Tag: காரைச் செய்திகள்

காரைநகர் ஈழத்துச் சிதம்பரத்தில் மார்கழித் திருவாதிரை உற்சவப்பெருவிழா நாளை திங்கட்கிழமை ஆரம்பமாகித் தொடர்ந்து பத்துத் தினங்கள் சிறப்பாக இடம்பெற உள்ளது

உற்சவ காலங்களில் தினமும் காலை 7.00 மணி முதல் ஜயனார்,சிவன் ஆகிய மூலமூர்த்திகளுக்கு விசேட அபிஷேக ஆராதனைகளும் முற்பகல் 10.00 மணிக்கு மணிவாசகப் பெருமான் எழுந்தருளி நடேசர் சன்னிதானத்தில் திருவெம்பாவை ஓதலும் தொடர்ந்து மாணிக்கவாசகர் உள்வீதி உலா வருதல் இடம்பெற்று பகல் 11.35 மணிக்கு இடம்பெறும் வசந்த மண்டபப் பூசையைத் தொடர்ந்து சுவாமி திருவீதி உலா வரும் காட்சி இடம்பெறும்

இந்த உற்சவத்தில் எதிர்வரும் 10ம் திகதி செவ்வாய்க்கிழமை இடம்பெறும் பஞ்சரத பவனியில் காலை 6.30 மணிக்கு வசந்த மண்டபப் பூசையும் தொடர்ந்து திருவெம்பாவை ஓதலும் இடம்பெற்று காலை 9.00 மணிக்கு நடேசப் பெருமான் தனது பரிவாரமூர்திகளுடன் பஞ்சரதங்களில் எழுந்தருளி தொடர்ந்து பஞ்சரத பவனி இடம்பெறும்.

மறுநாள் புதன் கிழமை அதிகாலை 2.00 மணி முதல் நடேசப் பெருமானுக்கு ஆருத்திரா அபிஷேகமும் அதிகாலை 5.30 மணிக்கு ஆருத்திரா தரிசனமும் இடம்பெற்று மாலை 3.30 மணிக்கு திருவூடல் உற்சவமும் தொடர்ந்து தீர்த்த உற்சவமும் இடம்பெற உள்ளது.

இந்த உற்சவங்களில் கலந்துகொள்ளும் பல்லாயிரக்கணக்கான பத்தர்களின் வசதி கருதி ஆலய சூழலில் சுகாதாரம்,குடிநீர்,பாதுகாப்பு போன்ற வசதிகள் ஏற்படுத்தப்பட்டுள்ளதுடன் உற்சவ காலங்களில் யாழ் நகரிலிருந்து ஆலயம் வரையிலான பஸ் சேவைகள் நேரடியாக இடம்பெற ஏற்பாடு செய்யப்பட்டுள்ளதுடன் ஆலய சூழலில் உள்ள மாணிக்கவாசகர் மடாலய அன்னதான சபை,ஈழத்துச் சிதம்பர சைவ அறப்பணி நிலையம் என்பவற்றில் அடியார்களுக்கு அன்னதானம் வழமைபோன்று வழங்கப்பட உள்ளது.

உற்சவத்தின் இறுதி ஜந்து நாட்களும் மணிவாசகர் சபையினரால் திருவாசகப் பெருவிழா ஆலய வசந்த மண்டபத்தில் நடாத்தப்பட உள்ளது.இதில் ஈழத்து,தமிழக அறிஞர்களின் பேருரைகளும் சபையினால் நடாத்தப்பட்ட சமய பாடப் பரீட்சையில் அதியுயர் புள்ளிகளைப் பெற்ற மாணவர்களுக்குத் தங்கப்பதக்கங்களும் பரிசில்களும் வழங்கப்பட உள்ளன.

காரைநகர் ஈழத்துச் சிதம்பரத்தில்  திங்கட்கிழமை தொடக்கம் பத்துத் தினங்களுக்குத் திருவாதவூரடிகள் புராணபடனம் இடம்பெற உள்ளது.என அறிவிக்கப்பட்டுள்ளது.

காரைநகர் மணிவாசகர் சபையின் ஏற்பாட்டில் திருவெம்பாவை உற்சவ காலமான  திங்கட்கிழமை தொடக்கம் எதிர்வரும் 11 ம் திகதி புதன்கிழமை வரை தினமும் பிற்பகல் 1.00 மணி முதல் 4.00 மணிவரை திருவாதவூரடிகள் புராணபடனம் இடம்பெற உள்ளதாக மணிவாசகர் சபையின் தலைவரும் யாழ்ற்ரன் கல்லூரி அதிபருமான வே.முருகமூர்த்தி தெரிவித்தார்.

காரைநகர் நாகமுத்துப்  புலவர் கவிதைகள் நூல் அறிமுக விழா எதிர்வரும் 12ம் திகதி வியாழக்கிழமை பிற்பகல் 2.00 மணிக்கு காரைநகர் இந்துக்கல்லூரி நடராசா ஞாபகார்த்த மண்டபத்தில் கல்லூரியின் முன்னாள் அதிபர் கலாபூஷணம் பண்டிதர் மு.சு.வேலாயுதபிள்ளை தலைமையில் இடம்பெற உள்ளது.

இவ் விழாவில் முதன்மை விருந்தினராக சிறுவர் விவகாரங்களுக்கான இராஜாங்க அமைச்சர் திருமதி விஜயகலா மகேஸ்வரன் கலந்துகொள்ள உள்ளதுடன் ஆசியுரையினை யாழ் பல்கலைக்கழக வாழ்நாள் பேராசிரியர் வே.தர்மரட்ணமும் வாழ்த்துரைகளை வடமாகாணக் கல்வி அமைச்சின் ஓய்வு நிலை பிரதிச் செயலரும் காரைநகர் அபிவிருத்திச் சபைத் தலைவருமான ப.விக்னேஸ்வரன்,காரைநகர் இந்துக்கல்லூரி அதிபர் திருமதி வாசுகி தவபாலன்,பண்டிதை செல்வி யோகலட்சுமி சோமசுந்தரம்,காரைநகர் மணிவாசகர் சபையின் முன்னாள் செயலர் கவிஞர் வே.குமாரசுவாமி ஆகியோரும்.நூலின் அறிமுகவுரையினை சிவத்தமிழ் காவலர் ஆ.செந்தில்நாதனும் வெளியீட்டுரையினை யாழ் பல்கலைக்கழக முன்னாள் தழிழ்த் துறைத் தலைவர் பேராசிரியர் எஸ்.சிவலிங்கராசாவும் நிகழ்த்த யாழ் பல்கலைக்கழக ஆங்கிலத்துறை சிரேஷ்ட விரிவுரையாளர் கலாநிதி திருமதி வீரமங்கை ஸ்டாலினா யோகரத்தினம் நூலினை வெளியிட்டு வைக்க கௌரவப் பிரதியை செல்வி இராணி வைத்தீசுவரக்குருக்கள் பெற்றுக்கொள்வார்.ஆய்வுரையினை கோப்பாய் ஆசிரியர் கலாசாலை பிரதி முதல்வர் செந்தமிழ்ச் சொல்லருவி ச.லலீசனும் நன்றியுரையினை நூலின் தொகுப்பாளரும் வெளியீட்டாளருமான கனக சிவகுமாரனும் வழங்குவர்.

                   பாராட்டி வாழ்த்துகின்றோம்

காரைநகர் மணிவாசகர் சபையில் நீண்ட காலம் தலைவராக பணியாற்றி தற்போது சபையின் காப்பாளராக இருந்து சிறந்த சைவப்பணியாற்றிவரும் பண்டிதர் மு.சு.வேலாயுதபிள்ளை அவர்கள் இந்து கலாசாரத் திணைக்களத்தின் "கலாபூசணம்" பட்டத்தினையும் யாழ்ப்பாணம் இந்துசமயப் பேரவையின் "திருவாசகமணி" பட்டத்தினையும் பெற்றுள்ளமையைப் பாராட்டி வாழ்த்துவதுடன் அவர் மேன்மேலும் பல பட்டங்கள் பெற்று சிறந்த சமயப்பணியாற்றவும் நீண்ட ஆயுளுடன் நோய்நொடியின்றி சிறப்புடன் வாழவும் எல்லாம் வல்ல ஈழத்துச் சிதம்பர சௌந்தராம்பிகை சமேத சுந்தரேஸ்வரப் பெருமானைப் பிரார்த்தித்து வாழ்த்துகின்றோம்.

மணிவாசகர் சபையினர்,

        காரைநகர். 

                                    பாராட்டி வாழ்த்துகின்றோம்

காரைநகர் மணிவாசகர் சபையின் உறுப்பினராக இருந்து சிறந்த சைவப்பணியாற்றிவரும் சித்தாந்த வித்தகர் வே.நடராசா அவர்கள் இந்து கலாசாரத் திணைக்களத்தின் "கலாபூசணம்" பட்டத்தினைப் பெற்றுள்ளமையைப் பாராட்டி வாழ்த்துகின்றோம்.

மணிவாசகர் சபையினர்,

           காரைநகர். 

அன்புடையீர்,

சைவமகாசபையின் நூற்றாண்டுமலருக்குஆக்கங்கள் கோரல்

பழமையும், பெருமையும் மிக்கநூற்றாண்டை எமது சைவமகாசபையின் ஆவணப்பதிவாக சைவத்தமிழ் ஆன்மீக அறநெறி மனிதநேயச் சிந்தனைகளைத் தாங்கி மலர் ஒன்றை வெளியிடத் தீர்மானித்துள்ளோம்.

சைவத்திற்கும், தமிழிற்கும் அருந்தொண்டாற்றிய சுவாமி விபுலானந்தர் போன்ற பல ஆன்மீகப் பெரியவர்களும், மகாத்மாகாந்தி போன்ற உன்னத ஜீவகாருண்யசீலர்களும் காலடிபதித்த எமது சபையின் வரலாறு அடுத்த தலைமுறைக்கு எடுத்துச் செல்லப்பட வேண்டியது அத்தியாவசியமானது எனும் நோக்கில் ஆடம்பரங்களை விடுத்து சமூகத்திற்கு பயன்தரும் வகையிலான செயற்திட்டங்களோடு முன்னெடுக்கப்படவுள்ள நூற்றாண்டு நினைவுகளில் ஒன்றாக வெளிவரும் இந்நூல் சுருக்கமாகவும், தெளிவாகவும் ஆன்மீக அறநெறிவரலாற்றுச் செயற்திட்டங்களையும், செய்திகளையும் சமூகத்தின் சகலமட்டங்களிலும் எடுத்துச் செல்லவேண்டும் என எதிர்பார்க்கப்படுகின்றது. 

ஆக்கங்கள் யாவும் சைவசமூகத்தின் மேன்மைக்கும், இக்கால நடைமுறை விடயங்களை எமது நாயன்மார்கள்,அருளாளர்களின் கருத்துக்களோடு தொடர்புபடுத்தி சமூகத்தை நல்வழிப்படுத்தத்தக்க வகையில் சுருக்கமாக அமைதல் விரும்பத்தக்கது. சொற்களின் அளவு 400 சொற்களுக்கு மேற்படாமல் இருத்தல் நன்று. கட்டுரையின் பிரசுரிப்பு தொடர்பாக இறுதி முடிவை செயற்குழுவே மேற்கொள்ளும். 

ஆக்கங்களை 30.12.2016 ற்கு முன்னதாக நூற்றாண்டு நூலாக்க குழுவினரிடம் சமர்ப்பித்து சைவசமய சமூக மறுமலர்ச்சியில் பங்கெடுக்குமாறு அன்புடன் வேண்டிநிற்கின்றோம். 
தொடர்பு கொள்ள வேண்டிய தொலைபேசி இலக்கம்,மின்னஞ்சல் முகவரி:-

திரு.கா.குமாரவேலு (ஓய்வுநிலைஅதிபர்) – 0212211716

பண்டிதர் மு.சு. வேலாயுதபிள்ளை (ஓய்வுநிலைஅதிபர்)- 0777242988

கலாநிதி வீரமங்கை யோகரத்தினம் – 0779469547

Email: yoharatnam7@gmail.com

ஐயா / அம்மணி

பேரன்புடையீர் வணக்கம்.

…………………………………………….
…………………………………………….
…………………………………………….

காரைநகர் சைவமகாசபையின் நூற்றாண்டுவிழாவை இவ்வருடம் கொண்டாடுவதற்கும், சைவமகாசபையின் ஆவணப்பதிவாக சைவத்தமிழ், ஆன்மீக, அறநெறி, மனிதநேயச் சிந்தனைகளைத் தாங்கி மலர் ஒன்றை வெளியிடவும் தீர்மானிக்கப்பட்டுள்ளது. அம்மலருக்கான ஆக்கங்கள் கோரப்படுகின்றன. ஆக்கங்கள் யாவும் சைவசமூகத்தின் மேன்மைக்கும், இக்கால நடைமுறை விடயங்களை எமது நாயன்மார்கள், அருளாளர்களின் கருத்துக்களோடு தொடர்புபடுத்தி சமூகத்தை நல்வழிப்படுத்தத்தக்க வகையில் சுருக்கமாக அமைதல் விரும்பத்தக்கது. சொற்களின் அளவு 400 சொற்களுக்கு மேற்படாமல் இருத்தல் நன்று. கட்டுரையின் பிரசுரிப்பு தொடர்பாக இறுதி முடிவை செயற்குழுவே மேற்கொள்ளும். 

ஆக்கங்களை 30.12.2016ற்கு முன்னதாக நூற்றாண்டு நூலாக்க குழுவினரிடம் சமர்ப்பித்து சைவசமய சமூக மறுமலர்ச்சியில் பங்கெடுக்குமாறு அன்புடன் வேண்டி நிற்கின்றோம்.

தொடர்பு கொள்ள வேண்டிய தொலைபேசி இலக்கம்,மின்னஞ்சல் முகவரி:-

திரு.கா.குமாரவேலு (ஓய்வுநிலைஅதிபர்) – 0212211716

பண்டிதர் மு.சு.வேலாயுதபிள்ளை (ஓய்வுநிலைஅதிபர்)- 0777242988

கலாநிதி வீரமங்கை யோகரத்தினம் – 0779469547

Email: yoharatnam7@gmail.com

விழாக்குழுவினர்

             ஊர் முற்றம்- காரைநகர்

நன்றி IBC Tamil TV

காரைநகர் கிழவன்காடு கலாமன்றம் நடத்தும் பரிசளிப்பும் கலைவிழாவும் 30.10.2016 ஞாயிற்றுக்கிழமை பிற்பகல் 2.00 மணிக்கு நல்லூர் துர்க்காதேவி மணிமண்டபத்தில் மன்றத்தின் ஸ்தாபகத் தலைவர் ந.சோதிநாதன் தலைமையில் இடம்பெற்றது.

இவ் விழாவில் பிரதம விருந்தினராக இந்தியத் துணைத் தூதுவர் ஆ.நடராஜன் அவர்களும் சிறப்பு விருந்தினராக யாழ் பல்கலைக்கழக வணிக முகாமைத்துவ பீட பீடாதிபதி பேராசிரியர் கலாநிதி தி.வேல்நம்பி தம்பதியினரும் இலங்கை மத்திய வங்கி பிராந்திய முகாமையாளர் பா.சிவதீபன் தம்பதியினரும்
கௌரவ விருந்தினராக நாதஸ்வரச் சக்கரவர்த்தி எஸ்.பாலமுருகன் தம்பதியினர்,கலைமாடக்கோண் ச.சிவஞானம் தம்பதியினர் ஆகியோர் கலந்து கொண்டனர்.

இந்நிகழ்வில் காரைநகர் கிழவன்காடு கலா மன்ற மாணவர்களினதும் கலா மன்றத்தின் யாழ் கிளை மாணவர்களினதும் கலை நிகழ்வுகளும்,சிறப்புப் பட்டி மன்டபமும் இடம்பெற்றது.நூற்றுக்கணக்கான பார்வையாளர்கள் கலந்து சிறப்பித்தனர்.

காரைநகர் அபிவிருத்தி சபையின் ஊடாக திரு.சுப்பிரமணியம் கதிர்காமநாதன் அனுசரணையில் காரைநகர் சாலையின் புனரமைப்புப்பணிகளுக்கு நிதி கையளிப்பு.

காரைநகர் அபிவிருத்தி சபையின் ஊடாக திரு.சுப்பிரமணியம் கதிர்காமநாதன் காரைநகர் சாலையின் புனரமைப்புப்பணிகளுக்கு ரூபா ஐந்து இலட்சம் வழங்குவதாக உறுதியளித்தமைக்கேற்ப இன்று முதற்கட்டமாக ரூபா இரண்டு இலட்சத்தி ஐயாயிரம் ரூபாவிற்கான காசோலை அபிவிருத்தி சபையின் பொருளாளர் திரு.கணேசபிள்ளை பாலச்சந்திரனால் காரைநகர் சாலை நிர்வாக உத்தியோகத்தரிடம் வழங்கப்பட்டது. இதன்போது காரை அபிவிருத்தி சபையின் முன்னாள் தலைவர் திரு. சிவா.தி. மகேசன் அவர்களும் உடனிருந்தார்.