நாவலருக்கு அடுத்து வைத்துப் போற்றப்படும் காரைநகர் மகான் சிவத்திரு.ச.அருணாசலம் அவர்கள் பற்றிய “சைவாசிரியர்களைத் தோற்றுவித்த திரு.ச.அருணாசலம் அவர்கள்” என்ற நூல் வெளியீட்டு நிகழ்வு அண்மையில் கனடாவில் நடைபெற்றிருந்த நிலையில் நீண்ட நெடுநாள் சமூகத் தொண்டரும், ஆறுமுகநாவலர் சபைத் துணைத் தலைவருமாகிய திரு.ஐ.தி.சம்பந்தன் அவர்களின் வாழ்த்துச் செய்தி தவிர்க்க முடியாத காரணத்தால் தாமதமாகக் கிடைக்கப் பெற்ற போதிலும் நாவலர் சபையின் சார்பில் வழங்கப்பட்ட செய்தி என்பதனால் அதன் முக்கியத்துவம் கருதி இங்கே எடுத்துவரப்படுகின்றது.

ஸ்ரீலஸ்ரீ ஆறுமுகநாவலர் சபை வாழ்த்துச் செய்தி
நாவலர் வழிவந்த மகான் அருணாசலம் உபாத்தியார் காரைநகருக்குப் பெருமை தேடியவர்

இருள் சூழ்ந்த காலத்தில் சைவத்தையும் தமிழையும் தழைத்தோங்கத் தமது வாழ்க்கையை முழுமையாகத் தியாகம் செய்தவர் நாவலர் பெருமான் அவர்கள். அவர் காலத்தில பல சீடர்களும், கல்விமான்களும் அறிஞர்களும் உருவாகினா.; அவரது கொள்கையினாலும் கல்விப்பணியினாலும்; பலர் ஈர்க்கப்பட்டனர். அவ்வழிவந்தவரே மகான் அருணாசலம் உபாத்தியார் அவர்கள். நாவலர் அருணாசலம் என்று அறிஞர் உலகினால் அழைக்கப்பட்டு வந்தவர். இவர் நாவலர் பெருமானின் சைவத் தமிழை வளர்ப்பதில் தம்மை முழுமையாக அர்பணித்து செயலாற்றி வந்தவர் தமது சொத்துக்களையும் முதலீடு செய்தவர். பிறமதத்தவர்களின் ஆக்கிரமிப்பை தடுப்பதற்கு சைவத் தமிழ்க் கல்வியை மக்களிடையே பரப்புவதற்கும் மேற்கொண்ட முயற்சியே சைவப் பாடசாலைகளின் தோற்றமாகும்.

வண்ணார் பண்ணையில் ஆரம்பித்த சைவப் பிரகாச வித்தியாசாலை போன்று ஊர்தோறும் அமைக்கப்படவேண்டும் என்பதே நாவலர் பெருமானின் நோக்கமாகும். அவருடைய நோக்கத்தின் அடிப்படைலேயே மகான் அருணாசலம் உபாத்தியாரும் அதன்பின்பு இந்துபோட் இராசரத்தினம் அவர்களும் செயற்பட்டு வந்தனர்.

காரைநகரில் மூன்று தமிழ்ப் பாடசாலைகளை உருவாக்கிய பெருமைக்குரியவர் மகான் அருனாசலம் உபாத்தியாயர். பிறந்த மண்ணிற்கு செய்த பெரும் கல்விப் பணியாகும். நூறு ஆண்டுகள் சென்றாலும் அவரை நினைவுகூர வைப்பது அப்பாடசாலைகளே. அயல் கிராமங்;களிலும் சைவப்பாடசாலைகளை உருவாக்கி சகலமக்களினதும் மதிப்புக்குரியவரானார். காரைநகரில் பிறந்தவரானாலும் வண்ணர்பண்ணையில் வாழ்ந்து கொண்டே சைவத் தமிழ்ப் பணியை மேற்கொண்டு வந்ததாகக் கூறப்படுகிறது. பரந்த உள்ளம் கொண்டவர்களின் பணி அவ்வாறே அமையும். அதுவும் காரைநகருக்கே பெருமை.

1969ல் ஸ்ரீலஸ்ரீ ஆறுமுக நாவலர் சபையை உருவாக்கவும் நாவலருக்கு பெருவிழா. சிலைநாட்டுவிழா. தேசபவனியோடு மகாநாட்டு மலர் ஒன்று வெளியிடப்பட்டது அதிலும்; நான் முக்கிபங்கு வகுக்கும் வாய்புக்கிடைத்தது. மலர்க் குழு அசிரியர் மதிப்புக்குரிய இலட்சுமண ஐயா காரைநகர் நாவலர் அருணாசல உபாத்தியாயர் பற்றி ஒரு கட்டுரை எழுதும்படி என்னைக் கேட்டார். பலரிடம் தொடர்பு கொண்டேன் போதிய தகவல் கிடைக்கவில்லை. அந்த வரலாற்று மலரில் இத்கைய பெருமைக்குரிய மகான் அருணாசலம் உபாத்தியாரின் வரலாறு இடம்பெறவில்லையென்று கவலையடைகின்றேன்.

நாவலர் வழிநின்று சைவத்தையும் தமிழையும் வளர்த்த மகான் அருணாசலம் உபாத்தியாயர் அவர்கள் பற்றி திரு.சி கணபதிப்பிள்ளை ஐயர் அவர்கள் இந்நூலை எழுதியதற்கும் அந்நூலை சிறந்த முறையில் வெளியிட முன்வந்த கனடா சைவசித்தாந்த மன்ற தலைவர் சிவநெறிச் செல்வர் திரு.தி.விசுவலிங்கம்; அவர்களுக்கும் இதயம் நிறைந்த நன்றியையும் பாராட்டையும் தெரிவிக்கின்றோம்

இரண்டாம் பதிப்பு நூல்வெளியீடு காரைநகரில் ஒரு மறுமலர்ச்சியை ஏற்படுத்தியுள்ளது. பல பாடசாலைகளிலும் அறிஞர்களிடமும் இருந்து குவியும் வாழ்த்துச் செய்திகளிலிருந்து அறியக்கூடியதாகவிருக்கின்றது. இச்செய்திகளை கனடா காரை இந்துக்கல்லூரி பழைய மாணவர் சங்கம் அதன் இணையத்தளத்தில் சிறப்பாக வெளியிட்டு சிறந்த பரப்புரை செய்து வருகின்றனர்

ஸ்ரீலஸ்ரீ ஆறுமுக நாவலர் சபையின் சார்பில் நாவலர் வழிவந்த மகான் அருணாசலம்; உபாத்தியார் பற்றிய நூல் வெளியீட்டுவிழா சிறப்பாக நடைபெற வாழ்த்;துக்களையும் பாராட்டையும் தெரிவித்துக்கொள்கின்றோம்

திரு.தி.விசுவலிங்கம் திருமதி வடிவழகாம்பிகை அவர்களும் ஆரோக்கியத்துடன் வாழ்ந்து சைவத் தமிழ்ப் பணியாற்ற ஸ்ரீலஸ்ரீ ஆறுமுக நாவலர் சபையின் சார்பில் வாழ்த்துன்றோம்.

வணக்கம்

ஐ.தி.சம்பந்தன்
துணைத் தலைவர்
ஸ்ரீலஸ்ரீ ஆறுமுகநாவலர் சபை
22-07-2015

ஈழத்து கல்வியாளர் காரைநகர் மகான் சிவத்திரு.ச.அருணாசலம் அவர்கள் பற்றிய “சைவ ஆசிரியர்களைத் தோற்றுவித்த ச.அருணாசலம் அவர்கள்” என்ற நூல் வெளியீட்டு விழா கடந்த சனிக்கிழமை (25.07.2015) அன்று Scarborough Civic Centreமண்டபத்தில் நடைபெற்றிருந்தது.

இவ்விழா நிகழ்வுகள் பற்றிய செய்தி ஒளிபரப்பினை tamil Oneதொலைக்காட்சியில் “கனடிய பதிவுகள்” என்னும் நிகழ்ச்சியில் இன்று திங்கட்கிழமை (27.07.2015) அன்று இரவு 7:30 இற்கு பார்த்து மகிழலாம் என்பதனை அறியத் தருகின்றோம்.
Bell இணைப்பு உள்ளவர்கள் 844 இலும் Rogers இணைப்பு உள்ளவர்கள் 868 இலும் Tamil One தொலைக்காட்சியைப் பார்க்கலாம்.
இந்நிகழ்ச்சியின் மறு ஒளிபரப்பினை வரும் வெள்ளிக்கிழமை (31.07.2015) காலை 10:00மணிக்கும் பார்க்கலாம்.

"உண்மையான விடிவெள்ளியாய் வீறுநடை போட்டவர் அருணசலம்" பிருத்தானியா காரை நலன்புரிச் சங்கம்
 
சைவ சித்தாந்த மன்றம்,
கனடா.
நூல் வெளியீடு – மீள் பதிப்பு 
25.07.2015

யாழ்பாணத்தின் மூன்று தமிழ் சார்ந்த சமயக் கண்ணகள் அதில் ஒன்று எம் அருமை அருணாசல உபாத்தியாயர். (மற்றிருவர் ஆறுமுக நாவலர், இராசரத்தினம்) சரித்திர நாயகர்களின் சொத்துக்களை மீளசைவு செய்வதென்பது விலை மதிப்பற்ற ஒன்று. காரைநகர் குட்டிப்புலத்தில் தோன்றி, தன் கோட்டையாக தங்கோடையில் வாழ்ந்தவர் ஐயா அருணாசலம். எமது அல்லின் ஏபிரகாம் காலத்தில் வாழ்ந்த சமகால சரித்திர நாயகன் இவர். அல்லின் ஏபிரகாம் அவர்கள் எமது மண்ணின் கற்பகதருவினூடே வால்வெள்ளியை வயப்படுத்தினார், ஆனால் ஐயா அருணாசலம் அவர்கள் எமது ஊரின் கல்வியின் கண்களாக உண்மையான விடிவெள்ளியாய் நின்று வீறு நடை போட்டவர்.

உண்மையில் இதைத்தான் ஐய்யன் வள்ளுவன் தனது முதற் குறளில்
அகர முதல எழுத்தெல்லாம் ஆதி பகவன் முதற்றே உலகு
என்று கூறியுள்ளானோ என்று எண்ணவைக்கின்றது……. காரணம்
அல்லின் – அருணா, உண்மையில் ஆழமாக நோக்குங்கள் ……………..
அல்லின் விண்ணை நோக்கினார், ஐயா அருணா மண்ணை நோக்கினார் 
இரண்டுமே இந்த பிரபஞ்சத்தின் சொத்துத்தான், இருந்தும் இது எம் மண்ணின் முதுசம் எனும் பொழுது எம்மையெல்லாம் முழிக்க வைக்கின்றது. ஆங்கிலேயர் ஆட்சியில் அருணாசலம் ஓர் காந்திய ஆயுதம் என்றால் மிகையாகாது. அடிமைக்காலத்தில் அவர்களை எதிர்த்து சைவைத்தையும் தமிழையும் தனித்துவமாய் தக்கவைப்பது என்பது தன்னிகரற்ற செயல். நாவலர் வழி நின்று திண்ணைப் பாடசாகளை துணிவுடன் அன்று அருணாசலம் ஐயா இட்ட வித்துத்தான் இன்று நம் வித்தியாலயங்களாக வியாபித்து விருட்சமாக வேரூன்றியுள்ளன.

2011ம் ஆண்டு பிருத்தானியா காரை நலன் புரிச் சங்க நிர்வாகத்தின் தொலைநோக்கு கண்களின் பட்டு, அதில் பரிணமித்ததுதான் "முதுசங்களைத் தேடி". இதன் நோக்கமே எமது மண் சார் முதாதையரின் முக்கியமான நூல்களை மூழ்க விடாது மீள் கொண்டு வருவதென்பது. இதன் முதற் குழந்தை FXC அவர்களின் "காரை மான்மியம்", இரண்டாவது செல்வம் மூன்று ஆண்டு தாண்டியும், முக்கியம் பெற முடியவில்லை அது "சைவமகாசபை பொன்விழா மலர்" (இன்னமும் பதிப்பில் உள்ளது), ஆனால் இன்று கனடா சைவ சித்தாந்த மன்றம் இந்த எமது சைவ மகா சபையால் 29.09.1971 அன்று வெளியிடப்பட்ட "சைவ ஆசிரியர்களைத் தோற்றுவித்த ஐயா அருணாசலம்" அவர்களின் நூலை மீள்பதிப்பு செய்வது என்பது எமக்கு பெரு மகிழ்ச்சியை தருவதுடன், எமது மண்ணுக்கு விலைமதிப்பற்ற மதிப்பையும் கொடுக்கின்றது. சைவ சித்தாந்த மன்றத்துடன் எமது கனடா காரை இந்துக் கல்லூரியின் பழைய மாணவர் சங்கமும் கைகோத்துள்ளமையும் எமக்கு களிப்புத்தான்.

தங்கள் இந்த நூல் மீள் பதிப்பு கனடாவில் மட்டுமல்ல காரை மக்கள் வாழ் அனைத்து நாடுகளிலும் வெளியிடப்பட வேண்டும் என்று கேட்டுக்கொள்வதுடன், இதற்கான அனைத்து உதவிகளையும் எமது பிருத்தானியா காரை நலன் புரிச்சங்க "முதுசங்களைத் தேடி" நிர்வாக இணைப்பாளர்கள் இணைந்து செயற்பட காத்திருக்கின்றார்கள் என்று கூறி, மேலும் தங்கள் நிகழ்வும் இனிதாய் நிறைவுற இறைவனை வேண்டுகின்றோம்.

                              யாதானும் நாடாமால், ஊர்ஆமால், என்ஒருவன் 
                                சாந்துணையும் கல்லாத வாறு. – குறள் 397

                                                                             நன்றி.

வணக்கம்.
நிர்வாகம்,
பிருத்தானியா காரை நலன் புரிச்சங்கம்.

'சைவ ஆசிரியர்களைத் தோற்றுவித்த திரு.ச.அருணாசலம் அவர்கள்' என்ற நூலின் இரண்டாம் பதிப்பினை கனடா சைவ சித்தாந்த மன்றம் வரும் சனிக்கிழமை (25.07.2015) அன்று கனடாவில் வெளியிடவுள்ள நிலையில், ஒய்வுநிலை வடமாகாண கல்வி அமைச்சின் பிரதிச் செயலாளரும், காரைநசர் அபிவிருத்தி சபைத் தலைவருமாகிய திரு. பரமநாதன் விக்கினேஸ்வரன் அவர்கள் இந்நூல் வெளியீட்டு விழா சிறப்புறவும் சைவ உலகம் எழுச்சி பெற்று விளங்கவும் வழங்கிய வாழ்த்துச் செய்தியை இங்கே எடுத்து வருகின்றோம்.

நூல் வெளியீட்டு விழா சிறப்புற ஓய்வுநிலை வடமாகாண கல்வி அமைச்சின் பிரதிச் செயலாளர் திரு.ப.விக்கினேஸ்வரன் அவர்களின் வாழ்த்து செய்தி

சிவநெறிச்செல்வர்.திரு.தி.விசுவலிங்கம்
தலைவர்
சைவசித்தாந்த மன்றம், கனடா

பேரன்புடையீர்,

ஆறுமுகநாவலருக்குப் பின் சைவத்தின் காவலராகவும் அர்த்தமுள்ள வகையில் சைவ சமயம் நிலை பெறுவதற்கும் உழைத்த உத்தமர்களில் அருணாசலம் உபாத்தியாயர் முதன்மையானவர். இவர் பாடசாலைகள் பலவற்றை அமைப்பதற்கு மூலகாரணமாக இருந்ததுடன் அப்பாடசாலைகளில் தமிழையும், சைவதத்துவங்களையும் உரிய முறையில் போதிக்கக் கூடிய ஆசிரியர்களை உருவாக்குவதற்காக ஆசிரிய கலாசாலையையும் பல சிரமங்களின் மத்தியில உருவாக்கினார். 

கடந்த வாரம் கோப்பாய் ஆசிரியர் கலாசாலையில் நடைபெற்ற முத்தமிழ் விழாவிற்குப் பிரதம விருந்தினராக நான் சென்ற போது அங்கு உரையாற்றிய ஒருவர் இக்கலாசாலை ஆரம்ப கர்த்தா அருணாசலம் உபாததியாயர் என்று பெருமைப்படுத்திய போது நானும் எனது ஊரைச் சேர்ந்த மகான் என்பதில் சந்தோஷப்பட்டேன். யாழ்ப்பாணத்தில் நடைபெறும் பல சமய, தமிழ் நிகழ்வுகளின் அருணாசலம் என்ற பெரியாரின் அர்ப்பணிப்பான சேவைகள் நினைவு கூரப்படுவதைக் கேட்டு மகிழ்ந்திருக்கின்றேன். 

வியாவில் சைவ வித்தியாசாலையைத் தோற்றுவிப்பதற்கு அமரர் உயர்திரு வே.நாகலிங்கம் அவர்களை உற்சாகப்படுத்திய பெரியார் அருணாசலம் அவர்கள் இவருடன் இணைந்து ஒரு காந்தியவாதியாகவும் திகழ்ந்தார். 
சிவப்பணியும் தமிழ்பணியும் ஆற்றிய அருணாசலம் மகான் சைவப்பெருமக்களால் போற்றி வணங்கக்கூடியவர். அவருடைய பணிகள் அடங்கிய வரலாற்றுத் தொகுப்பினை மீள் பதிப்புச் செய்து அகிலமெல்லாம் அவர் புகழைப் பரப்பும் தங்கள் பணி சிறப்புற வாழ்த்துகின்றேன். 

பெரியார் வாழ்ந்து காட்டிய வழியில் நாம் வாழவும் அவர் ஆற்றிய பணிகளில் ஒரு பகுதியையாவது நாமும் செய்து எமது அடுத்த சந்ததியினருக்கு வழிகாட்டவும் இந்நூல் வெளியீடு உதவும் என எதிர்பார்கிறேன். எனது அன்புக்குரிய மாணவி திருமதி.கிருஷ்ணவேணி சோதிநாதன் அவர்கள் அருணாசல மகானின் பணியையும் புகழையும் மேன்மைப்படுத்துவதில் எடுக்கும் முயற்சியைப் பாராட்டுகிறேன். 

காரைநகர் அபிவிருத்தி சபையின் தலைவர் என்ற முறையில் இப்புத்தக வெளியீடு சிறப்பாக நடைபெறவும், அதன் மூலம் சைவ உலகம் எழுச்சி பெறவும் திண்ணபுரத்தில் உறையும் சுந்தரேஸ்வரப் பெருமானைப் பிரார்த்திக்கிறேன். 
மேன்மைகொள் சைவ நீதி விளங்குக உலகமெல்லாம்

ப.விக்கினேஸ்வரன்
தலைவர் 
காரை அபிவிருத்தி சபை

புண்ணிய பூமியாம் காரையம்பதியின் மைந்தனாகவும், சைவத்தின் விடி வெள்ளியாகவும் இற்றைக்கு நூற்றைம்பது ஆண்டுகள் முன் அவதரித்த அருணாசல உபாத்தியாயர் (1864) அவர்கள் சைவத்திற்கும், தமிழிற்கும் ஆற்றிய பணி மகத்தானது என்பதற்கு இன்றும் அவரது சேவை மக்களால் மதிக்கப்படுகின்றது, போற்றப்படுகின்றது என்பது மட்டுமன்றி அவரது பணி காலத்தால் மறையாத அளப்பெரும் சேவையாகக் கொண்டு அவரது வாழ்க்கை வரலாற்றையும், மாண்புமிகு சேவைகளின் பெருமைகளையும் தாங்கிய அல்வாய் திரு. சி. கணபதிப்பிள்ளை ஐயர் அவர்கள் எழுதிய “சைவ ஆசிரியர்களைத் தோற்றுவித்த திரு. ச அருணாசலம் அவர்கள்” எனும் நூலின் இரண்டாம் பதிப்பை புலம்பெயர் தேசங்களில் வாழும் காரை மக்கள் ஒன்று கூடி கனடா சைவ சித்தாந்த மன்றத்தால் வெளியிடுவதனூடாக அறியக் கூடியதாக உள்ளது.

இன்று எமது சைவமும் தமிழும் வாழ்ந்து கொண்டிருக்கின்ற தென்றால் எம் மக்கள் மத்தியில் வாழ்ந்து மறைந்த நாவலர் பெருமானின் மகத்தான சேவையாகக் கருதலாம். அதனால் சமயகுரவர்கள் நால்வர்களுக்கு மேலாக ஜந்தாவது குரவராக நாவலர் பெருமான் போற்றப்படுகின்றார். அவ்வகையில் நாவலர் பெருமானின் வாழ்வியல் நெறிப்படுத்தலினாலும், அவரின் மேற்கொண்டுள்ள அளவிலாப் பக்தியினாலும் கவரப்பெற்ற காரையூர் அருணாசல உபாத்தியாயர் நாவலரின் பணியை தன்வாழ்நாளில் தொடர்ந்தார். தனது இளம் வயதிலேயே (இருபதுகளில்) தன்னலம் கருதாது சைவத்திற்கும், தமிழிற்கும் ஏற்படும் பாதிப்பு கண்டு விழித்தெழுந்தார். அந்நியராட்சிக் காலத்தில் மக்கள் ஆங்கிலக் கல்வி மற்றும் தொழில் வாய்ப்புக் காரணமாக மதம் மாற்றப்படுவதை எதிர்த்தார். தாய் மொழியாம் செம்மொழியாகிய தமிழிற்கு ஏற்படும் அநீதி கண்டு மனம் கொதித்தார்.

அருணாசல உபாத்தியாயர் என்ற மாமனிதரின் அன்றைய விழிப்பு, பல பிரதேசங்களிலும் சைவப் பாடசாலைகள் தோற்றம் பெறுவதற்கு காரணமாக அமைந்ததுடன், சைவம் தழைத்தோங்கவும் வழிசமைத்தது எனலாம். இதற்காக அவர் தனது உடல், பொருள், ஆவி அனைத்தையும் அர்ப்பணித்தார். கால் நடையாக ஊர் ஊராகச் சென்று கிராமங்கள் தோறும் சைவப் பள்ளிகளைத் தோற்றுவிப்பதிலும், சைவ ஆசிரியர்களை உருவாக்குவதற்காக ஆசிரிய கலாசாலையை நிறுவுவதிலும் தனது முழுக் கவனத்தையும் செலுத்தினார். அவர் பெரும் பொருள் படைத்த செல்வந்தர் அல்ல. அவருடைய மனஉறுதி, விடாமுயற்சி, அர்ப்பணிப்பு என்பன, தான் கொண்ட குறிக்கோளை அடைவதற்கு காரணமாகியது.

அவரது மகத்தான சேவைகளைப் பறைசாற்றிக் கொண்டிருக்கும் பல சைவப் பாடசாலைகளில் எம் கிராமத்தின் மத்தியில் நூற்றாண்டுகள் கடந்து தலைநிமிர்ந்து நிற்கும் பாடசாலைகளைக் குறிப்பிடலாம். வியாவில் சைவ வித்தியாசாலை, சுப்பிரமணிய வித்தியாசாலை ஆகியன சைவத்தையும், தமிழையும் போதிக்கும் பாடசாலைகளாகவும், திருஞானசம்பந்தர் வித்தியாலயம் என அழைக்கப்பட்ட இன்றைய கலாநிதி ஆ. தியாகராசா ம.ம.வி.(காரைநகர் இந்துக் கல்லூரி) சைவத்தையும், ஆங்கிலக் கல்வியையும் போதிக்கும் பாடசாலையாகவும் உருப்பெற்றது.

இத்தகைய மகத்தான சேவையாளன் காரை மண்ணின் மைந்தனாக அவதரித்தமை எமது மண்ணிற்கு பெருமை சேர்க்கின்றது. 1864-1920 காலப்பகுதியில் வாழ்ந்த இவரது சேவைகளைப் போற்றி எமது மக்கள் இரண்டாம் பதிப்பாக இந்நூலை வெளியிடுவது கண்டு மனமகிழ்வடைகின்றேன். ஒருவர் எவ்வளவு காலம் வாழ்ந்தார் என்பது முக்கியமல்ல அவர் எப்படி வாழ்ந்தார், அவர் சமூகத்திற்கு விட்டுச் சென்றவை எவை என சிந்திக்கும் போது மகான் அருணாசலம் அவர்களின் சேவை ஞாலத்தில் மாணப் பெரிது என்பதைப் பறைசாற்றுவதாக இந்நூல் வெளியீடு அமைந்துள்ளது. இந்ந}ல் வெளியீடானது அவருடைய சேவையைப் போற்றுவது மட்டுமன்றி, இன்றைய சமூகத்தினருக்கு வாழும் வழியைக் காட்டும் மகத்தான நூலாகக் கருதுகின்றேன். 

அவ்வகையில் இரண்டாம் பதிப்பாக வெளிவரும் இந்நூல் சிறப்புற வாழ்த்துகின்றேன். இந்நூலை வெளியிட சிந்தித்த கனடா சைவ சித்தாந்த மன்றத்தின் சிந்தனை, செயல்வடிவம் போற்றுதற்குரியது. இந்நூல் வெளியீட்டினூடாக பெருமகன் அருணாசலம் அவர்கள் இன்றும் எம்மத்தியில் வாழ்ந்து கொண்டிருக்கின்றார் என்பதை உணர வைத்துள்ளது. அவ்வகையில் சைவ சித்தாந்த மன்றத்தினருக்கு மாமனிதர் சிவத்திரு.அருணாசலம் அவர்களின் எண்ணக்கருவுலத்தினூடாகத் தோற்றம் பெற்ற பாடசாலையான காரை இந்துக் கல்லூரியின் அதிபர் என்ற வகையில் மன நிறைவான வாழ்த்துக்களையும், பாராட்டுக்களையும் தெரிவிப்பதில் மகிழ்வடைகின்றேன். இந்நூல் வெளியீடு சிறப்புற அமைய ஈழத்துச் சிதம்பர தில்லைக் கூத்தனின் அருளாசியை வேண்டி வாழ்த்துகின்றேன்.

                                                                            நன்றி

திருமதி வா.தவபாலன்

அதிபர்

யா/கலாநிதி ஆ. தியாகராசா மத்திய மகா வித்தியாலயம்

நூல் வெளியீடு வாழ்த்துச் செய்தி

கனடா சைவ சித்தாந்த மன்றம் 25.07.2015 சனிக்கிழமை “சைவ ஆசிரியர்களைத் தோற்றுவித்த திரு.ச.அருணாசலம் அவர்கள்” என்ற நூலின் இரண்டாம் பதிப்பை வெளியிட உள்ளது. இப்பெரும்பணி பாராட்டிற்கு உரியது. செந்தமிழும் சிவநெறியும் தழைத்து ஓங்க தளராது பணி ஆற்றிய இப்பெரியாரின் செயற்கரிய செயலை சைவ உலகம் அறிய இப்பதிப்பு வகை செய்யும்.

முல்லை, மருதம், நெய்தல் சூழு;ந்த இயற்கை வளம் கொழிக்கும் காரைநகரில் வேதநெறி தழைத்தோங்க, மிகுசைவத்துறை விளங்க சரித்திர நாயகன் அருணாசலம் தோன்றினார். தோன்றின் புகழொடு தோன்றிய அருணாசலப் பெரியார் நாவலரின் பரந்து பட்ட ஆளுமையினால் ஈர்க்கப்பட்டார். நாவலர் வழி நின்று அவரது மரபு வழுவாத சமயக் கொள்கைகளையும், பணிகளையும் பேணும் கடமையில் ஈடுபட்டார். நாவலரது இலட்சியங்களை பூர்த்தி செய்வதில் அயராது உழைத்தார். “ஈழத்திருநாட்டில் சைவத்தமிழ் பாடசாலைகளை நிறுவினார். தான் பிறந்த காரைநகராம் பொன்னாட்டில் சைவப் பெரியோரின் உதவியுடன் சுப்பிரமணிய பாடசாலை, திருஞானசம்பந்த மூர்த்தி நாயனார் வித்தியாசாலை, வியாவில் சைவபரிபாலன சபை வித்தியாசாலை போன்ற பல பாடசாலைகளை நிறுவினார்.

“எழுத்தறிவித்தவன் இறைவன்” எனவும் “எண் என்ப ஏனை எழுத்து என்ப இவ்விரண்டும் கண் என்ப வாழும் உயிர்க்கு” எனப் போற்றப்படும் கல்விச் செல்வத்தை வாரி வழங்க பாடசாலைகளையும் ஆசிரியர்களையும் உருவாக்கினார். சைவத்தமிழ் வாழ உடல், பொருள், ஆவி அனைத்தையும் அர்ப்பணித்த தியாக சொரூபி அருணாசலம் உபாத்தியாயரின் பொதுநலப் பணிகள் “சைவாசிரியர்களைத் தோற்றுவித்த திரு.ச.அருணாசலம் அவர்கள்” என்ற நூலைப் படித்து அறிந்து கொள்வோம். 
இந்நூலின் இரண்டாம் பதிப்பு வெளியீடு சிறப்பாக நடைபெற இறை ஆசி வேண்டி வாழ்த்துகிறேன்.

புலவர் திருமதி.பூரணம் ஏனாதிநாதன்
சின்னாலடி, காரைநகர்

திரு.ச.அருணாசலம் அவர்கள் குமிழங்குளி காரைநகரைப் பிறப்பிடமாகவும் தங்கோடை காரைநகரை வசிப்பிடமாகவும் கொண்டவர். இவர் ஒரு கல்விச் சேவையாளர் மட்டுமன்றி சமூகச் செயற்பாடுகளுக்கும் முன்மாதிரியாகத் திகழ்ந்த முதன்மையானவர். "மக்களோடு மக்களாக மக்களுக்கு மகத்தான பணியாற்றியமையினால்" மக்களின் சொத்தாகப் போற்றப்படுகின்றார். 

யா-வியாவில் சைவ வித்தியாலயமே காரைநகரில் முதலாவதாக ஆரம்பிக்கப்பட்ட சைவ பாடசாலையாகும். அதுமட்டுமன்றி சைவ சமயத்ததை வளர்க்கும் நிறுவனமாகவும் இப்பாடசாலை விளங்குகின்றது. திரு.ச.அருணாசலம் அவர்கள் ஆசிரியர்களது வாண்மை விருத்திக்கும் வித்திட்டவராகத் திகழ்ந்தது மட்டுமன்றி இவரது செயற்பாட்டினைத் தொடர்ந்தே ஆசிரியர் பயிற்சிக கலாசாலையும் ஆரம்பிக்கப்பட்டது. இவரது மகத்தான பணி என்றென்றும் போற்றப்பட வேண்டி ஒன்றாகும். 

கல்வியைப் புகட்டுவதில் முனைப்பாகத் திகழ்ந்து சிறந்த கல்விமான்களை இக்கிராமத்தில் உருவாக்கிய பெருமைக்குரியவராவார். இவ்வாறான இவரது பணி என்றென்றும் போற்றப்பட வேண்டிய ஒன்றாகும். மாணவர்களில் ஆரம்பித்து கிராமம், சமூகம், நகரம், நாடு என்ற அளவிற்கு இவரது பணியும் சேவையும் வளர்ச்சியடைந்தமையை முன்னிட்டு எமது பாடசாலை சமூகம் பெருமையடைவதுடன் நூல் வெளியீட்டு விழா சிறப்புற வாழ்த்துகின்றோம். 

திரு.க.சுந்தரலிங்கம்
அதிபர்
யா-வியாவில் சைவ வித்தியாலயம்
காரைநகர்

சிவத்திரு தி.விசுவலிங்கம்
தலைவர்இ கனடா சைவ சித்தாந்தமன்றம்      
பெருமதிப்புக்குரியீர்!
மேலும்பணியாற்றி மிக்குயர்ந்து வாழி.
             
உலகளாவிய  ரீதியில் சைவநெறி முறைகளைப் பரப்புவதிலும்,
பாதுகாப்பதிலும் பணியாற்றிவரும் கனடா சைவசித்தாந்த மன்றத்தினரதும், அதன் ஸ்தாபகத்தலைவரும்,பதிப்பாசிரியருமான சிவத்திரு தி.விசுவலிங்கம் அவர்களதும்
பெருமுயற்சியால் வெளிவரும்  'சைவ ஆசிரியர்களைத் தோற்றுவித்த திரு ச.அருணாசலம் அவர்கள்'என்ற நூல் வெளியீட்டு விழாவுக்கு வாழ்த்துரை வழங்குவதில் மகிழ்ச்சியும் பெருமையும் அடைகின்றேன்.

திரு ச.அருணாசலம் அவர்களின் சைவத்தமிழ்ப் பணிகளின் வீச்சினால் திருநெல வேலியில் உருவாக்கப்பெற்ற சைவ வித்தியா விருத்திச் சங்கத்தில் ஏறக்குறைய ஒன்பது வருடங்கள் பணிப்பாளர் சபை உறுப்பினராகஇசமயத்திட்டப் பணிப்பாளராகஇ கொடிநாட் குழுத்தலைவராக பணியாற்றியிருக்கின்றேன்.  அக்கால கட்டத்தில்தான் சைவப்பெரியார்சிவத்திரு ச.அருணாசலம் அவர்கள் சைவத்தமிழ் உலகிற்கு ஆற் றியபணிகள் பற்றிவிரிவாக அறிய முடிந்தது. விபரங்களை அறிந்து வியப்படைந்த எனக்கு இத்துணைபணியாற்றிய  ஒருவரை  இந்த சமூகம் கௌரவிக்கவும்இ நினைவு கூரவும் தவறவிட்டுவிட்டது என்ற நியாயமான கோபமும் ஏற்பட்டதுண்டு.

              மேலை நாடுகளில் எல்லாம் தத்தமது மொழிக்கு,சமயத்திற்கு தொண்டுசெய்தவர்கள் பற்றிய தெளிவான சரித்திரச்சான்றுகளை, பணிகளை என்றும் நினைவு கூரத்தக்கதாக, எதிர்காலச் சந்ததிகள் அறியக்கூடியதான வழிவகைகளைச் செய்திருக்கின்றார்கள், அழியாமல் பேணிப் பாதுகாத்தும் வைத்திருப்பார்கள்.  ஆனால் நம்மவர்கள் எவற்றையும்  இலகுவில் மறந்துவிடுவதையிட்டும் வருந்தியதுண்டு.  நம்மவர்களின் அந்தக்குறையை இன்று இச் சைவசித்தாந்த மன்றம் போக்கிய தையிட்டு சைவத்தமிழ் உலகு சார்பாக அவர்தம் பணிக்கு வாழ்த்தைத் தெரிவிப்பதில் பெருமையடைகின்றேன்.

                  மேதகு ச.அருணாசலம் போன்ற தியாகிகளின் எண்ணற்ற செயற்பாடுகளின் விளைவாகவே இன்னும் சைவமுந் தமிழும் இங்கு நீடு வளர்ச்சி பெற்றது என்றால் மிகையாகாது.கிடைத்த சந்தர்ப்பத்தில் எவ்வளவு பணம் சம்பாதிக்கலாம் என்று சிந்திக்காது ஊண் கொடுத்து,  உடை கொடுத்து, கற்க நூல் கொடுத்து, சைவ ஆசிரியர்களையும் பாடசாலைகளையும் உருவாக்க தன் சொத்தையே கொடுத்த ஒரு பெருந்தகை இவர். இவற்றை ஒரு தொண்டாகவே செய்து வந்த
பெருமகன்.

             பலவரலாறுகள் மறைக்கப்பெற்றும் ,  மறக்கப் பெற்றும் வருகின்ற
இன்றைய காலச்சூழலில் இப்பெரியாரின் பணிபற்றிய விரிவானவிபரங்கள் அடங்கிய
நூலை வெளியிட்டுவைக்கும் மன்றத்தினரும், பதிப்பாசிரியரினதும் பணிகள் பெரும் பாராட்டுக்குரியவை மட்டுமன்றி சைவ உலகின் நன்றிக்குமுரியதாகும்.

          காரைநகர்ப் பிறந்தோர் மட்டுமல்ல சைவத்தமிழ் உலகோர் யாபேரும்
பெருமைப்படக்கூடிய இவ்வரலாற்று நூலை வாங்கிப் பேணுவதும் பாதுகாப்பதும் ஒவ்வொரு சைவ சமயியின் கடமையுமாகும். 

           நூல் வெளியீட்டு விழா சிறக்கவும்இமன்றத்தின் பணிகள் செழிக்கவும்
எல்லாம் வல்ல பார்வதி சமேத பரமேஸ்வரன் தாளை மனமொழி மெய்களால்
வழுத்துகின்றேன்.

                                                                                                              அன்புடன்
கொழும்பு. 11                                                                            தெய்வத்தமிழிசைக்கவிஞர்
நாயன்மார்கட்டு                                                                                                                                                                                                                                       இராசையா குகதாசன்.  

ஈழத்தமிழ் கல்வியாளர் திரு.ச.அருணாசலம் அவர்கள் பற்றிய நூல் மீள்பதிப்பாக கனடா சைவ சித்தாந்த மன்றத்தினால் வரும் சனிக்கிழமை (25.07.2015) அன்று வெளியிடப்பட இருப்பது குறித்து தமிழ்நெற் (www.tamilnet.com) இணையத்தளம் ஆய்வுக்கட்டுரை ஒன்றை நேற்று (22.07.2015) அன்று வெளியிட்டுள்ளது.

இற்றைக்கு 150 ஆண்டுகளுக்கு முன் யாழ் குடாநாட்டிற்கு வெளியே உள்ள காரைதீவு(காரைநகர்) என்னும் கிராமத்தில் பிறந்த தனித்துவமான ஒரு கல்வியாளர் பற்றி 45 ஆண்டுகளுக்கு முன்னர் வெளியிடப்பட்ட பெறுமதி மிக்க வெளியீட்டையே கனடா சைவ சித்தாந்த மன்றம் மீள்பதிப்புச் செய்து வெளியிடுகின்றது.  

வரலாற்று முக்கியத்துவம் மிக்க இந்த நூலின் மீள்பதிப்பு வெளியீடு இளைய தலைமுறையினருக்கும், கல்வியாளர்களுக்கும் பயனுடையதாக இருக்கும் என்று இக்கட்டுரையில் குறிப்பிடப்பட்டுள்ளது.

முழுமையான கட்டுரையை கீழே காணலாம். 

Book On Eezham Tamil Educationalist Reproduced In Canada

[TamilNet, Wednesday, 22 July 2015, 16:49 GMT]

The Toronto-based Saiva Siddhanta Manram in Canada has reproduced a valuable old publication on a unique Eezham Tamil educationalist, Aru’naasala Upaaththiyaayar, born 150 years ago at Kaarai-theevu (Kaarainakar), an island off Jaffna Peninsula. The reprint, which will be released on Saturday at Scarborough Civic Centre, is of much historical importance to today’s younger generation of Eezham Tamils as well as to academics studying the affairs of the island of Ilangkai/ Lanka, to understand the discourse of the struggle for self-respect waged by the nation of Eezham Tamils in the times of British colonialism. The teacher devoted his entire life in challenging and edifying the then British and American ‘educational imperialism,’ which demanded that one has to become a Christian in order to become a teacher in any of the government recognised schools. 

Commenting further on the book on Kaarai-theevu Aru’naasala Upaaththiyaayar, a student of History coming from the same island said that in the 19th century, Kaarainakar has produced two great educationalists, Subramaniar Ampalavaa’nar alias Allen Abraham (1865–1922) and Sankarappi’l’lai Aru’naasalam (1864–1920). But their lives made a sharp contrast in responding to the times and in contributing to the educational needs of the people.

Ampalavaa’nar born at Payirik-koodal and Aru’naasalam born at Kuddip-pulam of the same island went together in 1881 to the teacher training facility of the American Mission institution at Thellippazhai (which was in the complex of today’s Union College that will be celebrating its bicentenary in 2016).

Ampalavaa’nar who had lost both his parents to the cholera epidemic of 1876, got converted to Protestant Christianity on joining the Teacher Training School and became Allen Abraham. But Aru’naasalam delayed the process by saying that he would do it after writing the final exams. When the demand for conversion pressed him after the exams, Aru’naasalam, taking his bags on one night, ran away from the institution. He didn’t receive his academic or teacher qualification certificates. 

Allen Abraham, later getting university education at the Jaffna College of the American Mission and receiving a degree from the Culcutta University, became a Professor of Mathematics and world recognized Astronomer. He was the first native of Ceylon to get Fellow of the Royal Astronomical Society (FRAS) recognition from the British in 1911, for correctly calculating the transit of the Halley’s Comet. However, at Jaffna College, he could become only a ‘functioning’ Vice Principal, as such posts were then not conferred on natives. It is said that a top person of the college once threw his research papers into pouring rain.

Aru’naasala Upaaththiyaayar on the other hand decided to devote his life to fight against the injustice of colonialism. He started his own school at his birthplace Kuddip-pulam in 1885. Another was started at Viyaavil in the island. He was behind the formation of yet another school at Kaarai-theevu in 1889, which later became Kaarainakar Hindu College. Around 10 more schools were started in different parts of Jaffna Peninsula through his inspiration. 

With a simple Veaddi and shawl, and without any footwear, the teacher walked the length and breadth of the peninsula seeking people’s support for his educational mission.

The life obsession of Aru’naasala Upaaththiyaayar was liberating teacher training. He started the first native teacher training school at Kaarai-theevu with free boarding and lodging facilities. But it had to be closed down due to missionary opposition and non-recognition of the colonial government. 

He made a second attempt of starting a teacher training school at Keerimalai. Again the government refused recognition, citing ‘lack of facilities’. Relentlessly, in 1915, he made a third attempt of running a training school in the premises of the Arumuga Navalar School at Va’n’naar-pa’n’nai. Great scholars like Chunnaakam Kumaraswamip Pulavar were guest lecturers at the training school. Yet, the colonial education department didn’t want to give recognition to a native initiative. 

Aru’naasala Upaaththiyaayar fought the case at the Legislative Council, through Mr. Rajaratnam and Tamil political stalwarts of that time. Finally in 1916, the colonial administration said that a non-Protestant section could be created for Saiva teachers at the Government Teacher Training School at Koappaay. (Catholic Church was already running its own teacher training school). This section, headed by Aru’naasala Upaaththiyaayar, was started with just 7 students.

Upaaththiyaayar passed away in 1920, after making his point heard and justified. Later, when certain attitudinal issues cropped up at Koappaay, Mr. Rajaratnam, who continued the educational mission of Upaaththiyaayar through Hindu Board of Education, started a teacher training school for Saiva teachers at Thirunelveali. This was handed over in good faith to Colombo government after ‘independence,’ only to see its shutdown. 

Eezham Tamil scholar, the late Pa’ndithama’ni Ka’napathippi’l’lai, once wrote that Naavalar, Aru’naasala Upaaththiyaayar and Rajaratnam were the “Three Eyes” (as that of God Siva).

Looking back, religion or caste, as some would try to project, was not the ultimate underlying issue. Actually the local discourse was taking place mainly between two formations of the same caste. The struggle of larger dimension was a dialectical process set against the backdrop of the paradigm of colonialism and imperialism. Post 1920s show the synthesis of both the Saiva and missionary school products joining hands in social reformation, nationalism and in anti-imperialist struggle, led by movements like the Jaffna Youth Congress. 

The paradigm set by colonialism is yet to be over. It has only taken new forms with added actors. As an occupied nation facing structural genocide, Eezham Tamils are yet to see the power to decide their education.

• Ambalavanar Allen Abraham (1865 – 1922)

Jaffna College has documented Allen Abraham to English readers in a miscellany brought out in 1985. The documentation is presented in PDF along with this feature. This has to be read together with the book on Aru’naasala Upaaththiyaayar for the historiographical purposes of understanding the dialectical process of the past, in order to grasp and synthesise the spirit and enlightenment that are needed to shape and spearhead the struggle for future. 

Appreciably, the Saiva Siddhantha Manram in Canada has chosen to reprint the book on Aru’naasala Upaaththiyaayar, for that spirit of self-respect in him for his nation, and his determination for struggle, have to be introduced to today’s generation. As a humble and selfless person, not on the side of any establishment, he was easily forgotten. 

Another significant person who needs revisit today is Mr. K. Chooran, who had the same spirit of self-respect in starting a Saiva school for the oppressed sections of people at Theavaraiyaa’li in Vadamaraadchi, a hundred years ago.

Related Articles:

12.06.14   Navalar documents: Tamils should work for own revival of cul.. 

 Courtesy: TamilNet.com

                           வாழ்த்துச் செய்தி

        நாவலர் வழியில் மகான் அருணாசல உபாத்தியாயர்.
                                     (கி. பி 1864 – 1920)

'நாவலருக்கு பின் அருணாசலம் தான் இந்நாட்டில் ஒரே ஒரு மனிதர்' என்று குறிப்பிட்டுள்ளார் தம்பு கைலாய பிள்ளை அவர்கள். (தம்புகைபிலாய பிள்ளை ஆறுமுக நாவலாரின் தமையனார் மகன்)

நாவலருக்கு பின் இலட்சிய வேட்கையுடன் வாழ்ந்தவர் அருணாசல உபாத்தியாயர். காரைநகரில் மட்டுமல்ல யாழ்குடாநாடு முழுவதும் கல்வி வளர்ச்சி பணியை மேற்கொண்டு ஒரு திருப்புமுனையை ஏற்படுத்தியவர். இவர் வாழ்ந்த காலம் இலங்கையின் சமய மறுமலர்ச்சி காலம் என்பது ஈண்டு குறுப்பிடத்தக்கது. சமய மறுமலர்ச்சியில் காரைநகர் தம்பங்கையாற்ற முன்னெடுத்து சென்றவர் ஆவார்.

அருணாசல உபாத்தியாயர் ஒரு பொது நலவாதி ஆவார். தம் சொத்துக்களை விற்று கல்விப் பணியாற்றியதுடன் மாணவர்களுக்கு உண்டி உறையுள் கொடுத்து தமிழ் மொழிப்பற்றும் சைவப்பற்றும் உடைய சமூகம் ஒன்றை கட்டிஎழுப்பினார். இவர் பற்றி தம்புகையிலாய பிள்ளை 1936 பின்வருமாறு குறிப்பிட்டுள்ளார்.

'பரோபகாரிகள் என்று யாழ்ப்பாணத்தில் பிறந்தவர்களுள் இரண்டாவதாக நான் மதித்து இருப்பது அருணாசல வாத்தியாரையே' என்று உயர்வாக குறிப்பிட்டிருப்பது மனங்கொள்ளத்தக்கது.

அருணாசல உபாத்தியாயர் தரும சிந்தனையாளன் தருமத்தின் வழியில் நம்பணியை மேற்கொண்டு சைவ உலகொன்றை கட்டி காத்த பெருமை அவரையே சாரும்.

இவரின் முயற்சியினால் யாழ்குடாநாடு முழுவதும் பத்திற்கு மேற்பட்ட பாடசாலைகள் பரவலாக ஆரம்பிக்கப்பட்டதுடன் சைவ ஆசிரிய கலாசாலை ஒன்றையும் நிறுவி சைவ ஆசிரியர்களை தோற்றுவிக்கும் பணிக்கு முன்னோடியாக திகழ்ந்தார். சைவ பாடசாலையை நிர்வகிப்பதற்கு இந்து வித்தியா சங்கம் ஒன்றை ஆரம்பித்தார். இதுவே பின்னர் யாழ்ப்பாணம் இந்துசபை என அழைக்கப்படலாயிற்று. ஆன்ம சக்தியுடன் சைவசமய பணியை முன்னெடுத்துச் சென்ற மகான்.

இவ்வாறான பொது நலவாதிகளை இன்று நம்மிடையே காண்பது அரிதினும் அரிது காலம் கடந்தேனும் அவரை நினைவு கூர்ந்து நூல்வெளியிடும் கனடா சைவசித்தாந்த சபையின் பணி என்றும் போற்றத்தக்கதாகும். இவர்கள் பணி சிறக்க மனமார்ந்த நன்றிகளுடன் வாழ்த்துக்களும் உரித்தாகும்.

வணக்கம்

திரு. ந. பரமசிவம் B. A, PGDE, S.L.E.A.S
ஓய்வு நிலை அதிபர்.

                 காரைநகரின் கல்வி ஊற்று

காரைநகர் மக்களின் கல்விக்கான ஊற்றாக விளங்கியவர் திரு.ச.அருணாசலம் அவர்கள். இவர் அக்காலத்தில் சைவ சமயத்தை நிலைநாட்டுவதற்காக எமது பாடசாலையை உருவாக்குவதில் ஊன்றுகோலாக அமைந்தவர். 

அத்துடன் ஆசிரியத்துவத்திற்கு இலக்கணமாக தம் உடல்இ பொருள், ஆவி அனைத்தையும் தியாகம் செய்து இப்பாடசாலை ஆரம்பிக்கப்பட்ட காலத்தில் முதல் ஆசிரியராகக் கடமையாற்றியவர் என்ற பெருமைக்குரியவர் ச.அருணாசலம் அவர்கள் தனது சிந்தனைப்படி சைவ ஆசிரியர் கலாசாலையை முதன்முதலாக இப்பாடசாலையுடன் இணைந்து ஆரம்பித்தார் என்ற பெருமைக்கும் உரியவர். 

இப் பெருமகனாரின் நூல் வெளியீட்டில் ஆசியுரை வழங்குவதில் பெருமை கொள்வதுடன் அன்னாரின் பணியை பாடசாலை சமூகம் என்றும் நன்றியுடன் நினைவு கொள்ளும் என்பதில் ஐயமில்லை. 

திருமதி. கௌ.அருள்மொழி
அதிபர்
யா-சுப்பிரமணிய வித்தியாசாலை
காரைநகர்