Category: CKCA REPORT

கனடா காரை கலாச்சார மன்றத்தின்

செயற்பாட்டு அறிக்கை

Sept 24, 2022 –  April 27, 2024

• கனடா காரை கலாசார மன்றத்தின் புதிய நிர்வாக சபையைத் தெரிவு செய்வதற்கான பொதுக்கூட்டம் 24.09.2022 அன்று முற்பகல் 10.00 மணிக்கு ஸ்காபுரோ Civic Centreஇல் மன்றத்தின் உப- தலைவரான திரு.சபாரத்தினம் பாலச்சந்திரன் அவர்களின் தலைமையில் நடைபெற்றது.
• கனடா காரை கலாசார மன்றத்தின் புதிய நிர்வாகசபை சிவசம்பு சிவநாதன் அவர்களின் தலைமையில் அமையப் பெற்றது.
• கனடா காரை கலாச்சார மன்றம் வருடாந்தம் நடாத்தும் தமிழ்மொழித் திறன், பண்ணிசைப் போட்டிகள் 2022ம் ஆண்டு நவம்பர் 13ம் திகதியும் 2023ம் ஆண்டு செப்டெம்பர்  17ம் திகதியும் நடாத்தப்பட்டன.
• கனடா காரை கலாச்சார மன்றத்தினால் ஆண்டு தோறும் பெருமையோடு வழங்கப்பட்டு வருகின்ற காரை வசந்தம் கலை விழா 2022ம் ஆண்டு டிசம்பர் 10ம் திகதியும் 2023ம் ஆண்டு டிசம்பர் 02ம் திகதியும் இரு கலை விழாக்களும் தமிழிசைக் கலா மன்ற அரங்கில் நடைபெற்றது. 2022ம் ஆண்டு நடைபெற்ற நடைபெற்ற கலை விழாவில் தமிழ்மொழித் திறன் போட்டியின் ஓர் அங்கமாக நடாத்தப்பட்டிருந்த பேச்சுப்போட்டியில் பங்குபற்றி முதலாவது இடத்தினைப் பெற்ற சிறியோர் மற்றும் இளையோரின் பேச்சுக்கள் நிகழ்ச்சிகளின் இடையே இடம்பெற்றிருந்தன, அதேவேளையில் தமிழ்மொழித் திறன், பண்ணிசை ஆகிய போட்டிகளில் ஆறுபிரிவுகளிலும் முதலாம் இடத்தினைப்பெற்ற வெற்றியாளர்களிற்கு தங்கப் பதக்கங்கள் அணிவிக்கப்பட்டதுடன் இரண்டாம் மூன்றாம் இடத்தினைப் பெற்ற வெற்றியாளர்களிற்கும் பங்குபற்றிய போட்டியாளர்களிற்கும் அரங்கில் பரிசில்கள் வழங்கப்பட்டிருந்தன.காரை மண்ணின் சிறார்களும் இளையோரும் மூத்த கலைஞர்களும் வழங்கிய கலைநிகழ்ச்சிகள் அமைந்திருந்தன.

2023ம் ஆண்டு நடைபெற்ற கலை விழா காரைதீவு காரைநகராக பெயர் மாற்றம் பெற்ற நூற்றாண்டுச் சிறப்பு விழாவாக  நடைபெற்றதோடு காரைச் சிறார்களும் இளையோரும் தமது கலைப் படைப்புக்களினால் சபையோரை கட்டிப்போட்டிருந்த விழா அமையப்பெற்றதும். அத்தோடு காரை.மண்ணின் பெருமையினையும் மகிமையினையும் பிரபலிக்கின்ற இருபத்தைந்துக்கு மேற்பட்ட ஆக்கங்கள், வரலாற்றுத் தகவல்கள், மண்ணின் நினைவுகளை சுமந்து வருகின்ற புகைப்படங்கள் உள்ளிட்ட மண் சார்ந்த பல்வேறு விடயங்களைத் தாங்கிய கனதியான சிறப்பு மலராக காரைவசந்தம் மலர் வெளியிடப்பெற்றிருந்தது. தமிழ்மொழித் திறன், பண்ணிசை ஆகிய போட்டிகளின் வெற்றியாளர்களிற்கும் பங்குபற்றிய போட்டியாளர்களிற்கும் அரங்கில் பரிசில்கள் வழங்கப்பட்டிருந்தன.

• கனடா காரை கலாச்சார மன்றத்தினால் ஆண்டுதோறும் நடத்தப்படும் திருவாதிரைத் திருவிழா கனடா செல்வமலைப் பிள்ளையார் கோயிலில் (Richmond Hill Hindu Temple) 2023ம் ஆண்டு ஜனவரி 6ம் திகதியும் அதே ஆண்டு டிசம்பர் 27ம் திகதியும் நடைபெற்றன. இரு திருவிழாக்களின் போது காரைநகரைச் சேர்ந்த சிறார்களின் இன்னிசைக் கச்சேரி இடம்பெற்றது.

• கனடா காரை கலாச்சார மன்றத்தின் வருடாந்த ஒன்றுகூடலும் விளையாட்டுப்போட்டியும் பெருந்திரளான காரை உறவுகளின் பங்குபற்றுதலுடன் 2023ம் ஆண்டு ஆகஸ்ட் 05ம் திகதி Morningside பூங்காவில் வெகு சிறப்பாக நடைபெற்றது. அதிகமான இளையோரின் ஈடுபாடு இருந்ததை அவதானிக்கமுடிந்தது. இது பாராட்டக்கூடிய மகிழச்சியான மாற்றமாகும். சுவிற்சலாந்து, லண்டன், அவுஸ்திரேலியா ஆகிய நாடுகளிலிருந்தும் தாயகத்திலிருந்தும் வருகை தந்தவர்கள் இந்நிகழ்வில் காரை. மண்ணின் உணர்வோடும் ஆர்வத்தோடும் கலந்துகொண்டு ஊரின் நினைவுகளை மீட்டி மகிழ்ந்தனர். சிறுவர்களிற்கான விளையாட்டுக்களும் முதியோருக்கான மெதுநடைப் போட்டியும் இடம்பெற்றிருந்ததுடன் குழுநிலைப் போட்டிகளாக ஆண் பெண் அணிகளுக்கிடையேயான தாய்ச்சிப் போட்டியும் தாம்பிழுவைப் போரும் பார்வையாளர்களை பெரிதும் ஈர்த்திருந்தன. 18 வயதிற்கு மேற்பட்ட 18 வயதிற்கு உட்பட்ட ஆண்கள் அணிக்கு எதிராக பெண்கள் அணிகள் தாம்பிழுவைப் போரில் பங்குகொண்டிருந்தன. இரு பிரிவுகளிலும் பெண்கள் அணி ஆண்கள் அணியை வெற்றி கொண்டு சாதனை படைத்திருந்தன. இவ்வணிகளுக்கு முறையே வாரிவளவு நல்லியக்கச் சபையின் முன்னாள் செயலாளர் அமரர் பத்மநாதன் (பட்டு மாமா) ஞாபகார்த்த வெற்றிக் கேடயமும் காரை விளையாட்டுக்கழகத்தின் முன்னாள் வீரர் அமரர் குலேந்திரன் ஞாபகார்த்த வெற்றிக் கேடயமும் வழங்கப்பட்டன. வெற்றிபெற்றவர்களிற்கான பரிசில்கள் வழங்கப்பட்டது. போட்டிகளில் பங்குபற்றிய அனைத்துச் சிறார்களிற்கும் Tim Hortons Gift Card வழங்கப்பட்டு ஊக்குவிக்கிப்பட்டிருந்தமை குறிப்பிடத்தக்கதாகும்.
• கனடா காரை கலாச்சார மன்றத்துக்கும் அதன் செயற்பாட்டாளர்களுக்கும் காரைநகர் இந்துக் கல்லூரி பழைய மாணவர் சங்க கனடாக் கிளைக்கும் எதிராகத் தொடரப்பட்டுள்ள வழக்குத் தொடர்பிலான கலந்துரையாடலும் ஆலோசனைக் கூட்டமும் 2023ம் ஆண்டு ஏப்ரல் 7ம் திகதி நடைபெற்றது. ஈராண்டுப் பொதுக் கூட்டத்தில் சமர்ப்பிப்பதற்கான முன்மொழிவினை தயார் செய்யவும் தீர்மானிக்கப்பட்டுள்ளது.
• இங்கு அமரத்துவமடைந்த காரைநகரைச் சேர்ந்தவர்களுக்கு அஞ்சலி நிகழ்வுகளில் மன்றம் கண்ணீர் அஞ்சலி படம்  வைத்து அஞ்சலி செலுத்துவது வழமைபோல் ஒவ்வொரு வருடமும் நடைபெற்று வருகின்றது.

கனடா காரை கலாச்சார மன்றம் காரைநகரில் மேற்கொள்ளப்பட்ட

திட்டங்களும் வழங்கப்பட்ட உதவிகளும்.  

(24.09.2022 தொடக்கம் 27.04.2024 வரை)

1. யுத்தத்தின் போது தாய் தந்தையை இழந்த சிறுவன் நக்கீரனுக்கு கனடாவில் வதியும் காரைநகரைச் சேர்ந்த ஓர் அன்பரின் உதவியுடன் மே/2010 தொடக்கம் கனடா காரை கலாச்சார மன்றத்தால் உதவிப் பணம் வழங்கப்பட்டு வருகின்றது. மாதாந்த உதவிப்பணம் ரூபா 5,000 இருந்து ஜுலை மாதம் /2023 தொடக்கம்  ரூபா 7,000 அதிகரிக்கப்பட்டு கனடா காரை கலாச்சார மன்றத்தால் வழங்கப்பட்டு வருகின்றன.
2. கனடா காரை கலாச்சார மன்றத்தினால் 05.05.2015 அன்று காரைநகர் ஆரம்ப பாடசாலைகளின் அடிப்படை தேவைகளை கருத்தில் கொண்டு ஒவ்வொரு பாடசாலைக்கும் வழங்கப்பட்ட 10 இலட்சம் ரூபாய்கள் நிரந்தர வைப்பில் இருந்து கிடைக்கப்பெற்ற வட்டி பணத்தின் ஊடாக ஆரம்ப பாடசாலைகளின் அடிப்படை அத்தியாவசிய தேவைகள் பூர்த்தி செய்யப்பட்டு வருகின்றமை தொடர்பாக பாடசாலைகளிடம் இருந்து அறிக்கைகள் மன்றத்திற்கு கிடைக்கப்பெற்று வருகின்றது.
3. சிவன்கோயில் நித்திய பூசைக்காக கனடா காரை கலாச்சார மன்றத்தின் பெயரில் ஹட்டன் நஷனல் வங்கியில் வைப்பில் இடப்பட்டுள்ள 5 இலட்சம் ரூபாய்களில் இருந்து கிடைக்கப்பெறும் வட்டி காரைநகர் அபிவிருத்தி சபையின் நடைமுறைக் கணக்கிற்கு வருடந்தோறும் நவம்பர் 28ம் திகதி வைப்பில் இடப்படுகின்றது. இத்தொகை கனடா காரை கலாச்சார மன்றத்தினரின் அறிவித்தலின் பிரகாரம நித்திய பூசைச் செலவிற்காக ஆலய நிர்வாகத்திற்கு வழங்கப்பட்டு வருகிறது. தற்போது தற்காலிகமாக நிறுத்தி வைக்கப்பட்டுள்ளது.
4. காரைநகர் அபிவிருத்திச் சபை நூலக உதவியாளர்களிற்கான மாதாந்த ஒருபகுதி கொடுப்பனவாக ரூபா 10,000 கனடா காரை கலாச்சார மன்றத்தால் வழங்கப்பட்டு வருகின்றது.
5. காரைநகர் மாணவர்களினால் பயன்படுத்தப்பட்டு வருகின்ற அபிவிருத்திச் சபை நூலகத்திலுள்ள இரண்டு போட்டோப் பிரதி இயந்திரத்திற்கு தேவைப்பட்ட ரோனர் அக்டோபர் (2022) நவம்பர் (2022), ஜனவரி (2024) மாதங்களில் வாங்கி உதவப்பட்டது. ஆகஸ்ட் (2023) மாதம் சிறிய மற்றும் பெரிய போட்டோப் பிரதி இயந்திரங்கள் திருத்தம் செய்ய மன்றத்தால் நிதி வழங்கப்பட்டது. அத்துடன் ஆகஸ்ட்,செப்டெம்பர், அக்டோபர்,நவம்பர், டிசம்பர் (2023), பெப்ரவரி (2024), மார்ச் (2024), ஏப்ரல் (2024) மாதங்கள் மாணவர்கள் போட்டோப் பிரதிகள் எடுப்பதற்கான பேப்பர் வாங்கி கொடுக்கப்பட்டது.
6. கனடா காரை கலாச்சார மன்றத்தின் அனுசரணையுடன் காரைநகர் அபிவிருத்திச் சபையினால் காரைநகர் கோட்டப் பாடசாலைகளில் தரம் 5 புலமைப்பரிசில் பரீட்சைக்குத் தோற்றும் மாணவர்களுக்கான 1ம் கட்ட வழிகாட்டல் செயலமர்வு 20.11.2022 ஞாயிற்றுக்கிழமை அன்றும் 2ம் கட்ட வழிகாட்டல் செயலமர்வு 26.11.2022 சனிக்கிழமையும் இடம்பெற்றது.
7. ஆயிலி சிவஞானோதயா வித்தியாசாலைக்கு அத்தியாவசிய நீர் பாவனைக்காக மோட்டார் இயந்திரம் வாங்கிக் கொடுக்கப்பட்டதுடன் மோட்டார் அறையும் (மார்ச் /2023) கனடா காரை கலாச்சார மன்றத்தால் கட்டிக் கொடுக்கப்பட்டது.
8. கனடா காரை கலாச்சார மன்றத்தின் அனுசரணையில் க.பொ.த. பரீட்சைக்கு தோற்றவுள்ள மாணவர்களிற்கு கணித பாடத்திலான முன்னோடிப் பரீட்சை பல்கலைக் கழக மாணவர் ஒன்றியத்தின் ஏற்பாட்டில் 2023ம் ஆண்டு ஏப்ரல் மாதத்திலும் கணித,விஞ்ஞான பாடத்திலான முன்னோடிப் பரீட்சை 2024ம் ஆண்டு மார்ச், ஏப்ரல் மாதங்களிலும் இந்துக் கல்லூரி, யாழ்ற்ரன் கல்லூரி ஆகியனவற்றில் நடாத்தப்பட்டுள்ளது.
9. க.பொ.த.சாதாரண பரீட்சைக்குத் தோற்றவுள்ள மாணவர்களிற்கு பிரபல்யம் மிக்க வளவாளர்கள் பங்குகொண்ட கல்விக் கருத்தரங்கு கனடா காரை கலாச்சார மன்றத்தின் பூரணமான அனுசரணையில் காரைநகர் இந்துக் கல்லூரி நடராசா ஞாபகார்த்த மண்டபத்தில் வெள்ளி சனி ஞாயிறு (05.05.2023, 06.05.2023, 07.05.2023) ஆகிய தினங்களிலும் வெகு சிறப்பாக நடைபெற்றிருந்தது.
10. ஒருத்தி 2 படம் திரையிடப்பட்டதன் ஊடாக திரட்டப்பட்ட நிதியின் மூலம் காரைநகர் வைத்தியசாலைக்கு முதலாம் கட்டமாக ஒரு தொகுதி அவசிய மருந்துப் பொருட்களை கனடா காரை கலாச்சார மன்றம் 13.06.2023 செவ்வாய்க்கிழமை அன்று பிரதேச வைத்தியசாலைக்குப் பொறுப்பான வைத்திய அதிகாரி Dr.செந்தூரன் அவர்களிடம் வைத்தியசாலையில் வைத்து கையளிக்கப்பட் டன. 2வது தொகுதி மருந்துப் பொருட்கள் ஆகஸ்ட் மாதம் பிரதேச வைத்தியசாலைப் பொறுப்பதிகாரியிடம் கையளிக்கப்பட்டுள்ளது. 1ம், 2ம் கட்டமாக ரூபா 415,600 பெறுமதியான மருந்துப் பொருட்கள் வழங்கப்பட்டது குறிப்பிடத்தக்கதாகும்.
11. கனடா காரை கலாச்சார மன்றத்தினால் காரைநகரைச் சேர்ந்த பத்து பல்கலைக்கழக மாணவர்களுக்கான மாதாந்த கொடுப்பனவு வழங்கப்பட்டு வருகின்றது. ஐந்து மாணவர்களுக்கான கொடுப்பனவாக மாதாந்தம் ரூபா 10,000 வீதமும் ஐந்து மாணவர்களுக்கான கொடுப்பனவாக மாதாந்தம் ரூபா 7,500 வீதமும் மாதாந்த வழங்கப்பட்டு வருகின்றது. இதில் பத்து மாணவர்களில் மூன்று மாணவர்கள் பல்கலைக்கழகத்தில் படிப்பு நிறைவுபெற்றுள்ளபடியால் நிதி தேவையில்லை என மன்றத்திற்கு அறியத்தந்துள்ளனர். ஆகவே தற்போது ஏழு பல்கலைக்கழக மாணவர்களுக்கான மாதாந்த கொடுப்பனவு வழங்கப்பட்டு வருகின்றது. இதில் இரண்டு மாணவர்களிற்கு மன்ற உறுப்பினரின்  நிதி உதவியுடன் வழங்கப்பட்டு வருகின்றது.
12. வறிய குடும்பத்தைச் சேர்ந்த மாணவியின் கல்விக்கான உதவியாக க.பொ.த உயர்தர பரீட்சை முடியும் வரை ரூபா 5000, 2023ம் ஆண்டு ஜுலை மாதம் தொடக்கம் காரை கலாச்சார மன்றத்தால் வழங்கப்பட்டு வருகின்றது.
13. காரைநகர் அபிவிருத்திச் சபையினால் நடாத்தப்பட்ட “காரைநகர் “ நூற்றாண்டு விழாவிற்கு அனுசரணையாக கனடா காரை கலாச்சார மன்றம் ரூபா 200,000 வழங்கியது.
14. வறிய குடும்பத்தைச் சேர்ந்த இரண்டு க.பொ.த உயர்தர மாணவர்களுக்கு பரீட்சை முடியும் வரை தனியார் வகுப்புகளுக்கான நிதியுதவியாக ரூபா 5000 நவம்பர் (2023) மாதம் தொடக்கம் வழங்கப்பட்டு வருகின்றன. அதில் ஒருவர் க.பொ.த உயர்தர பரீட்சை எடுத்துள்ளபடியால் மற்றவருக்கு தற்போது ரூபா 2500 படி மாதாந்தம் வழங்கப்பட்டு வருகின்றது.
15. வறிய குடும்பங்களைச் சேர்ந்த மூன்று க.பொ.த உயர்தர மாணவர்களுக்கு 2024ம் ஆண்டு மார்ச் மாதம் தொடக்கம் பரீட்சை முடியும் வரை தனியார் வகுப்புகளுக்கான நிதியுதவியாக ரூபா 3100, ரூபா 2500, ரூபா 2500 வீதப்படி மாதாந்தம் வழங்கப்பட்டு வருகின்றது.
16. வறிய குடும்பத்தைச் சேர்ந்த மாணவியின் தனியார் வகுப்புகளுக்கான நிதியுதவியாக ரூபா 3000 2024ம் ஆண்டு ஏப்ரல் மாதம் தொடக்கம் காரை கலாச்சார மன்றத்தால் வழங்கப்பட்டு வருகின்றது.
17. வறிய குடும்பங்களைச் சேர்ந்த மூன்று பாடசாலை மாணவர்களுக்கு தனியார் வகுப்புகளுக்கான நிதியுதவியாக 2024ம் ஆண்டு செப்டெம்பர் மாதம் தொடக்கம் மாதாந்தம் ஒவ்வொரு மாணவருக்கு ரூபா 2000 வழங்கப்பட்டு வருகின்றது. (2024/மார்ச் மாதம் தொடக்கம் நடைமுறைப்படுத்தப்பட்டு வருகிறது. இவ் உதவி ஒரு வருடத்திற்கு மட்டும் மன்றத்தால் வழங்கப்படும்)
18. 2024/பெப்பவரி மாதம் வியாவில் சைவ வித்தியாலயத்தின் சமையலறைத் திருத்த வேலைகள் யாவும் ஐந்து இலட்சத்து ஐம்பத்தொராயிரம் ரூபா (551000.00 ரூபா) செலவில் பூர்த்தி செய்யப்பட்டு கொடுக்கப்பட்டது.
19. 2024/மார்ச் மாதம் சுப்பிரமணிய வித்தியாசாலையின் பிரதான மண்டபத்தின் திருத்த வேலைகள் நான்கு இலட்சத்து இருபத்தேழாயிரத்து தொழாயிரத்து ஐம்பது ரூபா (427950.00 ரூபா) செலவில் பூர்த்தி செய்யப்பட்டு கொடுக்கப்பட்டது.

• கனடா காரை கலாச்சார மன்றத்தின் 2022 / 2023 ஆண்டு காலப்பகுதி நிர்வாகத்தினால் நக்கீரன், பல்கலைக் கழக மாணவர்கள், க.பொ.த. பரீட்சைக்கு தோற்றவுள்ள மாணவர்களிற்கு கல்விக் கருத்தரங்கு, முன்னோடிப் பரீட்சை மற்றும் காரைநகர் பிரதேச வைத்தியசாலையில் சில முக்கியமான மருந்துகள் ஆகியனவற்றுக்கு நேரடியாக அவர்களிடம் மன்றம் தொடர்புகொண்டு ஏப்ரல்,மே,ஜூன் (2023) மாதங்களில் ரூபா 979,600 (ஒன்பது லட்சத்து எழுபத்தொன்பதாயிரத்து அறுநூறு) வழங்கப்பட்டன. அத்துடன்  ஆகஸ்ட்/2023, ரூபா 500,000 (ஐந்து லட்சம்), நவம்பர்/2023 ரூபா ஒரு மில்லியன்  (பத்து லட்சம்), மார்ச்/2024 ரூபா ஒரு மில்லியன்   (பத்து லட்சம்) என  மூன்று  தடவைகள் காரைநகர் அபிவிருத்திச் சபைக்கு காரைநகரில் மேற்கொள்ளப்படவேண்டிய உதவிகளுக்கு அனுப்பி வைக்கப்பட்டன.
• நக்கீரன் (மாணவன்), காரைநகர் அபிவிருத்திச் சபை நூலகத்தில் மாணவர்கள் போட்டோப் பிரதிகள் எடுப்பதற்கான பேப்பர் வாங்குவதற்கு, காரைநகர் அபிவிருத்திச் சபை நூலக உதவியாளர்களிற்கான மாதாந்த ஒருபகுதி சம்பளம், பல்கலைக் கழக மாணவர்கள் மற்றும் பாடசாலை மாணவர்கள் கொடுப்பனவுகளுக்காக ரூபா 400,000 (நான்கு  லட்சம்),  நீலங்காடு கடற்தொழிலாளர் கூட்டுறவுச் சங்கத்திற்கு மீன்பிடி கட்டுமரம் வாங்க நிதியுதவியாக ரூபா 500,000 (ஐந்து லட்சம்),  கலாநிதி விளையாட்டுக் கழகத்திற்கு நிதியுதவியாக ரூபா 100,000  (ஒரு லட்சம்) ஆகிய உதவித் திட்டங்களுக்கு  ரூபா ஒரு மில்லியன் (பத்து லட்சம்) காரைநகர் அபிவிருத்திச் சபைக்கு (26.04.2024) அனுப்பி வைக்கப்பட்டுள்ளது.
• காரைநகரில் மேற்கொள்ளப்பட்ட மற்றும் மேற்கொள்ளப்படவேண்டிய உதவிகளுக்கு 24.09.2022 தொடக்கம் 27.04.2024 வரை 4.4796 மில்லியன் (4,479,600) ரூபா அனுப்பி வைக்கப்பட்டன.
• எமது நிர்வாகத்தின் பதவிக்காலமான இரண்டு ஆண்டுகளிலும் காரைநகரின் பல்வேறு வேலைத் திட்டங்களுக்கும் உதவப்பட்டிருந்த 4.4796 மில்லியன் ரூபாவும் காரை வசந்தம் இரு கலை விழாக்களினூடாகப் பெற்ற நிகர இலாபம், உறுப்பினர்கள், அனுசரணையாளர்கள் ஆகியோரின் நன்கொடைகள், ஒருத்தி திரையிட்டதன் ஊடாகப் பெற்ற வருமானம் என்பவற்றிலிருந்து பெறப்பட்டது என்பது குறிப்பிடத்தக்கதாகும்.

ஒன்றுகூடல்,தமிழ் திறன் பண்ணிசைப் போட்டிகள்,காரை வசந்தம், ஆருத்திரா தரிசனம் ஆகிய நிகழ்வுகளுக்கு நிதியுதவி மற்றும் பொருள் உதவி செய்தவர்களுக்கும், பல வழிகளிலும் உதவி செய்த அனுசரணையாளர்களுக்கும், விளம்பரதாரர்களுக்கும், வர்த்தகபெருமக்களுக்கும், மன்றத்தால் காரைநகரில் மேற்கொள்ளப்பட்ட உதவிகளை செய்து உதவிய காரைநகர் அபிவிருத்திச் சபையினருக்கும்,தொண்டர்கள், ஒத்துழைப்பை வழங்கிய அனைத்து நிர்வாகசபை உறுப்பினர்கள், இளையோர் ஒருங்கிணைப்பாளருக்கும்,போசகர் சபை உறுப்பினர்கள் அனைவருக்கும் மற்றும் பழைய நிர்வாக சபையினர்களுக்கும், அனைத்துக் கனடா வாழ் காரை மக்களுக்கும் எமது மனமார்ந்த நன்றிகளை தெரிவித்துக் கொள்கின்றோம்.

“Working together is success”

                         நிர்வாகம்
கனடா காரை கலாச்சார மன்றம்
27.04.2024

         கனடா காரை கலாச்சார மன்றத்தின் செயற்பாட்டு அறிக்கை

ஆடி 9, 2017 – பங்குனி  31, 2018

கனடா  காரை கலாச்சார  மன்றத்தின் பொதுக்கூட்டம் ஆடி  9, 2017 பெரிய சிவன் ஆலயத்தில்  திரு.சபாரத்தினம் பாலச்சந்திரன் தலைமையில் நடைபெற்றது.  பொதுக்கூட்டத்தில் ஐந்து திட்டமிடல் போசகர் சபை உறுப்பினர்களும் , உள்ளக கணக்காய்வாளர் மற்றும் பதினொரு  உறுப்பினர்களை கொண்ட  முழுமையான நிர்வாகசபை  2017-2018 காலப் பகுதிக்கு தெரிவாகியது .

1. மன்றத்தை பொறுப்பேற்ற பொழுது, TD வங்கி கணக்கு முடக்கப்பட்ட நிலையில் இருந்தது. இதனால்  மன்ற கணக்கு நடவடிக்கைகளை மேற்கொள்ளும் வகையில்,  RBC  வங்கியில் புதிதாக  கணக்கு ஆடி 25, 2017 திறக்கப்பட்டது.
2. ஆடி 30, 2017 காரை ஒன்றுகூடல் Morningside Park , Area 1 and 5 இல் சிறப்பாக நடைபெற்றது. ஒன்றுகூட லில் நானுற்றி ஐம்பதுக்கும் மேற்பட்ட காரை உறவுகளும்,  சிறுவர்களும் கலந்து கொண்டனர்  .  வழமைபோன்று போட்டிகளில் பங்குபற்றி முதல் மூன்று இட ங்களைப்  பெற்ற சிறார்களுக்கு கேடயங்க ள் வழங்கப்பட்டது. பத்தொன்பது வயதிற்கு  மேற்பட்டோர் பிரிவில் வெற்றி பெற்ற ஆண், பெண் அணியினருக்கு வெற்றிக்கேடயம்களும் வழங்கிக் கெளரவிக்கப்பட்டது. வயது முதிர்ந்த பெரியவர்களுக்கான மென்நடைப் போட்டியும் நடாத்தப்பட்டது.
3. காரை அபிவிருத்திச் சபை தலைவர் திரு.சிவா மகேசன் அவர்கள் தனிப்பட்டவிடயமாக புரட்டாதி மாதம்  கனடா வருகை தந்தபொழுது, மன்ற நிர்வாக உறுப்பினர்களைச் சந்தித்து சமகால விடயங்கள் சம்மந்தமாக கலந்துரையாடினர். அத்துடன் மன்றத்தின்  பொருளாளரும், தலைவரும் காரைநகருக்குச் சென்று நடப்பு நிலைமைகளைத் தெரிந்து கொண்டனர்.
4. தமிழ்த்திறன் போட்டிகள், ஐப்பசி  08, 2017 காலை 8.30 மணி முதல் மதியம்  வரை  Scarborough Civic Center  மண்டபத்தில் சிறப்பாக  இடம்பெற்றது . சிறுவர்களுக்கான தகுதிகாண் போட்டிகள் பண்ணிசை ,  எழுத்து, வாசிப்பு மற்றும் பேச்சு போன்ற பிரிவுகளில் நடாத்தப்பட்டது. சுமார் நாற்பத்தியேழு சிறுவர்கள் பங்குபற்றி தங்கள் திறமைகளை வெளிப்படுத்தியிருந்தனர்.
5. காரை வசந்தம் கலைவிழா கார்த்திகை 4, 2017 அன்று Woburn Collegiate மண்டபத்தில், நானூறுக்கும் அதிகமான காரை மக்கள் கலந்து சிறப்பித்த மகத்தான முத்தமிழ் விழாவாக அமைந்தது.  இவ்விழாவில் முதன்முறையாக கனடிய அரச பிரமுகர்களான    திருவாளர்கள்  நீதன்  ஷான் மற்றும் பார்த்தி கந்தவேல் ஆகியோர்கள் கலந்து சிறப்பித்திருந்தனர் . விழாவில்  கலந்து கொண்ட  அனைவரையும் ஊருக்கே  அழைத்துச் சென்ற   “ஊரிலிருந்து” என்கின்ற ஆவணப் படத்தொகுப்பும்,  காரை  சிறுவர்கள் பங்குபற்றிய ஊர்ச்சங்கங்கள்  பற்றிய தெருக்கூத்தும், முதன்முதலாக  மேடையேற்றப்பட்டது . அத்துடன் தமிழ்த்திறன்  பேச்சுப் போட்டிகளில் முதல் இடம் பெற்ற சகல பிரிவு மாணவர்களுக்கும்,  முத்தமிழ் கலை விழாவில் பேசுவதற்கு வாய்ப்பு வழங்கப்பட்டது.  போட்டிகளில் வெற்றி பெற்ற மற்றும்  பங்குபற்றிய அனைத்து மாணவ செல்வங்களுக்கும்  பரிசில்களும்,  சான்றிதழ்களும்   வழங்கி    கௌரவிக்கப்பட்டனர்.
6. முடங்கிய நிலையில் இருந்த TD Canada  Trust கணக்கு மீண்டும் செயல் நிலைக்கு கார்த்திகை  7, 2017   கொண்டுவரப்பட்டது. இதனால் மன்றத்தின் கணக்கில் இருந்த 25,535.49 டொலர்கள் மீண்டும் பயன்படுத்தக்கூடிய நிலைமைக்கு வந்தது .
7. ஈழத்துச் சிதம்பரத்தின் நித்திய பூசைக்காக வைப்பில் இடப்பட்ட ஐந்து இலட்சம் தொகைக்கான வட்டிப்பணம் கார்த்திகை  28, 2017 காரை அபிவிருத்திச் சபை கணக்கில் இடப்பட்டது. தற்போதைக்கு நித்திய  பூசைக்கு தேவையான பணம் உள்ளதால், அந்த தொகை  ஆடி மாத அம்மன் உற்சவத்தின் திருவிழாவொன்றுக்கு மன்றத்தின் பெயரால் உபயமாக  பயன்படுத்தப்படவு ள்ளது.
8. காரைநகரில் நடைபெறுகின்ற கோயில் திருவிழாக்கள் , கலை மற்றும் இலக்கிய நிகழ்வுகளை வீடியோ , படப்பிடிப்பு வாயிலாக இணையத்தளத்தில் காண்பிப்பதற்காக சிந்துஜா நிறுவனத்துடன் ஒப்பந்தம் செய்து கொள்ளப்பட்ட்து .
9. ஈழத்துச் சிதம்பரத்தின் திருவெம்பாவை உற்சவ காட்சிகள் அனைத்தையும் பார்த்து பக்தி பரவசம் அடையும் வகையில், முதன்முதலாக வீடியோ வடிவில் உடனுக்குடன் இணையத்தளத்தில் எடுத்து வரப்பட்ட து. அதனைத்   தொடர்ந்து  ஏனைய கோயில் திருவிழாக்களும் வீடியோ வாயிலாக எடுத்து வரப்படுகின்றது.
10. திருவெம்பாவை காலத்தில் காரைநகர் மணிவாசகர் சபையினர் நடாத்திய மாணவர்களுக்கான சமய பாட பரீட்சை மற்றும் கல்விச்  செயற்பாடுகளுக்கான உ தவித் தொகையாக ரூபா 25,000 வழங்கப்பட்டது.
11. பன்னிரெண்டு ஆரம்பப் பாடசாலைகளுக்குப் பெற்றுக் கொள்ளப்பட்ட நாலாம் கட்ட வட்டிப் பணத்திற்குரிய ( ரூபா 52, 406.25) செலவு விபரங்கள் மற்றும் மீதமுள்ள தொகை தொடர்பான  அறிக்கைகள் கிடைக்கப்பெற்றுள்ளன. இவ்விபரங்களை மார்கழி 31, 2017 மன்ற  இணையத்தளத்தில் பார்வையிடலாம். கார்த்திகை மாத ஐந்தாம் கட்ட வட்டிப் பணத்திற்குரிய செலவு விபரங்கள் அறிக்கைகள் கிடைக்கப்பெற்றதும் விரைவில்  பிரசுரிக்கப்படும் .
12. தை 1,  2018 கனடா வாழ் காரை உறவுகளின் உபயத்தில்,  ஆருத்திராஅபிஷேக  வழிபாடுகள்   மிகவும் சிறப்பாக  றிச்மன்ட் பிள்ளையார்  ஆலயத்தில் நடைபெற்றது. புனிதமும், புதுமையும்  நிறைந்த  நன்னாளில் அதிகளவான காரை மற்றும் கனடா வாழ் அடியவர்கள் ஆடவல்லானை தரிசித்து இன்புற்றனர்.  அன்றைய தினம் இன்னிசை கச்சேரியும் , ஆடவல்லானின் தாண்டவ நடன வீதியுலாவும் இடம்பெற்றது .முதன் முறையாக காசினால்  அர்ச்சனை அபிஷேக நிகழ்வும் அத்துடன் அதிகாலை  வருகை தர முடியாத உறவுகளுக்காக நேரடி ஒளிபரப்பும் செய்யப்பட்டது.
13. மன்றத்தின் Hatton National வங்கி நிரந்தர வைப்புக் கணக்கில் ரூபா மூன்று மில்லியன் இடப்பட்டுள்ளது.
14. காரை வசந்தம் சஞ்சிகைக்கு ஆக்கங்களும், ஆலோசனைகளும் வழங்கியவரும்,  சிறந்த சமூக  சேவையாளரும்,  கல்விமானாக  திகழ்ந்தவருமான கலாநிதி கென்னடி விஜயரத்தினம் அவர்களின் இறுதி நிகழ்வுகள் முதன்முதலாக  வீடியோ வாயிலாக இணையத்தளத்தில் எடுத்து வரப்பட்டது. அத்துடன் கனடாவில் வாழ்ந்து  எம்மை விட்டுப்பிரிந்த உறவுகளுக்கு   அவர்களின் படத்துடன் கண்ணீர் அஞ்சலி  செலுத்தப்பட்டு வருகின்றது.
15. உலகெங்கும் வாழும் ஊரவர்களின் மரண அறிவித்தல்கள், காரைநகர்ச்  செய்திகள்,  ஊர்க் கோயில்  திருவிழாக்கள், விசேட நிகழ்வுகள், காரை மன்றங்களின் செய்திகள், கலை இலக்கிய நிகழ்வுகள், நூல் வெளியீடுகள் என்பன இணையத்தளத்தில் பிரசுரிக்கப்படுகின்றன .
16. பெற்றோரை இழந்த மண்ணின் மைந்தன் செல்வன் நக்கீரனுக்கான உதவித்தொகை மாதாந்தம் ரூபா 3,000 காரை அபிவிருத்தி சபையினூடாக வழங்கப்பட்டு வருகின்றது. January 2018 ஆம் ஆண்டுக்கான  மாதாந்த கொடுப்பனவு ரூபா 4,000ஆக வழங்கப்பட்டு வருகின்றது .இதற்குரிய  அனுசரணையாளர்  திரு.லக்கிராஜா என்பது குறிப்பிடத்தக்கது .
17. ஈழத்துச் சிதம்பரப் பங்குனி இரதோற்சவத்தின் போது அடியவர்களுக்கு தாகசாந்தி அளிப்பதற்காக  அன்பளிப்புச் செய்யப்பட்டது.

கனடா காரை கலாச்சார மன்றத்தின் 09.07.2017 – 31.12.2017 வரைக்குமான கணக்கு அறிக்கை

CKCA  நிகழ்வுகள்

 1.  காரை ஒன்றுகூடல் July 29, 2018 ஞாயிற்றுக்கிழமை

       Morningside Park Area 1, 2 & 5 காலை 8.30 மணி முதல்

 2.  காரை சிறார்களின் மொழித்திறன் போட்டிகள்  Sept 2,  2018  ஞாயிற்றுக்கிழமை                            Scarborough Civic Center  காலை 8.00 மணிமுதல்   – 12.30 மணி வரை

 3.   காரை வசந்தம் முத்தமிழ் விழா Sept 22, 2018

       தமிழிசை கலாமன்றம்  சனிக்கிழமை  மாலை 5 மணி முதல் – 11 மணி வரை

  4.  ஆருத்திரா அபிஷேகம் December 23, 2018

        Richmond பிள்ளையார் கோவில்  ஞாயிற்றுக்கிழமை  அதிகாலை 5 மணி முதல்

 கனடா காரை கலாச்சார  மன்றம்
    பொதுக்கூட்டமும்   புதிய நிர்வாக சபை தெரிவும் 

கனடா காரை கலாச்சார  மன்றத்தின் பொதுக்கூட்டமும் புதிய நிர்வாக சபை தெரிவும் 23.04.2017  ஞாயிற்றுக்கிழமை அன்று நடைபெறவுள்ளது. இப்பொதுக்கூட்டத்தில் 2016ம், 2017ம் ஆண்டுக்குரிய அங்கத்தவர்கள் அனைவரும் பங்குபற்றலாம். ஆனாலும் 2017ம் ஆண்டுக்குரிய அங்கத்துவ பணத்தினை குறைந்தபட்சம் பொதுக்கூட்டத்திற்கு 3 நாட்களிற்கு முன்னர் செலுத்தி தமது அங்கத்துவத்தினை புதுப்பித்துக் கொண்டவர்கள் மட்டுமே அமையவுள்ள புதிய நிர்வாக சபையில் அங்கம் வகிக்கும் தகைமை பெற்றவர்களாக கருதப்படுவார்கள்.

இடம்:  கனடா ஸ்ரீ செல்வச்சந்நிதி முருகன் ஆலய மண்டபம்
             01, Golden Gate, Unit # 01 Scarborough  (Brimley & Ellesmere)

காலம்: 23.04.2017  ஞாயிற்றுக்கிழமை  

நேரம்: பிற்பகல் 2.00 மணி

 பொதுக்கூட்டத்திற்கான நிகழ்ச்சி நிரல் மற்றும் கனடா காரை கலாச்சார மன்றத்தின் நிர்வாக சபை தெரிவிற்கான தேர்தல் அறிவித்தலும் விண்ணப்ப படிவமும் கூடிய விரைவில் அறியத்தரப்படும்.

 
                  இங்ஙனம்
                 நிர்வாகம்
  கனடா காரை கலாச்சார  மன்றம்

கனடா-காரை கலாச்சார மன்றத்தின் 28.05.2016 – 31.03.2017 வரைக்குமான செயற்பாட்டு அறிக்கை  மற்றும்   28.05.2016 – 31.12.2016 வரைக்குமான  கணக்கு அறிக்கை

அறிக்கைகளை பார்வையிட தயவுசெய்து கீழேயுள்ள இணைப்பினை அழுத்தவும்.

http://www.karainagar.com/pages/wp-content/uploads/2017/04/CKCA-FROM-MAY-282016-TO-APRIL-232017-REPORT.pdf

                                                      கனடா-காரை கலாச்சார மன்றம்

                               இடைக்கால செயற்பாட்டு அறிக்கை

                            மே 28,2016 இருந்து  டிசம்பர் 12,2016வரை

கனடா காரை கலாச்சார மன்றத்தின் பொதுக் கூட்டம் கனடா செல்வச்சந்நிதி முருகன் கோவில் திருமண மண்டபத்தில்  28-05-2016 அன்று சனிக்கிழமை பிற்பகல் 6:00 மணிக்கு நடைபெற்றது.பொதுக் கூட்டடத்தில்  தற்காலிக புதிய நிர்வாக சபை தெரிவுசெய்யப்பட்டது.
தற்காலிக நிர்வாக சபைக்குத் தெரிவான உறுப்பினர்களின் விபரம் வருமாறு:தலைவர்: திரு. பரமானந்தராஜா தம்பிஐயா,செயலாளர்: திரு. ஜெயச்சந்திரன் தம்பிராசா,பொருளாளர்: திரு. பேரின்பராசா  திருநாவுக்கரசு,நிர்வாகசபை உறுப்பினர்கள்:திரு. குமரேசன் கனகசபை​,திரு. அரி மனோகரன்,திரு. உருத்திரலிங்கம் தம்பையா,திரு. சோதிலிங்கம் கணேசபிள்ளை ஆகியோர் தெரிவுசெய்யப்பட்டனர்.

 திரு.தம்பிஐயா பரமானந்தராசா தலைமையில் 7 பேர்கள் கொண்ட நிர்வாக சபை அமையப்பெற்றதுடன் 30.05.2016 அன்று இரண்டாவது தடவையாக பதிவு திணைக்களத்தினால் முன்வைக்கப்பட்ட காலக்கெடுவிற்கு முன்னர் இரண்டொரு தினங்களில் முறையே நிர்வாகத்தினை பதிவு செய்து கொண்டதுடன் மன்றத்தின் செயற்பாடுகளை முறையே 7 பேர்கள் கொண்ட தற்காலிக நிர்வாக சபையினரின் உதவியுடன் நடாத்தி வருவதுடன். "காரை ஒன்றுகூடல் 2016" சிறப்புற 31.07.2016 அன்று  Morningside Park,Area 3 and 4 இல் நடாத்தப்பட்டது.
கூடுதலான சிறுவர்களும் மற்றும் கனடா வாழ் காரை மக்களும் பங்குபற்றியிருந்தனர்.கலந்து கொண்ட அனைத்து சிறார்களிற்கும் சிறப்பு பரிசில்களும், வெற்றி பெற்ற சிறார்களிற்கு கேடயங்களும் வழங்கப்பட்டன.

ஒன்றுகூடலில் சுவிஸ் காரை அபிவிருத்திச் சபையின் தலைவர் திரு.தம்பையா தயாபரன் அவர்கள் கலந்து சிறப்பித்திருந்தார்.

வெற்றி பெற்ற அணிக்காக(ஆண்,பெண்)  இரண்டு வெற்றிக்கேடயங்கள்  வழங்கப்பட்டன.
1.அமரர் சரவணமுத்து பத்மநாதன் "பட்டு மாமா" அவர்களின் ஞாபகர்தமாக  வெற்றிக்கேடயம் அனுசரணை தீசன் திரவியநாதன். 
2.முன்னாள் காரை விளையாட்டுக்கழக உதைபந்தாட்ட வீரர் அமரர் நடராசா குலேந்திரன் ஞாபகர்த்தமாக வெற்றிக்கேடயம் அனுசரணை அன்பர்கள்.

காரை ஒன்றுகூடல் 2016 நிகழ்வுகளிற்கு அனுசரணை வழங்கியவர்கள், பங்கு பற்றியவர்கள், இந்நிகழ்வினை நடாத்துவதற்கு பல வழிகளிலும் உதவி வழங்கியவர்கள் அனைவருக்கும் கனடா காரை கலாச்சார மன்றம் மனமார்ந்த நன்றியை தெரிவித்துக் கொள்கின்றது.

கனடா காரை கலாச்சார மன்றத்தினால்  "தமிழ்த்திறன் போட்டிகள்" ஒக்டோபர் 08, 2016  சனிக்கிழமை காலை 9.30  மணியளவில் Scarborough Civic Centre மண்டபத்தில் நடைபெற்றது. 
தமிழ் மொழித்திறன் பண்ணிசை போட்டிகளில்  ஆர்வத்துடன் காரை சிறார்கள் பங்குபற்றியிருந்தனர்.
தமிழ்த்திறன் போட்டிகளுக்கு உதவி செய்தவர்களான  திரு.திருமதி .கனக.சிவகுமாரன்,திரு.தி.விசுவலிங்கம், திரு. த.அம்பிகைபாகன் ஆகியோருக்கு கனடா காரை கலாச்சார மன்றம் நன்றியை தெரிவிக்கின்றது. அத்துடன் 
பங்கு பற்றிய சிறுவர்களுக்கும், ஊக்கப்படுத்திய பெற்றோர்களுக்கும், நடுவர்களுக்கும், உதவி செய்த அனைத்து உள்ளங்களுக்கும் கனடா காரை கலாச்சார மன்றம் நன்றியை தெரிவிக்கின்றது. 

கனடா காரை கலாச்சார மன்றத்தின் வருடாந்த கலைவிழாவான "காரை வசந்தம்-2016" 29.10.2016 சனிக்கிழமை மாலை 5:30 இற்கு ரொரன்ரோ தமிழ் இசைக் கலா மன்ற மண்டபத்தில் காரை மண்ணின் மணம் வீசி கனடா வாழ் காரை மக்களின் மனங்களை நிறைத்த வசந்தமாக வீசிச் சென்றுள்ளது. 
காரை மண்ணின் பெருமைகளை விளங்க வைக்கும் வகையில் செயற்பட்ட கல்விசார் அறிஞர்கள் அமரர் கலாநிதி ஆ.தியாகராசா, மூதறிஞர் சிவத்திரு க.வைத்தீஸ்வரகுருக்கள் அவர்களுடன் காரை மண்ணின் அடையாள சின்னங்களாக விளங்கும் கோவளம் வெளிச்சவீடு, சைவமகா சபை ஆகியனவற்றின் நூற்றாண்டுகளை சிறப்பிக்கும் வகையில் காரை வசந்தம் – 2016 நடைபெற்றது.

இவ்வாண்டு நூறு ஆண்டுகளைப் பூர்த்தி செய்யும் காரை மண்ணுக்குப் பெருமை சேர்த்த கல்வியாளர்களையும், காரைநகரின் அடையாளச் சின்னங்களையும் போற்றி எடுக்கப்பட்ட காரை வசந்த விழாவிற்கு பிரதம விருந்தினர்களாக பிருத்தானியாவிலிருந்து வருகை தந்திருந்த லண்டன் பல்கலைக்கழகப் பேராசிரியர் திரு.ஆறுமுகம் நல்லநாதன் அவர்களும், சுவிற்சலாந்திலிருந்து வருகைதந்திருந்த காரைநகர் மணிவாசகர் சபை முன்னாள் செயலாளர் சிவத்தமிழ்காவலர் திரு.ஆறுமுகம் செந்தில்நாதன் அவர்களும் கலந்து சிறப்பித்திருந்தனர். சிறப்பு விருந்தினர்களாக மன்றத்திற்கு தொடர்ச்சியாக தமது நிதி அநுசரணையை வழங்கி வருபவர்களான குழந்தைகள் மருத்துவ நிபுணர் வி.விஜயரத்தினம், பல்மருத்துவ நிபுணர் ஆதிகணபதி சோமசுந்தரம், Double Seal Insulation Inc.அதிபர் பாலசுப்பிரமணியம் மகாதேவன், வீடுவிற்பனை முகவர் திரு.ராஜ் நடராஜா, Olympic Development அதிபர் திரு.கரன் பஞ்சலிங்கம் ஆகியோர் கலந்து கொண்டு சிறப்பித்திருந்தனர். கௌரவ விருந்தினர்களாக கனடாவிலிருந்து சென்று காரைநகரில் தொண்டர் சேவையாற்றியவரும், அமரர் வித்துவான் மு.சபாரத்தினம் அவர்களின் பேத்தியும், குற்றவியல் வழக்கறிஞருமான செல்வி.தீபா பாலச்சந்திரன் அவர்களும், வெஸ்ரன் பல்கலைக்கழக விஞ்ஞானமானி பட்டதாரியும் comdu.it அமைப்பினூடாக இலங்கை உட்பட உலகில் வாய்ப்பு கிடைக்காத சமூகத்தினருக்கு தொண்டுப்பணி செய்பவருமாகிய செல்வி.அச்சனா நடராசா, மன்றத்திற்கு தொடர் ஆதரவளித்துவரும் குடும்ப உறுப்பினர் திரு.கண்ணன் சுந்தரேசு அவர்களும் கலந்து சிறப்பித்தனர்.

அடுத்து கனடா-காரை கலாச்சார மன்றத்தினால் நடத்தப்பட்ட பேச்சுப் போட்டியில் வெற்றி பெற்ற மாணவர்களின் பேச்சுக்கள் இடம்பெற்றதுடன் பண்ணிசை, தமிழத்திறன் போட்டிகளில் வெற்றி பெற்ற, பங்கு பற்றிய மாணவர்களுக்கான பாராட்டுப் பரிசுகளும் வழங்கப்பட்டன.நிகழ்ச்சிகளுக்கு இடையே காரைநகர் பாடசாலை அதிபர்கள், காரை அபிவிருத்தி சபைத் தலைவர், காரைநகர் கோட்டக் கல்வி அதிகாரி ஆகியோரின் செய்திகள் 'ஊரில் இருந்து' என்னும் பகுதியில் விழா மண்டபத் திரையில் ஒளிபரப்பப்பட்டமை இன்றைய காரைநகரின் கல்வித்துறையினரிடமிருந்து கனடா-காரை கலாச்சார மன்றத்தின் செயற்பாடுகள் குறித்த நேரடியான தகவல்களைத் தந்தது.

மண்டபத்தில்  அரங்கம் நிறைந்த ரசிகர்களுடன் வெற்றிகரமாக நடந்து அனைவரதும் பாராட்டினைப் பெற்ற கலைகளின் சங்கமமாக "காரை வசந்தம்-2016"அமைந்து விளங்கியது.

 "காரை வசந்தம்-2016" விழாவிற்கு  அனுசரணை வழங்கியவர்கள், பங்கு பற்றியவர்கள், இந்நிகழ்வினை நடாத்துவதற்கு பல வழிகளிலும் உதவி வழங்கியவர்கள் அனைவருக்கும் கனடா காரை கலாச்சார மன்றம் மனமார்ந்த  நன்றியை தெரிவித்துக் கொள்கின்றது.
காரை வசந்தம் சிறப்பு மலருக்கு விளம்பரங்களைத் தந்து உதவிய விளம்பரதாரர்களுக்கும், வாழ்த்துச் செய்திகளை வழங்கி உதவிய அறிஞர்களுக்கும் கட்டுரைகளை வழங்கி உதவிய அறிஞர்களுக்கும் காரைநகர் தொடர்பாளர் திரு.நடராஜா பாரதி அவர்களுக்கும்,விழா மலரின் அட்டை படத்தினை வடிவமைத்து வழங்கிய திரு.ஞானபண்டிதன் பாலசுப்பிரமணியம் அவர்களுக்கும்,காரைநகரில் இருந்து ஆக்கங்களையும் அறிக்கைகளையும் சேகரித்து அனுப்பி உதவி புரிந்த காரைநகர் அபிவிருத்தி சபையினருக்கும், தட்டச்சு செய்து வழங்கிய திருமதி கிருஸ்ணவேணி சோதிநாதன் அவர்களிற்கும்,விளம்பர வடிவமைப்புக்கள் செய்து வழங்கிய திரு.மாணிக்கம் கனகசபாபதி அவர்களிற்கும், இந்த விழாவைச் சிறப்பாக உங்கள் முன்கொண்டு வருவதற்கு உறுதுணையாக காணொளிகாட்சிகள் மற்றும் தொழில் நுட்ப உதவிகள் பல புரிந்த திரு.செந்தூரன் கந்தையா அவர்களிற்கும்,  சிற்றுண்டி, குளிர்பானம், குடிநீர்  ஆகியவற்றை வழங்கிய திரு.செந்தூரன் கந்தையா,  திரு.அரி மனோகரன், திரு.தீசன் திரவியநாதன் ஆகியோர்களிற்கும் தோழோடு தோழ் நின்று உழைத்த எமது மன்ற உறுப்பினர்கள்,  நண்பர்களுக்கும்,
 விழா நிகழ்ச்சிகளை தொகுத்து வழங்கிய   தொகுப்பாளர்களான திரு. பா.ஞானபண்டிதன், திரு. கோகுலன், செல்வி பைரவி சிவராமலிங்கம் ஆகியோருக்கும் மற்றும் நேரடியாகவோ, மறைமுகமாகவோ அன்றேல் எமக்கு ஆலோசனை கூறுவதன் மூலமோ எமக்கு உதவி புரிந்த அனைத்து நல்இதயங்களுக்கும் கனடா-காரை கலாச்சாரமன்றம் நெஞ்சம் நிறைந்த நன்றிகளைத் தெரிவிக்கின்றது.உதவிபுரிந்த அனைத்துத் தொண்டர்களுக்கும் எமது மனமார்ந்த நன்றிகள். 
ஒலிபரப்புக்குதவிய (சமூக அறிவித்தல்) CTBC இளையபாரதி ,வண்ணத் தமிழ் வானொலி,CMR FM ,CTR 24,வணக்கம் FM வானொலிகளுக்கும்,புகைப்படம்,ஒளிப்பதிவு  செய்தவர்களிற்கும், எமது  நன்றிகளை தெரிவித்துக்கொள்கின்றோம்.
காரை வசந்த நிகழ்வுகள் மூலம் பெறப்பட்ட நிதி காரைநகர் பாடசாலைகளின் கல்வியினை மேம்படுத்த மட்டும் வழங்கப்படவுள்ளது குறிப்பிடத்தக்கதாகும்.

எத்தனை தடைகள் இருந்தும் தற்போது நிர்வாகத்தில் இருக்கும் ஒவ்வொருவரினதும் முழுமுயற்சியும் தன்னம்பிக்கையும் வீண் போகவில்லை. அதன் விளைவாகத்தான் தற்போதய நிர்வாகம் இக்காலப்பகுதியில் பயனுள்ள பல முக்கியமான வேலைத் திட்டங்களைக் கவனமெடுத்து நிறைவேற்றக் கூடியதாக இருந்தது.

இத்தனை இன்னல்கள் மத்தியிலும் மே 28,2016 இருந்து டிசம்பர் 12,2016வரை எம்மன்றத்தினால் காரைநகருக்கு செய்யப்பட்ட உதவிகள் அனைத்தும் காரை அபிவிருத்தி சபையினூடாகச் செய்யப்பட்டவையே.
 அவையாவன:

1.காரைநகரில் தாய் தந்தையை இழந்த பெரிய மணலைச் சேர்ந்த சிறுவன் நக்கீரனுக்கான உதவிப்பணம் மாதாந்தம் ரூபா 3,000 வீதம்  காரை அபிவிருத்தி சபையினூடாக வழங்கப்பட்டு வருகின்றது. அனுசரணை திரு.ப.லக்கிராஜா

2.கனடா காரை கலாச்சார மன்றத்தினால் 05.05.2015 அன்று காரைநகர் ஆரம்ப பாடசாலைகளின் அடிப்படை தேவைகளை கருத்தில் கொண்டு ஒவ்வொரு பாடசாலைக்கும் வழங்கப்பட்ட 10 இலட்சம் ரூபாய்கள் நிரந்தர வைப்பில் இருந்து கிடைக்கப்பெற்ற முதற்கட்ட வட்டி பணத்தின் ஊடாக ஆரம்ப பாடசாலைகளின் அடிப்படை அத்தியாவசிய தேவைகள் பூர்த்தி செய்யப்பட்டு வருகின்றமை தொடர்பாக பாடசாலைகளிடம் இருந்து கிடைக்கப்பெற்ற அறிக்கைகள் ஊடாக அறியப்படுகின்றது. கனடா காரை கலாசார மன்றத்தினால் வழங்கப்பட்ட நிரந்தர வைப்பு நிதியத்தின் ஊடாக கிடைக்கப்பெற்ற வட்டி பணத்தின் ஊடாக காரைநகர் பாடசாலைகளின் செலவு விபரங்கள் karainagar.com (June 24,2016 திகதியில்)   இணையத்தளத்தில் சென்று பார்வையிடலாம். 2ம்  கட்ட செயற்பாட்டுயறிக்கை பாடசாலைகளிடமிருந்து பெற்று காரை வசந்தம்-2016 மலரில் வெளியிடப்பட்டுள்ளது.

3.கனடா காரை  கலாச்சார மன்றத்தின் அனுசரனையுடன் காரைநகர் அபிவிருத்திச் சபையினால் இவ்வாண்டு தரம் 5 புலமைப் பரிசில் பரீட்சைக்குத் தோற்ற உள்ள மாணவர்களுக்கான நான்கு கல்விக் கருத்தரங்கு இவ்வாண்டு யாழ்ற்ரன் கல்லூரி மண்டபத்தில் நடாத்தப்பட்டது.
காரைநகர் அபிவிருத்திச் சபைத் தலைவரும் வடமாகாணக் கல்வி அமைச்சின் ஓய்வுநிலைப் பிரதிச் செயலருமான ப.விக்னேஸ்வரன் தலைமையில் இடம்பெற்ற கல்விக் கருத்தரங்கில்காரைநகரில் உள்ள 11 ஆரம்பப் பாடசாலைகளைச் சேர்ந்த சுமார் 160 மாணவர்கள் இக் கல்விக் கருத்தரங்கில் கலந்துகொண்டு பயன் பெற்றனர்.
கடந்த 7 வருடங்களுக்கு மேலாக தரம் 5 புலமைப் பரிசில் பரீட்சைக்குத் தோற்றும் மாணவர்களுக்குக் கல்விக் கருத்தரங்குகள் மற்றும் ஊக்குவிப்புப் பரிசில்கள் கனடா காரை கலாச்சார மன்றத்தின் அனுசரனையுடன் காரைநகர் அபிவிருத்திச் சபையினால் மேற்கொள்ளப்பட்டு வருகின்றது.கனடா காரை கலாச்சார மன்றத்தின் அனுசரனையுடன் காரைநகர் அபிவிருத்திச் சபையின் ஏற்பாட்டில் கடந்த ஆகஸ்ட் மாதம் நடைபெற்ற தரம் 5 புலமைப்பரிசில் பரீட்சையில் சித்தியடைந்த காரைநகர் கோட்டப் பாடசாலை மாணவர்களைக் கௌரவிக்கும் நிகழ்வு காரைநகர் அபிவிருத்திச் சபை நூலகத்தில் வட மாகாணக் கல்வியமைச்சின் ஓய்வு நிலைப் பிரதிச் செயலரும் காரைநகர் அபிவிருத்திச் சபைத் தலைவருமான உயர்திரு ப.விக்னேஸ்வரன் தலைமையில் இடம்பெற்றது. புலமைப்பரிசில் பரீட்சையில் சித்தியடைந்த மாணவர்களைப் பாராட்டி பரிசில் வழங்கினர்.

4.கனடா காரை கலாச்சார மன்றத்தின் அனுசரனையுடன் காரைநகர் அபிவிருத்திச் சபையினால் சர்வதேச விதவைகள் தின நிகழ்வு 03.07.2016  ஞாயிற்றுக்கிழமை காரைநகர் அபிவிருத்திச் சபை மாணவர் நூலகத்தில் நடாத்தப்பட்டது.காரைநகர் அபிவிருத்திச் சபைத் தலைவரும் வடமாகாணக் கல்வி அமைச்சின் ஓய்வுநிலைப் பிரதிச் செயலருமான ப.விக்னேஸ்வரன் தலைமையில் இடம்பெற்ற நிகழ்வில் யாழ் மாவட்டச் சிக்கனக் கடனுதவு கூட்டுறவுச் சங்கங்களின் சமாசச் செயலாளர் திருமதி ச.பரமானந்தம்,காரைநகர் பிராந்திய கூட்டுறவு அபிவிருத்தி உத்தியோகத்தர் வ.நிதர்சன் ஆகியோர் கலந்துகொண்டு கருத்துரை வழங்கியதுடன் காரைநகர் பிரதேசத்தில் உள்ள விதவைக் குடும்பங்களின் வாழ்க்கைத் தரத்தை மேம்படுத்துவதற்கான ஆலோசனைகள் மற்றும் வாழ்வாதார உதவிகளைப் பெற்றுக்கொள்வதற்கான வழிவகைகள் தொடர்பாகவும் விளக்கமளிக்கப்பட்டது.
யாழ் மாவட்ட சிக்கனக் கடனுதவு கூட்டுறவுச் சங்கத்தினால் தெரிவு செய்யப்பட்ட சுமார் நூறு பயனாளிகளுக்குத் தென்னம் பிள்ளைகளும் இன்றைய நிகழ்வில் வழங்கப்பட்டது.

5.வியாவில் சைவ வித்தியாலயத்திற்கான நிரந்தர வைப்பு 10 இலட்சம் ரூபா  05-நவம்பர்-2016 வைப்பில் இட்டு வழங்கியது.வியாவில் சைவ வித்தியாலய பாடசாலைக்கு  2,3 (மே05 /2016,நவம்பர் 05/2016)  வது தடவைக்குரிய  வட்டி பணம் வழங்கியது அத்துடன் பாலாவோடை இந்து தமிழ் கலவன் பாடசாலைக்கு நிரந்தர வைப்பு நிதியில் இருந்து கிடைக்கப்பெறும் வட்டி மற்றைய  பாடசாலைகள் போன்று மே05 /நவம்பர் 05  கிடைக்கப்பெற நடைமுறைப்படுத்தியது.

6.கனடா காரை கலாச்சார  மன்றத்தினால் 28.11.2016  திங்கட்கிழமை  வேரப்பிட்டி ஸ்ரீ கணேச வித்தியாலயத்திற்கு இரண்டு மடிக்கணணிகள் அபிவிருத்தி சபையின் ஊடாக  வழங்கப்பட்டுள்ளன.

கனடாகாரை கலாச்சார மன்றத்தின் சிவன் கோவில் நித்திய பூசை நிலையான நிதி வைப்பு 

சிவன் கோவில் நித்திய பூசைக்கு ஹட்டன் நஷனல் வங்கி சேமிப்பு கணக்கிலிருந்து 5 இலட்சம் ரூபா நிரந்தர வைப்பில் இடப்பட்டுள்ளது.
அதற்குரிய ஆண்டு வட்டிப் பணத்தை காரை அபிவிருத்திச் சபை ஊடாக சிவன் கோவில் நித்திய பூசைக்கு  கொடுப்பதாக தீர்மானிக்கப்பட்ட அறிவித்தல் ஹட்டன் நஷனல் வங்கிக்கு கொடுக்கப்பட்டது. 

 குறிப்பு:
சிவன் கோவில் நித்திய பூசைக்கு ஹட்டன் நஷனல் வங்கி சேமிப்பு கணக்கிலிருந்து 5 இலட்சம் ரூபா நிரந்தர வைப்பில் இட்டபடியால்   சிவன் கோவில் நித்திய பூசைக்கு கடந்த கால நிர்வாகங்களால் போடப்பட்ட  1 இலட்சம் ரூபா நிரந்தர வைப்பு மற்றும்  ரூபா 1,50,000.00 நிரந்தர வைப்பு  மன்றத்தின் நிரந்தர வைப்பாகா வருகின்றது. 

கனடா காரை கலாச்சார மன்றத்தின் யாப்பு ஆங்கிலத்தில் மொழி பெயர்ப்பு செய்ய மொழிபெயர்ப்பாளரிடம் கொடுக்கப்பட்டுள்ளது.                                                                          

கனடாவில் வதியும் எம்மை விட்டுப் பிரிந்த உறவுகளுக்கு அவர்களின் படத்துடன்  மன்றத்தினால்  கண்ணீர் அஞ்சலி செலுத்தப்பட்டது.

மன்றத்திற்கு தட்டச்சு உதவி செய்தவர்களுக்கும் மற்றும் பலவிதமான ஆலோசனைகள் தந்தவர்களுக்கும் இத் தருணத்தில்  மன்றம் நன்றி தெரிவித்துக் கொள்கின்றது.

மன்றம் தொடர்பான செய்திகள், மற்றும் வெளிநாட்டு மன்றங்களின் செய்திகள், உலகின் எப்பகுதியிலும் எம்மவரது மரண அறிவித்தல்கள் கலை நிகழ்வுகள் என்பன இலவசமாக எமது இணையத்தளத்தில் பிரசுரிக்கப்படுகின்றன.
எமது மன்ற இணையத்தளத்தை வடிவமைத்து தொழில்நுட்ப உதவி வழங்கி வரும் திரு.விமலராஜா குலசேகரம் அவர்களுக்கு மன்றம் நன்றி கூறக் கடமைப்பட்டுள்ளது.

காரைநகரில் இருந்து செய்திகள் தந்த  திரு.நடராஜா பாரதிற்கு மன்றம் நன்றி தெரிவித்துக் கொள்கின்றது.

இந்தக் குறுகிய காலப்பகுதியில் நாம் பல வேலைத் திட்டங்களை நிறைவேற்ற உதவிய நிர்வாக சபை உறுப்பினர்கள் மற்றும் கனடா வாழ் காரை மக்கள், வர்த்தகப் பெருமக்கள் அனைவருக்கும் இந்த மன்றம் முதலில் நன்றி கூறக் கடமைப்பட்டிருக்கின்றது. அத்துடன் இம்மன்றத்தின் செயற்பாட்டுக் கூட்டங்களை நடத்துவதற்கான இடத்தைத் தந்து உதவிய அரி மனோகரன் அவர்களுக்கும் மன்றம் நன்றி கூறக் கடமைப்பட்டுள்ளது.

அனுசரணை வழங்கியவர்கள், மன்றத்தினை நடாத்துவதற்கு பல வழிகளிலும் உதவி வழங்கியவர்கள் அனைவருக்கும் கனடா காரை கலாச்சார மன்றம் மனமார்ந்த நன்றியை தெரிவித்துக் கொள்கின்றது.
 

                                                               நன்றி

ஜெயச்சந்திரன் தம்பிராசா
             செயலாளர்
கனடா காரை கலாச்சார மன்றம்
          டிசம்பர் 12,2016

                                            “ WORKING TOGETHER  IS SUCCESS”

                   கனடா-காரை கலாச்சார மன்றம்

                      இடைக்கால கணக்கறிக்கை 

           (மே 28,2016 இருந்து  டிசம்பர் 06,2016வரை)

கணக்கறிக்கையை பார்வையிட தயவுசெய்து கீழேயுள்ள இணைப்பினை அழுத்தவும்.

http://www.karainagar.com/pages/wp-content/uploads/2016/12/Dec-6-2016-FS-1-1.pdf

   கனடா காரை கலாசார மன்றம் அங்கீகரிக்கப்பட்ட                         கணக்கறிக்கைகள்!

  (2013.02.28 – 2015.05.10), (2015.10.11 – 2016.05.28)

கனடா காரை கலாசார மன்றத்தின் 28.05.2016 அன்று நடைபெற்ற பொதுக்கூட்டத்தின் போது கடந்த கால நிர்வாகங்களின் கணக்காய்வாளரினால் அங்கீகரிக்கப்பட்ட கணக்கு அறிக்கைகள் வெளியிடப்பட்டதுடன் அவை கலந்து கொண்ட அங்கத்தவர்களினாலும் அங்கீகரிக்கப்பட்டன.

அந்த வகையில் 2013.02.28 – 2015.05.10 வரையான திரு.தம்பிஐயா பரமானந்தராசா தலைமையிலான கணக்கறிக்கை கணக்காய்வாளர் திரு.கந்தையா கனகராசா அவர்களின் மீள்பரிசீலனையின் பின்னர் 17.12.2015 அன்று அங்கீகரிக்கப்பட்டிருந்த நிலையில் 07.05.2016 அன்று கனடா காரை கலாசார மன்றத்தின் உத்தியோக பூர்வமான இணையத்தளமான http://www.karainagar.com/ ஊடாக அங்கத்தவர்களிற்கு அறியத்தரப்பட்டது. அத்துடன் 28.05.2016 அன்று முழுமையான அங்கீகரிக்கப்பட்ட செயலாளர் செயற்பாட்டு அறிக்கையுடன் கூடிய பொருளாளர் அறிக்கை என்பனவும் வெளியிடப்பட்டு வைக்கப்பட்டது.

காரைநகர் 11 ஆரம்ப பாடசாலைகளிற்கு தலா 10 இலட்சம் வீதம் அடிப்படை தேவைகளை நிறைவேற்ற நிரந்தர வைப்பில் இட்டு வழங்கியது மற்றும் காரைநகர் பாடசாலைகள் பலவற்றிற்கும் பல இலட்சம் ரூபாய்கள் கற்றல் தேவைகளிற்காக 2014 மற்றும் 2015 மே வரையான காலப்பகுதியில் வழங்கப்பட்டிருந்த நிலையில் இக்காலத்திற்குரிய கணக்கறிக்கை தகுதியும் திறமையும் வாய்ந்த கணக்காய்வாளரின் மீள்பரிசீலனைக்காக பொதுச்சபையினரால் பரிந்துரைக்கப்பட்டது.

அதனையடுத்து கனடாவில் கணக்கியல் துறையில் போதிய அனுபவமும் திறமையும் கொண்டு அங்கீகாரம் பெற்ற கணக்காய்வாளராக தொழில் புரியும் திரு.கந்தையா கனகராசா அவர்களிடம் இக்காலத்திற்குரிய கணக்கு அறிக்கைகள் சமர்ப்பிக்கப்பட்டன.

பாடசாலைகளிற்கு வழங்கப்பட்ட ஒரு கோடிக்கும் மேற்பட்ட நிதியுதவிகள் மற்றும் காரைமண் அபிவிருத்திக்காக இக்காலப்பகுதியில் கனடா காரை கலாசார மன்றத்தினால் வழங்கப்பட்ட அனைத்து நிதியுதவிகள் மற்றும் மன்றத்தின் முழுமையான கணக்குகளை அக்காலத்தில் நிர்வாக பதவியேற்றிருந்த தலைவர் திரு.தம்பிஐயா பரமானந்தராசா, செயலாளர் (பதில்) திரு.தீசன் திரவியநாதன் மற்றும் பொருளாளர் திரு.திருநாவுக்கரசு பேரின்பராசா ஆகியோரது முழுமையான ஒத்துழைப்புடன் மீள்பரிசீலனை செய்து அங்கத்தவர்களிற்கு சமர்ப்பிக்கப்பட்டது.

28.05.2016 அன்று நடைபெற்ற பொதுச்சபை கூட்டத்தின் போது இவ்வறிக்கையானது கலந்து கொண்ட அங்கத்தவர்களினால் ஏகமனதாக அங்கீகரிக்கப்பட்டது. 
அதனை தொடர்ந்து கணக்காய்வாளர் திரு.கந்தையா கனகராசா அவர்களிடம் அங்கத்தவர்கள் வினவிய கேள்விகளிற்கு விடையளித்த்து பேசியபோது கணக்காய்வாளர் திரு.கந்தையா கனகராசா அவர்கள் கூறியதாவது ‘ 10.05.2016 அன்று முதல் தடவையாக வெளியிடப்பட்ட கணக்கறிக்கைக்கும் தற்போது என்னால் மீள்பரிசீலனை செய்யப்பட்டு வெளியிடப்பட்டிருக்கும் கணக்கறிக்கைக்கும் கணக்கியல் சம்பந்தமாக வித்தியாசங்கள் இல்லையெனவும் கணக்குகளை சமர்ப்பிக்கும் முறைகள் மட்டுமே மாற்றம் பெற்றுள்ளன என்றும் ஆனாலும் அங்கத்தவர்களது வேண்டுகோளிற்கு இணங்க மீள்பரிசீலனை செய்து உறுதி செய்யப்பட்டுள்ளதானது மன்றத்தின் நல்லெண்ணத்திற்கும் இக்காலத்தில் பணியாற்றிய நிர்வாக சபை உறுப்பினர்களின் நன்மதிப்பும் இதன் மூலம் உறுதி செய்யப்பட்டுள்ளது எனவும் தெரிவித்தார்.

மேற்கொண்டு 11.10.2015 முதல் 28.05.2016 வரையான திரு.ரவி ரவீந்திரன் தலைமையிலான கணக்கு அறிக்கையும் வெளியிடப்பட்டு கலந்து கொண்ட அங்கத்தவர்களினால் ஏகமனதாக அங்கீகரிக்கப்ட்டது.

இத்துடன் பொதுச்சபையினால் அங்கீகரிக்கப்பட்ட மேற்படி இரண்டு கணக்கறிக்கைகளும் எடுத்து வரப்பட்டுள்ளன.

திரு.தம்பிஐயா பரமானந்தராசா தலைமையிலான நிர்வாக சபையின் கணக்கறிக்கை (2013.02.28 – 2015.05.10) மற்றும் திரு.ரவி ரவீந்திரன் தலைமையிலான நிர்வாக சபையின் கணக்கறிக்கை (2015.10.11 – 2016.05.28) கீழே எடுத்து வரப்பட்டுள்ளன.

திரு.தம்பிஐயா பரமானந்தராசா தலைமையிலான நிர்வாக சபையின் கணக்கறிக்கை (2013.02.28 – 2015.05.10)

கணக்கறிக்கையை பார்வையிட தயவுசெய்து கீழேயுள்ள இணைப்பினை அழுத்தவும்.

http://www.karainagar.com/pages/wp-content/uploads/2016/06/2013-2015-FROM-28-FEB-2013-TO-10-MAY-2015.pdf

திரு.ரவி ரவீந்திரன் தலைமையிலான நிர்வாக சபையின் கணக்கறிக்கை (2015.10.11 – 2016.05.28)

கணக்கறிக்கையை பார்வையிட தயவுசெய்து கீழேயுள்ள இணைப்பினை அழுத்தவும்.

http://www.karainagar.com/pages/wp-content/uploads/2016/06/2015-2016FROM-11-OCT-2015-TO-28-MAY-2016.pdf