காரைநகரில் பனைவளவிருத்தி ஆரம்பிக்கப்பட்டுள்ளது

சென்ற கிழமை பிரதேச செயலகர் திரு தயாரூபன் அவர்களால் அரம்பிக்கப்பட்ட பனை விதைகள் நடும பணியினைத் தெடர்ந்து காரைநகர் அபிவிருத்திச்சபையும் தன் பங்கினை வழங்கியுள்ளது. எமது உபசெயலாளர்/பிரதி செயலாளர் திரு நாகராஜா அவர்களின் விடாமுயற்சியினால் (19.11.2017, ஞாயிற்றுக்கிழமை) அவரால் அழைத்துவரப்பட்டவர்கள் சுமார் பிரதேச செயலகர் நட்டு முடித்த இடத்திலிருந்து தீர்த்தக் கரையோரம் ஆயிரத்திற்கு மேற்பட்ட விதைகளை நட்டனர். திரு நாகராசா அவர்களுடன் ஒத்துழைத்தவர்களில் சிவகௌரி ஜனசமூக நிலையத் தலைவர் திரு சிவபாலன் அவர்களை முக்கியமாகக் குறிப்பிடவேண்டும் அவரும் அவருடன் சேர்நத மூன்று அன்பர்களும் காலை 7.00 மணியிலிருந்து பிற்பகல் 3.00 மணி வரை எடுத்த காரியத்தினை நிறைவுற்றி முடித்தனர். திரு சிவபாலன் அவர்களுக்கும் அவருடன் சேர்ந்து பணியாற்றிய மற்றையோருக்கும் நன்றி தெரிவிப்பதுடன் இக்குழுவினரை ஒன்றிணைத்து வழிநடத்தியதுடன் உடனிருந்து பணியினை நிறைவேற்றிய திரு நாகராஜா அவரகளது கடமையுணர்வினை மெச்சிப் பாராட்டாமல் இருக்க முடியாது. காரைநகர் அபிவிருத்திச்சபையின் பொருளாளர் பண்டிதர் மு. சு. வேலாயுதபிள்ளை அவர்கள் முதல் விதையினை நட்டுப் பணியினை ஆரம்பித்து வைத்தார். அத்துடன் காரைநகர் அபிவிருத்திச்சபையின் நிரவாக உறுப்பினர் திரு செந்தூரன் அவர்களும் முன்னாள் நிர்வாக உறுப்பினர் திரு வேலுப்பிள்ளை சபாலிங்கம் அவர்களும் அவரது பாரியாரும் இப்பணியில் பங்கு பற்றினர். அனைவருக்கும் எனது மனமார்ந்த நன்றியினைத் தெரிவித்துக் கொள்கின்றேன். பனைவளம் மீண்டும் தளைத்தோங்க காரைநகரிலுள்ள பிற அமைப்புக்களையும் முன்வருமாறு தாழ்மையுடன் கேட்டுக் கொள்கின்றேன். வீட்டுத் திட்டங்களின் கீழ் அமைக்கும் கட்டிடங்கள் மற்றும் அத்தியாவசமான தேவைகளுக்காகப்பனைகளைத் தறிப்பது தவிர்க்க முடியாததாகும். அதேவேளையில் வருடாவருடம் விதைகளை நட்டு எமது பலவித தேவைகளைப் பூர்த்தி செய்யும் கற்பகதருக்கள் முற்றிலும் அழியாமல் பாதுகாப்பது எமது பொறுப்பாகும்.

அன்புடன்
சிவா தி மகேசன்.

காரைநகர் தொழிற் பயிற்சி நிலையம்

நன்றி IBC Tamil TV

அமெரிக்கா Boston நகரத்தில் வசிக்கும் சிவகாமி அம்மன் வீதியை சேர்ந்த திரு.தர்மலிங்கம் விக்கினேஸ்வரன் குடும்பத்தினரின் நிதி ஆதரவில் காரைநகர் ஆரம்ப பாடசாலைகள் அனைத்திலும் கல்வி பயிலும் தரம் 4, தரம் 5ம் வகுப்பு மாணவர்களை புலமைப்பரிசில் பரீட்சையில் ஊக்குவிக்கும் முகமாகவும், இவ்வருடம் புலமைப்பரிசில் பரீட்சையில் சித்தியடைந்த மற்றும் இரண்டும் பாடங்களிலும் மொத்தம் 70 புள்ளிகளிற்கு மேல் பெற்ற மாணவர்கள் அனைவருக்கும் கல்வி ஊக்குவிப்பும், புலமைப்பரிசில் பரீட்சையில் வெட்டுப்புள்ளிகளிற்கு மேல் பெற்று சித்தியடைந்த 20 காரைநகரை சேர்ந்த மாணவர்களிற்கு தலா 3,000 பணப்பரிசுகளும் வழங்கப்பட்டு கௌரவிக்கப்பட்டனர்.

1958.03.01 இல் ஆரம்பிக்கப்பட்டு இற்றைவரை சிறப்புற சமூகப்பணியாற்றிவரும் ஸ்ரீ சிதம்பரேஸ்வரர் சனசமூக நிலலையத்தினரால் 05.11.2017 ஞாயிற்றுக்கிழமை அன்று யாழ்ற்ரன் கல்லூரி மண்டபத்தில் நிலைய தலைவர் திரு.க.விஜயகாந் தலைமையில் மேற்படி நிகழ்வு நடைபெற்றது. இந்நிகழ்வுகளிற்கு முதன்மை அதிதியாக காரை கோட்டக்கல்வி பணிப்பாளர் திரு.அ.குமரேசமூர்த்தி அவர்களும், சிறப்பு அதிதிகளாக கலாநிதி வீரமங்கை ஸ்ராலினா யோகரத்தினம், யாழ்ற்ரன் கல்லூரி அதிபர் திரு.வே.முருகமூர்த்தி, காரை மத்தி கிராம அலுவலர் செல்வி மு.அருந்தசா, ஒளி அரசி சஞ்சிகை துணை ஆசிரியர் திருமதி சூரியகுமாரி சிவரூபன், மன்றத்தின் ஆதரவாளர் திரு.தி.பிரபாகரன் அவர்களும் கலந்து சிறப்பித்தனர். இந்நிகழ்வுகளை சிவகாமி அம்பிகா சமேத ஸ்ரீ சிதம்பரேஸ்வரர் ஆலய பிரதம ஆலய குரு மங்களேஸ்வரக்குருக்கள் அவர்கள் மங்கள விளக்கேற்றி ஆரம்பித்து வைத்தார்.

2017ம் ஆண்டு தரம் 5 புலமைப்பரிசில் பரீட்சையில் காரைநகர் பாடசாலைகளில் கல்வி பயின்று வெட்டுப்புள்ளிகளிற்கு மேல் பெற்று சித்தியடைந்த 18 மாணவர்கள் மற்றும் அயல்கிராம பாடசாலைகளில் கல்வி கற்று சித்தியடைந்த மேலும் 2 மாணவர்கள் உட்பட 20 மாணவர்களிற்கு தலா 3,000 ரூபா ரொக்க பணமும் தலா ஒரு மாணவருக்கு 250 ரூபாய்கள் மதிப்புள்ள கற்றல் உபகரணங்களும் கௌரவிப்பும் வழங்கப்பட்டது.

அத்துடன் காரைநகர் அனைத்து பாடசாலைகளிலும் அடுத்த ஆண்டு புலமைப்பரிசில் பரீட்சைகளிற்கு தயாராகும் தரம் 4 இல் கல்வி கற்கும் மொத்தம் 161 மாணவர்களுக்கும் தலா 390 ரூபாய்கள் மதிப்புள்ள கற்றல் உபகரங்கள், பரீட்சை வழிகாட்டி புத்தகங்கள் என்பனவும் வழங்கப்பட்டன.

அத்துடன் வருடந்தோறும் 5ம் தர புலமைப்பரிசில் பரீட்சைக்கு தயார் செய்யும் நோக்குடன் வருடந்தோறும் தரம் 4ம் ஆண்டு பயிலும் மாணவர்களிற்கு தலா 70 ரூபாய்கள் மதிப்புள்ள மாதிரி வினாத்தாள்கள் அடங்கிய அறிவு பொது அறிவு வளர்க்கும் மாணவர் புத்தகங்கள் தொடர்ந்து இத்திட்டத்தின் மூலம் வழங்கப்படவுள்ளதாக அனுசரணையாளர் திரு.விக்கினேஸ்வரன் தர்மலிங்கம் சார்பில் அறிவிக்கப்பட்டது. இத்திட்டத்தின் மூலம் இலங்கையில் மாதாந்தம் வெளியாகும் ‘ஒளி அரசி’ குடும்ப சஞ்சிகை இதழ் வழங்கப்பட்டது, இம்மாத இதழானது பாடசாலை சிறுவர்களின் பொது அறிவினை வளர்க்கும் நோக்குடன் வெளிவருவதுடன் பரீட்சை கருத்தரங்குகள் மாதிரி வினாத்தாள்களை கொண்டும் மாதாந்தம் வெளிவருகின்றது. இத்திட்டத்திற்கு இச்சஞ்சிகை சார்பாக ஊடக அனுசரணை வழங்கப்பட்டதும் குறிப்பிடத்தக்கது.

இந்நிகழ்வுகளிற்கு பெற்றோர்கள், நிலைய நலன்விரும்பிகள், சனசமூக நிலைய பிரதிநிதிகள், அயல்பாடசாலை அதிபர்கள், ஆசிரியர்கள், மாணவர்கள் என மண்டபம் நிறைந்த பார்வையாளர்கள் கலந்து விழாவினை சிறப்படைய வைத்ததுடன் இந்நிகழ்விற்கு நிதி முழுமையான நிதி அனுசரணை வழங்கி இந்நிகழ்வினை நடாத்துவதற்கு உதவி புரிந்த அமெரிக்கா பொஸ்ரன் நகரில் வதியும் சிவகாமி அம்மன் வீதியை சேர்ந்த திரு.விக்கினேஸ்வரன் தர்மலிங்கம் குடும்பத்தினரை வாழ்த்தியதுடன் இந்நிகழ்வினை சிறப்புற ஒழுங்கமைப்பு செய்த சேவையாளர்களையும் வாழத்திச்சென்றனர்.
இந்நிகழ்வு மூலம் பயனடைந்த பாடசாலைகள் மாணவர்கள் விபரம் வருமாறு:

2017 ம் ஆண்டு புலமைப்பரிசில் பரீட்சையில் சித்தியடைந்த மாணவர்கள் 20 பேர்களிற்கு தலா 3,000 ரூபாய்கள் பணப்பரிசுடன் 350 ரூபாய்கள் பெறுமதி மிக்க கற்றல் உபகரணங்கள் வழங்கப்பட்டன.

1. யாழ்ற்ரன் கல்லூரி 8 மாணவர்கள்
2. வலந்தலை தெற்கு அ.மி.த.க.பாடசாலை 6 மாணவர்கள்
3. சுப்பிரமணியம் வித்தியாசாலை 1 மாணவர்
4. ஊரி அ.மி.த.க.பாடசாலை 2 மாணவர்கள்
5. மெய்கண்டான் வித்தியாலயம் 1 மாணவர்
6. காரை மத்தியை சேர்ந்த அயலூர் பாடசாலை மாணவர்கள் 2

அத்துடன் 2017ம் ஆண்டு புலமைப்பரிசில் பரீட்சையில் 70 புள்ளிகளிற்கு மேல் பெற்ற 100 மாணவர்களுக்கு தலா 250 ரூபாய்கள் மதிப்புள்ள கற்றல் உபகரணங்கள் வழங்கப்பட்டன.

1. யாழ்ற்ரன் கல்லூரி 19 மாணவர்கள்
2. சுப்பிரமணியம் வித்தியாசாலை 17 மாணவர்கள்
3. மெய்கண்டான் வித்தியாசாலை 8 மாணவர்கள்
4. வலந்தலை வடக்கு அ.மி.த.க.பாடசாலை 13 மாணவர்கள்
5. ஊரி அ.மி.த.க.பாடசாலை 16 மாணவர்கள்
6. தோப்புக்காடு மறைஞானசம்பந்தர் வித்தியாலயம் 9 மாணவர்கள்
7. வியாவில் சைவ வித்தியாலயம் 1 மாணவர்
8. வலந்தலை தெற்கு அ.மி.த.க.பாடசாலை 10 மாணவர்கள்
9. வேரப்பிட்டி கணேசா வித்தியாசாலை 6 மாணவர்கள்
10. பாலாவோடை இந்து தமிழ் கலவன் பாடசாலை 1 மாணவர்

அடுத்த ஆண்டு புலமைப்பரிசில் பரீட்சைக்கு தயாராகும் தரம் 4 மாணவர்கள் மொத்தம் 161 பேர்களிற்கு தலா 390 ரூபாய்கள் பெறுமதி மிக்க கற்றல் உபகரணங்கள் மற்றும் மாதிரி வினாத்தாள்கள் அடங்கிய புத்தகங்கள் வழங்கப்பட்டன.

1. யாழ்ற்ரன் கல்லூரி 30 மாணவர்கள்
2. சுப்பிரமணியம் வித்தியாசாலை 17 மாணவர்கள்
3. ஆயிலி சிவஞானோதயா வித்தியாலயம் 10 மாணவர்கள்
4. மெய்கண்டான் வித்தியாலயம் 08 மாணவர்கள்
5. வலந்தல தெற்கு அ.மி.த.க.பாடசாலை 21 மாணவர்கள்
6. வலந்தலை வடக்கு அ.மி.த.க.பாடசாலை 14 மாணவர்கள்
7. ஊரி அ.மி.த.க.பாடசாலை 22 மாணவர்கள்
8. தோப்புக்காடு மறைஞானசம்பந்தர் வித்தியாலயம் 8 மாணவர்கள்
9. சுந்தரமூர்த்தி நாயனார் வித்தியாலயம் 8 மாணவர்கள்
10. வியாவில் சைவவித்தியாலயம் 5 மாணவர்கள்
11. பாலாவோடை இந்து தமிழ் கலவன் பாடசாலை 3 மாணவர்கள்
12. வேரப்பிட்டி கணேசா வித்தியாலயம் 15 மாணவர்கள்

மேலும் ஒவ்வொரு மாதமும் ‘ஒளி அரசி’ மாதாந்த குடும்ப சஞ்சிகை காரைநகரில் உள்ள அனைத்து சனசமூக நிலையங்கள் மற்றும் நூல் நிலையங்கள் உட்பட 20 இடங்களிற்கு மாதாந்தம் வழங்குவுதற்கும் அனுசரணையாளர் ஏற்பாடு செய்துள்ளார் என்பதும் குறிப்பிடத்தக்கது.

காரைநகர் இந்துக் கல்லூரியில் சிறப்பாக நடைபெற்ற ஆங்கில தின விழா – 2017

காரைநகர் இந்துக் கல்லூரியில் ஆங்கில தின விழா 31.10.2017 அன்று நண்பகல் 12.00 மணிக்கு நடராஜா ஞாபகார்த்த மண்டபத்தில் கல்லூரி அதிபர் திருமதி சிவந்தினி வாகீசன் அவர்களின் தலைமையில் இடம்பெற்றது.

இந்நிகழ்விற்கு பிரதம விருந்தினராக கல்லூரியின் ஓய்வுநிலை அதிபரும் முன்னாள் ஆங்கில ஆசிரியருமாகிய திரு கா. குமாரவேலு அவர்களும், சிறப்பு விருந்தினராக ஆங்கில பாடத்துறைக்கான தீவக வலய உதவிக் கல்விப் பணிப்பாளர் திரு ந. பத்மராஜா அவர்களும் கலந்து கொண்டு விழாவை சிறப்பித்திருந்தார்கள்.

இந்நிகழ்வில் வரவேற்பு நடனம், பேச்சு, வினாடி வினா, நாடகம் போன்ற பல நிகழ்வுகள் மேடையேற்றப்பட்டன. அத்துடன் வலய மட்ட ஆங்கில தினப்போட்டியில் வெற்றியீட்டிய மாணவர்களுக்கு பரிசில்களும் வழங்கப்பட்டன.

நிகழ்வில் எடுக்கப்பட்ட படங்களைக் கீழெ காணலாம்.

காரைநகர் களபூமி தன்னை சித்தி விநாயகர் ஆலயத்தில் 17-10-2017 செவ்வாய்க்கிழமை அன்று நடைபெற்ற மண்டலாபிஷேக 48ம் தின பூர்த்தி பெருவிழா நிகழ்வுகள் மற்றும் முத்தமிழ் பேரவையின் கலை நிகழ்வுகளும் தன்னை சித்தி விநாயகர் ஆலய அறநெறி மாணவர்களுக்கு அமரர் சதாசிவம் நவரத்தினம் அவர்களின் ஞாபகமாக பரிசில்களும் வழங்கப்பட்டன.

காரைநகர் களபூமி பாலாவோடை குறிஞ்சாக்குளி ஸ்ரீ முத்துமாரி அம்மன் 30/09/2017 சனிக்கிழமை மாலை 2.00 மணியளவில் ஆலயத்தில் இருந்து புறப்பட்டு பாலாவோடை பிரதான வீதி ஊடாக பொன்னாவளை வீதி வழியாக திக்கரை முருகப்பெருமான் ஆலயத்தில் வன்னி மர வாழை வெட்டு அதாவது மானம்பூ திருவிழாவும் மற்றும் திக்கரை அறநெறி மாணவர்களுக்கு கடந்த நல்லூர் கந்தசுவாமி ஆலய உட்சவ காலத்தில் இடம்பெற்ற போட்டிகளில் கலந்து கொண்ட மாணவர்களுக்கு இந்து சமய கலாசார அலுவல்கள் திணைக்கழகத்தினால் வழங்கப்பட்ட சான்றிதழ்களும் மற்றும் பிரபல வர்த்தகர் S.V.M நிறுவனத்தினால் பரிசில்களும் வழங்கி கௌரவிக்கப்பட்டனர். அதனை தொடர்ந்து அம்மன் தனது ஆலயத்தை வளுப்போடை வீதி வழியாக வந்தடைந்தன.

உ
சிவமயம்

காரைநகர் மணிவாசகர் சபை

பத்தி பூர்வமாக நடைபெற்ற
அமரர் கலாநிதி,சிவஸ்ரீ க.வைத்தீசுவரக்குருக்கள்
                                                 அவர்களின்
                                                            இரண்டாவது ஆண்டு நினைவிற்கான
                                                          சமர்ப்பண நூல் வெளியீடு

அமரர் கலாநிதி,சிவஸ்ரீ க.வைத்தீசுவரக்குருக்கள் அவர்களின் இரண்டாவது ஆண்டு நினைவிற்கான சமர்ப்பண நூலாக சைவப்பெரியார் சு.சிவபாதசுந்தரம் அவர்களால் எழுதப்பட்ட “திருவாசக மணிகள்” என்ற நூல் காரைநகர் மணிவாசகர் சபையினரால் வெளியிடப்பட்டது.

இந் நிகழ்வானது 24.09.2017 பி.ப 3.00 மணிக்கு குருக்கள் அவர்கள் கல்வி கற்ற பாடசாலையான காரைநகர் இந்துக் கல்லூரி நடராஜா ஞாபகார்த்த மண்டபத்தில் சபையின் காப்பாளர் கலாபூஷணம் பண்டிதர் மு.சு.வேலாயுதபிள்ளை அவர்கள் தலைமையில் ஆரம்பமாகி நடைபெற்றது.

முதல் நிகழ்வாக குருக்கள் அவர்களின் திருவுருவப்படத்திற்கு அவரது மகள் செல்வி இராணி வைத்தீஸ்வரக்குருக்கள் அஞ்சலி விளக்கினை ஏற்றி வைத்தார். தொடர்ந்து சபையின் காப்பாளர், சபைத்தலைவர் ஆகியோர் சுடர்கள் ஏற்றி வைத்து வணக்கம் செலுத்தினர். தொடர்ந்து ஈழத்துச்சிதம்பர பிரதம குரு சிவஸ்ரீ வி. ஈஸ்வரக்குருக்கள் அவர்கள் தீபாரதனை நிகழ்த்தினார்.
யாழ்ற்ரன் கல்லூரியின் சங்கீதத்துறை ஆசிரியர் செல்வி லீலாவதி இராசரத்தினம் அவர்களினால் பஞ்சபுராணம் ஓதல் இடம்பெற்றது.

சிவஸ்ரீ க.வைத்தீசுவரக்குருக்கள் 1939 ஆம் ஆண்டு மணிவாசகர் சபையை ஆரம்பிக்க யாழ்ப்பாணத்து யோகர் சுவாமிகளிடம் சென்று ஆசி வேண்டியபோது அவர் “வேண்டத்தக்கது அறிவோய் நீ ” என்ற திருவாசகத்தை பாடி அன்று தனது ஆசியை குருக்கள் அவர்களுக்கு வழங்கினார். இதனை சித்தரிக்கும் காட்சி யோகர் சுவாமிகள் அருள் பெற்ற யாழ்ப்பாணம் நாச்சிமார் கோவிலடி ஓவியர் திரு.சு.பத்மநாதன் அவர்களால் வரையப்பட்டது. இத்திருவுருவப் படத்தைச் செய்ய அரிய பிரயத்தனங்களைச் செய்து ஒப்பேற்றியவர் காரைநகர் சடையாளி ச.வே.சிவகுருநாதன் அவர்களைச் சாரும்.
இப்படம் குருக்கள் அவர்களின் மகளினால் திரைநீக்கம் செய்யப்பட்டது. தொடர்ந்து சிவஸ்ரீ ஈஸ்வரக்குருக்கள் அவர்களின் தீபாராதனா இடம்பெற்றது. மணிவாசகர் சபையின் வரலாற்று நிகழ்வாகிய இப்படத்தில் யோகர் சுவாமிகள் அபயம் அளிக்கும் திருக்கரமும் கடைக்கண்பார்வையும் படத்தில் அற்புதமாக இருக்கின்றமை குறிப்படத்தக்கது.

பின்னர் மணிவாசகர் சபைத்தலைவர் திரு.வே.முருகமூர்த்தி அவர்களின் வரவேற்புரையைத் தொடர்ந்து தலைமையுரை இடம்பெற்றது.

நினைவுரையினை அதி.வண கலாநிதி S.ஜெபநேசன் அவர்கள் உரையாற்றினார். அவர் தனது உரையில் குருக்கள் அவர்கள் புத்தகங்களில் இருந்த ஈடுபாட்டினை மிகவும் துல்லியமாக எடுத்துக்காட்டினார். மேலும் நினைவுரை ஆற்றிய சிவஸ்ரீ ப. சிவானந்த சர்மா அவர்கள் குருக்கள் அவர்களின் சைவப்பணி, தமிழ்ப்பணி ,நூல் வெளியீட்டுப் பணி என்பவற்றினை கோடிட்டுக் காட்டி உரை நிகழ்த்தினார்.

தொடர்ந்து திருவாசக மணிகள் நூல் வெளியீடு செய்யப்பட்டு நூலிற்கான நயப்புரையினை சைவப்புலவர் சு. செல்லத்துரை அவர்கள் எடுத்துக்கூறினார். திருவாசக மணிகள் நூல் திருவாசகத்திற்கு ஓர் ஆரம்ப நூல் இதனை நன்கு படித்தால் திருவாசகத்தின் ஒவ்வோர் அதிகாரத்தினையும் பற்றிய கருத்துக்களை அறிந்து கொள்ள முடியும் என்பதையும் குறிப்பிட்டார். நூலில் குருக்கள் அவர்களின் திருவாசம் பற்றிய கட்டுரை, சைவப் பெரியார் சிவபாதசுந்தரனார் அவர்களின் முழுமையான வாழ்க்கை வரலாறு ஆகியவை இடம்பெறுகின்றமை நூலினை மேலும் அணி செய்வதாக சைவப்புலவர் எடுத்துரைத்தார்.

தொடர்ந்து கௌரவப் பிரதி , முதற்பிரதி , சிறப்புப் பிரதி என்பன வழங்கப்பட்டன. விழாவிற்கு வருகை தந்த அனைவரும் நூற்பிரதிகளைப் பெற்றுக்கொண்டனர்.

இறுதியாக சபையின் செயலாளர் திரு.பா.இராமகிருஷ்ணன் அவர்களால் நன்றியுரை கூறப்பட்டு விழா இனிதே நிறைவேறியது.

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????