர்கள்
4.    கலாநிதி ஆ.தியாகராசா ம.ம.வித்தியாலய அதிபர் திருமதி வாசுகி தவபாலன் அவர்கள்  
5.    சுந்தரமூர்த்திநாயனார் வித்தியாலயப் பிரதி அதிபர் திருமதி கமலாம்பிகை லிங்கேஸ்வரன் அவர்கள்
6.    வவுனியா சித்தி விநாயகர் வித்தியாலயப் பிரதி அதிபர் திரு.அருணாசலம் வரதராஜன் அவர்கள்
7.    வவுனியா சித்தி விநாயகர் வித்தியாலய ஆசிரியர் திருமதி பராசக்தி வரதராஜன் அவர்கள்
8.     யாழ்ற்றன் கல்லூரி ஆசிரியர் திரு.ந.கிருஷ்ணபவான் அவர்கள்    
9.    மானிப்பாய் இந்து மகளிர் கல்லூரி ஆசிரியர் விஜயரத்தினம் பிரேமதாஸ் குமாரஸ்ரீ அவர்கள்
10.    கலாநிதி ஆ.தியாகராசா ம.ம.வித்தியாலய ஆசிரியர் திரு.ச.லிங்கேஸ்வரன் அவர்கள்
11.    செல்வி றேனுகா செல்வராஜா அவர்கள்  
12.    சுவிற்சர்லாந்தில் சரஸ்வதி வித்தியாலய அதிபர் திருமதி தாரணி சிவசண்முகநாதசர்மா அவர்கள்

கலாநிதி ஆ.தியாகராசா ம.ம.வித்தியாலய சயம்பு மண்டபம் காரைநகர் அபிவிருத்திச் சபைத் தலைவர்,  அதிபர்கள், ஆசிரியர்கள், பெற்றோர்கள், நலன்விரும்பிகள் மாணக்கர் என நூற்றுக் கணக்கானோரால் நிறைந்திருந்தது. முதல் நிகழ்ச்சியாகக் தேவாரம். அடுத்ததாகச் சுவிஸ் காரை அபிவிருத்திச் சபையின் மன்ற கீதம் இசைக்கப்பட்டது. பின்னர் நீத்தாருக்கான அகவணக்கம் செலுத்தப்பட்டது. மாணவர்கள் தங்களது அனுமதி அட்டையைப் பூர்த்தி செய்தபின் போட்டி பிற்பகல் 3.00மணிக்கு ஆரம்பமாகி 5.00மணிக்கு நிறைவுபெற்றது. எல்லோரும் குளிர்பானம் அருந்தியபின் நிகழ்ச்சி இனிதே நிறைவடைந்தது.

சுவிஸ் காரை அபிவிருத்திச் சபையினர் அகத்திலும், புலத்திலும் உள்ள மாணாக்கரை ஒன்றிணைத்து இக் கட்டுரைப்போட்டியை நடாத்தியமை காரைநகரின் நீண்ட நெடிய கல்வி வரலாற்றில் ஒரு பொன்னாள் என்பது மிகையில்லை.

நிகழ்வின் நிழற்படங்களை  கிழேகாணலாம்.
வினாக்கொத்தினையும் கிழேகாணலாம்

                                                                         நன்றி
                             "நன்றே செய்வோம். அதை இன்றே செய்வோம்"

                                                                                                     இங்ஙனம்,
                                                                              சுவிஸ் காரை அபிவிருத்திச்சபை
                                                                                  செயற்குழு உறுப்பினர்கள்,
                                                                                     சுவிஸ் வாழ் காரை மக்கள்.
                                                                                                      28.09.2015

                               சுவிஸ் காரை அபிவிருத்திச் சபை நடாத்தும்
                                             கட்டுரைப் போட்டி – 2015
                                                               26.09.2015

                                                            வினாக் கொத்து

                                                          அ.    கீழ்ப்பிரிவு

பின்வரும் தலைப்புக்களில் ஒன்றைத் தெரிவு செய்து தெளிவான கையெழுத்தில் இரண்டு அல்லது மூன்று பக்கங்களில் கட்டுரை வரைக.
 
1.    சமய குரவர் நால்வரில் ஒருவரைத் தேர்ந்தெடுத்து அவர் சைவ சமயத்திற்கு ஆற்றிய தொண்டைப் பற்றி கட்டுரை வரைக.

2.    "ஒன்று பட்டால் உண்டு வாழ்வு". இக்கூற்றை விளக்கிக் கட்டுரை வரைக.  

3.    இசைக் கலை அல்லது நடனக் கலையின் முக்கியத்துவம் பற்றிக் கட்டுரை வரைக.

4.     நீர் விரும்பும் காரைநகர்ப் பெரியார் ஒருவர் பற்றிக் கட்டுரை வரைக.

5.    காரைநகர் மணிவாசகர் சபை குறித்துக் கட்டுரை வரைக.

                                                                  வினாக் கொத்து

                                                                  ஆ. மத்தியபிரிவு

பின்வரும் தலைப்புக்களில் ஒன்றைத் தெரிவு செய்து தெளிவான கையெழுத்தில் மூன்று அல்லது நான்கு பக்கங்களில் கட்டுரை வரைக.  

1.    காரைநகர் அபிவிருத்திச் சபை அல்லது நீரறிந்த ஓர் சமூக மேம்பாட்டு நிறுவனம் பற்றிக் கட்டுரை வரைக.

2.    பின்வரும் காரைநகர்ப் பெரியார்களுள் ஒருவர் பற்றிக் கட்டுரை வரைக:
 அ. வைத்தீசுவரக்குருக்கள்
 ஆ. கலாநிதி ஆ. தியாகராசா
 இ. சயம்பு வாத்தியார்
   
    3. ஊரின் சீரிய வளர்ச்சியில் ஆன்மீகத்தின் பங்கு பற்றிக்   கட்டுரை  வரைக.   
 
4. திருக்குறளின் மகத்துவம் அல்லது பாரதியாரின் பாடல்கள் குறித்துக் கட்டுரை வரைக.

5. "பிச்சை புகினும் கற்கை நன்றே". இக்கூற்றை விளக்கிக் கட்டுரை வரைக.

                                                            வினாக் கொத்து
                   

                                                               இ. மேற்பிரிவு

பின்வரும் தலைப்புக்களில் ஒன்றைத் தெரிவு செய்து தெளிவான கையெழுத்தில் நான்கு அல்லது ஆறு பக்கங்களில் கட்டுரை வரைக.  
      
1.    தமிழர் திருமண சம்பிரதாயத்தில் "சீதனம்" பற்றிய உமது கருத்து யாது?

2.    காரைநகர் மேம்பட நாம் செய்ய வேண்டிய முக்கியமான முதல் ஐந்து விடயங்கள் யாவை? விளக்குக.

3.    "அறிவே அனைத்து ஆற்றலும்" இக்கூற்றை விளக்கிக் கட்டுரை வரைக.

4.    பின்வரும் காரைநகர்ப் பெரியார்களுள் ஒருவர் பற்றிக் கட்டுரை வரைக:
 அ. அருணாசல உபாத்தியாயர்
ஆ. சங்கநூற் செல்வர் பண்டிதர் சு. அருளம்பலவனார்
இ. அலன் ஏபிரகாம்

5.    புலம் பெயர் மக்கள் மத்தியில் தமிழ் மொழியின் எதிர்காலம்.    

சுவிற்சலாந்து காரை அபிவிருத்தி சபையின் பதினோராவது ஆண்டு கலை விழாவாகிய "காரை தென்றல் – 2015" கடந்த செப்டம்பர் 13, 2015 அன்று சுவிற்சலாந்தில் வாழும் காரை குடும்பங்களின் பேராதரவுடன் மிகச் சிறப்பாக நடைபெற்றிருந்தது. 

காரை தென்றல்-2015 விழாவிற்கு பிரதம விருந்தினராக காரைநகரிலிருந்து வருகை தந்திருந்த எதியோப்பியா பல்கலைக்கழக ஆங்கிலத்துறைப் பேராசிரியர் கலாநிதி.ஜோன் மனோகரன் கெனடி விஜயரத்தினம் அவர்கள் கலந்து கொண்டு சிறப்பித்திருந்தார். நிகழ்வில் சுவிஸ் வாழ் வளர்ந்து வரும் இளம் சிறார்களின் இயல், இசை, நாடகம் என முத்தமிழ் நிகழ்வுகள் அரங்கேறியிருந்தன. காரை தவில், நாதஸ்வர கலைஞர்கள் மங்கள இசை வழங்கி சிறப்பித்திருந்தனர்.  

இவ்விழாவில் ஈழத்துக் கல்வியாளர் காரைநகர் மகான் சிவத்திரு ச.அருணாசலம் அவர்கள் பற்றிய சரித்திர நூலாகிய 'சைவாசிரியர்களைத் தோற்றுவித்த திரு.ச.அருணாசலம் அவர்கள்'என்ற நூலும் அறிமுகம் செய்து வைக்கப்பட்டிருந்தமை விழாவிற்கு மேலும் சிறப்புச் சேர்ப்பதாக அமைந்திருந்தது. 

காரைநகர் சைவ மகா சபையினால் 1971 ஆம் ஆண்டு முதற்பதிப்பாக வெளியிடப்பட்ட இந்நூல் மகான் சிவத்திரு.ச.அருணாசலம் அவர்கள் பற்றிய மேலும் கட்டுரைகள் அடங்கிய இரண்டாம் பதிப்பாக கனடா சைவ சித்தாந்த மன்றத்தினால் கடந்த ஜூலை மாதம் கனடாவில் வெளியிடப்பட்டிருந்தமை குறிப்பிடத்தக்கது. 

இந்நூல் பற்றிய அறிமுக உரையை காரைநகர் இளைஞர்கள் மத்தியில் பிரபலமான முன்னாள் ஆசிரியரும், விளையாட்டு ஆர்வலரும், சமூகத் தொண்டரும், பிரான்ஸ் காரை அபிவிருத்தி சபையின் முன்னாள் தலைவருமாகிய திரு.அருளானந்தம் செல்வச்சந்திரன் (நேரு மாஸ்ரர்) அவர்கள் நிகழ்த்தியிருந்தார். 

அவர் தனது உரையில் காரைநகரில் சைவ மகா சபையின் முதல் வெளியீட்டுக்கு பண்டிதை செல்வி யோகலட்சுமி சோமசுந்தரம் அவர்கள் அரும்பணியாற்றினார். தற்பொழுது கனடா சைவ சித்தாந்த மன்றத்தின் தலைவர் சிவநெறிச்செல்வர் திரு.தி. விசுவலிங்கம் அவர்களின் அதீத உழைப்பினால் இந்நூல் மறுபிரசுரமாக வெளிவந்துள்ளது. அருணாசலம் உபாத்தியார் வடமாகாணத்தில் சைவத் தமிழ் பாடசாலைகளை நிறுவுவதற்கு அரும்பணியாற்றினார், அவர்கள் இல்லாதவிடத்து காரைநகரில் சைவமும் தமிழும் தளைத்தோங்கும் வாய்ப்பு ஏற்பட்டிருக்காது. ஸ்ரீலஸ்ரீ ஆறுமுகநாவலர் பணியை அவருக்குப் பின் அருணாசலம் உபாத்தியார் முன்னெடுத்து வந்தார். இந்நூலினை அவருடைய பேரனார் பேராசிரியர் சிவபாதம் பரமசிவம் அவர்கள் கனடாவில் வெளியிட்டு வைத்தார். அருணாசலம் உபாத்தியார் சைவத்திற்கும் தமிழுக்கும் செய்த அரும்பணிகள் நிறையவே உண்டு. நேரத்தினை கருத்தில் கொண்டு நிறைவு செய்கின்றேன் எனவும் இந் நூல் எல்லோர் இல்லங்களிலும் இருக்கவேண்டிய அரும் காப்பியம் என்றும் குறிப்பிட்டார். 

நூலினை சூரிச் விஸ்ணு துர்க்கை அம்மன் கோவில் பிரதமகுரு சிவஸ்ரீ . த. சரவணபவானந்த குருக்கள் அவர்கள் வெளியிட்டு வைத்தார். நூலின் முதல் பிரதியை சைவசமய ஆர்வலரும், சமூகத் தொண்டரும் சுவிஸ் காரை அபிவிருத்தி சபையின் முன்னாள் தலைவருமாகிய திரு. நல்லதம்பி சரவணப்பெருமாள் அவர்கள் பெற்றுக் கொண்டார். 

தொடர்ந்து பிரதிகளை சூரிச் நகரிலிருந்து தொலைதூரம் வாழ்ந்தாலும் சுவிஸ் காரை அபிவிருத்தி சபைக்கு தொடர்ச்சியாக தனது ஆதரவினை வழங்கி வரும் திரு. சிவசுப்பிரமணியம் திரவியபவான் அவர்கள் பெற்றுக் கொண்டார். 

அடுத்து சைவத் தமிழ் பாரம்பரியத்தை காத்த எமது ஊர்ப் பெருமகன் அருணாசலம் அவர்களின் சரிதத்தை எமது அடுத்த தலைமுறையினர் அறிந்திருக்க வேண்டும் என்ற நோக்கில் மாணவி செல்வி சுபாஜினி சற்குணராஜா அவர்கள் நூலின் பிரதியைப் பெற்றுக் கொண்டார். 

ஈழமணித்திருநாட்டின் சைவக் கல்விப் பாரம்பரியத்தை அந்திய சக்திகளின் ஆதிக்கத்தில் அழிந்து போகாமல் பாதுகாத்த கடமை வீரர் காரைநகர் மகான் சிவத்திரு ச.அருணாசலம் அவர்களுக்கு தமது நன்றிக் கடனைச் செலுத்தி இவ்வாண்டு சூரிச் நகரில் வீசிய காரைத் தென்றலை சுவிற்சலாந்து வாழ் காரை மக்கள் அர்த்தமுள்ளதாக்கியிருந்தனர் என்று கூறலாம். 

நிகழ்வில் எடுக்கப்பட்ட படங்களைக் கீழே காணலாம். 

   சுவிஸ் காரை அபிவிருத்திச் சபையினால் 
           தொழில் அதிபருக்கு மதிப்பளிப்பு

எமது சபை தோன்றிய காலத்தில் இருந்து தொழில்சார் நிபுணத்துவம், கலை, கல்வி, மருத்துவம் விளையாட்டுத்துறை போன்ற ஊர் சார்ந்த விடயங்களில் கவனம் செலுத்தி ஊக்கமளித்து வருகின்றது. அதன் பிரதியீடாக கடந்த 13.09.2015இல் ஞாயிற்றுக்கிழமை சுவிஸ் காரை அபிவிருத்திச் சபையின்  பதினொராவது ஆண்டுவிழாவான காரைத்தென்றல்-2015 நிகழ்வில் கடந்த இருபத்தைந்து ஆண்டுகளுக்கு மேலாக  சுவிற்சர்லாந்தில் பிரபல வர்த்தக நிறுவனமான திகழும் SKT நாதன் கடை உரிமையாளரான திரு. சுப்பிரமணியம் கதிர்காமநாதன் அவர்களுக்கு மதிப்பளித்திருந்தது.

சுவிஸ் காரை அபிவிருத்திச் சபையின் தோற்றத்திற்கு முக்கிய பங்காற்றியவரும் சபையின் அபிவிருத்தி திட்டங்களுக்கு, கூடிய அணுசரனை வழங்கி வருபவரும்,  ஊரின் ஆன்மிகம், கல்வி, மருத்துவம், பொதுத்துறை போன்ற விடயங்களின் வளர்ச்சிக்கு அயராது உழைத்து வருபவருமாகிய தொழில் அதிபர் திரு. சுப்பிரமணியம் கதிர்காமநாதன் அவர்களுக்கு எமது சபையின் தலைவர் திரு. பூபாலபிள்ளை விவேகானந்தா "அறக்கொடை அரசு" என்னும் விருது வழங்கி வாழ்த்து இசைக்க திரு,திருமதி தம்பிராஜா சற்குணராஜா அவர்கள் பொன்னாடைபோத்தி சந்தனமாலை அணிவித்து வாழ்த்துப்பாக்களை வழங்கி கௌரவிப்பதில் எமது சபை பெருமிதம் கொள்கின்றது.

                                 தள்ளா விளையளும் தக்காரும் தாழ்விலாச்
                                           செல்வரும் சேர்வது நாடு – குறள்

      நிகழ்வின் நிழற்படங்களையும் வாழ்த்துமடல்களையும் கிழே காணலாம்.

                                                                  நன்றி
                                                                                                                                                                                                                                                                               இங்ஙனம்,
                                                                                   சுவிஸ் காரை அபிவிருத்திச்சபை
                                                                                            செயற்குழு உறுப்பினர்கள்,
                                                                                           சுவிஸ் வாழ் காரை மக்கள்.
                                                                                                              20. 09. 2015

காரைத் தென்றல் -2015இல் தவில் நாதஸ்வரக் கலைஞர்களை சுவிஸ் குடும்பம் கௌரவித்தது.

புலம்பெயர் வாழ்வியலில் கனடாக்குடும்பம், லண்டன்குடும்பம், பிரான்ஸ்குடும்பம், சுவிஸ்குடும்பம் என எமது கிராமத்து உறவுகள் வாழ்ந்து வருகின்றனர். அவர்களைத்தேடி தவில் நாதஸ்வரக்கலைஞர்கள் வருகைதந்துள்ளார்கள்.

சுவிஸ் வாழ் காரை குடும்ப அங்கத்தவர்களின் உன்னதமான பேராதரவுடன்1 ஆவணி திங்கள் 13.09.2015இல் ஞாயிற்றுக்கிழமை பிற்பகல் 13.00 அளவில் நடைபெற்ற காரைத்தென்றல்- 2015 நிகழ்வில் தவில் நாதஸ்வரக் கலைஞர்களை சுவிஸ் குடும்பம் கௌரவித்தது.

காரையம்பதி மூத்த நாதேஸ்வரக்கலைஞர் கைலாயகம்பர் அவர்களின் பேரன் தவில் வித்துவான் வீராச்சாமி அரிகரபுத்திரன் (கரன்) குழுவினரின் "இசைக் கச்சேரி" இசையால் வசமாகஇதயம் ஏது என்ற கூற்றிற்கிணங்க ரசிகர்களின் மனதை கொள்ளைகொண்டது. மிகவும் அற்புதமாக தவில், நாதஸ்வரக் கலைஞர்கள் இசை வழங்கியிருந்தார்கள். அதனைத்தொடர்ந்து கலைஞர்கள் கௌரவிப்பு நிகழ்வு இடம்பெற்றது. இந் நிகழ்விற SKT நாதன் கடை உரிமையாளர் திரு. சுப்பிரமணியம் கதிர்காமநாதன் அவர்களின் அணுசரனை வழங்கியிருந்தார்கள்.

சுவிஸ் காரை அபிவிருத்திச் சபையினர் தவில், நாதஸ்வரக் கலைஞர்களை விருது வழங்கி கௌரவித்தனர். இவ் விழாவின் பிரதமவிருந்தினர் கலாநிதி கென்னடி விஜயரத்தினம் அவர்கள் விருது வழங்கி வாழ்த்து இசைக்க நாதஸ்வர வித்துவான் திருமலை முத்துலிங்கம் யோகேஸ்வரன் அவர்களுக்கு "ஸ்வரஞான வேந்தன்" விருதும், தவில் வித்துவான உடுப்பிட்டி பத்மநாதன் செந்தூரன் அவர்களுக்கு "சிவநாத லயவாரதி" விருதும் நாதஸ்வர வித்துவான் சுதுமலை நாகராசா மதுசூதனன் அவர்களுக்கு "சுவிஸ் நாதச் சாரல்" விருதும் காரையம்பதி மூத்த நாதஸ்வரக்கலைஞர் கைலாயகம்பர் அவர்களின் பேரன் தவில் வித்துவான் கோவில்குளம் வீராச்சாமி அரிகரபுத்திரன் (கரன்) அவர்களுக்கு "லயகேசரி" விருதும் வழங்கி சிவஸ்ரீ. த. சரஹணபவானந்தகுருக்கள், திரு.சிவனேயன் கோபி, கலாநிதி கென்னடி விஜயரத்தினம் SKT நாதன் கடை உரிமையாளர் திரு சுப்பிரமணியம் கதிர்காமநாதன் ஆகியோர் பொன்னாடைபோத்தி சந்தனமாலை அணிவித்து வாழ்த்துப்பாக்களை வழங்கி கௌரவித்திருந்தனர்.

நிகழ்வின் நிழற்படங்களையும் வாழ்த்துமடல்களையும் கிழேகாணலாம்.

                                                                நன்றி
                                                                                                                       இங்ஙனம்,
                                                                                       சுவிஸ் காரை அபிவிருத்திச்சபை
                                                                                                      செயற்குழு உறுப்பினர்கள்,
                                                                                                      சுவிஸ் வாழ் காரை மக்கள்.
                                                                                                                     20. 09. 2015

                                      புதிய காரைஒளி
                                    15,Rutland Road,London E7 8PQ

                                                 வாழ்த்துச்செய்தி

பிறந்தமண்ணின் வாசனையை மறவாது ஆண்டுதோறும் கலை கலாச்சார விழாவை நடத்தி சுவிஸ் வாழ் காரை மக்களிடையே தமிழ் உணர்வையும் கலாச்சார விழுமியங்களையும் வளர்த்து வருவது பாராட்டத்தக்கது

புலமபெயர் நாட்டில்வாழும் இளம் சந்ததியினரை இவ்விழாவில் பங்கு கொள்ளவைத்து அவர்களுக்கு உற்சாகமளித்து வருகிறீர்கள். பாராட்டத்தக்கது.

காரை மக்கள் எங்கு வாழந்தாலும் பிறந்த மண்ணை மறவாது அங்கு வாழம் உறவுகளுக்கும் ஊரின் அபிவிருத்திக்கும் உதவி வருவது போற்றத்தக்கது.

காரைத் தென்றல் 11வது விழா சிறப்புடன் நடைபெற எமது வாழ்த்துக்களைத் தெரிவிக்கின்றோம்.

ஓற்றுமையுடன் ஊரை முன்னேற்றுங்கள்

அன்புடன்
ஐ.தி.சம்பந்தன்
ஆசிரியா. புதிய காரை ஒளி
5-09-2015

சுவிஸ் காரை அபிவிருத்திச் சபையினால் இம் மாதம் 29.08.2015இல் நடாத்தப்படவிருந்த கட்டுரைப்போட்டி மாணவ,மாணவியர்,பெற்றோர்களின் வேண்டுகோளுக்கிணங்க 26.09.2015இல் சனிக்கிழமைக்கு பின் போடப்பட்டுள்ளது. முதலாம் ஆண்டுக்கு பல்கலைக்கழகத்திற்கு அனுமதி பெற்ற மாணவர்களும் இப் போட்டியில் பங்குபெற்ற அனுமதிக்கப்படுவார்கள்.
   

                                 
     "ஊருணி நீர்நிறைந் தற்றே உலகவாம் 
                       பேரரறி வாளன் திரு"

                 உலகெங்கும் பரந்து வாழும் காரைநகர் மாணாக்கர்களுக்காக
                      சுவிஸ் காரை அபிவிருத்திச் சபையினால் நடாத்தப்படும்
                                           மாபெரும் கட்டுரைப் போட்டி- 2015 
   
இவ்வருடத்திற்கான கட்டுரைப் போட்டி விபரங்களையும் விண்ணப்பபடிவத்தையும்; பாடசாலை அதிபர்கள், ஆசிரியர்கள்,மாணவ, மாணவியர்,பெற்றோர்கள் மற்றும் நலன் விரும்பிகள் ஆகியோரின் கவனத்திற்கு கொண்டுவருகின்றோம்.

எமது சபையால் இம் மாதம் 29.08.2015இல் நடாத்தப்படவிருந்த கட்டுரைப்போட்டி சில காரணங்களினால் செற்றம்பர் மாதம் 26.09.2015க்கு பின் போடப்பட்டுள்ளது என்பதை அறியத்தருகின்றோம். ஊரில் நடைபெறுகின்ற A/L பரீட்சை காரணமாக கலாநிதி. ஆ. தி. ம. ம. வித்தியாலயத்தின் நடராஜா மண்டபத்தில் இக் கட்டுரைப் போட்டியை நடாத்துவதற்கான சாத்தியக்கூறுகள் இல்லை என்பதாலும், 2015ஆம் ஆண்டு A/L பரீட்சை எடுக்கும் மாணவர்களும் இப் போட்டியில் பங்குபெற்ற விரும்புவதாலும், வெளிநாடுகளில் இருக்கும் பெற்றோர்களின் வேண்டுகோளுக்கிணங்கவும், வெளிநாடுகளில் கல்வி பயிலும் மாணவர்களுக்கு தயார் படுத்தலுக்கு காலஅவகாசம் தேவை என்பதாலும், இலங்கையிலுள்ள அனைத்துப் பாடசாலை மாணவர்களும் விடுமுறையில் சென்று உள்ளதாலும் இக் கட்டுரைப் போட்டியை வரும் ஆங்கில மாதம் புரட்டாதி  26ம் திகதி சனிக்கிழமையன்று நடாத்த தீர்மானித்துள்ளோம்.

பூமிப் பந்தில்  ஊரின் உறவுகள் எங்கும் பரவி வாழ்ந்தாலும் அன்புகூர்ந்து இப்போட்டியில் மாணவ,மாணவியர்களை இணைத்துக்கொள்ளும்படி, பாடசாலைஅதிபர்கள், ஆசிரியர்கள், கல்விநிறுவன அதிபர்கள், பெற்றோர்கள், நலன்விரும்பிகள் ஆகியோரை அன்புடன் கேட்டுக்கொள்கின்றோம்.

எமது  கிராமத்தின்  எதிர்கால அறிஞர்களை உருவாக்கும் நோக்குடனும் புலத்திலும் தாயகத்திலும் கல்வி பயிலும் மாணவ,மாணவிகளை ஒன்றிணைக்கும் வண்ணமும்  காரைநகரைப் பிறப்பிடமாகவோ, பூர்விகமாகவோ கொண்ட மாணவர்களுக்காக நடாத்தப்படும் இக் கட்டுரைப் போட்டியை வரும் ஆங்கில மாதம் புரட்டாதி  26ம் திகதி சனிக்கிழமையன்று காரைநகரிலும்   ரொறொன்ரோ, பாரிஸ், லண்டன், சிட்னி, சூரிக் ஆகிய நகரங்களிலும் நடாத்துவதற்குத் தீர்மானித்துள்ளோம்.  கொழும்பு மற்றும் வவுனியாவிலும் கட்டுரைப் போட்டியை நடாத்துவதற்கு நடவடிக்கைகளை மேற்கொள்ளும் நோக்கில் தங்களது ஆதரவினை நாடுகின்றோம். 

இம்முறை போட்டி மூன்று பிரிவுகளாக அதிகரிக்கப்பட்டுள்ளது.  கட்டுரைப் போட்டியை மிகத்திறமையாக நடாத்துவதற்கு எமது சபையால் கலை,கல்வி மற்றும் மொழி மேம்பாட்டுக் குழு உருவாக்கப்பட்டுள்ளது. இவர்கள் எமது சபையின் கோரிக்கைக்கிணங்க பரீட்சைக்கான வேலைத்திட்டங்களை செய்வதற்கு செயல்படுவார்கள். எமது சபையால் நடாத்தப்படும் கட்டுரைப் போட்டிக்கான  மூன்று பிரிவுகளுக்குமான பரிசுத்தொகை சுவிஸ் பிராங்குகளில் விரைவில் அறியத்தரப்படும்.

இப்போட்டியில் கலந்து கொள்ளுமாறு தங்கள் நகரங்களிலுள்ள பாடசாலையில் கல்வி பயிலும் காரைநகரைப் பிறப்பிடமாகவோ அல்லது பூர்விகமாகவோ கொண்ட மாணவ மாணவிகளை ஊக்குவிக்குமாறு தாழ்மையுடன் கேட்டுக்கொள்கிறோம். மேலும் தங்கள் நிறுவனம், பாடசாலை, ஊரபிவிருத்திச் சங்கம் என்பவற்றிற்கு ஊடாக மாணவர்களுக்கு இவ்வறிவித்தலை விளம்பரப்படுத்தி பங்கு பற்ற விரும்புவோரின் பெயர், பிரிவு, ஆகிய விவரங்களை மட்டும் முதலில் பின்வரும் மின்னஞ்சல் முகவரியூடாக ஆகஸ்ட் 10ம் திகதிக்கு முன்பாக எமக்கு அறியத்தரவும். கணிசமான மாணவர்கள் வௌ;வேறு பாடசாலைகளிலிருந்து பங்குபற்ற விரும்பும் பட்சத்தில் வவுனியாவிலும் கொழும்பிலும் போட்டி நிலையங்களை ஒழுங்கு செய்ய விரும்புகிறோம். 
   
மூன்று பிரிவுகளில் இடம் பெறவுள்ள இப்போட்டிக்கான தலைப்புக்கள் அனைத்துப் போட்டி நிலையங்களுக்கும் ஏக காலத்தில் எமது கலை, கல்வி, மற்றும் மொழி மேம்பாட்டுக் குழுவினரால் மின்னஞ்சல் மூலம் அனுப்பி வைக்கப்படும். 

இதுபற்றிய தங்களது பதில் கிடைக்கப் பெற்ற பின்னர் இப்போட்டிக்கான சுவிஸ் காரை அபிவிருத்திச் சபை செயற்குழு உறுப்பினர்கள் அல்லது இலங்கையிலுள்ள எமது கலை, கல்வி, மற்றும் மொழி மேம்பாட்டுக் குழுவினரில் ஒருவர் தங்களுடன் தொலைபேசி மூலம் தொடர்பு கொள்வாரகள்.

எம் மண்ணின் மாணவச் செல்வங்களின் அறிவு விருத்தியை நோக்காகக் கொண்ட மேற்படி திட்டத்திற்கு தங்களது மேலான உதவியைக் கோரி நிறகின்றோம். 

எமது ஊரின் கல்வி வளர்ச்சியையே சிரமேற்கொண்டு தொண்டாற்றும் அதிபர்களாகிய, ஆசிரியர்களாகிய உங்களுடைய ஊக்குவித்தலோடும், பெற்றோர்களுடைய ஆதரவோடும் நம் மாணவச் செல்வங்களைப் புலமையாளர்களாக்கும் இக்கடினமான முயற்சியில் எம்மோடு கைகோர்த்து உங்கள் பிள்ளைகளை உற்சாகப்படுத்துமாறு அன்புடன் கேட்டுக்கொள்கின்றோம். ஒற்றுமை, தன்நம்பிக்கை, நல்லெண்ணம், விடாமுயற்சி, அர்ப்பணிப்பு, மக்கள் சேவை என்பனவே இன்றைய எமது தேவைகள். 

காரைநகரைப் பூர்வீகமாகக் கொண்ட வெளிநாடுகளில் பிறந்து வாழும் காரை மாணவச் செல்வங்களும் இப்போட்டியில் பங்கு பற்ற வேண்டும் என்பது எமது அவா.
   
            கட்டுரைப் போட்டிக்கான விபரங்களும் விதிமுறைகளும்

 இடம்: கலாநிதி. ஆ. தி. ம. ம. வித்தியாலயம்.
 திகதி;: ஆங்கில மாதம் 26.09.2015ம் திகதி சனிக்கிழமை
 நேரம்: காலை 10 இலிருந்து நண்பகல் 12 வரை

இம்முறை போட்டியாளர்களின் பங்குபற்றலை அதிகரிக்கவும், பரிசில்களை அதிகரித்து  அதிகளவு மாணாக்கரை ஊக்குவிக்கவும் எமது சபை தீர்மானித்துள்ளது. அதற்கமைய கட்டுரைப் போட்டி பின்வரும் மூன்று பிரிவுகளில் நாடாத்தப்படும்.

(அ)கீழ்ப்பிரிவு 7ஆம், 8ஆம், 9ஆம் கல்வியாண்டு மாணவர்கள். 

(ஆ)மத்தியபிரிவு 10ஆம்,11ஆம்,  கல்வியாண்டு மாணவர்கள்.
 
(இ)மேற்பிரிவு 12ஆம்,13ஆம் பாடாலையில் கல்வி பயிலும் மாணவர்களும், இவ்வாண்டு     பல்கலைக்கழகத்திற்கு தெரிவாகி கல்விபயிலும் மாணவர்களும்,  

    போட்டியில் பங்குபற்றும் மாணக்கர் கீழ்காணும் விண்ணப்படிவத்தினை பூர்த்தி செய்து தங்களது பாடசாலை அதிபர்களிடமோ, அல்லது தரவேற்றம் செய்து karaithenral2014@gmail.com மின்னஞ்சல் முகவரிக்கோ 15.08.2015க்கு முன்பதாக அனுப்பி வைக்கவும்.

    போட்டி இயற்திறன் முறையில் அமைவதால் கட்டுரைத் தலைப்புக்கள் போட்டியின் போது மண்டபத்திலே அறிவிக்கப்படும்.

     சமூகப் பிரச்சனைகள், காரைநகர் அபிவிருத்தி, கற்றல் அல்லது அறிவின் முக்கியத்தும், சமயம், இலக்கியம், கலைகள், ஊர் அறிஞர்கள், காரை சமய மற்றும் சமூக நிறுவனங்கள் பற்றி ஏறத்தாள எட்டுத் தலைப்புக்கள் வழங்கப்படும். மாணவர்கள் மேற்கூறிய தளங்களில் விருப்பமானவற்றைத் தேர்ந்தெடுத்து வாசித்தும் தகவல் திரட்டியும் தம்மைத் தயார்செய்து கொள்ளலாம். 

    கட்டுரைகளில் தகவற் செறிவும், மொழித்திறனும், கற்பனையும், புதிய கருத்துக்களும், ஊர் மேம்பாடு பற்றிய ஆழங்காற்பட்ட அக்கறையும், துரநோக்கும் அவசியம்.

    கட்டுரைகள் சாதாரண கையெழுத்தில் அண்ணளவாக 
அ. பிரிவு மூன்று பக்கங்களிலும், 
ஆ. பிரிவு நான்கு பக்கங்களிலும் மற்றும் 
இ. பிரிவு ஆறு பக்கங்களில் அமையவேண்டும்.

    கட்டுரைப் போட்டியிலன்று மாணவர்கள் தத்தம் பாடசாலைக்குரிய சீருடையில் சமுகம் தரவேண்டும்.

    தேவையேற்படின் மாணாக்கர்கள் தமது அடையாளத்தை உறுதிப்படுத்த வேண்டும்.

    வெற்றியாளர்களுக்கான பரிசுகள் எதிர்வரும் மார்கழி மாதம் ஈழத்துச் சிதம்பர திருவெம்பாவைத் திருவிழாவின் – ஆதிரைநாளின் போது மணிவாசகர் சபையினரால் வழங்கப்படும். வெற்றி பெற்றவர்கள் பற்றிய தகவல்கள் இரண்டு வாரங்களுக்கு முன்னர் அவர்களுக்கு அறியத்தரப்படும். வெற்றியாளர்கள் நேரில் சமூகமளிக்க முடியாவிடின் தங்கள் சார்பாகப் பரிசு பெற்றுக்கொள்பவரின் பெயரை மேற்படி இணைய அஞ்சல் மூலம் எமக்கு அறியத்தரலாம். 

    இவ்வருடம் மேலதிகமான மாணவர் ஊக்குவிப்புத் திட்டமாக 2015ஆம் ஆண்டு கல்விப் பொதுத்தராதர சாதாரணப் பரீட்சையில் சிறப்பான பெறுபேறுகளைப் பெற்றவர்களுக்கான கௌரவிப்பும், பரிசளிப்பும் மார்கழித் திங்கள் திருவெம்பாவை விழாவின் ஆதிரைநாளில் செய்ய இருக்கின்றோம். இது காரை இளம் சமுதாயத்தினரை எம் ஊரின் எதிர்கால அபிவிருத்திக்காக ஒன்றிணைக்கும் உறவுப் பாலமாகவும் அமையும் என்பது எமது எண்ணம். 

    இலங்கை பூராகவும் உள்ள காரைநகரைச் சேர்ந்த மாணவர்கள் பரீட்சையில் தமிழ், கணிதம் உட்பட 5A தரத்திலான சித்திகளுட்பட மொத்தமாகப்  ஒன்பது பாடங்களில் சித்தியடைந்திருக்க வேண்டும். சு.கா.அ.சபையின் பரிசிலும் சிறப்பும் பெறவிரும்பும் மாணாக்கர் தம் விபரங்களையும், பெறுபேற்று விபரங்களையும் எமது மின்அஞ்சலுக்கு karaithenral2014@gmail.com அனுப்பலாம்.

    மேற்குறித்த பரிசு பெறுவதற்கான இரண்டாவது தகுதியாக அவர்கள் சு.கா.அ.சபையின் 2015 ஆண்டுக்கான கட்டுரைப் போட்டியிலும் பங்கு பற்றுதல் வேண்டும்.போட்டியில் வெற்றிபெறும் மாணவர்களுக்கான பரிசுத்தொகை விபரம்  சுவிஸ் பிராங்குகளில் பின்பு அறியத்தரப்படும். 

    விண்ணப்பங்களை எதிர் வரும் 10-09-2015 க்கு முன்பதாக பாடசாலை அதிபர்கள் ஊடாகவோ, எமது மின்னஞ்சல் ஊடாகவோ அல்லது கீழே காணப்படும் விண்ணப்ப வாயிலூடாகவோ அனுப்பமுடியும்.

   பின் குறிப்பு: மாணவர்கள் காரைநகர்.கோ, காரைநகர்.கொம் என்ற இணைய தளத்தினூடாக தனிதனியாக விண்ணப்பங்களைத் தரவேற்றம் செய்ய வேண்டும். மிக இலகுவான முறையில் செய்யமுடியும். விண்ணப்பங்கள் தொடர்பான இறுதி முடிவுகள் எமது கலை, கல்வி, மற்றும் மொழி மேம்பாட்டுக் குழுவினராலும், எமது சபை நிர்வாகத்தினராலும் மேற்கொள்ளப்படும். முழுமையான விபரங்களுக்கு இணைக்கப்பட்டுள்ள செய்தி அறிக்கையைப் பார்கவும்.

                                                                          நன்றி

                              "நன்றே செய்வோம். அதை இன்றே செய்வோம்"

                                                                                                                  இங்ஙனம்,
                                                                                         சுவிஸ் காரை அபிவிருத்திச்சபை
                                                                                                 செயற்குழு உறுப்பினர்கள்,
                                                                                                சுவிஸ் வாழ் காரை மக்கள்.
                                                                                                                   07. 08. 2015

சுவிஸ் வாழ் காரை மாணவ, மாணவியர்கள், பெற்றோர்கள் கவனத்திற்கு

                           " கற்க கசடறக் கற்பவை கற்றபின்
                                                     நிற்க அதற்குத் தக"

  அன்புடையீர் வணக்கம்!
                  சுவிஸ் காரை அபிவிருத்திச் சபையால் நடாத்தப்படும் கட்டுரைப் போட்டி ஆங்கில மாதம் 29ம் திகதி சனிக்கிழமை கலாநிதி. ஆ. தி. ம. ம. வித்தியாலயத்தில் காலை 10 இலிருந்து நண்பகல் 12 வரை போட்டிப் பரீட்சை கலை,கல்வி மற்றும் மொழி மேம்பாட்டுக் குழுவினரால் நடாத்தப்பட இருக்கின்றது என்பது நீங்கள் அறிந்ததே!

           இம்முறை போட்டிப் பரீட்சையை சம காலத்தில் சுவிற்சர்லாந்திலும் நடாத்தவதற்கு பரிட்சை குழு தீர்மானித்துள்ளது. அதற்கமைய சவிஸ் சரஸ்வதி வித்தியாலய அதிபர் கலையரசி தாரணி சிவசண்முகநாதசர்மா தலைமையில் சுவிஸ் வாழ் காரை மாணவ, மாணவியர்களுக்கான  கட்டுரைப் போட்டி நடைபெற இருக்கின்றது.

                      பரிட்சைநிலையம் : சரஸ்வதி வித்தியாலயம் சூரிக்
                      காலம்: 29-08.2015 சனிக்கிழமை
                      இலங்கைநேரம்: 10.00-12.00மணி
                      சுவிஸ்நேரம்: 15.00-17.00மணி

       இவ் வருடம் போட்டியாளர்களின் பங்குபற்றலை அதிகரிக்கவும், பரிசில்களை அதிகரித்து  அதிகளவு மாணாக்கரை ஊக்குவிக்கவும் எமது சபை தீர்மானித்துள்ளது. அதற்கமைய கட்டுரைப் போட்டி பின்வரும் மூன்று பிரிவுகளில் நாடாத்தப்படும்.

          (அ)கீழ்ப்பிரிவு 7ஆம், 8ஆம், 9ஆம் கல்வியாண்டு மாணவர்கள்.
          (ஆ)மத்தியபிரிவு 10ஆம்,11ஆம்,  கல்வியாண்டு மாணவர்கள.;
           (இ)மேற்பிரிவு 12ஆம்,13ஆம் கல்வியாண்டு மாணவர்கள்.

       அன்பான சுவிஸ் வாழ் காரை பெற்றோர்களே!  எம் மண்ணின் மாணவச் செல்வங்களின் அறிவு விருத்தியை நோக்காகக் கொண்ட மேற்படி திட்டத்திற்கு தங்களது மேலான உதவியைக் கோரி நிறகின்றோம். தங்களது பிள்ளைகளை இப் போட்டிப் பரீட்சையில் பங்கு கொள்ள வைக்குமாறு அன்புடன் கேட்டுக் கொள்கின்றோம். மாணவர்கள் மேலதிகமான விபரங்களை பெறுவதற்கு காரைநகர்.கோ, காரைநகர்.கொம் என்ற இணைய தளத்தினூடாக அல்லது பின்வரும் தொலைபேசி இலக்கங்களுடன் தொடர்பு கொண்டு விபரங்களை பெறலாம்.  அ) 044 423 04 05, ஆ) 043 321 35 63, இ) 043 305 26 77 
                             
           இப்போட்டியில் கலந்து கொள்ளுமாறு தங்கள் நகரங்களிலுள்ள பாடசாலையில் கல்வி பயிலும் காரைநகரைப் பிறப்பிடமாகவோ அல்லது பூர்விகமாகவோ கொண்ட மாணவ மாணவிகளை ஊக்குவிக்குமாறு தாழ்மையுடன் கேட்டுக்கொள்கிறோம். மேலும் தங்கள் நிறுவனம், பாடசாலை, ஊரபிவிருத்திச் சங்கம் என்பவற்றிற்கு ஊடாக மாணவர்களுக்கு இவ்வறிவித்தலை விளம்பரப்படுத்தி பங்கு பற்ற விரும்புவோரின் பெயர், பிரிவு, ஆகிய விவரங்களை மட்டும் முதலில் பின்வரும் மின்னஞ்சல் முகவரியூடாக ஆகஸ்ட் 10ம் திகதிக்கு முன்பாக எமக்கு அறியத்தரவும். சுவிற்சர்லாந்தில் உருவாக்கப்பட்டுள்ள பரீட்சை நிலையத்தை முன்மாதிரியாக கொண்டு புலம்பெயர் தேசத்து உறவுகள்  பாடசாலைகள் சபைகள், சங்கங்கள் பரீட்சை நிலயத்தை தெரிவு செய்யும்படி அன்புடன் கேட்டுக்கொள்கின்றோம். 
                                                                     நன்றி

                                        "ஒன்று பட்டால் உண்டு வாழ்வு"

                                                                                                 இங்ஙனம் 
                                                                         சுவிஸ் காரை அபிவிருத்திச் சபை
                                                           கலை,கல்வி மற்றும் மொழி மேம்பாட்டுக் குழு
                                                                                                   ஆடி 2015
 

‘ஊருணி நீர்நிறைந் தற்றே உலகவாம் பேரரறி வாளன் திரு”

உலகெங்கும் பரந்து வாழும் காரைநகர் மாணாக்கர்களுக்காக சுவிஸ் காரை அபிவிருத்திச் சபையினால் நடாத்தப்படும்
    மாபெரும் கட்டுரைப் போட்டி- 2015               

இவ்வருடத்திற்கான கட்டுரைப் போட்டி விபரங்களையும் விண்ணப்பபடிவத்தையும் பாடசாலை அதிபர்கள், ஆசிரியர்கள்,மாணவ, மாணவியர்,பெற்றோர்கள் மற்றும் நலன் விரும்பிகள் ஆகியோரின் கவனத்திற்கு கொண்டுவருகின்றோம்.

                     எமது  கிராமத்தின்  எதிர்கால அறிஞர்களை உருவாக்கும் நோக்குடனும் புலத்திலும் தாயகத்திலும் கல்வி பயிலும் மாணவ,மாணவிகளை ஒன்றிணைக்கும் வண்ணமும்  காரைநகரைப் பிறப்பிடமாகவோ, பூர்விகமாகவோ கொண்ட மாணவர்களுக்காக நடாத்தப்படும் இக் கட்டுரைப் போட்டியை வரும் ஆங்கில மாதம் ஆவணி 29ம் திகதி சனிக்கிழமையன்று காரைநகரிலும் ரொறொன்ரோ, பாரிஸ், லண்டன், சூரிக் ஆகிய நகரங்களிலும் நடாத்துவதற்குத் தீர்மானித்துள்ளோம்.  கொழும்பு மற்றும் வவுனியாவிலும் கட்டுரைப் போட்டியை நடாத்துவதற்கு நடவடிக்கைகளை மேற்கொள்ளும் நோக்கில் தங்களது ஆதரவினை நாடுகின்றோம். 

                         இம்முறை போட்டி மூன்று பிரிவுகளாக அதிகரிக்கப்பட்டுள்ளது.  கட்டுரைப் போட்டியை மிகத்திறமையாக நடாத்துவதற்கு எமது சபையால் கலை,கல்வி மற்றும் மொழி மேம்பாட்டுக் குழு உருவாக்கப்பட்டுள்ளது. இவர்கள் எமது சபையின் கோரிக்கைக்கிணங்க பரீட்சைக்கான வேலைத்திட்டங்களை செய்வதற்கு செயல்படுவார்கள்.   .         

       இப்போட்டியில் கலந்து கொள்ளுமாறு தங்கள் நகரங்களிலுள்ள பாடசாலையில் கல்வி பயிலும் காரைநகரைப் பிறப்பிடமாகவோ அல்லது பூர்விகமாகவோ கொண்ட மாணவ மாணவிகளை ஊக்குவிக்குமாறு தாழ்மையுடன் கேட்டுக்கொள்கிறோம். மேலும் தங்கள் நிறுவனம், பாடசாலை, ஊரபிவிருத்திச் சங்கம் என்பவற்றிற்கு ஊடாக மாணவர்களுக்கு இவ்வறிவித்தலை விளம்பரப்படுத்தி பங்கு பற்ற விரும்புவோரின் பெயர், பிரிவு, ஆகிய விவரங்களை மட்டும் முதலில் பின்வரும் மின்னஞ்சல் முகவரியூடாக ஆகஸ்ட் 10ம் திகதிக்கு முன்பாக எமக்கு அறியத்தரவும். கணிசமான மாணவர்கள் வௌ;வேறு பாடசாலைகளிலிருந்து பங்குபற்ற விரும்பும் பட்சத்தில் வவுனியாவிலும் கொழும்பிலும் போட்டி நிலையங்களை ஒழுங்கு செய்ய விரும்புகிறோம். 

        மூன்று பிரிவுகளில் இடம் பெறவுள்ள இப்போட்டிக்கான தலைப்புக்கள் அனைத்துப் போட்டி நிலையங்களுக்கும் ஏக காலத்தில் எமது கலை, கல்வி, மற்றும் மொழி மேம்பாட்டுக் குழுவினரால் மின்னஞ்சல் மூலம் அனுப்பி வைக்கப்படும். 

        இதுபற்றிய தங்களது பதில் கிடைக்கப் பெற்ற பின்னர் இப்போட்டிக்கான சுவிஸ் காரை அபிவிருத்திச் சபை செயற்குழு உறுப்பினர்கள் அல்லது இலங்கையிலுள்ள எமது கலை, கல்வி, மற்றும் மொழி மேம்பாட்டுக் குழுவினரில் ஒருவர் தங்களுடன் தொலைபேசி மூலம் தொடர்பு கொள்வாரகள்.

             எம் மண்ணின் மாணவச் செல்வங்களின் அறிவு விருத்தியை நோக்காகக் கொண்ட மேற்படி திட்டத்திற்கு தங்களது மேலான உதவியைக் கோரி நிற்கின்றோம். 

       எமது ஊரின் கல்வி வளர்ச்சியையே சிரமேற்கொண்டு தொண்டாற்றும் அதிபர்களாகிய, ஆசிரியர்களாகிய உங்களுடைய ஊக்குவித்தலோடும், பெற்றோர்களுடைய ஆதரவோடும் நம் மாணவச் செல்வங்களைப் புலமையாளர்களாக்கும் இக்கடினமான முயற்சியில் எம்மோடு கைகோர்த்து உங்கள் பிள்ளைகளை உற்சாகப்படுத்துமாறு அன்புடன் கேட்டுக்கொள்கின்றோம். ஒற்றுமை, தன்நம்பிக்கை, நல்லெண்ணம், விடாமுயற்சி, அர்ப்பணிப்பு, மக்கள் சேவை என்பனவே இன்றைய எமது தேவைகள். 

         காரைநகரைப் பூர்வீகமாகக் கொண்ட வெளிநாடுகளில் பிறந்து வாழும் காரை மாணவச் செல்வங்களும் இப்போட்டியில் பங்கு பற்ற வேண்டும் என்பது எமது அவா.

            கட்டுரைப் போட்டிக்கான விபரங்களும் விதிமுறைகளும்

  இடம்: கலாநிதி. ஆ. தி. ம. ம. வித்தியாலயம்.

  திகதி: ஆங்கில மாதம் 29ம் திகதி சனிக்கழமை

  நேரம்: காலை 10 இலிருந்து நண்பகல் 12 வரை

     இம்முறை போட்டியாளர்களின் பங்குபற்றலை அதிகரிக்கவும், பரிசில்களை அதிகரித்து  அதிகளவு மாணாக்கரை ஊக்குவிக்கவும் எமது சபை தீர்மானித்துள்ளது. அதற்கமைய கட்டுரைப் போட்டி பின்வரும் மூன்று பிரிவுகளில் நாடாத்தப்படும்.

(அ)கீழ்ப்பிரிவு 7ஆம், 8ஆம், 9ஆம் கல்வியாண்டு மாணவர்கள். 

(ஆ)மத்தியபிரிவு 10ஆம்,11ஆம்,  கல்வியாண்டு மாணவர்கள.;

(இ)மேற்பிரிவு 12ஆம்,13ஆம் கல்வியாண்டு மாணவர்கள். 

    போட்டியில் பங்குபற்றும் மாணக்கர் கீழ்காணும் விண்ணப்படிவத்தினை பூர்த்தி செய்து தங்களது பாடசாலை அதிபர்களிடமோ, அல்லது தரவேற்றம் செய்து karaithenral2014@gmail.com மின்னஞ்சல் முகவரிக்கோ 15.08.2015க்கு முன்பதாக அனுப்பி வைக்கவும்.

    போட்டி இயற்திறன் முறையில் அமைவதால் கட்டுரைத் தலைப்புக்கள் போட்டியின் போது மண்டபத்திலே அறிவிக்கப்படும்.

     சமூகப் பிரச்சனைகள், காரைநகர் அபிவிருத்தி, கற்றல் அல்லது அறிவின் முக்கியத்தும், சமயம், இலக்கியம், கலைகள், ஊர் அறிஞர்கள், காரை சமய மற்றும் சமூக நிறுவனங்கள் பற்றி ஏறத்தாள எட்டுத் தலைப்புக்கள் வழங்கப்படும். மாணவர்கள் மேற்கூறிய தளங்களில் விருப்பமானவற்றைத் தேர்ந்தெடுத்து வாசித்தும் தகவல் திரட்டியும் தம்மைத் தயார்செய்து கொள்ளலாம். 

    கட்டுரைகளில் தகவற் செறிவும், மொழித்திறனும், கற்பனையும், புதிய கருத்துக்களும், ஊர் மேம்பாடு பற்றிய ஆழங்காற்பட்ட அக்கறையும், துரநோக்கும் அவசியம்.

    கட்டுரைகள் சாதாரண கையெழுத்தில் அண்ணளவாக 

அ. பிரிவு மூன்று பக்கங்களிலும், 

ஆ. பிரிவு நான்கு பக்கங்களிலும் மற்றும் 

இ. பிரிவு ஆறு பக்கங்களில் அமையவேண்டும்.

    கட்டுரைப் போட்டியிலன்று மாணவர்கள் தத்தம் பாடசாலைக்குரிய சீருடையில் சமுகம் தரவேண்டும்.

    தேவையேற்படின் மாணாக்கர்கள் தமது அடையாளத்தை உறுதிப்படுத்த வேண்டும்.

    வெற்றியாளர்களுக்கான பரிசுகள் எதிர்வரும் மார்கழி மாதம் ஈழத்துச் சிதம்பர திருவெம்பாவைத் திருவிழாவின் – ஆதிரைநாளின் போது மணிவாசகர் சபையினரால் வழங்கப்படும். வெற்றி பெற்றவர்கள் பற்றிய தகவல்கள் இரண்டு வாரங்களுக்கு முன்னர் அவர்களுக்கு அறியத்தரப்படும். வெற்றியாளர்கள் நேரில் சமூகமளிக்க முடியாவிடின் தங்கள் சார்பாகப் பரிசு பெற்றுக்கொள்பவரின் பெயரை மேற்படி இணைய அஞ்சல் மூலம் எமக்கு அறியத்தரலாம். 

    இவ்வருடம் மேலதிகமான மாணவர் ஊக்குவிப்புத் திட்டமாக 2015ஆம் ஆண்டு கல்விப் பொதுத்தராதர சாதாரணப் பரீட்சையில் சிறப்பான பெறுபேறுகளைப் பெற்றவர்களுக்கான கௌரவிப்பும், பரிசளிப்பும் மார்கழித் திங்கள் திருவெம்பாவை விழாவின் ஆதிரைநாளில் செய்ய இருக்கின்றோம். இது காரை இளம் சமுதாயத்தினரை எம் ஊரின் எதிர்கால அபிவிருத்திக்காக ஒன்றிணைக்கும் உறவுப் பாலமாகவும் அமையும் என்பது எமது எண்ணம். 

    இலங்கை பூராகவும் உள்ள காரைநகரைச் சேர்ந்த மாணவர்கள் பரீட்சையில் தமிழ், கணிதம் உட்பட 5A தரத்திலான சித்திகளுட்பட மொத்தமாகப்  ஒன்பது பாடங்களில் சித்தியடைந்திருக்க வேண்டும். சு.கா.அ.சபையின் பரிசிலும் சிறப்பும் பெறவிரும்பும் மாணாக்கர் தம் விபரங்களையும், பெறுபேற்று விபரங்களையும் எமது மின்அஞ்சலுக்கு karaithenral2014@gmail.comஅனுப்பலாம்.

    மேற்குறித்த பரிசு பெறுவதற்கான இரண்டாவது தகுதியாக அவர்கள் சு.கா.அ.சபையின் 2015 ஆண்டுக்கான கட்டுரைப் போட்டியிலும் பங்கு பற்றுதல் வேண்டும்.போட்டியில் வெற்றிபெறும் மாணவர்களுக்கான பரிசுத்தொகை   (சுவிஸ் பிராங்குகளில்) விபரம் பின்பு அறியத்தரப்படும். 

    விண்ணப்பங்களை எதிர் வரும் 15-08-2015 க்கு முன்பதாக பாடசாலை அதிபர்கள் ஊடாகவோ, எமது மின்னஞ்சல் ஊடாகவோ அல்லது கீழே காணப்படும் விண்ணப்ப வாயிலூடாகவோ அனுப்பமுடியும்.

   பின் குறிப்பு: மாணவர்கள் காரைநகர்.கோ, காரைநகர்.கொம் என்ற இணைய தளத்தினூடாக தனிதனியாக விண்ணப்பங்களைத் தரவேற்றம் செய்ய வேண்டும். மிக இலகுவான முறையில் செய்யமுடியும். விண்ணப்பங்கள் தொடர்பான இறுதி முடிவுகள் எமது கலை, கல்வி, மற்றும் மொழி மேம்பாட்டுக் குழுவினராலும், எமது சபை நிர்வாகத்தினராலும் மேற்கொள்ளப்படும். முளுமையான விபரங்களுக்கு இணைக்கப்பட்டுள்ள செய்தி அறிக்கையைப் பார்கவும்.

                                                                    நன்றி

                     ‘நன்றே செய்வோம். அதை இன்றே செய்வோம்’

                                                                        இங்ஙனம்,

                                                                                                                    சுவிஸ் காரை அபிவிருத்திச்சபை

                                                                                                   செயற்குழு உறுப்பினர்கள்,

                                                                                                   சுவிஸ் வாழ் காரை மக்கள்.

 
                                                   உ
                                            சிவமயம்
"தென்னாடுடைய சிவனே போற்றி என்னாட்டவர்க்கும் இறைவா போற்றி"

சைவசித்தாந்த மன்றம் கனடா
தலைவர்: சிவநெறிச்செல்வர் திரு.தி.விசுவலிங்கம்

அன்புடையீர் வணக்கம்

கல் தோன்றி மண் தோன்றாக் காலத்தே வானொடு முன் தோன்றிய மூத்தகுடி தமிழ்க்குடியாகும். அப்பெருங்குடியினர் பண்பாட்டுடன் சமயச் செந்நெறியிலும் சிறந்து விளங்கினர். இவர்கள் மேற்கொண்ட சமயநெறி சிவநெறியாகும். 
ஈழமணித்திருநாட்டின் யாழ்ப்பாணத்தின் ஸ்ரீலஸ்ரீ ஆறுமுகநாலவர் பின்பற்றிய வழியில் கிராமங்கள் தோறும் கால்நடையாக சென்றும்இ அரிக்கன் லாம்புடன் மாட்டுவணடியிலும் சென்று அர்ததமுள்ள வைசவசித்தாந்த கருத்துக்களையும், சமயச்சொற்பொழிவுகளையும் பரப்புரை செய்து அதில் வெற்றியும் கண்டவர் காரைநகரைச் சேர்ந்த அருணாசல உபாத்தியார் என்ற மகான் என்பதில் பெருமிதம் கொள்கின்றோம்.

வைசமும் தமிழும் கண்ணெனக் கொண்டு அருளியல், வாழ்வியல் வழிபாடுகள் சிறக்கவும், எமது கிராமத்திலும், யாழ்ப்பாணத்திலும் பல பாடசாலைகள் உருவாகுவதற்கும் தனது செல்வங்கள் அனைத்தையும் பயன்படுத்தி அயராது தொண்டாற்றிய பெரிய மகான் என்பதில் பூரிப்படைகின்றோம்.

                     "அவன் அவள் அதுவெனும் அவைமூ வினைமையின்
                          தோற்றிய திதியே ஓடுங்கி மலத்தளதாம்
                                   அந்தமாதி என்மனார் புலவர்"

சைவப் பாடசாலைகளை நிறுவவும், சைவ ஆசிரிய கலாசாலையை உருவாக்கவும், சைவ ஆசிரியர்களை தோற்றிவிக்கவும் அயாரது தொண்டாற்றிய பெரிய மகான் திரு.ச. அருணாசலம் உபாத்தியார் அவர்களின் வரலாற்று நூல் மீளவும் வெளிவருவதையிட்டு பெருமகிழ்ச்சயடைகின்றோம்.

சைவசித்தாந்த மன்றம் கனடா எடுத்த முயற்சி பாராட்டுதலுக்குரியதாகும். இவர்கள் இதனோடு நின்றுவிடாது புலம்பெயர் தேசத்து இளம் சமூதாயத்திற்கு தேவையான சைவசமயத்தவரின் உணவுப் பயன்பாடுகள், சமயஅறிவு போன்ற நூல்கள் தொடர்ந்து வெளிவருதல் வேண்டும் என்றும், திரு.ச. அருணாசலம் உபாத்தியார் அவர்களின் வரலாற்று நூல் வெளியீட்டு விழா சிறப்புற அமைய ஈழத்துச் சிதம்பர ஸ்ரீ சிவகாமி அம்பாள் சமேத ஸ்ரீ ஆனந்த தாண்டவ நடராஜனின் சௌபாக்கியங்கள் கிடைத்து இன்புற வாழ்த்துகின்றோம்.

                     "மேன்மை கொள் சைவநீதி விளங்குக உலகமெல்லாம்"

                                                                   நன்றி

                                                                                                         இங்ஙனம்.
                                                                                 சுவிஸ் காரை அபிவிருத்திச்சபை
                                                                                          செயற்குழு உறுப்பினர்கள்
                                                                                        சுவிஸ் வாழ் காரை மக்கள்
                                                                                                        24.07.2015