Tag: கட்டுரைகள்

காரைநகரின் வளர்ச்சிக்கு நாம் செய்ய வேண்டியன

     சைவத்தையும் தமிழையும் போற்றி வளர்த்ததில் வட இலங்கைப் பிரதேசத்தில் குறிப்பாக யாழ்ப்பாண பிரதேசம் தனக்கே உரிய ஒரு வரலாற்றினைக் கொண்டுள்ளது. ஒரு நாட்டின் பண்பாட்டு வளர்ச்சியை எடுத்து நோக்குகையில் சமய, சமூக, பொருளாதார அம்சங்கள் முக்கிய இடம் பெறுகின்றன.

                       "பெரும் பொருளால் பெட்டக்கதாகி அருங்கேட்டால்
                                           ஆற்ற விளைவது நாடு"

 என்பது வள்ளுவர் வாக்கு. இத்தகைய கேடுதல் இல்லாதாகிய மிகுதியான விளைச்சலை உடையதாகியதாகவும் விளங்கும் பெருமை மிக்கதே இச்சிவபூமியாகிய காரைநகர். யாழ்ப்பாணத்தில் வடமேல் திசையில் 22 கிலோமீற்றர் தொலைவில் அமைந்திருக்கும் காரைதீவானது தற்போது காரைநகர் என வழங்கப்பட்டு வருகின்றது. சப்த தீவுகளின் அணிகலனாய் விளங்கும் காரைநகர் புராதன காலத்தில் காரைச்செடிகள் மிகுந்து காணப்பட்டமையினாலும் இங்கு வாழ்ந்த மக்கள் காரைக்குடிகள் என்று அழைக்கப்பட்டதாலும் இது காரைதீவு எனப்பெயர் பெற்றது. பின்னர் இலங்கையின் ஏனைய சில பிரதேசங்களும் காரைதீவு என வழங்கப்பட்டமையினால் பல்வாறான இடைஞ்சலை தவிர்ப்பதற்காக என இப்பிரதேசம் ஆங்கிலேயரால் காரைநகர் என குறிப்பிடப்பட்டது.

  இத்தீவானது மேற்கிலும் வடக்கிலும் இந்தியாவுடன் தொடுகடலான பாக்கு நீரிணையும் கோடை காலங்களில் வற்றுகின்ற தன்மையுடையதான பொன்னாலைக்கடலாலும் தெற்கில் அகலம் குறைந்த ஆழம் மிக்க ஊர்காவற்றுறைக் கடலும் சூழ்ந்த தனித்துவமான பிரதேசமே காரைநகர். பண்பாட்டு மரபைப் பேணும் இயற்கைச் சூழல் கொண்ட காரைநகர் பிரதேசம் 7 கிலோமீற்றர் நீளமும் 4 ½ கிலோமீற்றர் அகலமும் உடையது.

  இத்தகைய சிறப்பிடமான காரைநகர் கல்வி, கலை, கலாச்சாரம் என்பவற்றில் தடையற்ற சிகரமாய் மிளிர்ந்ததற்கு காரைநகர் தந்த பெரியோர்கள் சாட்சி. திரு.ச.அருணாசலம் உபாத்தியாயர், காரைப்புலவர் ஏறு பிரம்மஸ்ரீ கார்த்திகேயப்புலவர், நாகமுத்துப்புலவர், பிரம்மஸ்ரீ பஞ்சாட்சரக்குருக்கள், சுப்பிரமணிய தேசிகர் போன்ற பெரியார்கள் இம்மண்ணில் வாழ்ந்து மடிந்துள்ளனர். காரைநகரின் சிறப்பும் தனித்தன்மையும் இன்னும் போற்றப்பட வேண்டியது இன்றியமையாததொன்றாகும். இத்தகைய பெரியோர் பற்றிய ஆய்வுகள் முழுமைப்படுவதும் காலத்திற்குக் காலம் இளைய தலைமுறைக்கு எடுத்துக் கூறுவதும் அவசியம். காரைநகரின் வளர்ச்சிக்கு இத்தகு பெரியோரின் பெயர்கள் நிலைக்கப் பெயரிடுவதும் பொது இடங்களில் திருவுருவச்சிலை அமைத்துப் பேணுவதும் இவர்கள் ஆக்கிய நூல்களைப் பாதுகாத்தலும் எம் அனைவரதும் முக்கிய கடமையாகும். இன்று வலந்தலையில் அமையப்பெற்றுள்ள சயம்பு வீதி மற்றும் யா/கலாநிதி.ஆ.தியாகராஜா.மத்திய.மகா.வித்தியாலயப் பகுதியில் அமைந்துள்ள சயம்பரின் சிலை மற்றும் இப்பாடசாலையின் கட்டடங்கள் பெரியார் நடராஜா மற்றும் சயம்பரினையும், பாடசாலையின்பெயர் மதிப்புமிகு தியாகராஜா அவர்களை நினைவு கூருவதைப்போல் காரைநகரின் ஏனைய பிரதேசங்களும் பகுதிகளும் இப்பெரியார் பெயர் கூறினால்தான் வருங்கால சமுதாயம் வளம்பெறும் வகையில் பெரியார் கனவு மெய்ப்படும். 

        மேலும் சுமார் 22 சதுர கிலோமீற்றர் பரப்பளவினையுடைய இப்பிரதேசமானது ஒன்பது கிராமசேவையாளர் பிரிவினையும் 94 கிராமங்களையும் 3600 குடும்பங்களைச் சேர்ந்த சுமார் 12000 பேர் தற்போது இங்கு வாழ்ந்து வருகின்றனர். இங்கு வாழ்கின்ற குடும்பங்களில் பெரும்பாலானோர் ஏழைக்குடும்பங்களைச் சேர்ந்தவர்களாகவே வாழ்கின்றனர். இவர்கள் தமது சீவனோபாயத்திற்காக கால்நடை வளர்ப்பில் ஈடுபட்டு வருகின்றனர்.

       நாலாபுறமும் கடலால் சூழப்பட்ட இச்சிறுதீவு கடற்றொழிலுக்கு வாய்ப்பாக அமைந்துள்ளது. இப்பிரதேசத்தில் சுமார் 1000ற்கும் மேற்பட்ட கடற்றொழிலாளர்கள் காணப்படுகின்றனர். இங்கு பிடிக்கப்படும் மீன்கள் பெரும்பாலும் வெளியிடங்களுக்கு கொண்டு சென்றே விற்பனையாகின்றன. இதனால் உள்ளுர் நுகர்வானது வீழ்ச்சியடைந்த நிலையில் காணப்படுகின்றது. காரைநகரில் ஐந்திற்கும் மேற்பட்ட கடற்றொழிலாளர் சங்கங்கள் காணப்பட்டு வருகின்றது. எனவே வெளியூர் மீன் விற்பனையை இவர்கள் தம் கவனத்தில் எடுக்க வேண்டும். வெளியூரில் மேற்கொள்ளப்படும் விற்பனையை நம் ஊரில் அதற்கேற்ப பதப்படுத்தும் நிலையங்கள் அமைக்கப்பட்டு உரிய நடவடிக்கைகள் மேற்கொள்ளப்பட்டால் உள்ளுர் வருமானம் உயரும் என தெளிவாகின்றது.

         மேலும் காரைநகரில் கல்வி விருத்தியானது ஓரளவு திருப்தியான நிலையை எட்டியபோதும் பெரும்பாலான மாணவர்கள் யாழ்நகர் நோக்கி கல்வி நடவடிக்கைக்காக செல்கின்றனர். ஆனால் இன்றைய காலகட்டத்தில் காரைநகரில் சகல வளங்களும் சேர்ந்த பாடசாலைகள் காணப்படுகின்றன. இங்கு செயற்படுகின்ற 15 பாடசாலைகளில் சுமார் 2000 மாணவர்கள் கல்விகற்று வருவதுடன் சுமார் 200 ஆசிரியர்கள் கல்வி போதித்து வருகின்றனர். அத்துடன் சில தனியார் கல்வி நிலையங்களும் கிழவன்காடு கலாமன்றமும் செயற்பட்டு வருகின்றமை குறிப்பிடத்தக்கது. எனவே வெளியூருக்கு கல்விக்காகச் செல்லும் மாணவர்கள் எமது பிரதேசத்திலேயே கல்வி நடவடிக்கைகளை மேற்கொள்ள ஊக்குவிக்க வேண்டும். எமது பிரதேச பிள்ளைகள் வெளியூர் பாடசாலைகளில் பெறும் பெறுபேற்றை எமது ஊர்ப் பாடசாலைகளில் பெற்றால் அது எமது பிரதேசத்திற்கே பெருமை சேர்க்கும் விடயம் ஆகும்.

       மேலும் க.பொ.த உயர்தர மாணவர்கள் எமது பிரதேச பாடசாலைகளில் கல்வி கற்பதுடன் மேலதிக கல்விக்காக யாழ்நகர் நோக்கிச் செல்லும் நிலை கடந்த பல ஆண்டுகளாகத் தொடர்வதை அவதானிக்க முடிகின்றது. காரைநகரின் வளர்ச்சிக்கும் மாணவர்களின் போக்குவரத்து இடரினைத் தவிர்க்கவும் எமது பிரதேசத்திலேயே உயர்தர மாணவர்களுக்கான கல்விநிலையம் ஒன்று அமைக்கப்பட வேண்டும். கலை, வர்த்தகம், விஞ்ஞானம், கணிதம் மற்றும் தொழிநுட்ப பாடங்களுக்கு வளமான ஆசிரியர்களைப் பெற்று வழங்குவதன் மூலம் காரை மாணவர்களின் பெறுபேற்றை உயர்த்த முடியும்.

                  
                                                                            அத்துடன் 2010ஆம் ஆண்டு வரை யா/கலாநிதி.ஆ.தியாகராஜா.மத்திய.மகா.வித்தியாலயத்தில் மாணவர்கள் ஆங்கில மொழி மூலம் கல்வி பெறும் சாதக நிலை காணப்பட்டது. ஆனால் தற்பொழுது அந்நிலை மாற்றமடைந்துள்ளது. இன்றைய மாணவர்கள் பெரிதும் ஆங்கில மொழிமூல கல்வியை விரும்புவதால் மீண்டும் காரைநகர்ப் பாடசாலைகளில் ஆங்கில மொழிக்கல்வியை ஆரம்பிக்க வேண்டும். இத்தகைய கல்விப் பணிகளை மேற்கொண்டால் காரைநகரின் வளர்ச்சி கல்வியில் உச்ச நிலையினை அடைய முடியுமென்று தெரியவருகிறது. மேலும் காரைநகரில் காணப்படும் பாலர் பாடசாலைகள் மற்றும் நவீன கற்றல் செயற்பாடுகளுடன் கூடிய காரை கிட்ஸ் பார்க் பாடசாலையும் இயங்குகின்றன. காரைநகர் முன்பள்ளிகளின் அபிவிருத்தியில் பிரான்ஸ் காரை நலன்புரிச்சங்கம் மற்றும் கனடா காரை நலன்புரிச்சங்கம் குறிப்பிடத்தக்க பங்களிப்பை வழங்கிவருகின்றது. மேலும் பாடசாலை நூலகங்களுடன் வியாவில் ஐயனார் ஆலய நூலகம், புதுவீதியில் மாணவர் நூலகம் என்பனவும் மாணவர் கல்வி வளர்ச்சியில் பங்களிப்பினை வழங்கி வருகின்றது. மேலும் இங்கு நூலக வசதிகளில் இலத்திரனியல் கணினி நிலையங்கள் அமைக்கப்பட்டால் மாணவர்களின் வாசிப்பு அறிவும் கணினி அறிவும் மேம்படையும் என தெரிகின்றது. எனவே காரைநகர் கல்வி வளர்ச்சிக்கு இத்தகைய பணிகள் மேற்கொள்ளப்படுவது இன்றியமையாததொன்றாகும்.

             தொடர்ந்து சுகாதாரத்தைப் பொறுத்தமட்டில் எமது பிரதேசத்தில் ஒரு பிரதேச வைத்தியசாலையும் ஆயுள்வேத வைத்தியசாலை ஒன்றும் உள்ளது. மேலும் ஓரிரு தனியார் மருந்தகங்களும் காணப்படுகின்றன. எனினும் இப்பிரதேச மக்களுக்கு சுகாதார வசதியின்மை தொடர்ந்தும் நிலவி வருகின்றது. ஆயள்வேத வைத்தியசாலை ஆரம்பிப்பதற்குரிய நிலம், கட்டடம் மற்றும் ஏனைய வசதிகளை லண்டன் மற்றும் கனடா நலன்புரிச்சங்கங்களின் உதவியுடன் மேற்கொள்ளப்பட்டது. மேலும் கால்நடை வைத்தியசாலை ஒன்றும் களபூமி விளானையில் அமைக்கப்பட்டுள்ளது. மக்கள் இதனை பூரணமாகப் பயன்படுத்திக்கொள்ள வேண்டும். மேலும் நலன்புரிச்சங்கங்களின் உதவியோடு நடமாடும் மருத்துவ முகாம்களின் செயற்பாடு இடம்பெற்று வருகின்றது. எனவே மக்கள் இதனைப் பயன்படுத்தும் வகையில் ஊக்குவிப்பு செயற்பாடுகளை மேற்கொள்ளல் வேண்டும்.

         காரைநகரில் வங்கிச்சேவையைப் பொறுத்தமட்டில் இலங்கை வங்கி, தேசிய சேமிப்பு வங்கி என்பன தமது கிளைகளை காரைநகரின் மேற்கு வீதியில் அமைத்து தமது சேவைகளை வழங்கி வருகின்றன. இவர்களது சேவைகளில் சேமிப்பு மற்றும் கொடுக்கல் வாங்கல்கள் மட்டுமன்றி கடன் வசதிகளும் சிறப்பிடம் பெறுகின்றன. அந்த வகையிலே விவசாயக்கடன், மீன்பிடிக்கடன், சுயதொழிற்கடன், வாழ்வாதாரக்கடன் போன்றன வழங்கப்பட்டு வருகின்றன. இந்த வங்கிகளின் உதவியுடன் மக்கள் தமது சுயதொழிற் செயற்பாட்டை மேற்கொண்டு வருகின்றனர். மேலும் சமுர்த்தி வங்கி, கிராமிய வங்கி என்பனவும் மக்களுக்கான கடன் வசதிகள் மற்றும் வீட்டுத் தோட்டங்களுக்கான விதைகள், பசளைகள், வியாபார உபகரணங்கள், தென்னங்கன்றுகள் மற்றும் கால்நடை வளர்ப்பில் கோழிக்குஞ்சுகள் என்பனவற்றையும் வழங்கி மக்களின் சுயதொழில்கள் ஊக்குவிக்கப்படுகின்றன. எனினும் இச் சுயதொழில்கள் வீட்டுப்பாவனையுடன் மட்டும் நின்றுவிடாது பொருளியல் ரீதியிலும் வளர்ச்சி பெறவேண்டிய வசதிகளை பிரதேசசபை மற்றும் நிறுவனங்கள் மேற்கொள்ள வேண்டும். இவ்வாறு செய்வதனால் உள்ளுர் வியாபாரத்தை மேம்படையச் செய்ய முடியும். 

            இத்துடன் சமூக சேவைகளை நோக்கும்போது 15 கிராம அபிவிருத்திச் சங்கங்களும் 5 மாதர் கிராம அபிவிருத்திச் சங்கங்களும் 10 இற்கு மேற்பட்ட சனசமூக நிலையங்களும் உள்ளன. அத்துடன் 14 விளையாட்டுக்கழகங்களில் 06 கழகங்களின் செயற்பாடுகள் பதிவின் அடிப்படையில் செயற்பட்டு வருகின்றன. இவை மட்டுமல்லாமல் 03 இளைஞர் மன்றங்கள் காணப்படுவதுடன் காரைமத்தி மேம்பாட்டுக்கழகம், ஓய்வூதியர் சபை, மணிவாசகர் சபை, யோகா ஆரணியம், களபூமி கலையகம், காரைநகர் அபிவிருத்திச்சபை மற்றும் ஒளியகம் போன்ற பொது அமைப்புக்கள் செயற்பட்டு வருகின்றன. இவ் அமைப்புக்கள் மூலம் பலவாறான சேவைகள் மற்றும் பண்ணிசை, பேச்சு, கவிதை, நடனம், நாடகம் போன்ற போட்டிகளும் விளையாட்டுப் போட்டிகளும் நடாத்தப்பட்டு வருகின்றன. முதியோர் மற்றும் கணவனை இழந்த பெண்களிற்கான கொடுப்பனவுகள், சுயதொழில் ஊக்குவிப்புக்கள், மாணவர்களுக்கான மேலதிக இலவசக்கல்வி போன்றவற்றை கனடா, பிரான்ஸ் மற்றும் லண்டன் போன்ற காரை நலன்புரிச்சங்கங்களின் உதவியோடு மேற்கொள்ளப்பட்டு வருகின்றன. அத்டுடன் இச் செயற்பாடுகள் தொடர வேண்டும். இதற்காக இயங்காத நிலையில் உள்ள விளையாட்டுக்கழகங்கள் புனரமைப்புச் செய்யப்பட்டு பிரதேசசபையின் அனுமதி பெற்று இயங்க வேண்டும். உதாரணமாக இளஞ்சோலை விளையாட்டுக்கழகத்தை எடுத்துக் கொண்டால் இக்கழக உறுப்பினர்கள் மிக குறைந்தளவு தொகையிலேயே காணப்படுகின்றனர். இக்கழக பிரதேசத்தில் மாணவர்கள் ஏராளமானோர் இருந்தபோதிலும் அவர்கள் கழக செயற்பாடுகளில் அக்கறை செலுத்துவது குறைவாகவே காணப்படுகிறது. எனவே பிரதேசசபை, காரை அபிவிருத்திசபை மற்றும் இளைஞர் கழகங்கள் மூலம் கருத்தரங்குகள் மற்றும் கூட்டங்கள் நடாத்துவதன் மூலம் இது போன்ற கழகங்களை பழைய நிலைக்கு கொண்டுவர முடியும்.

        மேலும் காரைநகரின் போக்குவரத்து நடவடிக்கைகளை எடுத்துக்கொண்டோமானால், பிரதான சுற்று வீதியும் 92 உப வீதிகளும் அமைந்துள்ளன. உபவீதிகளில் பெரும்பாலானவை புனரமைக்கப்பட்டு வரும் போதிலும் சில வீதிகள் இன்னும் இடங்கலுள்ளாகிய நிலை காணப்பட்டு வருகின்றது. உதாரணமாக சந்தம்புளியடி வீதி, களபூமி கல்லொழுங்கை போன்ற வீதிகள் இன்னும் புனரமைக்கப்படாத நிலையிலேயே உள்ளது. இதனை பிரதேச சபையின் கவனத்திற்கு எடுத்துச்சென்று இவற்றை சீர்செய்ய வேண்டும். இது பிரஜைகளாகிய எம் ஒவ்வொருவரதும் கடமையாகும். இவை மட்டுமல்லாது காரைநகருக்கும் வெளியிடங்களுக்குமான போக்குவரத்துச் சேவை திருப்திகரமானதாகவே அமைந்துள்ளது. அவ்வகையில் காரைநகரிலிருந்து யாழ்ப்பாணம், கண்டி, கொழும்பு போன்ற இடங்களுக்கான போக்குவரத்துச் சேவைகள் பிரதானம் பெறுகின்றன. இவ்வகையில் போக்குவரத்து சிறப்பிடம் பெற்றாலும் காரைநகர், யாழ்ப்பாணம் 782, 786, 784 இலக்கப்பாதைகள் புனரமைக்கப்படவில்லை. யாழ்ப்பாண வீதிகளெங்கும் காப்பெற் வீதிகளாக புனரமைக்கப்பட்டு வரும்போது காரைநகரில் எந்தவொரு வீதியும் இதுவரை காப்பெற் வீதியாக புனரமைக்கப்படவில்லை. அத்துடன் பொன்னாலைப்பாலத்தில் அடிக்கடி விபத்துக்கள் ஏற்படுவதால், இப்பாலத்தில் இரவுநேர மின்விளக்குகளை ஒளிரவிட்டால் இவ்வாறான விபத்துக்களை தவிர்க்க முடியும.; இதனையும், பிரதேச சபையினரதும் ஊரக்கு தொண்டாற்றுவோரதும் கவனத்திற்கும் கொண்டுவர வேண்டும். 
        காரைநகரின் குடிநீரைப் பொறுத்தவரையில் ஆலங்கன்றடி உள்ளிட்ட ஐந்தாறு கிணறுகளும் பிரித்தானிய நலன்புரிச்சங்க குடிநீர்ப் பவுசர்களுமே மக்களின் குடிநீர்த் தேவையை பூர்த்தி செய்வதுடன் வரட்சிகால குடிநீர் விநியோகத்தை பிரதேசசபையும் மேற்கொண்டு வருகின்றமை காரைநகர் வளர்ச்சியில் முக்கிய அம்சமாகும். 

மேலும் காரைநகரின் சைவப்பணி குறிப்பிடத்தக்கது. ஆலய சபைகளுடாக சமயம் சார்ந்த போட்டிகள் நடாத்தப்பட்டு பரிசில்கள், சான்றிதழ்கள் வழங்கப்பட்டு வருகின்றன. இதன்மூலம் பெரியார் அருணாச்சலரின் வாக்கு மெய்ப்படுவதைக் காணலாம். இந்நிலை மேலும் வளர்ச்சி பெற வேண்டும். 

அந்த வகையிலே காரைநகரின் வளர்ச்சிக்கு நாம் செய்ய வேண்டியன என்று தொகுத்து நோக்கும்பொழுது கல்வி, சுயதொழில், போக்குவரத்து, சமயம், பண்பாடு, சமூகம் என அனைத்து வகைகளிலுமே வளர்ச்சி பெற்ற அறிவும் பண்பாடும் நிறைந்த ஒரு நற்சமூகத்தை வளர்த்தெடுக்க வேண்டியது இன்றியமையாததொன்றாகும். எனவே மாணவரிடம் விழுமிய பண்புகளை வளர்த்தல், மொழி, பண்பாடு, சமய, கலாச்சாரம், பாரம்பரியம் என்பவற்றைப் பேணுதல், பொது அமைப்புகளில் தொண்டாற்றுதல், வேலை வாய்ப்புக்கள் பெற்றுக்கொடுத்தல், திருப்பணிச்சபைகள் அமைத்தல், மாதந்தோறும் கலை, பண்பாட்டு நிகழ்வுகளை நடாத்துதல், கூட்டு வழிபாடுகள் நடாத்துதல், நூற்தொகுதிகள் பேணுதல் போன்ற சமூக தொண்டுகளில் ஈடுபட்டு எமது பிரதேசத்தை மிளிரச் செய்யும் நோக்குடன் செயற்பட வேண்டும் என உறுதி பூண்டு திண்ணிய மனத்துடன் ஒவ்வொருவரும் இயன்றளவு முயலுதல் வேண்டும்.

                                          "முயற்சி உடையார் இகழ்ச்சி அடையார்"

                                                                         ***நன்றி***

நாற்புறமும் கடலால் சூழப்பட்ட தீவு எனினும் பொன்னாலைப் பாலத்தினால் நகரானது எமது காரைநகர். அகிலம் போற்றும்  ஈழத்து சிதம்பரதத்தினையும், மேலும் பல கோவில்களையும், இருகல்விச் சாலைகளையும் மற்றம் பல பாடசாலைகளையும், குடிமனைகளையும், நெல்வயல்களையும், தரைவைநிலங்களையும் கொண்டது எமது ஊர்.  வடக்கு மேற்குக் கடற் பகுதிகள் ஆழமான பெருங்கடலின் பகுதியாக இருக்கவும்  தெற்கு,கிழக்குப் பகுதிகள் யாழ்ப்பாண கடல் நீர் ஏரியின் பகுதிகளாகவும் ஏழு கிலோமீற்றர் நீளமும், நான்குஅரை கிலோமீற்றர் அகலத்தையும் தன்னகத்தே கொண்டது காரைநகர் என்னும் அழகிய கிராமம்.
 
          காரைநகரின் இன்றைய மக்கள் தொகை 11000க்கு மேற்பட்டுள்ளது. 1991ஆம் ஆண்டு முன்னர் 30000க்கு மேற்பட்ட மக்கள் இருந்துள்ளனர். 1991ஆம் ஆண்டு இடம்பெயர்வு ஏற்படாதிருப்பின் இன்று 40000 மக்களைக் கொண்டு இருக்கலாம். 

                                  "நோய் நாடி நோய் முதல் நாடி அது தணிக்கும் 
                                      வாய்நாடி வாய்ப்பச் செயல்" குறள்

         நாட்டில் ஏற்பட்ட இன்னலகளின்; இடப்பெயர்வு காரணமாக நாம் இன்று பூமிப்பந்தில் இலங்கையின் பிறமாவட்டங்கள், இந்தியா,கனடா,  ஐக்கியராச்சியம் (இலண்டன்), யேர்மனி, பிரான்ஸ், சுவிற்சர்லாந்து, அமெரிக்கா, அவுஸ்திரேலியா, சிங்கப்பூர், மலேசியா, நியூசிலாந்து போன்ற நாடுகளில் குறிபிடத்தக்களவு பரந்து வாழ்கின்றோம். அருட்செல்வம், கல்விச்செல்வம், பொருட்செல்வம், நிறைந்த எமது கிராமம் இயற்கை அழிவுகளை சந்தித்ததில்லை. 1991ஆம் ஆண்டில் ஏற்பட்ட பாரிய இடப்பெயர்வு காரணமாக வயற்காணிகளில்  உரிய பருவங்களில் நெல் மற்றும் சிறுதானியங்கள் பயிரிடப்படவில்லை. மழைநீர் தேக்கப்படாத காரணத்தால்; நன்னீருக்கான ஊற்று அற்றுப்போயுள்ளது. இதனுடைய தாக்கம் இன்னும் தீரவில்லை. முதற் கட்ட நடவடிக்கையாக நன்னீருக்கான நிரந்தர தீர்வு வழிமுறைகளைக் கண்டறிதல் வேண்டும். மனித வாழ்வின் அன்றாடத்தேவையாக இருப்பது நன்னீர். இதைச் சரிவர புரிந்து கொண்டு நாம் செயல் படுவோமானால் மீள் குடியேற்றத்திற்கான மக்கள் தொகையும், அபிவிருத்தியும் அதிகரிக்க வாய்ப்புகள் இருக்கின்றன. 

       காரைநகரின் அபிவிருத்திக்கு உந்து சக்தியாக இருப்பது புலம்பெயர் அபிவிருத்திச்சங்ககளின் பங்களிப்புக்களும் உழைப்பக்களும் ஆகும். ஊள்ளுரிலும் வெளிநாடுகளிலும் மிக்க கடின உழைப்பு நல்குபவர்களும் மூலதனம் உடையவர்களும் பலர்  இருக்கின்றனர். கடல்வளம், நிலவளம் (நெற்செய்கை), பனைவளம், சிறு-சிறுநடுத்தர கைத்தொழில்கள் இயற்கை துறைமுகத்தின் அமைவிடம், சீநோர் தொழிற்சாலை என்பன சிந்தனைக்குரியன. மேலும் எமது ஊருக்கான கைத்தொழில் முயற்சிகளுக்க  புலம் பெயர் அபிவிருத்திச் சங்கள்புலம்பெயர் தேசத்திலுள்ள எமது கிராமத்து அமைப்புக்கள் ஓரு பொது வேலைத்திட்டத்தை உருவாக்கி செயற்படுத்தல் வேண்டும். சுவாமி விவேகானந்தர் கூறியது போல் இரக்கம் உள்ள இதயம், சிந்தனை ஆற்றல் படைத்த மூளை, வேலை செய்யக்கூடிய கைகள் ஆகிய இந்த மூன்றும் அபிவிருத்திக்கான அத்திவாரம் ஆகும்.

           எமது கிராமத்தின் இயற்கை எழில்மிகு துறைமுகத்தின் அமைவிடத்தினால் வியாபாரத்துறையில் நாம் முன்னணி வகித்து வந்துள்ளோம். தென்இந்தியாவுடன் ஆன்மீக வியாபார, தொடர்புகள் இருந்ததாக வரலாற்றச்சான்றகள் கூறுகின்றன. "திரை கடல் ஓடியும்  திரவியம் தேடு" என்று எமது கிராமத்தவரின் வியாபாரத்துறை தென் இலங்கை முழுவதும் ஆக்கிரமித்திருந்த காலத்தில் கிராமம் பொருhதார விருத்தியடைந்திருந்தது. மேலும் எமது ஊர் விவசாயிகளும், அரச ஊழியர்களும், கிராம அபிவிருத்திக்கு முக்கியமானவர்களே. 

                      எமது கிராமத்தில் நிதிவளம் படைத்த முயற்சியாளர்கள் இருக்கின்ற பொழுதும், இவர்கள் உற்பத்தி துறைகளில் அனுபவம் பெற்றவர்களாக இல்லாதிருப்பது குறிப்பிடத்தக்கது. இதனை நிவர்த்தி செய்வதற்கு எமது கிராமத்து உறவுகளின் உழைப்பு பல நாடுகளில் வலுப்பெற்று இருக்கின்றது.  எம் மக்கள் கிராம அபிவிருத்திக்கு  வேண்டிய தொழில்சார் நிறுவனங்களில் கூடுதலாக பணிபுரிகின்றார்கள். இவர்களுடைய தொழிநுட்பங்களைப்பெற்று எமது கிராமத்திற்கான கைத்தொழில் மையங்களை நிறுவலாம். கிராமத்தின் அபிவிருத்தி என்பது தனிமனித வருமானத்தை  அதிகரிக்கச்செய்வதாகும். 

                                            காரைநகர் மக்கள் சைவ சமயத்திற்கும் தமிழ்க்கல்விக்கும் அதிக முக்கியத்தும் கொடுத்து வந்துள்ளனர் என்பது சமய குரவர் பெயரிலும் பாடசாலைகள் உள்ளமையினால்  புலனாகின்றது. "கண்ணுடையர் என்பர் கற்றோர்" பொறியிலாளராக பட்டம் பெற்று ஊருக்கு சேவை செய்த ஐயம்பிள்ளை வெற்றிநாதன் அவர்களை நாம் மறப்பதற்கில்லை. மேலும் தொழில்சார் நிபுணத்துவம் பெற்றவர்களும், கலாநிதிகளும் பல உலக நாடுகளில் பணிபுரிகின்றார்கள்.  இவர்கள் தங்களின் பங்களிப்புக்களையும் ஆலோசனைகளையும் புலம்பெயர் தேசத்தில் உள்ள எமது கிராமத்தின் சபைகளுக்கும், மன்றங்களுக்கும் வழங்கினால் நாம் அபிவிருத்தி இலக்கை அடைவதற்கு ஏதுவாக இருக்கும். 

           உலகம் அறிவுசார் நவீனத்தொடர்பாடல் தொழில்நுட்பத்துடன் சமகாலத்தில் பயணிக்கிறது;. இதனுடன் எமது கிராமத்தையும் முன் நகர்த்துவது புலம்பெயர் தேசத்திலுள்ள அனைவரதும் தலையாயகடமையாகும். தொழிற் கல்வியை நாம் ஊக்கப்படுத்துவதன் மூலமே கிராம அபிவிருத்திக்கு வழிகோலும் முயற்சியில் ஈடுபடலாம். நிலவளம், கடல்வளம், பனைவளம் ஆகியவளங்களை மனித உழைப்பு என்ற கருவியினாலும் நவீன தொழில்நுட்பங்களினாலும் அபிவிருத்தி செய்யலாம். புலம் பெயர் தேசத்திலுள்ள சபைகளும், மன்றங்களும் முதல் ஐந்து வருடத்திற்கு 200 இளையோருக்கான தொழில்கல்வி பயிற்சி வழங்கி அதனுடாக கிராமத்திலுள்ள மூலப்பெருளில் இருந்து உற்பத்தி பொருட்களை தயார் செய்கின்ற கைத்தொழில் பேட்டைகளை உருவாக்கி இளம் சமுதாயத்தினருக்கு வேலைவாய்ப்பினை வழங்கலாம். 

                 எமது கிராமத்தில் புதிய கட்டிடங்கள் கட்டுவதும், அன்பளிப்புக்கள் வழங்துவதும் அபிவிருத்தியல்ல.  மாறாக தனிமனித வருவாயை அதிகரிப்பதன் மூலமும், கிராமத்தில்லுள்ளோருக்கு வேலைவாய்ப்புக்களை வழங்துவதன் மூலமும், ஊரில் சிரமதானப்பணிகளை நிறைவேற்றுவதற்கு விழிப்புணர்ச்சி ஏற்படுத்துவது மூலமாகவும்  நாம்  அபிவிருத்தி பாதையில் செல்லலாம். இலங்கையின் பிற மாவட்டங்களில் வாழ்கின்ற எமது கிராமத்து உறவுகளையும் இணைப்பதன் மூலமும் அபிவிருத்தி என்ற இலக்கை நாம் அடையலாம்.

                                 குஞ்சி யழகுங்  கொடுந்தானைக் கோட்டழகும்
                                  மஞ்ச ளழகும் மழலை – நெஞ்சத்து
                                  நல்லம்யா அமன்னு நடுவு நிலைமையாற்
                                  கல்வி யழகே யழகு.  
                                                                          –    நாலடியார்
                     
                                                                 நன்றி

                                                                                                      காரை நிலாவுக்காக
                                                                          சுவிற்சர்லாந்திலிருந்து காரை மைந்தன்.

சுவிஸ் காரை அபிவிருத்திச் சபையால் கடந்த வருடம் நடாத்தப்பட்ட கட்டுரைப் போட்டியில் பங்கு பற்றியமைக்காக திறமைச் சான்றிதழ் வழங்கி கௌரவிக்கப்பட்டவர் செல்வி லோகராசன் கஜவதனி

        நான் விரும்பும் காரைநகர் பெருமான் ஆ. தியாகராசா ஆவார் இவர் ஆடம்பரமற்ற தோற்றம், கம்பீரமான நடை, தூய்மையான நெஞ்சம், துணிவு கொண்ட எண்ணம், எடுத்ததை முடிக்கும் ஆற்றல், எளிமையான வாழ்வு என்பவற்றை அணிகலனாகக் கொண்டு மக்கள் தொண்டே மகேஸ்வரன் தொண்டெனப் பணியாற்றிய பெருந்தகை என்ற பெருமைக்குரியவர் ஆவார்.

தியாகராசா அவர்கள் மலேசியாவில் புகையிரத இலாகாவில் கடமையாற்றிய திரு.ச. ஆறுமுகம் அமிர்தவல்லி தம்பதியருக்கு கனிஷ்ட புத்திரனாக 1916ம் ஆண்டு ஏப்ரல் 17ஆந் திகதி மலேசியாவில் பிறந்தார். இவர் தனது ஆரம்பக் கல்வியை மலேசியாவில் ஆரம்பித்து எட்டு வயதில். இலங்கை வந்து இரண்டு ஆண்டுகள் பேரன், பேத்தியுடன் யாழ்ப்பாணத்தில் கல்வி கற்றார்.

தியாகராசா பத்து வயதுச் சிறுவனாக இருக்கும் போது இந்தியாவில் கவியரசர் ரவீந்திரநாத் தாகூர் சாந்திநிகேதனில் நிறுவிய விஷ்பாரதி பல்கலைக்கழகத்தில்  கல்வி கற்பதற்கு அவரது தந்தையார் அனுப்பிய போது வயது குறைவு காரணமாக சென்னை அடையாறு கலாஷேத்திரத்தில் சேர்க்கப்பட்டு கல்வி பயின்றார்.

1932இல் சீனியர் பரீட்சையிலும் 1934 இல் இன்ரர்சயன்ஸ் பரீட்சையிலும்,1936 இல் பீ.ஏ பரீட்சையிலும், 1938 இல் எம் .ஏ பரீட்சையிலும் சித்தி பெற்றார் 1938ம் ஆண்டு எம்.ஏ பட்டம் பெற்றதன் பின்னர் 1940ம் ஆண்டு வரை  சிங்கப்பூர் மருத்துவக் கல்லூரியில் கல்வி பயின்றார் 1941 இல் எம்.லிற் பட்டத்தை பெற்று இலங்கை திரும்பிய  தியாகராசா காரைநகர் இந்துக்கல்லூரியில் ஆசிரியராகக் கடமை ஏற்றார். இவர் கல்வி பயிலும் காலத்தில் வறாக்கி அணி வீரர், சங்கீதக் கலையிலும் ஈடுபாடு கொண்டிருந்தார்.

திரு. தியாகராசா இந்தியாவில் கல்வி பயின்ற காலமானது தன்னலம் துறந்து பூசல்களை விடுத்து மக்களும் தேசகக்தர்களும் தேச விடுதலைக்காக காந்திஜி தலைமையில் அணி பெற்ற அனுபவங்களுடன் காரைநகர் கிராமத்து மக்களைத் தரிசித்தார்.

1942 இல்  ஆடம்பரம், நவநாகரிகம் துளியும் கிடையாத திரு.சிவகுருநாதன் அவர்களின் மகள் மகேஸ்வரியை வாழ்க்கை துணைவியாகக் கொண்டார். தியாகராசாவின் கருத்தறிந்து நடந்து  கணவரின் வெற்றிக்குப் பக்க பலமாக இருந்தார் மகேஸ்வரி

காரைநகர் இந்துக்கல்லூரியில் அதிபராக இருந்த திரு.ஏ. கனகசபை பீ.ஏ. அவர்கள் 1945 இல் ஓய்வு பெற திரு.ஆ.தியாகராசா 16.04.1946 இல் அதிபரானார். இவர் பதவி ஏற்ற ஆரம்ப காலத்தில் பாலர் கல்வி முதல் பல்கலைக்கழகம் வரை இலவசக் கல்வி அறிமுகப்படுத்தப்பட்டது.

    காரைநகர் இந்துக்கல்லூரியில் சிரேஷ்ட பாடசாலை சான்றிதழ் வகுப்புக்ககள் வரை இருந்தமையினால் ஏனைய பாடசாலைகளில் 5ம் வகுப்புடன் கல்வியை  இடைநிறுத்திய மாணவர்கள் அனைவரும் கரைநகர் இந்துக்கல்லூரியில் அனுமதி கோரினார் 1915இல் பழைய டிஸ்னெ;சரிக்கு எதிரே ஆரம்பிக்கப்பட்டு ஆங்கில மொழி மூலம் 7ம் ஆண்டு வரை கல்வி வழங்கிய அமெரிக்கன்மிஷன் ஆங்கிலப்பாடசாலையின் (சாமி பள்ளிக் கூடம்)
மாணவர் தொகை குறைந்தமையால் 1945இல் மூடப்படும் நிலைக்குத் தள்ளப்பட்டது. இதனால் காரைநகர் மேற்குபகுதியில் வசித்த மாணவர்களும் காரைநகர் இந்துக்கல்லூரியில் அனுமதி கோரினர். கல்லூரிக்கு மிக அதிகமான  மாணவர் அனுமதி கோரியமை தியாகராசாவுக்கு ஒரு மிகப் பெரிய சவாலாக இருந்தது.

இச் சாவாலை பல முயற்சி செய்து இலகுவாக முறியடித்தர். அதாவது மாணவர்களுக்கு அமர்வதற்கு வாங்கு மேசையோ, இடவசதியோ, இருக்கவில்லை, கற்பிற்பதற்கு ஆசிரியர்கள் இல்லை. ஏந்த வித பாகுபாடும் இன்றி மாணவர்களின் நன்மை கருதி மாணவர்களுக்கு அனுமதி வழங்கினார்.

    இவர் மாணவர்களுக்கு சிறந்த முறையில் கற்பிப்பதற்கு ஆறு அறைகளைக் கொண்ட கட்டடத்தை கட்டினார் காரை பெற்றோர்களின் உதவியுடன் மேசை வாங்குகளை இந்துக்கல்லூரி  சபையினரின் அனுசரனையுடன் நல்ல அர்ப்பணிப்பு மிக்க ஆசிரியர்களையும் பெற்று மாணவர்களின் கல்விக்கு ஆவன செய்தார்.

காரைநகர் சாமி பள்ளிக்கூடம் மூடப்பட்டதால் காரைநகர் மேற்குப்பகுதி மாணவர்களின் நலனுக்காக ஆங்கிலப்பாடசாலையை நிறுவவேண்டும் என காரைநகர் மேற்கைச் சேர்ந்த பெற்றோர்கள் கல்விஆர்வலர்கள் வர்த்தக பிரமுகர்கள்  ஆகியோர் தீர்மானித்ததன். சார்பாக இப்பாடசாலையின் ஆரம்பிப்பதற்கான ஓர் ஆலோசனைக் கூட்டம் திரு.தியாகாராசாவின் தலைமையில் அவர் இல்லத்தில் நடைபெற்றது. ஆதற்கு ஒழுங்குகளை மேற்கொண்டு பாடசாலையை மீண்டும் ஆரம்பித்தரார். 

திரு.தியாகாராசாவை யாழ்ற்ரன் கல்லூரி அதிபராக பதவியேற்குமாறு பலர் வற்புறுத்தியும் தான் பொறுப்பேற்ற காரைநகர் இந்துக்கல்லூரி முன்னிலை எய்த வேண்டும்; என்பதற்காக அக்கோரிக்கையை ஏற்க மறுத்து விட்டார்.

உயர் நீதிமன்ற நீதிபதி உயர் திரு ந. நடராஜா சி. ஆவர்களின் திடீர் மரணத்தின் பின்னர் அவரின் பாரியார் திருமதி தங்கமா நடராஜா அவர்களால் அறுபதினாயிரம் ரூபா செலவில் நடராஜா ஞாபகார்த்த மண்டபம் அமைக்கப்பட்டது மண்டபம் அமைக்கும் பணியில் தியாகராசா செயற்பட்டார். அத்துடன் தியாகராசா பாடசாலைக்கு பின்புறமாக இருந்தார் காணியையும் திருமதி தங்கம்மா நடராசா அவர்களுடம் தர்ம ஆதனமாகப் பெற்று மைதானத்தை அமைத்தார். 

இரசாயனம், பௌதிகம், விலங்கியல், உயிரியல் ஆகிய பாடங்களுக்கான தனித்தனியான கூடாரங்களை அமைத்தார். இவை உயர் தரத்தில் பேணப்பட்டு செயற்படும் ஆய்வு கூடங்களாக விளங்கினார் .

1955ல் மனையியல் ஆய்வுகூடம் ஆய்வு கூடம் திருமதி என்.ரி.சம்மந்தன் அவர்களும் 1956ல் புதிய நூலகம் புவியல் அறை என்பன மனேஜர் திரு.ரி. முத்துச்சாமிப்பிள்ளை அவர்களும.; இருவருடைய காலத்தில் திறந்த வைக்கப்பட்டன.

தியாகராசா அவர்கள் காரைநகர் இந்துக் கல்லூரில் 1950ஆகஸ்ட் 19 திகதி முதல் 21 திகதி வரை மூன்று நாட்கள் கல்லூரியல் வைர விழாவும். 1963 பவள விழாவும் 1968 இல் முத்து விழாவும் கொண்டாடினார்.

1919இல்  ஸ்தாபிக்கப்பட்ட காரையூனியன் மலாய சங்கத்தின் உறுப்பினர்கள் காரைநகருக்கு வருகை தரும் போது பாடசாலைகளுக்கு உதவிகள் வழங்கினார். தியாகராசா மலேசியா சென்று பழைய மாணவர்களிடம் நிதி சேகரித்து 'சமயம்பு ஞாபகர்த்த கட்டிடத்தை அமைத்து கீழ் மாடியில் வகுப்பறையும், மேல் மாடியில் நூலகத்தையும் கட்டினார்.

        இவருடைய சேவைக்காலத்தில் உயர்தர வகுப்புக்கள் ஆராம்பிக்கப்பட்டு பல்கழைக்கழகத்திற்கு மாணவர்கள் தெரிவு செய்யப்பட்டனர். ஆன்யை கால கட்டத்தில் யாழ்ப்பாணத்தில் சிறப்புத்தார் அதிபர்கள் உள்ள பாடசாலைகளில் இப்பாடசாலையும் ஒன்றாகும்.

    கல்வித் திணைக்களத்தில் உயர் பதவிகள் வழங்கப்பட்டபோதும் அவற்றினை நிராகரித்து தான் வளர்த்த நேசித்த கல்லூரியின் தரத்தை சிறப்பு தரத்திற்கு உயர்த்தி தனக்கும் பாடசாலைக்கும் பெருமை சேர்த்தார். யாழ் மாவட்டத்திற்கு புகழ் சேர்ந்த கல்லூரிகளின் வரிசையில் காரைநகர் இந்துக் கல்லூரியையும் உயர்த்திய  பெருமைக்குரியவர் இவர் ஆவார்.

திரு. தியாகராசா சிறப்புத்தார் பதவியில் உயர்நிலை சம்பளங்கள், ஓய்வூதியம் என்பனவற்றுக்கு காத்திராது 02.04.1970ல் ஓய்வு பெற்ற மாணாக்கர் பணியை நிறைவேற்றி மக்கள் பணி ஆற்ற ஆரம்பித்தார்.

25ஆண்டுகள் அதிபராக பணியாற்றி பெற்ற அனுபவங்களை வட்டுக்கோட்டை தொகுதி பாராளுமன்ற உறுப்பினராக பதவி வகித்த காலத்தில் தொகுதியின் பாடசாலை அதிபர்களுடன் பகிர்ந்து தரமான கல்வி அபிவிருத்தியின் அக்கறை செலுத்தினார். இலங்கை பல்கலைகழகத்தின் யாழ்ப்பாண வளாகத்தை ஆரம்பிப்பதற்கு முன்னோடியாக திகழ்ந்தார். இப் பல்கலைக்கழகம் 1974ல் பரமேஸ்வரா கல்லூhயில் ஆரம்பிக்கப்பட்டது. இது மட்டுமல்ல இவர் அரசாங்கத்திடம் வேண்டுகோள் விடுத்து யாழ்ப்பாண கல்லூhயில் விஞ்ஞான பாட படிப்பை மேற்கொள்வதற்கு யாழ்ப்பாண வளாகத்தில் இன்னொரு பிரிவை ஆரம்பித்தார்.

    1979 ஆண்டு இந்திய சென்று கலாநிதி பட்டத்திற்கான ஆய்வினை மேற்கொண்டு இலங்கையும் தென்னாசியாவில் பொருளாதார ஒத்துழைப்பு என்ற நூலை எழுதினார். இந் நூலுக்கு முகவுரை எழுதிய யாழ்ப்பாண பல்கலைக்கலக பொருளியல் துறை தலைவர் கலாநிதி தியாகராசா இந்த நூலில் இலங்கையின் பொருளாதார பிரச்சனைகளை பிராந்திய ரீதியான பார்வையில் வகுப்பாய்வு செய்துள்ளார். பொருளாதார ஒத்துழைப்புக்கான தென்னாசிய சம்மேளனம் உதயமாவதற்கு முன் இவ் ஆய்வு மேற்கொள்ளப்பட்டது. இவரின் புலைமைமிற்க அனுகூல முறையும் அரசியல் அனுகூல முறையுடன் இணைந்த செயற்பாடு மிக்க இந் நூல் பொருளாதார வல்லுனர்களுக்கும், அரசியல் விஞ்ஞானிகளுக்கும் ஆர்வம் ஊட்டுவதாக அமையும் என குறிப்பிட்டுள்ளார்.

1981ம் ஆண்டு ஐக்கிய தேசிய கட்சியின் தலைமை வேட்பாளராக யாழ் மாவட்ட சபை தேர்தலில் போட்டியிட்டார் இதன் காரணமாக 24.05.1981ல் பின்னிரவில் பிரசாரத்தை முடித்துக் கொண்டு புறப்பட்ட வேளையில் மரணத்திரைக்குள் மறைந்தார். அன்னாரின் பூதவுடல் காரைகநரைச் சுற்றி எடுத்துவரப்பட்டு வலந்தரை சந்திக்கு கிழக்கே அன்னாரின் சிந்தனையில் உருவான வேணன் அணைக்கட்டுக்கு மேற்கே மழைநீர் ஏந்தி தேக்கும் பகுதியில் சிதை மூடப்பட்டு அக்கினியுடன் சங்கமமானது.

வேணன் அணைக்கட்டுக்கு நீர் ஏந்தும் பிரதேசம் கடல் கடல் மண்ணும் களி மடண்ணும் சேர்ந்த மணல்தன்மையுடைய பிரதேசம் என்பதால் புற்கள் முளைப்பதுக்கு ஏது நிலை எதுவும் இல்லை அப்பகுதியும் எந்தவோர் இடத்திலும் குறிப்பிடத்தக்க அளவிற்கு புற்கள் முளைத்திருக்கவில்லை ஆனால் அவர் தானம் செய்யப்பட்ட இடத்தில் புற்கள் முளைத்திருக்கின்றமை காரைநகர் , பொன்னாலை, தாம்போதிய வழியே செல்லும் மக்கள் பார்க்க கூடியதாக இருக்கின்றது இது பூமாதேவிதான் உத்தமபுத்திரனை நினைவில் தாங்கி வைத்திருக்கிறதற்கான சான்றாகும்.

     "ஊழிய பெரியனுந் தாம் பெயரார்"   

      என்ற முதுமொழிக்கு இலக்காணவர்

         "சொல்லுதல் யாருக்கும் எளிய" அரியவாம் சொல்லிய வண்ணம் செயல்" என்ற வள்ளுவர் வாக்கிற்குச் சவால் விடுத்து சொல் வல்லவனும்,  சோர்வு இல்லாதவனும் சொன்னதை செய்ய வல்லவனும் யான் என்பதை வாழ்ந்து காட்டினார்.

நாட்டிற்கும் மக்களுக்கும் பயன்தரும் பணியை செய்தவர்டகளை என்றுமே மறக்கக் கூடாது என்பதற்காக இப்போதும் யா/கலாநிதி ஆ.தியாகராசா மத்திய மகாவித்தியாலயம் எனும் காரைநகர் இந்து கல்லூரியில் "வரலாற்று அதிபர்" எனும் பெயருடன் வாழ்ந்து வருகிறார். இத்தகைய பெருமையுடைய தியாகராசாவின் வாழ்க்கை பாதையை பின்பற்றி நாமும் வாழ்வில் முன்னேறுவோம்.

                          கலாநிதி ஆ.தியாகராசா M.A.M. Lit. (வெள்ளி விழா அதிபர்)
                                                          (1946-1970)

சுவிஸ் காரை அபிவிருத்திச் சபையால் கடந்த வருடம் நடாத்தப்பட்ட கட்டுரைப் போட்டியில் பங்கு பற்றியமைக்காக திறமைச் சான்றிதழ் வழங்கி கௌரவிக்கப்பட்டவர் செல்வி டிலானி கார்த்திகேசு

இலங்கை திரு நாட்டிலே வட மாகாணத்திலே யாழ்ப்பாணத்திலே எண்திசை புகழும் அருளின் நிறைந்த காரைநகரிலே வலந்தலை சுட்டில் அறிவுக் கண்ணை திறக்கும் அறிவுக் கூடமாக யா/கலாநிதி ஆ.தியாகராசா மத்திய மகா வித்தியாலயம் உள்ளது. இன்று அப் பாடசாலையானது தனது காரைநகர் இந்துக்கல்லூரி என்னும் பெயரை யா/கலாநிதி ஆ.தியாகராசா மத்திய மகா வித்தியாலயம் என மாற்றியமைக்கு காரணம் திரு.ஆ.தியாகராசா அவர்களினால் ஆற்றப்பட்ட தன்னலம் அற்ற சேவையே ஆகும். தற்போதும் இவரது மகள் திருஆ..தியாகராசா அவர்களின் நினைவாக காரைநகரில் கல்வி கற்கும் மாணவர்களுக்கு உதவி பணம் வழங்குவது குறிப்பிடத்தக்க விடையமாகும். இவ்வாறான புகழும் பெருமையும் கொண்ட திருஆ..தியாகராசா அவர்கள் மலேசியாவில் புகையிரத இலாகாவில் கடமை ஆற்றிய திரு.ச.ஆறுமுகம் அமிர்தவல்லி தம்பதியாரின் செல்வப்புத்திரனாக 1916ஆம் ஆண்டு சித்திரை மாதம் 17ஆந் திகதி மலேசியாவில் பிறந்தார். "இளமையில் கல்வி சிலையில் எழுத்து" என்பதற்கினங்க ஆரம்பக் கல்வியை மலேசியாவில் ஆரம்பித்து எட'டு வயது வரை மலேசியாவிலேயே கற்றார். பின்னர் இலங்கையில் யாழ்ப்பாணத்தில் உள்ள அவரது பேரன் பேத்தியுடன் இருந்து இரண்டு ஆண்டுகள் கல்வி கற்றார்.

தியாகராசா பத்து வயது சிறுவனாக இருக்கும் போதே இந்தியாவில் உள்ள கவியரசர் ரவீந்திரநாத் தாகூர் சாந்திநிகேதனில் நிறுவிய விஸ்பாரதி பல்கலைகழகத்தில் கல்வி கற்பதற்கு வயது குறைவாக காணப்பட்டமையால் சென்னை அடையாறு கலாசேத்திரத்தில் சேர்க்கப்பட்டு கல்வி கற்றார். தனது பதினாறாவது  வயதில் அதாவது 1932இல் சீனியர் பரீட்சையிலும் பதினெட்டாவது  வயதில் அதாவது 1934இல் இன்ரர்சயன்ஸ் பரீட்சையிலும் இருபதாவது  வயதில் அதாவது 1936 இல் பீ.எ பரீட்சையிலும் 22ஆவது வயதில் அதாவது 1938இல் எம்.ஏ பட்டமும் பெற்றதன் பின்னர் 1940வரை சிங்கப்புர் மருத்துவக்கல்லூரியில் கல்வி பயின்றார் 1941இல் அதாவது 25ஆவது வயதில் எம்.லிற் பட்டத்தை பெற்றார். பின்னர் இலங்கை திரும்பிய தியாகராசா அவர்கள் காரைநகரில் உள்ள இந்துக்கல்லூரி அதாவது தற்போது கலாநிதி ஆ.தியாகராசா மத்திய மகா வித்தியாலயம் என அழைக்கப்படும் பாடசாலையில் ஆசிரியராக கடமையாற்றினார். இவர் இக் கல்லூரி கடமையாற்றிய காலம் "பொற்காலம்" என அழைக்கப்படுகின்றது. இவர் கல்வி பயிலும் காலத்தில் ஹாக்கி அணிவீரர் மற்றும் சங்கீதக் கலையிலும் ஈடுபாடு கொண்டிருந்தார்.

தியாகராசா அவர்கள் இந்தியாவில் கல்வி கற்ற காலத்தில் இந்திய தேசத்திற்கான விடுதலைக்கான அண்ணல் காந்திஜி தலைமையில் அணிவகுத்து போராடியவர். இவர் இந்தியாவில் வாழ்ந்த காலத்தில் தன்னலம் துறந்து புசல்களை விடுத்து மக்களும் தேசபக்தர்களும் தேசவிடுதலைக்காக போராடி பெற்ற அனுபவங்களைக் கொண்டு தன் கிராமத்து மக்களைத் தரிசித்தார்.

1942ம் ஆண்டு தனது 26ஆவது வயதில் ஆடம்பரமும் நவநாகரீகமும் துளியும் கிடையாத திரு.சிவகுநாதன் அவர்களின் மகள் மகேஸ்வரியை வாழ்க்கை துணையாக கொண்டவர். தியாகராசா அவர்களின் வெற்றிக்கு மிக பக்கபலமாக காணப்பட்டதுடன் தியாகராசா அவர்களின் கருத்தறிந்து நடந்து கொண்டார்.

காரைநகர் இந்துக்கல்லூரியில் அதிபராக இருந்த திரு.கனகசபை அவர்கள் 1945இல் ஓய்வு பெற திருஆ.தியாகராசா அவர்கள் 16.04.1946 இல் அதிபராக கடமையேற்ற காலத்தில் பாலர் கல்வி முதல் பல்கலைக்கழகம் வரை இலவசக் கல்வி அறிமுகப்படுத்தப்பட்டது. காரைநகரில் சிரேஷட பாடசாலையாக காரைநகர் இந்துக் கல்லூரி மட்டுமே திகழ்ந்தது. இதனால் ஏனைய பாடசாலையில் தரம் 5ம் வகுப்புடன் இடைநிறுத்திய மாணவர்கள் அனைவரும் காரைநகர் இந்துகல்லூரியில் அனுமதி கோரினர். 1915இல் ஆரம்பிக்கப்பட்ட அமெரிக்கன்மிஷன் ஆங்கிலப்பாடசாலையில் மாணவர்தொகை வெகுவாகக் குறைவடைந்தமையால் 1945இல் மூடப்படும் நிலைக்கு தள்ளப்பட்டது. மற்றும் காரைநகரில் உள்ள மேற்கு பிரதேச மாணவர்களும் இந்துக்கல்லூரிக்கு அனுமதிகோரி வந்திருந்தனர். இக் காலகட்டத்தில் அதிக எண்ணிக்கையான மாணவர்கள் அணுமதி கோரியமை பெரும் சவாலாக காணப்பட்டது. மாணவர்களுக்கு கல்வி கற்பிற்பதற்கு ஆசிரியர்களோ வாங்கு மேசைகளோ இடவசதியோ இல்லை இதனால் உடனடியாக ஆறு அறைகளைக் கொண்ட கட்டடத்தைக் கட்டினார். மாணவர்களுக்கு தேவையான வாங்குமேசைகளை பெற்றோர்களிடமும் அர்பணிப்பு மிக்க ஆசிரியர்களை இந்துக்கல்லூரி சபையின் அனுசரனையுடன் பெற்று மாணவர்களுக்கு கல்வியை வழங்கினார்.

அமெரிக்கன் மிஷன் பாடசாலை மூடப்பட்டதன் காரணமாக காரைநகரில் மேற்குபகுதியில் உள்ள மாணவர்கள் அணைவரும் இந்துக் கல்லூரிக்கு வந்து கல்வி கற்பதனால் ஏற்படும் துன்பங்களுக்கு தீர்வு காணும் பொருட்டு சைவ ஆங்கிலப் பாடசாலை ஒன்றை நிறுவவேண்டும் என காரைநகர் மேற்கைசேர்ந்த பெற்றோர்களும் கல்விமான்களும் தீர்மானித்தனர். இப் பாடசாலையை ஆரம்பிப்பதற்கான ஆலோசனைக் கூட்டம் திரு.தியாகராசாவின் வீட்டிலே நடைபெற்றது குறிப்பிடதக்கது. இப் பாடசாலைக்கு அதிபராக கடைமையாற்றுவதற்கு திரு க.கனகசபை அவர்களும் ஆசிரியர்களாக கடைமையாற்ற திருவாளர் கு.பொன்னம்பலம்  மு.சீவரத்தினம் ஆகிய மூவரையும் காரைநகர் இந்துக் கல்லூரியில் இருந்து புதிதாக ஆரம்பிக்கப்பட்ட பாடசாலைக்கு கடைமையாற்ற விடுவிக்கப்பட்டார். திரு தியாகராசா அவர்களை யாழ்ற்ரன் கல்லூரிக்கு அதிபராக கடைமை ஏற்குமாறு காரைநகர் மேற்கை சேர்ந்த பல வற்புறுத்தியும் தான் பொறுப்பேற்ற காரைநகர் இந்துக் கல்லூரி முன்நிலை எய்ய வேண்டும் என்பதற்காக அக் கோரிக்கையை நிராகரித்தார்.

உயர்நீதிமன்ற நீதிபதி உயர்திரு ந.நடராஜா K.C அவர்களின் திடிர் மரணத்தின் பின்னர் அவரின் பாரியார் திருமதி தங்கம்மா நடராஜா அவர்களால் அறுபத்தையாயிரம் செலவில் நடராசா ஞாபகார்த்த மண்டபம் அமைத்தார். இம் மண்டபம் அமைக்கும் பணியில் தீவிரமாக செயற்பட்டார்.  "கோபுரம் இல்லாத கோயில் தான் பாடசாலை" அதற்கினங்க மண்டபத்திற்கு தேவையான ஓடுகள் இல்லாதவிடத்து "தனது வீட்டு ஓட்டினை எடுத்துவந்து கட்டினார் என்பது மிகவும் குறிப்பிடத்தக்க விடையமாகும்." இம் மண்டபத்தை கட்டுவிக்க திரு.ஆதியாகராசா அவர்களுடன் இனைந்து மிகவும் உழைத்த ஒருவர்தான் திரு.வீ.தம்பிப்பிள்ளை ஆவார். இவர்களால் கட்டப்பட்ட நடராஜா ஞாபகார்த்த மண்டபமானது யாழ்ப்பாணத்திலேயே மிகவும் பெரிய அகலமான மண்டபம் என கூறுகின்றனர். 19.08.1950இல் கௌரவ நீதிஅமைச்சர் DR.L.A.ராஜபக்ஸ அவர்களால் நடராஜா ஞாபகார்த்த மண்டபம் திறந்துவைக்கப்பட்டது. மண்டபத்திற்கு பின்புறமாக உள்ள காணியை தர்மஆதாரமாக பெற்று பாடசாலைக்கு மைதானம் அமைத்தார்.

உயர்தரத்தில் பேணப்பட்டு செயற்படும் ஆய்வுகூடங்களாக இரசாயனம் பௌதீகம் விலங்கியல் உயிரியல் மற்றும் மனையியல் ஆகிய பாடங்களுக்கான தனித்தனி ஆய்வுகூடங்களை அமைத்ததோடு புவியியல் நூலகம் என்பவற்றுக்கு அறைகளைக்கட்டுவித்தார்.

பாடசாலை வரலாற்றுச்சான்றாக அமையும் காரைநகர் இந்துக்கல்லூரி எனும் சஞ்சிகை 1948இல் வெளியிடப்பட்டது. மற்றும் 1953, 1957, 1959ம் ஆண்டுகளில் "சயம்பு" எனும் கல்லூரி சஞ்சிகை வெளியிடப்பட்டது. எமது பாடசாலையின் வரலாற்றுச்சுவடுகளாக இச் சஞ்சிகை காணப்படுகின்றன. மற்றும் வைரவிழா பவளவிழா முத்துவிழா என விழாக்களும் இவரது காலங்களில் கொண்டாடப்பட்டவையாகும்.

திரு.தியாகராசா அவர்கள் மலேசியா சென்று பழையமாணவர்களிடம் நிதி சேர்த்து "சயம்பு ஞாபகார்த்த" கட்டடத்தை அமைத்து கீழ்மாடியில் வகுப்பறையையும் மேல்மாடியில் நூலகத்தையும் அமைத்தார். இம்மண்டப அமைப்பு பணியில் ஆ.தியாகராசாவுடன் திரு.த.அருளையா அவர்களும் ஈடுபட்டார்.

திரு.தியாகராசாவின் சேவைக்காலத்தில் உயர்தர வகுப்புக்கள் ஆரம்பிக்கப்பட்டு பல்கலைக்கழகத்துக்கு மாணவர்கள் தெரிவுசெய்யப்பட்டனர். அக்காலகட்டத்தில் சிறப்புத்தர அதிபர்கள் உள்ள பாடசாலைகளில் இந்துக் கல்லூரியும் ஒன்றாகும். கல்விதிணைக்களத்தால் உயர்பதவி வழங்கப்பட்ட போதிலும் தான் வளர்த்த நேசித்த பாடசாலையை சிறப்புத்தரத்திற்கு(1AB) உயத்தினார். யாழ் மாவட்டத்திற்கு புகழ் சேர்த்த பாடசாலைகள் வரிசையில் இந்துக்கல்லூரியை உயர்த்திய பெருமைக்குரியவர்.

திரு.தியாகராசா அர்பணிப்பு மிக்க ஆசிரியர்களை அரவணைத்து சென்றமை கல்லூரியின் கல்வி வளர்ச்சிக்கு உறுதுணையாக அமைந்தது. கல்வி போதனையிலும் பண்புடனும் பணிவுடனும் செயற்பட ஒழுக்கம்மிக்க மாணவர்களை உருவாக்குவதிலும் அல்லும்பகலும் அமரர் தியாகராசாவின் உள்ளம் ஈடுபட்டிருந்தது. கல்வி திணைக்களகத்தில் காத்திரமான பணிகளைப்பெறுவதற்கு அதற்கு பொருத்தமான பெற்றோர்களை அனுப்பி கருமம் ஆற்றினார். கல்லூரி உள்ளக நிர்வாகத்தில் கல்வித்திணைக்கள அதிகாரிகள் தலையிட எத்தனித்த சமயத்தில் தன்னை பணியிலிருந்து விடுவிக்குமாறு வேண்டிநின்றார்.

சமூகம் எதிர்பார்த்த கல்வியை வழங்கியமையால் நகர்புற பாடசாலையை நோக்கி மாணவர்கள் செல்வது அரிதாக காணப்பட்டது. கற்றல் கற்பித்தல் சுமுகமாக காணப்பட்டமையால் பிரத்தியோக வகுப்புக்கள் செல்லவேண்டிய தேவையிருக்கவில்லை. திரு.தியாகராசா அவர்கள் சிறப்புதர பதவியில் உயர்நிலை சம்பளம் ஓய்வூதியம் என்பவற்றுக்கு காத்திராது 02.04.1970இல் மாணாக்கர்களின் பணியை நிறைவேற்றி மக்கள் பணி ஆற்ற ஆரம்பித்தார்.

25ஆண்டுகள் அதிபராக கடைமையாற்றி பெற்ற அனுபவங்களைக் கொண்டு வட்டுகோட்டைதொகுதியில் பாராளுமன்ற உறுப்பினராக கடைமையாற்றிய காலத்தில் வட்டுகோட்டைதொகுதியின் பாடசாலை அதிபர்களுடன் பகிர்ந்து தரமான கல்வி அபிவிருத்தியில் அக்கறை செலுத்தினார். அனைத்து நியமனங்களின் போதும் கிடைக்கவேண்டிய சலுகைகள் தவறாது கிடைக்க இடைவிடாது முயன்று பொருத்தமானவர்கள் நியமனம் பெற ஆவனம் செய்தார்.

காரைநகர் இந்துக் கல்லூரியில் பன்முகப்படுத்தப்பட்ட வரவு செலவு திட்டத்தில் செலவழிக்காத வருடத்தின் இறுதி மாத ஆரம்பத்தில் பெற்று வருடம் முடிவடைவதற்கு முன்னர் பல நிர்மாணிப்பு பணிகளை மேற்கொண்டார் என்பது குறிப்பிடதக்க விடையமாகும். இவற்றை உரிய காலங்களில் நிறைவேற்றியமையால் அதிபர் திரு.K.K.நடராஜா யாழ்மாவட்ட 1AB பாடசாலை அதிபர்கள் சந்திப்பில் யாழ் மாவட்ட கல்விப் பணிப்பாளர் திரு.W.D.C.மகதந்தில்ல அவர்களால் பாரட்டப்பட்டார். இதுவே இவர் இந்துக் கல்லூரியில் இருந்து ஓய்வு பெற்றாலும் தனது பணியை தொடர்ந்து செய்தார் என்பதற்கு சான்றாக அமைகிறது. க.பொ.த(உ.த) வகுப்புக்களில் 150இற்கு மேற்ப்பட்ட மாணவர்கள் கல்வி கற்றனர். வட்டுகோட்டை மூளாய் சுழிபுரம் மாவடி ஊர்காவற்றுறை போன்ற அயற்கிராம மாணவர்கள் பெரும் எண்ணிக்கையில் சேர்ந்து கல்வி கற்றமை என்பது சிறப்பான விடையமாகும். அமரர் திரு.தியாகராசா அவர்கள் கல்வி மேல் கொண்ட பற்று உறுதிக்கு அதிபர் திரு. K.K.நடராஜா செயல் வடிவம் கொடுத்தார்.

பாராளுமன்றத்தில் கல்வி தொடர்பான விவாதங்களின் போது ஆக்கéர்வமான கருத்துக்களை முன்வைத்தார். கல்வி அமைச்சுடன் தொடர்பினை ஏற்படுத்தி கல்வியாளர் என்ற தகமையில் சிறப்புடன் பேணிவந்தார். இலங்கைப் பல்கலைக்கழகத்தின் யாழ்ப்பாண வளாகத்தை ஆரம்பிப்பதற்கு முன்னோடியாக திகழ்ந்தவர்.

1979ம் ஆண்டு இந்தியா சென்று கலாநிதி பட்டத்திற்கான ஆய்வினை மேற்கொண்டு "இலங்கையும் தென் ஆசியாவின் பொருளாhதார ஒத்துழைப்பு" என்ற நூலை எழுதினார். பொருளாதார ஒத்துழைப்பிற்கான தென்ஆசியா சம்மேளனம் உதயமாவதந்கு முன் இவ்வாய்வு மேற்கொள்ளப்பட்டது. இந்நூலின் கருத்திற் கொள்ளப்பட்ட வைசார்க் அமைப்பு இலக்குகளாக இருப்பதனால் இந்நூல் சரியான திசையில் எடுக்கப்பட்ட முதல்படி எனக் குறிப்பிடலாம். இந்தப் பின்னணியில் கலாநிதிஆ.தியாகராசாவின் ஆய்வு இருப்பதால் முக்கியத்துவம் பெருகின்றது. திருஆ..தியாகராசா அவர்கள் மிக்க கவனத்தையும் ஆக்க பூர்வமான பரிசீலனைகளையும் விடயங்களின் எல்லா அம்சங்களிலும் செலுத்தினார். கலாநிதிஆ.தியாகராசாவின் புலமைமிக்க அனுகுமுறையும்  அரசியல் அனுபவங்களுடன் இணைந்த செயற்பாடுமிக்க இந்நூல் "பொருளாதார வல்லுனர்களுக்கும் அரசியல் விஞ்ஞானிகளுக்கும் ஆர்வம் ஊட்டுவதாக அமையும்" எனக் குறிப்பிட்டிருந்தார்.

ஆடம்பரமற்ற தோற்றமும் கம்பீரமான நடையும் தூய்மையான நெஞ்சும் துணிவுகொண்ட எண்ணம் எடுத்ததை முடிக்கும்ஆற்றல் என்பவற்றை அணிகலனாக் கொண்டு "மக்கள் சேவையே மகேசன் சேவை" என பணியாற்றிய  திரு.தியாகராசா அவர்கள் 1981ஆம் ஆண்டு ஐக்கிய தேசியக்கட்சியின் தலைமை வேட்பாளராக யாழ்.மாவட்ட சபை தேர்லில் போட்டியிட்டதால் அவரது உயிர் பறிக்கப்பட்டது. அன்னாரின் பூதவுடல் வலந்தலைச்சந்திக்கு கிழக்கே அன்னாரின் சிந்தனையில் உருவான வேணன் அணைக்கட்டுக்கு மேற்கே மழைநீர் ஏந்தி தேக்கும் பகுதியில் சிதை முடப்பட்டு அக்கினியுடன் சங்கமமானார். அப் பகுதியில் எந்தவோர் இடத்திலும் குறிப்பிடதக்க அளவிற்கு புற்கள் முளைத்திருக்கவில்லை ஆனால் அவர் தகனம் செய்யப்பட்ட இடத்தில் புற்கள் முளைத்திருக்கின்றமையை காரைநகர் பொன்னாலை தாம்போதிய வழியேசெல்லும் மக்கள் பார்க்கக்கூடியதாக உள்ளது. இது பூமாதேவி தன் உத்தம புத்திரனை நினைவில் வைத்திருக்கினறமைக்கு சான்றாகும்.

                               "சொல்லுதல் யார்க்கும் எளிய அரியவாம் 
                                       சொல்லியவண்ணம் செயல்"

என்ற வள்ளுவரின் வாக்கிற்கு சவால் விடுத்து சொல்லவல்லவனும் சொன்னதைச் செய்பவனும் யான் என்பதை பறைசாத்தியவர் ஆவார். அமரர் தியாகராசா அவர்களை "வரலாற்று அதிபர்" எனவும் அழைக்கப்பட்டார். இன்றும் அவரது சேவையை நினைவுகூறும் முகமாகவும் பாராட்டும் முகமாகவும் நன்றிகூறும் முகமாகவும் அவரது கல்லூரிக்கு அவரது பெயரை அழைக்கின்றனர். அமரர் திரு.தியாகராசா அவர்கள் இறையடி சேர்ந்தாலும் அவர் எமது ஊருக்காக ஆற்றிய சேவை மறக்கமுடியாதவொன்றாகும்.

                                                                            * * *

                                                       ஆக்கம்: டிலானி கார்த்திகேசு
                                                           தரம்: 12 A/L 2016 COM
                   பாடசாலை: யா/கலாநிதி ஆ.தியாகராசா மத்திய மகா வித்தியாலயம்

                              நானறிந்த காரைநகர்ப் பெரியார் 

                         கலாநிதி ஆ.தியாகராசா ஆவார்.

"இந்து சமுத்திரத்தின் முத்து" எனவும்,"தெட்சணகைலாயம்" எனவும், திருமந்திரத்தை அருளிய திருமூலரால் "சிவபூமி" எனவும் போற்றப்படுகின்ற இலங்கை திருநாட்டின் வடமாகாணத்தின் சிகரமாய் செந்தமிழ் பேணி சிவநெறி காக்கும் பண்பாட்டின் உறைவிடமாய் அமையப்பெற்ற குடாநாடே யாழ்ப்பாணம். அதன் வடமேற்குத் திசையிலே பதின்நான்கு மைல் தொலைவில் எண்திசை புகழும் அருளும் நிறைந்த சௌந்தலாம்பிகை சமேத சுந்தரேஸ்வரப்பெருமான் குடிகொண்ட ஈழத்துச்சிதம்பரம் என்னும் திவ்வியசேத்திரம் இனிதே அமைந்து சுந்தர ஈசனின் திருவருட்கடாட்சம் இனிதே பொழிய நல்லருள் அதனால் நலம் பல பெற்று வளம் பல கொழிக்கும் திருநிறை கொண்ட கவின் பெறும் ஊர் காரைநகர் ஆகும். இத்தகைய சிறப்பு மிக்க ஊரிலே நானறிந்தபெரியார்களுள் ஒருவர் கலாநிதி .ஆ.தியாகராசா ஆவார்.

இவர் பிரிட்டிஷ் மலாயாவில் புகையிரதப்பாதை இடப்பட்ட பொழுது அதன் சமிக்ஞைப் பொறியமைப்பை நிர்மாணித்த திரு. ஆறுமுகம் என்பவருக்கும் அமிர்தவல்லிக்கும் கனிஷ்ட புத்திரனாக 1916 ஆம் ஆண்டு சித்திரை மாதம் 17 ஆந் திகதி முக்காலமும் நன்கு உணர்ந்த ஞானியான திருவள்ளுவரின்

                     "தோன்றில் புகழோடு தோன்றுக அஃ(து) இலார்
                              தோன்றலின் தோன்றாமை நன்று."   

என்ற ஈரடி வாக்குக்கு இணங்க புகழோடு மலேசியாவில் பிறந்தவரே பெரியார் கலாநிதி ஆ. தியாகராசா ஆவார். 

இப் பெரியார் கம்பீரமான ஆடம்பரமற்ற தோற்றத்தையும் கம்பீரமான நடையையும் துணிவு கொண்ட எண்ணத்தையும் தூய்மையான நெஞ்சத்தையும் எடுத்ததை முடிக்கும் ஆற்றலையும் எளிமையான வாழ்வையும் தனது அணிகலன்களாகக் கொண்டிருந்தார். இவர்,

                                "ஒழுக்கம் விழுப்பம் தரலான் ஒழுக்கம்
                                       உயிரினும் ஓம்பப்படும்."

என்ற வள்ளுவனின் வாக்குக்கிணங்க ஒழுக்கத்தை தனது உயிரினும் மேலாக நேசித்தார். அத்தோடு "மக்கள் சேவையே மகேசன் சேவை" என்ற அதி உன்னத சிந்தனையுடன் மக்களுக்குப் பணியாற்றிய பெருந்தகை ஆவார்.

    இவர் தனது ஆரம்பக்கல்வியை மலேசியாவிலே ஆரம்பித்து தனது எட்டு வயதிலே இலங்கை வந்து இரண்டு ஆண்டுகள் தனது பேரன் பேர்த்தியுடன் இருந்து யாழ்ப்பாணத்திலே கல்வி கற்றார். இவர் பத்து வயதுச் சிறுவனாக இருக்கும் போது இவரது தந்தையார் இந்தியாவிலுள்ள விஷ்பாரதி பல்கலைக்கழகத்தில் கல்வி பயில்வதற்கு அனுப்பிய போது இவருக்கு வயதுக் குறைவு காரணமாக இவர் சென்னை அடையாறு கலாஷேத்திரத்தில் சேர்க்கப்பட்டு கல்வியை பயின்றார்.

    இவர் "தமிழ்ப்பாட்டி" என்று அழைக்கப்படுகின்ற ஒளவைப்பிராட்டியாரால் அருளப்பட்ட கொன்றைவேந்தனில் குறிப்பிடப்பட்டுள்ள "கைப்பொருள் தன்னில் மெய்ப்பொருள் கல்வி" அதாவது அழிவில்லாத நிலையான பொருள் கல்வி என்பதனை நன்கு உணர்ந்து 1932 இல் சீனியர் பரீட்சையிலும், 1934 இல் இன்ரர்சயன்ஸ் பரீட்சையிலும், 1936 இல் பீ.ஏ பரீட்சையிலும், 1938 இல் எம். ஏ. பரீட்சையிலும் சித்தி பெற்றார். இவர் 1938 இல் எம்.ஏ பட்டம் பெற்ற பின் 1940 ஆம் ஆண்டு வரை சிங்கப்பூர் மருத்துவக் கல்லூரியிலும் கல்வி கற்றார். 1941 இல் எம். லிற் பட்டத்தைப் பெற்று மீண்டும் இலங்கை திரும்பிய இவர் காரை வாழ் மாணவர்களின் கல்விப்புலத்தைமேம்படுத்தும் நோக்கோடு பெரியார் சயம்புவால் 1888 ஆம் ஆண்டு ஸ்தாபிக்கப்பட்ட காரைநகரின் கலங்கரை விளக்காய் விளங்கும் காரைநகர் இந்துக்கல்லூரியில் ஆசிரியராகக் கடமையேற்றார்.

    இப்பெரியார் 1942 இல் "மனைத்தக்க மாண்புடையாள்" அதாவது மனையறத்திற்கு தகுந்த நற்குண நற்செயல்களை உடையவளான திரு. சிவகுருநாதன் அவர்களின் மகள் மகேஸ்வரியை வாழ்க்கைத் துணைவியாக கொண்டார். இப் பெரியாரின் வெற்றிக்கு பக்கபலமாக இவரது துணைவியார் இருந்தார்.

    பின் 1946 ஆம் ஆண்டு சித்திரை மாதம் 16 ஆம் திகதி முத்து சயம்பு,ஈ.கே.சிவசுப்பிரமணியஐயர், சிவத்திரு எஸ். இராமகிருஷ்ணஐயர், திரு பொ.வேலுப்பிள்ளை, திரு ந. கந்தையா, சிவத்திரு அ.சீதாராமஐயர், திரு அ.சரவணமுத்து, சிவத்திரு அ.சீதாராமஐயர், திரு ஏ.கனகசபை ஆகிய இந்துக்கல்லூரியின் அதிபர்களின் வரிசையிலே திரு ஏ.கனகசபை ஓய்வுபெற 11 வது அதிபராக பெரியார் ஆ.தியாகராசா அவர்கள் பொறுப்பேற்றார்.

    இக்காலத்தில் இலவசக்கல்வியின் தந்தையான சீ. டபிள்யூ. டபிள்யூ. கன்னங்கரா என்பவரால் பாலர் கல்வி முதல் பல்கலைக்கழகம் வரை இலவசக்கல்வி அறிமுகப்படுத்தப்பட்டது. காரைநகர் இந்துக்கல்லூரியில் சிரேஷ்ட பாடசாலை சான்றிதழ் வகுப்புக்கள் வரை இருந்தமையினால் ஏனைய பாடசாலைகளில் 5 ஆம் வகுப்புடன் கல்வியை இடைநிறுத்திய மாணவர்கள்; அனைவரும் காரை இந்துக்கல்லூரியில் அனுமதி கோரினார். மாணவர்கள் அனைவரும் நன்கு கற்க வேண்டும் என்ற அவாவுடன் அனைத்து மாணவர்களுக்கும் அனுமதி வழங்கினார். 1915 இல் சாமி பள்ளிக்கூடம் உருவாக்கப்பட்டு 7 ஆம் ஆண்டு வரை ஆங்கில மொழி மூலம் கல்வி வழங்கப்பட்டது. பின்னர் மாணவர் எண்ணிக்கை நன்கு குறைய 1945 இல் இப் பள்ளிக்கூடம் மூடப்பட்டது இதனால் காரைநகர் மேற்குப் பகுதியில் வசித்த மாணவர்களும் இக் கல்லூரிக்கு வருகை தந்தனர். இவ்வாறு வருகை தரும் மாணவர் எண்ணிக்கை அதிகரித்தமை பெரும் சவாலாக இருந்தது. ஏனெனில் மாணவர்களுக்கு அமர்வதற்கு வாங்கோ, மேசையோ, இடவசதியோ இருக்கவில்லை. அத்தோடு கற்பிப்பதற்கும் ஆசிரியர் இருக்கவில்லை. மாணவர்களது கல்வி பாதிக்கப்படக்கூடாது என்ற உயர்ந்த நோக்கோடு ஆறு அறைகளைக் கொண்ட கட்டடத்தைக் கட்டுவித்தார். பெற்றோரின் உதவியுடன் வாங்குமேசைகளையும் இந்துக்கல்லூரி சபையின் அனுசரணையுடனும் கடமை உணர்வு நிறைந்த ஆசிரியர்களையும் பெற்று மாணவர்களின் கல்விக்கு ஆதரவு வழங்கினார்.

    கோபுரம் இல்லாத கோயிலாக பல வித்தைகளைக் கற்பிக்கின்ற பூணூல் அணியாத பல பூசகர்கள் அதி உன்னத அபிஷேக ஆராதனையை அன்றும் இன்றும் நடாத்திக் கொண்டிருக்கின்ற இந்த காரைநகர் இந்துக் கல்லூரிக்கு "திருவாசகத்திற்கு உருகாதார் ஒருவாசகத்திற்கும் உருகார்" என்ற சிறப்பிற்குரிய திருவாசகத்தையும் திருக்கோவையாரையும் அருளிய மாணிக்கவாசகர் மன்னன் குதிரை வாங்கக் கொடுத்த பணத்தை சிவத்தொண்டிற்காக செலவளித்தார். ஆனால் எங்கள் பெரியார் தியாகராசா அவர்கள் தனது வீட்டிலே வேயப்பட்டிருந்த ஓட்டைக் கழற்றி வந்து இந்தக் கோபுரம் இல்லாத கோவிலின் ஓட்டைகளை எல்லாம் வேய்ந்தார்.

    சாமி பள்ளிக்கூடம் (அமெரிக்கன் மிஷன் பாடசாலை) மூடப்பட்டதன் காரணமாக காரைநகர் மேற்குப்பகுதி மாணவர்களின் நலன் கருதி சைவ பாடசாலையை நிறுவவேண்டும் என காரைநகர் மேற்கைச் சேர்ந்த பெற்றோர்கள், கல்வியாளர்கள், வர்த்தகப் பிரமுகர்கள் ஆகியோர் தீர்மானித்தனர். இப் பாடசாலையை ஆரம்பிப்பதற்கான ஓர் ஆலோசனைக் கூட்டம் திரு தியாகராசாவின் தலைமையில் அவர் இல்லத்தில் நடைபெற்றது என்றால் மிகையாகாது. பாடசாலையைத் தாமதமின்றி ஆரம்பிப்பது எனத் தீர்மானிக்கப்பட்டது. அதற்கான ஒழுங்குகள் மேற்கொள்ளப்பட்டன.

    பின்னர் பெரியார் ஆ.தியாகராசா அவர்களை யாழ்ற்றன் கல்லூரி அதிபராக பதவி ஏற்குமாறு பலர் வற்புறுத்தியும் 

                              "எண்ணிய எண்ணியாங்(கு) எய்துப எண்ணியார்
                                    திண்ணியர் ஆகப் பெறின்"

என்ற வள்ளுவரின் வாக்குக்கு இணங்க தான் பொறுப்பேற்ற காரைநகர் இந்துக்கல்லூரியை உயர்த்த வேண்டும் என்ற அதி உன்னத நோக்கோடு அவர்களின் கோரிக்கையை ஏற்க மறுத்தார். இவரது காலத்திலே உயர்நீதிமன்ற நீதிபதி உயர்திரு ந.நடராஜா அவர்களின் ஞாபகார்த்தமாக அவரது துணைவியார் தங்கம்மா நடராஜா அவர்களால் அறுபதினாயிரம் ரூபாய் செலவில் நடராஜா ஞாபகார்த்த மண்டபம் அமைக்கப்பட்டு 19ஆம் திகதி ஆவணி மாதம் 1950 ஆண்டில் கௌரவ நீதி அமைச்சர் கலாநிதி ராஜபக்ஸ அவர்களால் திறந்து வைக்கப்பட்டது.

அடுத்து இப் பெரியார் திருமதி தங்கம்மா நடராஜா என்பவரிடமிருந்து பாடசாலைக்கு பின்புறம் இருந்த காணியை தர்ம ஆதீனமாகப் பெற்று விளையாட்டு மைதானத்தை அமைத்தார். இரசாயனம், பௌதீகம், விலங்கியல், உயிரியல் ஆகிய பாடங்களுக்கான தனித்தனி ஆய்வுகூடங்கள் அமைத்தார் மற்றும் இவரது காலத்தில் மனையியல் ஆய்வுகூடம், புதிய நூலகம், புவியியல் அறை என்பன உருவாக்கப்பட்டன. பின்னர் 1942 இல் "காரைநகர் இந்துக் கல்லூரி"என்ற பெயரிலே சஞ்சிகை வெளியிடப்பட்டது. அதனைத் தொடர்ந்து 1953, 1956, 1959 ம்ஆண்டுகளில் "சயம்பு" என்ற கல்லூரி சஞ்சிகை வெளியிடப்பட்டது மற்றும் கல்லூரியின் வைரவிழா, பவளவிழா, முத்துவிழா என்பன இவரது காலத்திலே கொண்டாடப்பட்டன. இப் பெரியார் மலேசியா சென்று பழைய மாணவர்களிடம் நிதி சேகரித்து "சயம்பு ஞாபகார்த்த" கட்டடத்தை அமைத்தார். பின் இதன் மேற்குப்புறத்தில் "சியவச" நூல் நிலையத்தை அமைக்க அரசினால் வழங்கிய நிதியை விட மேலதிக நிதி தேவைப்பட்ட பொழுது நன்கொடையாளரிடம் பெற்று நூல்நிலையத்தையும் அதனோடு சேர்ந்த வகுப்பறைத் தொகுதியையும் அமைத்தார். இவர் உயர்தர வகுப்புக்களை ஆரம்பித்து கல்லூரியின் தரத்தை சிறப்புத் தரத்துக்கு (1AB) உயர்த்தினார்.

    இவர் கல்விப் போதனையில் பண்புடனும் பணிவுடனும் செயற்பட்டு தன் உயிரை விட மேலாக ஒழுக்கத்தை மதித்து ஒழுக்கம் மிக்க மாணவரை உருவாக்குவதில் அல்லும் பகலும் உழைத்தார். இவர் இருபத்தைந்து ஆண்டுகள் காரை இந்துவின் வெள்ளி விழா கண்ட அதிபராக இருந்து திறமை மிக்க உதாரண புருஷராக நிருவாகத்தை நடாத்தி மாணவர் சமுதாயம் சீரிய எதிர்காலத்தை எதிர்கொள்ள கலங்கரை விளக்கானார். இவர் சிறப்புத்தர பதவியில் உயர்நிலை சம்பளம், ஓய்வூதியம் என்பவற்றுக்கு காத்திராது 02.04.1970 இல் ஓய்வு பெற்று மக்கள் பணி ஆற்ற ஆரம்பித்தார். 

இவர் வட்டுக்கோட்டைத் தொகுதி பாராளுமன்ற உறுப்பினராக தெரிவானார். இவர் பாராளுமன்ற உறுப்பினராக இருந்த காலத்தில் காரை மண் புதுப் பொலிவு பெற்று விளங்கியது எனலாம். மின்சாரம், குழாய்நீர்த்திட்டம், நன்னீர்மயமாக்கல், வேணன் அணைக்கட்டு போன்ற பல திட்டங்களை நிறைவேற்றினார். வட்டுக்கோட்டைத் தொகுதியின் பாடசாலை அதிபர்களுடன் பகிர்ந்து தரமான கல்வி அபிவிருத்தியில் அக்கறை செலுத்தினார். அனைத்து நியமனங்களின் போதும் விசேடமாக கல்வி ஆளணி நியமனங்களின் போது கிடைக்க வேண்டிய இடங்களை தவறாது கிடைக்க இடைவிடாது முயன்று பொருத்தமானவர்கள் நியமனம் பெற ஆவன செய்தார். பாராளுமன்றத்தில் கல்வி தொடர்பான விவாதங்களின் போது ஆக்கபூர்வமான கருத்துக்களை முன்வைத்தார். இலங்கைப் பல்கலைக்கழகத்தின் யாழ்ப்பாண வளாகத்தை ஆரம்பிப்பதற்கு முன்னோடியாக இருந்தார். இப் பல்கலைக்கழகம் 1974 இல் பரமேஸ்வராக் கல்லூரியில் ஆரம்பிக்கப்பட்டது. இவரின் வேண்டுகோளுக்கு இணங்க யாழ்ப்பாணகல்லூரியில் விஞ்ஞான பட்டப்படிப்பை மேற்கொள்வதற்கு யாழ்ப்பாண வளாகத்தின் இன்னொரு பிரிவை ஆரம்பித்தது.

    இப்பெரியார் 1979 ஆம் ஆண்டு இந்தியா சென்று கலாநிதி பட்டத்திற்கான ஆய்வினை மேற்கொண்டு "இலங்கையும் தென் ஆசியாவின் பொருளாதார ஒத்துழைப்பு" என்ற நூலை எழுதினார். இந்நூலுக்கு முகவுரை எழுதிய யாழ்ப்பாண பல்கலைக்கழக பொருளியல் துறை தலைவர் "கலாநிதி தியாகராசாஇந்த நூலில் இலங்கையின் பொருளாதார பிரச்சனைகளை பிராந்திய ரீதியான பார்வையில் பகுப்பாய்வு செய்துள்ளார். பொருளாதார ஒத்துழைப்பிற்கான தென் ஆசியா சம்மேளனம் (SAARC)உதயமாவதற்கு முன் இவ் ஆய்வு மேற்கொள்ளப்பட்டது. இந் நூலில் கருத்திற் கொள்ளப்பட்டவை சார்க் அமைப்பு இலக்குகளாக இருப்பதனால் இந்நூல் சரியான திசையில் எடுக்கப்பட்ட முதல்படி எனக் குறிப்பிடலாம். இந்தப் பின்னணியில் கலாநிதி தியாகராசாவின் ஆய்வு இருப்பதால் முக்கியத்துவம் பெறுகின்றது. அவர் மிகக் கவனத்தையும் ஆக்கபூர்வமான பரிசீலனைகளையும் விடயத்தின் எல்லா அம்சங்களிலும் செலுத்தியுள்ளார். கலாநிதி தியாகராசாவின் புலமை மிக்க அணுகுமுறையும், அரசியல் அனுபவங்களுடன் இணைந்த செயற்பாடு மிக்க இந்நூல் பொருளாதார வல்லுனர்களுக்கும் அரசியல் விஞ்ஞானிகளுக்கும் ஆர்வம் ஊட்டுவதாக அமையும்" எனக் குறிப்பிட்டுள்ளார். இதிலிருந்து இவரது திறமை வெளிப்படுகிறது.

    இவ்வுலகமானது நேற்று உண்டு, உடுத்தி, களித்து, மகிழ்ந்து வாழ்ந்தவர் இன்றில்லை என்னும் பெருமையுடையது. இவ்வுலக வாழ்க்கை நீர்க்குமிழி போன்று நிலையற்றது. இதனை,

                       "நெருநல் உளன் ஒருவன் இன்று இல்லை என்னும்
                                  பெருமையுடைத்து இவ்வுலகு"

என்று பொய்யாமொழிப் புலவர் வாக்கு கூறுகிறது. விதியை யார் தான் வெல்ல முடியும். பிறப்பு உண்டேல் இறப்பு நிச்சயம் என்பது உலக நியதியாகும். "எல்லாம் எப்பவோ முடிந்த காரியம்" என்று ஈழத்துச் சித்தரில் ஒருவரான யோகர் சுவாமிகள் கூறுகின்றார். இவ்வாறான உலக வாழ்க்கையிலே காரை மண்ணிற்கு சேவை ஆற்றிக் கொண்டிருந்த போது 1981 ஆம் ஆண்டு ஐக்கிய தேசியக் கட்சியின் தலைமை வேட்பாளராக யாழ் மாவட்ட சபைத் தேர்தலில் போட்டியிட்ட போது எம் பெரியார் கலாநிதி ஆ.தியாகராசாவின் உயிர் பறிக்கப்பட்டது. இவர் ஆற்றிய சேவையால்,

                       "வையத்துள் வாழ்வாங்கு வாழ்பவன் வானுறையும்
                           தெய்வத்துள் வைக்கப்படும்"

என்ற வள்ளுவனின் வாக்குக்கு இணங்க மறைந்தும் காரை வாழ் மக்களின் மனங்களிலே மறையாமல் வாழ்ந்துகொண்டிருக்கின்றார்.

                                                               நன்றி.

          காரைநகர் மக்கள் பெரிதும் சிறந்து விளங்குவது

                            அருளால் பொருளால் அறிவால்

          காரைநகர் மக்கள் பெரிதும் சிறந்து விளங்குவது அறிவால்

எமது ஊரான காரைநகர் நலம் நிறைந்து நாலா புறமும் கடலால் சூழ்ந்துள்ள இயற்கையின் எழில் கொஞ்சும் நிலவளமும் நீர் வளமும் நிறைந்த தமிழர் தம் கலையையும் கலாசாரத்தையும் இன்றும் பேணிக்காத்து வரும் தனித்தன்மை இழக்காத மண்மணம் காக்கும் புனித பூமியாகும்.

இத்தகைய வளம்மிக்க எமது காரைநகர்ப் பிரதேசமானது அனைத்து வகைகளிலும் சிறந்து விளங்குகின்றது. இவ் நன்நிலையானது பண்டைய காலம் தொட்டு இன்று வரையிலும் உயர்ந்த நிலையிலேயே காணப்படுகின்றது. அறிவாலும் அருளாலும் பொருளாலும் சிறந்து விளங்கும் எம் காரைநகர் மக்கள் அன்று தொட்டு இன்றுவரை பெரிதும் சிறந்து விளங்குவது அறிவினாலேயே ஆகும். 

                       "கற்றது கை மண் அளவு கல்லாதது உலகளவு"

என்ற சான்றோர் வாக்கிற்கு இணங்க கல்வி கரையற்றது ஆகும். இத்தகைய கல்வி சமூகத்தின் அனைத்து வினைத்திறனையும் உயர்நிலைக்குச் செலுத்துவதாகும். இன்றைய காலகட்டத்தில் தெளிவான திருத்தமான ஆரோக்கியமான சிந்தனைகளையே இவ் உலகம் வரவேற்கின்றது. இத்தகைய மதிப்பு மிக சவால்களை புத்தி சாதுரியத்துடன் எதிர்கொள்ள கூடிய வகையில் ஒவ்வொரு பிரஜைகளும் இருத்தல் வேண்டும். அந்த வகையிலே  காரைநகரில் எம்மவர்கள் அனைவரும் சமூகத்தவரால் அடையாளங் காணப்பட்ட அறிஞர்களாக பெரியோர்களாக உள்ளனர்.

கல்வியில் சிறந்த காரைநகரில் அறிஞர்களும், புலவர்களும் நிறைந்து காணப்பட்ட காரணத்தால் கல்வி கற்ற பண்பாடுமிக்க சமுதாயம் உருவாகியது என்று சொன்னால் மிகையாகாது. இத்தகைய புண்ணிய பூமிதனில் மக்கள் சிறந்து விளங்குகின்றார்கள் என்றால் அதற்கு அருளையும் பொருளையும் விட அறிவே பிரதானம் ஆகும்;. இத்தகைய அறிவு  இன்று வரை இச் சிறு தீவு வரலாற்றில் இடம்பெறுகின்றது என்றால் அது மிகையாகாது. அறிவு சார் விடயங்களை நோக்குவோம்.

முதலில் அறிவு என்றால் என்ன என்பதனை நோக்கினால், அறிவு என்பது ஒரு மனிதனின் கல்வியறிவு, அறப்பண்பு என்பனவே அறிவாகும். மனிதனின் வினைத்திறன், அவனது அறிவு, ஆன்மீகம், ஒழுக்கம் ஆகியவற்றின் விருத்தியே சமூகத்தின் வெற்றியை ஈட்டும் அடிப்படை அம்சமாகும். உலகம் போற்றும் உண்மைத் திருக்குறளில்,

"பின்னால் நடப்பதை முன்கூட்டியே தன் 
        மதிநுட்பத்தால் அறிந்து கொள்வது அறிவு" என்றும்,

"பிறர் கூறும் கருத்துக்களின் நன் 
        நுட்பத்தை காண்பது அறிவு" என்றும்,

"ஒருவன் தான் சொல்லுகின்ற கருத்தை பிறர் எளிதில் புரிந்து    கொள்ளுமாறு விளக்கமாகச் சொல்வது அறிவு" என்றும்

குறிப்பிடப்பட்டுள்ளது. இதன் உண்மைப்பொருளை நோக்குகையில், அறிவு என்பது ஒரு மனிதனின் ஒட்டுமொத்த செயற்பாடாகும். இவ்வகையில் காரைநகர் மக்கள் சிறந்து விளங்குவது பெரிதும் அறிவினாலேயே ஆகும்.

திரு.து.கார்த்திகேசுப்புலவர், பண்டிதர் சிவஸ்ரீ.பஞ்சாட்சரக்குருக்கள், திரு.ந.நாகமுத்துப் புலவர் போன்ற பெரும் புலவர்களாலும், மேலும் தமிழும் இந்து சமயமும் ஓங்க பல படைப்புக்களை வழங்கிய புலவர் சுப்பையா, க.வைத்தீஸ்வரக்குருக்கள், சுப்பிரமணிய தேசிகர், காரை.செ.சுந்தரம்பிள்ளை, அ.அருளம்பலவாணர், எவ்.எக்ஸ்.சி.நடராசா, ஆகியோர் தமிழையும் தமிழ்ப்பண்பாட்டையும் கூடவே எம் சைவ சமயத்தையும் வளர்த்த பெரியோர்களாகவும், மேலும் திரு.அலன் ஆபிரகாம் அம்பலவாணர் மருத்துவ துறையிலும், திரு.இ.கனகசுந்தரம், திரு.தி.சிவகுமாரன்;, திரு.ஜி.பரமேஸ்வரன், திரு.வே.இராமகிருஸ்ணன், திரு.நடராஜா மற்றும் சிறிஸ்கந்தராஜா போன்றோர் மருத்துவம் மற்றும் விஞ்ஞானத்துறையிலும் தொல்பொருள் துறையிலும், சிறந்த அறிஞர்களாக உள்ளனர். இந் நிலை அடைய அவர்கள் கற்ற கல்வியே பெரிதும் பிரதானம் ஆகும். இதை விடுத்து அருள்தான்  பிரதானம் என்றோ இல்லை பொருள்தான் பிரதானம் என்றோ இருந்திருந்தால் இவர்கள் இன்று வரலாற்றில் இடம் பெற்றிருக்க முடியாது. இவ்வாறு காரை மக்களின் உயர்நிலைக்கு வித்திடும் காரைநகரின் கல்வி நிலையில் காணப்படுமாற்றினை நோக்குவோம்.

காரைநகரில்  பதினைந்து பாடசாலைகள் இயங்கி வருகின்றன. இவற்றுள் பின்வரும் பாடசாலைகளான யா/கலாநிதி.ஆ.தியாகராஜா மத்திய.மகா.வித்தியாலயம் மற்றும் யா/யாழ்ற்றன் கல்லூரி என்பவற்றில் க.பொ.த உயர்தரம்; வரையிலும்; மேலும் பின்வரும் பாடசாலைகளான யா/சுந்தரமூர்த்தி நாயனார் வித்தியாலயம் மற்றும் யா/வியாவில் சைவ வித்தியாலயம் என்பவற்றில் க.பொ.த சாதாரணதரம் வரையிலும் உள்ளன. ஏனைய பத்து பாடசாலைகளும் தரம் ஒன்று முதல் தரம் 5 வரை கல்வி கற்கும் பாடசாலைகளாக உள்ளன. இவை மட்டுமல்லாமல் 14 பாலர் பாடசாலைகளும் 15 விளையாட்டு கழகங்களும், மாணவரின் கல்வி மற்றும் விளையாட்டு செயற்பாடுகளுக்காக காணப்படுகின்றது. இன்றைய காலகட்டத்தில் கல்வியானது உலகின் அனைத்து சவால்களையும் எதிர்கொள்ளக் கூடிய இளம் சமுதாயத்தை முன்பள்ளியில் இருந்தே வளர்த்தெடுக்கும் நன்நிலை காரைநகரில் காணப்படுகின்றது.

 இவை மட்டுமல்லாமல் எமது இலங்கையின் அனைத்து பகுதிகளிலும் மட்டுமன்றி வெளிநாடுகளிலும் எம் உறவுகள் புலம்பெயர்ந்து வாழ்கின்றனர். எம் காரைநகர் மக்கள் இவ்வாறு அயற் பிரதேசங்களிலும் எம் நாட்டிலும் புகழ் பெற காரணம் அவர்களின் அறிவு நிலையே ஆகும். எல்லாவற்றிற்கும் மேலாக இன்றைய காலகட்டத்தில் பாடசாலை மற்றும் சமூக உறவானது மிகவும் முக்கியமானதொன்றாகும். இவ்வுறவு மேலும் வலுப்பெற கற்ற அறிவார்ந்த சமூக குழுவினர் நேர் மனப்பாங்குடனும், நன்னிலையான சிந்தனைக்கண்ணோட்டத்திலும் இருக்க வேண்டும். இவ் நிலையை எமது பிரதேசத்துடன் ஒப்பிட்டு நோக்குகையில் ஏனைய பிரதேசத்தினை விட காரைநகரில் சமூகத்திற்கும் பாடசாலைக்குமிடையிலான உறவு நன்நிலையிலேயே உள்ளது என தெரிய வருகின்றது.

இவ்வகையிலே காரைநகர் சிறந்து விளங்குவது பெரிதும் அறிவினாலேயே ஆகும். காரை மக்களுக்கு அருளையும் பொருளையும் விட அறிவே பிரதானம் ஆகும். அத்துடன் சிறந்த அறிவுள்ள எதிர்கால தலைமுறையையே நாளைய சமூகம் எதிர்பார்க்கின்றது. ஏனெனில் ஒரு வளமான சமூகத்தை ஒரு அறிவு நிறைந்த தலைமுறையினரால் மட்டுமே பேணிப்பாதுகாத்து அடுத்து வரும் தலைமுறையினரிற்கு கையளிக்க முடியும். இவ் வகையில் காரைநகர் அருளினாலும் பொருளினாலும் சிறந்து விளங்கினாலும் எம் ஊரினை வழிப்படுத்துவது ஒவ்வொரு அறிவு நிறைந்த தலைமுறையினரே. 

மேலும் ஒரு தனிமனிதனது முன்னேற்றத்திற்கு அறிவே பிரதானம் ஆகும். எவ்வகையில் எனில் ஒரு மனிதனானவன் தனது வாழ்விலே பணம் பொருள் செல்வத்தையோ அல்லது இறை மற்றும் பெரியாரின் அருளையோ பெற வேண்டுமெனில் அவற்றை பெறும் நன் மார்க்கத்தை அறிந்திருத்தல் இன்றியமையாத தொன்றாகும். ஆகவே இவற்றையெல்லாம் இவ்வுலகில் பெறும் வழிகளை அறிவிப்பது அவன் அறிந்த அறிவே ஆகும். எனவே காரைநகர் மக்கள் சிறந்து விளங்குகின்றார்கள் என்றால் அதற்கு காரணம் அருளையோ பொருளையோ விட அவர்களின் நல்லறிவே ஆகும். 

அவற்றுடன் காரைநகரில் இளந் தலைமுறையினர் நல்ல அறிவைப்பெறும் வழிகள் ஏராளம் காணப்படுகின்றன. அதில் முக்கியமானதாக மாணவர்களின் வாசிப்புத்திறனை விருத்திசெய்ய பாடசாலை நூலகங்களுடன் மேலதிகமான திறன்களை விருத்தி செய்யும் நோக்குடன் காரைநகர் பிரதேச சபை நூலகம், வியாவில் ஐயனார் ஆலய கணபதீஸ்வரக் குருக்கள் நூலகம் என்பன மட்டுமன்றி கடந்த வருடம் ஓக்டோபர் மாதம் புதிதாக ஆரம்பிக்;கப்பட்ட மாணவர் நூலகம் என்பன காணப்படுகின்றன. இவ்வாறான நூலகங்கள் இத்தனை செலவுடன் அமைக்கப்பட்டுள்ளன என்றால் அதற்கு முக்கிய காரணம் எதிர்கால சமுதாயம் அறிவின் சிகரத்தை தொடவேண்டும் என்பதனாலேயே ஆகும்.

இவை மட்டுமல்லாமல் தற்பொழுது தீவக வலயத்தில் தனியொரு கோட்டமாக காரைநகர்க் கோட்டம் காணப்படுகின்றது. அத்துடன் காரைநகர்க் கல்விக்கோட்டம் ஏனைய தீவக கல்விக்கோட்டத்தை விட மிக சிறப்பியல்பு வாய்ந்த கோட்டமாக காரைநகர்க் கல்விக் கோட்டம் காணப்படுகின்றது. அத்துடன் தரம் ஐந்து புலமைப்பரிசில் பரீட்சையில் சித்தியடைவோர் எண்ணிக்கை வருடாந்தம் அதிகரித்து வருகின்றமையும் காரைநகர் மாணவர்கள் அறிவார்ந்த விடயங்களில் ஆர்வம் செலுத்துகின்றமைக்கு சிறந்த எடுத்துக்காட்டாகும். இவற்றுடன் காரைநகர் பாடசாலைகளில் கல்வி பயிலும் மாணவர்கள் கல்வியிலும் விளையாட்டுத்துறைகளிலும் காலத்திற்கு காலம் பெரும் சாதனைகளை நிலைநாட்டி வருகின்றார்கள். 1934 இல் கனிஸ்ட விடுகைப்பத்திர பரீட்சையில் வடமாகாணத்தில் முதற்தரத்தில் சித்தியடைந்த ஒரே ஒரு மாணவன் காரைநகர் இந்துக்கல்லூரி மாணவனாவான். அத்துடன் எம் பிரதேச மாணவர்கள் அன்று தொட்டு இன்று வரை அனைத்து துறைகளிலும் சாதனையை நிலைநாட்டிய வண்ணம் உள்ளனர். மேலும் அண்மையில் நடைபெற்ற மாகாண மட்ட தகவல் தொடர்பாடற் தொழில் நுட்ப துறை சார்ந்த மென்பொருள் வடிவமைப்பு போட்டியில் காரைநகர் இந்துக்கல்லூரி மாணவர்களில் மூன்று மாணவர்கள் வெள்ளிப்பதக்கங்களையும் ஏனைய ஆறு மாணவர்கள் திறமைச்சித்தி பெற்றமை குறிப்பிடதக்கது. இதன்மூலம் தெரிய வருவதாவது, காரைநகர் மக்கள் பெரிதும் சிறந்து விளங்குவது அறிவினாலேயே ஆகும்.

இத்துடன் காரைநகர் மக்கள் ஒழுக்கம், சமய விழுமியங்கள், ஆளுமை விருத்தி, சமூக மயமாக்கல் என்பவற்றிலும் தம்மை விருத்தி செய்து புதுமைகாண் உயிர்ப்பு அமைப்பாக காரைநகர் சமூகத்தை வளர்த்தெடுக்க முயல்கின்றனர். இதற்கு அவர்கள் அறிந்த அறிவே ஆதாரம் ஆகும். மேலும் காரைநகரின் அருள் சார்ந்த விடயங்களை நோக்குகையில் சைவ வித்தியா விருத்திச் சங்கம், காரைநகர் சைவ மகா சங்கம், களபூமி ஆரணிய நிலையம் போன்ற அமைப்புகளும் ஆன்மீக தியான கருத்தரங்குகள், திருவாசக திருமுறைகள் ஓதுதல், சைவ தமிழ் போட்டிகளை நடாத்துதல், ஆலயங்களில் நூற்தொகுதிகள் பேணுதல் போன்ற சைவ தமிழ் சார் செயற்பாடுகள் நடைபெற்ற வண்ணம் உள்ளன. காரைநகரில் எதற்காக இவ்வாறான செயல்கள் நடைபெறுகின்றது என்பதை நோக்குமிடத்து இங்கு ஒரு சமயப்பற்றுள்ள அருளார்ந்த சமயம் ஒன்று உருவாக வேண்டும் என்பதனாலேயே ஆகும். ஆனால் இவ்வாறான செயற்பாடுகள் காரைநகரில் இடம்பெற அறிவே பிரதானம் ஆகும். எவ்வாறெனில், இச் செயற்பாடுகள் இங்கு இடம்பெற வேண்டும் எனும் சிந்;தனையை ஊருக்கு தொண்டாற்றும் தொண்டர்களுக்கும் புலம்பெயர் அமைப்புகளிற்கும் வழங்கியது அவர்களின் அறிவே ஆகும். எனவே இவ் வகையில்; நோக்கும் பொழுது காரை மக்கள் பெரிதும் சிறப்புற்று விளங்குவது அறிவினாலேயே ஆகும்.  

காரைநகர் மக்கள் பழமைப்போக்குகளை விட  புதுமை தேடுதலிலேயே அதிக ஆர்வம் செலுத்தி வருகின்றார்கள். பெற்றோர்கள், நலன்விரும்பிகள், அபிவிருத்தி சபை உறுப்பினர்கள், மற்றும் பெரியோர்கள் அனைவருமே கல்விகற்ற விருத்தி அடைந்த சமுதாயத்தினை வளர்த்தெடுத்து அதன் மூலம், அருளிலும் செல்வத்திலும் செழித்த தலைமுறைகளை உருவாக்க வேண்டுமென்றே செயற்படுகின்றார்கள். ஆயினும் இவற்றை மட்டும் வைத்துக்கொண்டு காரைநகர் மக்கள் அறிவால் மட்டும் தான் சிறந்து விளங்குகின்றார்கள் என்று நாம் கருதிவிடக்கூடாது. காரைநகர் மக்கள் அனைத்து வகைகளிலும் சிறந்து விளங்குகிறார்கள். ஆனால் அதற்கு அடிப்படை வழிகோலியது அவர்களின் அறிவே ஆகும். ஆயினும் இதற்கு துணைக் காரணிகளாகவே அருள், பொருள் என்பன காணப்படுகின்றது.

மேலும் ஒவ்வொரு காலகட்டத்திலும் ஒவ்வொரு தலைமுறையினரதும் பாடசாலை மட்டத்தில் கல்வி விருத்தியானது ஆய்வுகள் அபிவிருத்திகள் பெறுபேறுகள் என்பற்றின் மூலம் நீண்ட காலம் நிலைத்திருக்கும் விளைவுடன் தொடர்புபடுகின்றது. அந்த வகையில் பிரஜைகள் ஒவ்வொருவரதும் தனிப்பட்ட வளர்ச்சியுமே பிரதேசத்தின் வினைத்திறனை தீர்மானிக்கின்றது. எனவே ஒவ்வொருவரதும் அறிவார்ந்த உள்ளக வெளியக காரணிகள் சமூகத்தை வளர்தெடுக்கின்றது. இவ்வாறான அறிவின் நோக்கம் என்னவென்று நோக்குவோமெனில், 

"இயற்கையுடன் முரண்படாமல் அதன் தோற்றப்பாடுகளினை உணர்ந்து அதனுடன் ஒட்டிவாழ்தல் விலங்கிடப்படாத மனச்சாட்சியுள்ள மனிதன் தோன்றல் எனவும், வாழும் தகைமையும், வாழ்வதற்குத் தகைமையும் பெற்றவராக்கப்படல் கல்வியின் நோக்கம் எனக் குறிப்பிடப்பட்டுள்ளது."

இதன் மூலம் தெரிய வருவதாவது சமூகத்தில் மேன்மையான எண்ணம், கீர்த்தியான செயல், புகழுடைய தொலைநோக்கு என்பவற்றிற்கு வளர்ச்சி அடைந்த அறிவு படைத்த பிரஜைகள் தேவை. சமூக வளர்ச்சிக்கு அடிப்படையான வளம் அருளோ பொருளோ அல்ல, அறிவே ஆகும். எதிர்காலத்திலும் அறிவே காரை மக்கள் வளர்ச்சியின் பிரதான வளமாக இருக்கும். அறிவு பெறுகின்ற முக்கியத்துவத்தின் காரணமாக 21ம் நூற்றாண்டில் சமூகம் ' அறிவு சார் சமூகம்' எனும் பெயரை பெறுகின்றது. இவற்றின் அடிப்படையில் நோக்கும் பொழுது காரைநகர் மக்கள் பெரிதும் அருளையும் பொருளையும் விட அறிவினாலேயே சிறந்து விளங்குகின்றனர் என்றும் இவ்வாறாக அருளும் பொருளும் மனிதரின் அறிவிலேயே தங்கியுள்ளது என்றும் தெரிய வருகின்றது. எனவே காரைநகர் மக்கள் வையத்தில் சிறந்து விளங்க அறிவே பிரதானம் ஆகும்.

                         "மேன்மை கொள் சைவ நீதி விளங்குக உலகமெல்லாம்"

                                                          *****நன்றி*****

                       நானறிந்த காரைநகர்ப் பெரியார் 

       பேராசிரியர் அலன் ஆபிரகாம் அம்பலவாணர்

"இந்துமா சமுத்திரத்தின் முத்து" எனவும் "தெட்சணகைலாயம்" எனவும் "சுவர்ணபூமி" எனவும் 'குபேரபூமி' எனவும்  வர்ணிக்கப்படும் ஈழமணித் திருநாட்டின் சிகரமாக வடபால் அமைந்துள்ள யாழ்ப்பாணத்தின் மேற்பால் உள்ள ஏழு பெரும் தீவுகளில் இயற்கை எழிலும் கடலாற் சூழப்பட்டு நீரரண் பொருந்தி இயற்கை பாதுகாப்புடையதும், பழமையும், பெருமையும் வரலாற்றுச் சிறப்பு மிக்கதுமான ஈழத்துச்சிதம்பரம் என்றும் புண்ணிய திருத்தலத்தை தன்னகத்தே கொண்டு அமையப்பெற்ற ஊரே காரைநகர் ஆகும். இவ்வூர் மக்கள் கல்வியால் உயர்ந்தும், செல்வத்தால் செழித்தும், சைவம் வளர்த்த சான்றோராக, செந்தமிழ் காவலர்களாக, திருப்பணிச் செம்மல்களாக தம் மண்ணின் பெருமையை பேணி வந்துள்ளார்கள். இத்தகைய சிறப்பு மிக்க ஊரிலே நான் அறிந்த பெரியார் பேராசிரியர் அலன் ஆபிரகாம் அம்பலவாணர் ஆவார்.

இப் பெரியார் கந்தர்ப்பர் சுப்பிரமணியத்திற்கும் பார்வதிக்கும் சிரேஷ்ட புதல்வராக 1865 ஆம் ஆண்டு காரைநகர் சக்கலாவோடையில்

                                "தோன்றில் புகழோடு தோன்றுக அஃ(து) இலார்
                                            தோன்றலின் தோன்றாமை நன்று"

           என்ற வள்ளுவனின் வாக்குக்கு இணங்க பிறந்தவரே பேராசிரியர் அலன் ஆபிராம் அம்பலவாணர் ஆவார். இவர் ஒரு சிறந்த ஆராய்ச்சியாளராகவும், விஞ்ஞானியாகவும், சிறந்த கணித மேதையாகவும், தமிழிசை வல்லுனராகவும், சிறந்த சொற்பொழிவாளராகவும், சைவத் திருமுறைகளைப் பக்தி சிரத்தையுடனும் கிறிஸ்தவ கீதங்களை நெஞ்சுருகிப் பாடுபவராகவும், ஒழுக்கமானவராகவும் விளக்கினார். இவர்

                                       "உண்ணற்க கள்ளை உணில் உண்க சான்றோரால்
                                                        எண்ணப்பட வேண்டாதார்"

         என்ற வள்ளுவனின் வாக்கை மக்களுக்கு புரிய வைத்து மது ஒழிப்பிற்காக போராடினார். அத்தோடு இனிமையான சுபாவம் உடையவராகவும் எளிய ஆடைளை (வேட்டியும்,கோட்டும்) அணிபவராகவும் கீழைத்தேய, மேலைத்தேய மொழி, பண்பாடு, நாகரிகம் என்பவற்;றை அறிந்தவராகவும் தனது மனதிற்கு சரியெனப் பட்ட கருத்துக்களை அஞ்சாது துணிவுடன் முன்வைப்பவராகவும் தனிப்பட்ட பசுமை, கருத்து, முரண்பாடுகளுக்கு இடமளியாது சிந்திக்க வல்லவராகவும் விளங்கினார்.

    இப் பெரியார் 1876 ஆம் ஆண்டில் பரவிய கொள்ளை நோய் காரணமாக தாய், தந்தையரை இழந்தார். பின்னர் சிறிய தந்தையரான கந்தப்பர் சரவணமுத்தின் அரவணைப்பில் வளர்ந்து வந்தார். திண்ணைப் பள்ளியில் கல்வியில் கல்வியை ஆரம்பித்த அம்பலவாணர் தொடர்ந்து கார்த்திகேசு ஐயரிடம் கல்வியைக் கற்றார். தெல்லிப்பளை ஆசிரியர் கலாசாலையில் விரிவுரையாளராகப் பணியாற்றிய இவர் யாழ்ப்பாணக் கல்லூரிக்கு தமிழ்ப் பேராசிரியராக நியமிக்கப்பட்டார். யாழ்ப்பாணக்கல்லூரியில் பணியாற்றிய பொழுது Senior Local Matriculation. FA, BA பரீட்சைகளில் சித்தி பெற்றார்.

    இப் பெரியார் சுப்பர் சங்கரப்பிள்ளை மகள் முத்தாச்சியை திருமணம் செய்து இரண்டு புதல்வர்களையும் ஒரு புதல்வியையும் பெற்றெடுத்தார். முத்தாச்சியின் மரணத்தைத் தொடர்ந்து பொன்னையா தையல்முத்தை இரண்டாம் தாரமாக மணந்தார்.

    யாழ்ப்பாணக் கல்லூரியின் ஆரம்பம் முதல் வானசாஸ்திரம் கற்பிக்கப்பட்டு வந்தமை இவருக்கு வரப்பிரசாதமாக அமைந்தது. தன் வாழ்நாள் பூராகவும் வானியலைப் பொழுது போக்காக கருதினார். வான் மண்டலத்தையும் விண்மீன்களையும் காரைதீவில் இருந்தே இம் மாமேதை ஆய்வு செய்தார். வசதிகளும் வாய்ப்புக்களும் படைத்த மேற்கத்தைய நாட்டு விஞ்ஞானிகளும் ஆராய்ச்சியாளர்களும் நவீன கருவிகளின் உதவிகளுடன் கணிப்பிட்டுத் தெரிவிக்கும் எதிர்வுகூறல்களை காரைநகரில் தனது இல்லத்தில் தன் மாணவர்களின் உதவியுடன் நெடிது ஓங்கி வளர்ந்த 'கற்பகதரு' என அழைக்கப்படும் பனை மரங்களுக்கிடையே பரண் அமைத்து பிரபஞ்சத்தை ஊடறுத்துப் பார்க்க வல்ல திருவிழிகளால் பார்த்தும் மதிநுட்பம் மிக்க கணிப்பீடுகளாலும் தீட்சண்யம் மிக்க எதிர்வு கூறல்களாலும் படங்களின் உதவியுடனும் விளக்கி ஹேலிஸ் வால்வெள்ளி ஆனது 1910 ஆம் ஆண்டு மே மாதம் 19 ஆம் நாள் காலை 9.00 மணிக்கும்; 10.00 மணிக்கும் இடையில் பூமிக்கு மிக அண்மையில் தோன்றும் என நிகழ முன்னரே தெரிவித்தார்.

    இப் பெரியாரின் கட்டுரையும் கணிப்புகளும் கிடைக்கப்பெற்ற பிரித்தானிய ஆராய்ச்சி கழகம் (Royal Astronomical Society) ஆராய்ச்சிப் பெறுபேற்றின் சாதனைகளை ஏற்றுக்கொண்டு 1911 ஆம் ஆண்டு பெப்ரவரி மாதத்தில் Follow of the Astronomical Society (F.R.A) சான்றிதழை வழங்கி தமது கழகத்தின் உறுப்பினராக்கி பெருமை கொண்டது. 1921 ஆம் ஆண்டு பெப்ரவரி மாதம் பிரித்தானியா வானியல் ஆராய்ச்சிக்கழகம் (Royal Astronomical Society) அகரவரிசைப்படி வெளியிட்ட பட்டியலில் இப் பெரியாரின் பெயர் முதலில் காணப்படுகின்றது. வானியல் ஆராய்ச்சிக் கழகத்தில் (Royal Astronomical Society) அங்கத்துவம் பெற்ற முலாவது இலங்கையரும், எட்டாவது ஆசிய நாட்டவரும் என்கின்ற பெருமையை எம் பெரியார் பெற்றுக்கொண்டார்.

    இவர் 1910 ஆம் ஆண்டு ஹேலி வால்வெள்ளி வரவுரைத்து சர்வதேசத்தில் பரபரப்பை ஏற்படுத்தி எமது கிராமத்துக்கு சர்வதேச அந்தஸ்த்தைப் பெற்று சர்வதேசத்தை எம்பால் ஈர்க்க வைத்த உலகப்புகழ் பெற்ற எம்பெரியார் 'விஞ்ஞானத்துறையில் ஈழத்தமிழரின் முன்னோடி' என்றால் மிகையாகாது. இவரின் காலத்தில் வாழ்ந்த வானவியல் ஆராய்ச்சியாளர்களின் கணிப்பையும் விஞ்சி மதிநுட்பம் வாய்ந்ததும் மிகச் சரியானதுமாக இவரின் ஆராய்ச்சி அமைந்தமை குறிப்பிடத்தக்கது.

    ஹேலி வால்வெள்ளி வரவுரைத்தல் தொடர்பான விரிவுரைகளின் போது இவரின் திறமை தொடர்பாக இரண்டு விடயங்களை கருத்திற் கொள்ள வேண்டும். 1910 சித்திரை மாத நடுப்பகுதியில் வால்வெள்ளியை வெற்றுக்கண்களால் பார்க்க முடியும் என்பதை வரைபடங்களின் உதவியுடன் விளக்கினார். ஆனால் ஏனைய வானிலை ஆராய்ச்சியாளர்கள் அவ்வளவு விரைவாக தோன்றும் என எண்ணவில்லை. உண்மையாகவே டாக்டர் வூல்ப் முதன் முதலாக படத்தில் 1909 செப்ரெம்பர் 11 இல் அவதானித்தார். 1909 செப்ரெம்பர் 19 இல் பேராசிரியர் பேர்னகாம் தொலைநோக்கு கருவி மூலம் அவதானித்தார். 1910 ஆம் ஆண்டு ஏப்ரல் 14 ம் நாள் இவர் வெற்றுக் கண்களால் கண்ணுற்று வால்வெள்ளியை எங்கு பார்வையிடலாம் என கொழும்பு பத்திரிகைகளுக்கு தெரிவித்தார். 1910 ஆம் ஆண்டு சித்திரை மாதம் 18,19,25 திகதிகளில் பம்பாய், இங்கிலாந்து, ஆகிய இடங்களில் வால்வெள்ளியை பார்க்கக் கூடியதாக இருந்தது. Royal Astronomical Society 1704 இல் காணப்பட்ட வால்வெள்ளியை அவதானித்து ஆய்வு செய்து அவ் வால்வெள்ளி 1758 இல் மீண்டும் தோன்றும் என எதிர்வு கூறினார். 1758 இல் ஹேலி அமரத்துவம் எய்திய போதும் தோமஸ் ஹேலியின் தீர்க்க தரிசனத்திற்கு மதிப்பளித்து அவருடைய நாமம் சூட்டப்பட்டது. 1834 இல் இவ் வால்வெள்ளி மீண்டும் தோன்றியது.

    தூமகேது அல்லது புகைவெள்ளி அல்லது வால்வெள்ளி என்று வெவ்வேறு பெயர்களில் அழைக்கப்படும் வால்நட்சத்திரம் என்பது ஏனைய கிரகங்களைப் போன்று சூரிய மண்டலத்தில் சூரியனைச் சுற்றி நீள்வட்டப்பாதையில் வலம் வருகின்றது. இவற்றின் சுற்றுப்பாதைகள் சமீபத்திலுள்ள கிரகங்களினால் மாற்றமடைகின்றன. இதன் காரணமாக வால்வெள்ளி எப்போது தோன்றும் எவ்வளவு காலம் பார்க்கமுடியும் என்பவற்றைக் கணிப்புச் செய்வது கடினமானதாகக் கருதப்படுகின்றது.

    வால்நடசத்திரங்கள் நீள்வளையப்பாதையில் சுற்றிக் கொண்டு சூரியனுக்கு அண்மையில் வரும் போது பிரகாசமாகத் தோன்றுகின்றன. சூரியன் உதயமாகும் விடியற் காலையிலும் அஸ்தமனமாகும் அந்தி வேளையில் நீண்ட வாலுடன் கூடிய பிரகாசமான வெள்ளியாக பூமியில் உள்ள மக்களால் பார்க்கக்கூடியதாக இருக்கும். 1910 இல் வால்வெள்ளி தோன்றும் என முன்னரே எம் பெரியார் அலன் ஆபிரகாம் அம்பலவாணர் தெரிவித்ததன் மூலம் இலங்கையரை விசேடமாக யாழ்ப்பாணத்தவரை இவ் வால்வெள்ளியை பார்ப்பதற்கு தயார்ப்படுத்தினார். 1986 இல் ஹேலிஸ் வால்வெள்ளி மீண்டும் தோன்றியது.

    எமது காரை மண்ணின் மைந்தனும் சிறந்த வானியல் ஆராய்ச்சியாளனும் எம் பெரியாருமான பேராசிரியர் அலன் ஆபிரகாம் அம்பலவாணரின் விண்ணியல் சார்ந்த கட்டுரைகளில் ஆரம்ப பாடசாலைகளில் வானசாஸ்திரத்தின் இடம் ஹேலியின் வால்வெள்ளி, உஷ்ண வலய வான் மண்டலம், வான்மண்டலத்தின் அதிசயங்கள் என்பன பிரபல்யம் ஆகின. இக்கட்டுரைகள் அலன் ஆபிரகாம் அம்பலவாணர் வான்சாஸ்திரத்திற்கு ஆற்றிய பங்களிப்பு என்பன தொகுக்கப்பட்டு விசேட வெளியீடாக 1985 இல் யாழ்ப்பாணக்கல்லூரியால் வெளியிடப்பட்டது. எம்பெரியார் பேராசிரியர் அலன் ஆபிரகாம் அம்பலவாணரின் ஆக்கங்களாக கணிதநூல், மதுவிலக்கு கும்மி மற்றும் கிறிஸ்து கீர்த்தனைகள் என்பன குறிப்பிடத்தக்கனவாகும். இவர் 'உதயதாரகை'இதழின் ஆசிரியராகப் பணியாற்றிய காலத்தில் பல ஆராய்ச்சிக் கட்டுரைகளை எழுதினார்.

     எம் பெரியாரினால் பாவிக்கப்பட்ட தொலைநோக்கு கருவி (Telescope)யாழ்ப்பாணக்கல்லூரி பௌதீக ஆய்வு கூடத்தில் மாணவர்களாலும் ஆசிரியர்களாலும் 1974 வரை பாவிக்கப்ட்டது. இத் தொலைநோக்கு கருவி யாழ்ப்பாணப் பல்கலைக்கழகத்தில் இருப்பதாக நம்பப்படுகிறது.
    எம் பெரியார் பேராசிரியர் அலன் ஆபிரகாம் அம்பலவாணர் அவர்கள் காரைநகர் மணற்காட்டைச் சேர்ந்த பிரம்மஸ்ரீ கா.சி.மகேசசர்மாவின் உதவியுடன் பஞ்சாங்கங்களையும், கோள் கணிப்புக்களையும் அறிந்து வானசாஸ்திரக் கணிப்புக்களையும் வெளியிட்டார்.

    இவர் கல் தோன்றி மண் தோன்றாக் காலத்திற்கு முன் தோன்றிய மூத்த தமிழை நேசித்தார். இதனால் பண்டிதர் என அழைக்கப்பட்டார். அத்தோடு இவர் ஆரிய திராவிட பாஷா விருத்திச் சங்கத்தில் அங்கத்தவர் ஆனார்.இவர் பொய்யாமொழிப் புலவனின்,

                                            "ஒழுக்கத்தின் ஒல்கார் உரவோர் இழுக்கத்தின் 
                                                              எய்துவார் எய்தாப் பழி"

     என்ற வாக்கிற்கிணங்க சிறந்த மனவலிமை உடையவராகவும் ஒழுக்கத்தில் குன்றினால் குறைவு ஏற்படும் என்பதை நன்கு அறிந்து ஒழுக்கத்தில் குன்றாது வாழ்ந்தமையும் சீரிய சிந்தனைகளை உடையவராக இருந்தமையுமே இவர் சிறந்த சாதனையாளனாக மாறுவதற்கு அடித்தளமாக விளங்கின.

    இவர் தினமும் காலையில் 6.30 மணிக்கு காரைநகரில் இருந்து மாட்டுவண்டியில் புறப்பட்டு 8.00 மணிக்கு யாழ்ப்பாணக்கல்லூரியை சென்றடைவார். மாலையில் 3.30 மணிக்கு அங்கிருந்து புறப்பட்டு 5.00 மணிக்கு காரைநகருக்கு வந்தடைவார். வயலுக்குச் செய்வதும், உழுவதும், அறுவடை செய்வது முதலிய தொழில் செய்பவர்களுடன் பணி செய்வதை மனதிற்கு மகிழ்ச்சியாக கருதினார். இவர் மக்களுடன் மக்களாக வாழ்ந்து அவர்களின் சுக துக்கங்களிலும் தவறாது கலந்து கொண்டு வாழ்ந்து கொண்டிருந்த போது 1922 ஆண்டு யூன் மாதத்தில் உடல்நலக் குறைவால் மருத்துவ மனையில் அனுமதிக்கப்பட்டு 1922 ஆம் ஆண்டு யூலை மாதம் 7 ஆம் நாள் காரைவாழ் மக்கள் மட்டுமல்லாது இந்த உலகத்திலுள்ள அனைத்து மக்களும் கண்ணீர் சொரிய மரணத் திரையால் மறைக்கப்பட்டார்.

    இம் மேதையின் வாழ்வும் பணியும் இறைவனின் பெருமையையும், ஆச்சரியங்களையும், படைப்புக்களையும் பரிசோதிப்பதாக காணப்பட்டது. கணித சாஸ்திரத்திரதிலும் எழுத்து,சொல்,பொருள்,யாப்பு,அணி என்னும் ஐந்து இலக்கியத்திலும் மட்டுமன்றி வான்சாஸ்திரத்தையும் முற்றாகக் கற்று வால்வெள்ளியின் தோற்றத்தை முன்கூட்டியே கூறியும் இசைத்துறையிலும் பேச்சுத்துறையிலும் மிகுதியாக அறிவு பெற்று பாரோர் புகழ கணித மேதையாகத் திகழ்;லி;ந்தான் பெரியார் அல்லின் ஆபிரகாம் என்று ஈழத்துச்சிதம்பர புராணத்திலே வருகின்ற

                                                 "எண்ணூலி லெழுத்தேமுத லைந்தியலி
                                                  லின்புதரு மிலக்கி யத்தில்
                                                 விண்ணூலின் பரப்பளந்து புகை வெள்ளி
                                                 வரவுரைத்த வித்தை தன்னிற்
                                                  பண்ணூலிற் சொற்பொழிவிற் பழுத்த மதி
                                                  மிகப் படைத்துப் பாரோரேத்த
                                                எண்ணூற்பே ராசானா யிலங்கினனா
                                                   வல்லினெ பிரகா மேந்தல்"

    எனும் பாடல் சிறப்பாகக் குறிப்பிடுகின்றது.

                                           "ஈன்ற பொழுதில் பெரி(து) உவக்கும் தன்மகனைச்
                                                          சான்றோன் எனக் கேட்டா தாய்"

என்ற வள்ளுவனின் ஈரடி வாக்கிற்கு இணங்க எம் காரை மாதாவை உலகம் போற்ற வைத்த மைந்தனும் சிறந்த வானியலாளனும் எம் பெரியாருமான பேராசிரியர் அலன் ஆபிரகாம் அம்பலவாணரின் புகழ் நிலவிருக்கும் வரை உலக மக்களின் நீங்காது நினைவிருக்கும்.

                                                                            நன்றி.

சிவனுக்கு உகந்தது சிவராத்திரி. இந்நாள் சிவனிடத்து அன்பு பூண்டு ஒழுகுபவர்களுக்குச் சிறந்த நாளாகும். மாசி மாதத் தேய்பிறைச் சதுர்த்தித் திதியில் சிவபெருமானைக் குறித்து அனுட்டிப்பதே சிவராத்திரி விரதமாகும். இந்நாளில் உபவாசம் இருப்பதுடன் இரவு முழுவதும் நித்திரையின்றி விழித்திருந்து சிவன் வழிபாட்டிலும் சிவபூசையிலும் ஈடுபடுதல் வேண்டும்.

           ஆதியும் அந்தமுமில்லாத அருட்பெரும் சோதியாம் பரம்பொருளாகிய சிவபெருமான் அகங்காரம் இல்லாது அன்போடு வழிபடுபவர்களுக்கு காட்சியளிப்பார் என்பதை உணர்த்தி நிற்கும் விரதம் சிவராத்திரி விரதமாகும். நான்கு சாமமும் சிவாலய தரிசனம் செய்வதோடு பஞ்சாட்சர செபம் செய்தல்,சிவபுராணம் படித்தல், கேட்டல் என்பவற்றில் இரவைக் கழித்தல் வேண்டும். உபவாசம் இருக்க இயலாதவர்கள் நீரோ பாலோ அருந்தலாம். உபவாசம் மேற் கொண்டோர் அடுத்த நாட்காலையில் நித்திய கருமங்களை முடித்து சூரியோதயத்தின் பின்பு ஆறு நாளிகைக்குள் சிவனடியாரோடு பாராயணம் செய்தல் வேண்டும். பின்பு பகலில் நித்திரை செய்தல் ஆகாது. இரவில் பலகாரம் சாப்பிடலாம். இரவு முழுக்க கண்விழித்திருக்க முடியாதவர்கள் லிங்கோற்பவகாலம் இரவு 11.30 மணிதொடக்கம் 12.15 மணிவரையாவது கண் விழித்திருப்பது விசேடம்.

சிவராத்திரியின் பூசை முறைகள்:

சாமம்                            அபிஷேகம்        பூச்சு                 மலர்கள்                      நிவேதனம்

முதலாம்சாமம்      பஞ்சகவ்வியம்    சந்தனம்     வில்வம்,தாமரை     பச்சைப்பயற்று
                                                                                                                                    பொங்கல்.

இரண்டாம்சாமம்    பஞ்சாமிர்தம்         அகில்             துளசி,தாமரை              பாயாசம்

மூன்றாம்சாமம்   கொம்புத்தேன்  பச்சைக்கற்பூரம்  மல்லிகை,வில்வம்  எள்அன்னம்

நான்காம்சாமம்     கருப்பஞ்சாறு        குங்குமப்பூ       நந்தியாவர்த்தம்     சுத்தான்னம்        
                                                                                                   நீலோற்பவம்        
மாசிமகம்:

சந்திரன் சிம்மராசியில் மக நட்சத்திரத்தில் பிரவேசிக்கும் நாள் மாசி மகவிழாவாகக் கொண்டாடப்படுகிறது. இது அம்பிகைக்கு உகந்த நாளாகும். மாசிமகம் விரதம் இருப்பவர்களுக்கு மறுபிறவியில்லை. விரதம் ஏற்று அன்னதானம் செய்தால் ஆண்பிள்ளைப்பேறு கிடைக்கும் என்பர்.

தமிழ் நாட்டில் கும்பகோணத்தில் அமைந்துள்ள மாமாங்கேஸ்வரர் கோவிலில் பன்னிரண்டு ஆண்டுகளுக்கு ஒருமுறை மகாமகம் என்னும் திருவிழா மாசிமாதத்தில் கொண்டாடப்பட்டு வருகின்றது. அம்பிகை தக்கன் மகளாகத் தோன்றிய நாள் மாசிமகமாகும்.

ஓப்பாரும் மிக்காரும் இல்லாத ஒரு தெய்வம் சிவபெருமான்! 
பன்னிரண்டு ஆண்டிற்கு ஒருமுறை மகா மகத்திருவிழா நிகழும் ஒரே தலம் தமிழ்நாட்டுக் கும்பகோணம். ஆந்தப் பெருவிழாவின் தோற்றம்,சிறப்பு,பயன்,பண்பு ஆகியவற்றை விளக்கி 1982ஆம் ஆண்டில் கவிஞர் தமிழ்நம்பி இயற்றிய பக்திப்பாடல் இவ்வாறு அமைகின்றது.

குயில்பாடும் கும்பகோணம் கோயில் கண்டேன்
கும்பேஸ்வரப் பெருமானின் வடிவம் கண்டேன்
அமுதகுடம் உடைந்ததனால் அமைந்த லிங்கம்
அருள்பொழியும் கும்பகோண அழகு லிங்கம் 
                                                                                     குயில் பாடும்!

முகாமக விழாவினால் மங்கலம் பொங்கும்
மாசிமகத் திருநாளில் உண்மை விழங்கும்
நவநதிகள் தூய்மை பெறும் நல்லநாளிது
நன்மை எல்லாம் உலகில் பெற நமக்கு வாய்த்தது
                                                                                    குயில் பாடும்!!

புன்னிரண்டு ஆண்டிற்கொரு இனிய திருவிழா
படுகின்ற துயர்மாற்றும் தெய்வத் திருவிழா
தென்னானுடைய சிவன் அருளும் திருவிழா
தீவினைகள் தீர்வதற்கு நடக்கும் ஒருவிழா
                                                                                    குயில் பாடும்!!!

                                                                        நன்றி

                                                                                                                இங்ஙனம்
                                                                                                 மாதம் ஒரு கட்டுரை
                                                                  சுவிற்சர்லாந்தில் இருந்து சிவத்தொண்டன்.

மாதர்தம்மை இழிவுசெய்யும் மடமையைக் கொழுத்துவோம்.

          "மனிதன் சமூக வாழ்க்கையை மேற்கொண்டு விட்ட ஓரு மிருகம்" என்றார் ஓர் ஆங்கில அறிஞர். காட்டு மிராண்டிகளாகச் சிதறிக் கிடந்த மனிதர்கள் குடிபெயர்ந்து ஊர்ந்து வந்து ஓரிடத்தில் சேர்ந்தார்கள். அதனால் அவர்கள் சேர்ந்து வாழ்ந்த இடம் "ஊர்"; என்று அழைக்கப்பட்டது. அதில் பலர் நகர்ந்து வந்து பெருங்கூட்டமாக ஓரிடத்தில் குடியேறினார்கள் அவ்விடம் "நகரம்" என்றழைக்கப்பட்டது. இவ்வாறு தனி மனிதர்கள் சமூகமாகிவிட்டார்கள். தனி மனிதனுக்காக நியதிகளோடு சமுதாயத்திற்காகச் சில சம்பிரதாயங்களும் உருவாகின. சம்பிரதாயங்களில் புனிதமெனக் கருதப்பட்டவை தருமங்களாயின தருமங்களும், சம்பிரதாயங்களும் ஒன்றிணைந்து வாழ்க்கைக் கோட்பாடுகள் வலுப்பெற்று சமுதாயம் நிலைபெறத் தொடங்கியது.

      "சக்தி இல்லையேல் சிவம் இல்லை" என்ற சைவ சித்தாந்த கோட்பாட்டின் நிமித்தம் எது எவ்வாறாயினும் இந்த சமுதாயம் நிலைபெறத் தேவையான உறவுகள் வலுப்பெற மாதர் என்கின்ற மகா சக்தியானது அவசியமாகின்றது. ஆகவே மாதர் இல்லையேல் மனித சமுதாயமானது இல்லை என்பதே வெளிப்படை உண்மை. இத்தகைய மகா சக்தியான மாதர்கள் பல்வேறு காலகட்டங்களில் வௌ;வேறு முறைகளில் இழிவு செய்யப்பட்டுக்கொண்டு வருகின்றனர்.

      மாதர் தம்மை இழிவு செய்யும் மடமைக்கு எம்முடைய தமிழப்;பெரு இலக்கியங்களும் சான்றுபகர்கின்றன. இராமாயணம் என்பது மகாகாவியம். கம்பருடைய கைவண்ணத்தால் தமிழ்மொழியில் மொழிபெயர்க்கப்பட்டு தமிழ்மொழியின் தனிப்பெருமையினை வெளிப்படுத்தும் தெய்வகாவியமாக திகழ்கின்றது. பக்திவெள்ளம் பாயும் இந்தக் காவியத்தில் சீதை என்கின்ற பெண் கொடுமைகளுக்கு உட்படுகின்றாள். கணவனே கண்கண்ட தெய்வம் என்கின்ற பத்தினியும், தருமத்தைப்பேணும் பதிவிரதையுமாகிய சீதை இராமனுடன் கானகம் செல்கிறாள், கானகத்தில் இராவணன் என்கின்ற அரக்கனால் கவர்ந்து செல்லப்படுகிறாள். இருப்பினும் கவர்ந்து சென்ற இராவணன் ஒரு சிவபக்தனாக இன்றும் போற்றப்படுகின்றான். கவர்ந்து செல்லப்பட்ட சீதைக்கு கற்புப் பரிசோதனை இராமனால் நடத்தப்படுகிறது. இதனால் கொடிய அரக்கனின் பிடியில் சிக்கித்தவித்த தரும பத்தினியாகிய சீதைக்கு ஆறுதல் வார்த்தை கூறாமல் அக்கினிஸ்நானம் செய்யப் பணிக்கப்படுகிறது. பின் அயோத்தி மாநகரில் கர்பணிப் பெண்ணாகிய சீதையை ஊரான் ஒருவனின் சொல்கேட்டு கானகத்திற்கு விரட்டுகின்றான் இராமன். ஆயினும் இராமன் உத்தம புருஷனாக, அவதார மூர்த்தியாக போற்றப்படுகின்றான். இருப்பினும் கற்புநெறி திறம்பாத பதிவிரதையாகிய சீதைக்கு இழைக்கப்பட்ட கொடுமையினை இன்றைய சமுதாயம் மறந்துவிட்டது. மறுத்துவிட்டது.

          மாதர் இழிவுசெய்யப்பட்ட கோரச்சம்பவம் அகலிகையின் கதையினை ஆழமாய் அலசிப்பார்த்தால் தெளிவாகும். தன்னுடைய கணவனை உள்ளத்தில் இருத்தி எந்நாளும் பூஜிக்கின்றாள் முனி பத்தினியாகிய அகலிகை தேவர்களின் அதிபதியாகிய இந்திரன் அகலிகையின் அழகினைக்கண்டு மயங்குகின்றான். எனவே பொய் சேவல் வேடம்தரித்து முனிவனை குடிசையிலிருந்து வெளியேற்றுகின்றான். பின் முனிவனுடைய வேடம்தரித்து அகலிகையின் முன் தோன்றி அவளுடன் உடலுறவு கொள்கின்றான். முக்காலம் உணர்ந்த முனிவனுக்கே பொய்ச் சேவலினை உணரமுடியாத பொழுது பாவம் அந்தப் பேதைப்பெண் எவ்வாறறிவாள் வந்தவன் இந்திரன் என்பதனை. இருப்பினும் உள்ளத்தால் கற்பு நெறிதவறாத பேதைப்பெண்ணாகிய அகலிகைக்கு கல்லாக காலத்தைக் கழிக்கும்படி சாபம் இடப்படுகின்றது. ஆயினும் உள்ளத்தாலும், உடலாலும் குற்றம் இழைத்த தேவேந்திரனுக்கு சாபவிமோசனம் அழிக்கப்பட்டு இன்றும் அவன் தேவர்களின் அதிபதியாகவே போற்றப்படுகின்றான். எனினும் உள்ளத்தால் கற்புநெறி பிறழாத அகலிகைக்கு இழைக்கப்பட்ட அநீதிக்கு முதலைக் கண்ணீர் வடிக்கக்கூட எவரும் இல்லை. புராணங்களும், இதிகாசங்களிலும், இலக்கியங்களிலும் பெண்கள் பல்வேறுவிதமாக இழிவுசெய்யப்படுவதைப் போலவே நிகழ்கால உலகிலும் பெண்களை இழிவு செய்து பலவீனப்படுத்தும் முறையானது இன்றும் தொடர்கிறது.

                     ஆரம்ப நூற்றாண்டுகளில் பெண்களுக்கு கல்விச்சுதந்திரமும், கருத்துச்சுதந்திரமும் மறுக்கப்பட்டது. கரும்புத் தோட்டத்திலே வேலைபுரிந்த ஆபிரிக்க கறுப்பர்களைப் போலவே கொத்தடிமைகளாகவே மதிக்கப்பட்டனர். இல்லத்தரசிகள் என்றழைக்கப்பட்ட அவர்களுக்கு ஆணாதிக்க சமூகத்தில் பெயரளவிலேயே உரிமைகள் வழங்கப்பட்டிருந்தன. உரிமைகளும், விடுதலையும், சுதந்திரமும் மாதருடைய பயணத்தில் புதுமைப்பெண் என்கின்ற புரட்சிக்கருத்தை துளிர்விடவைத்த உத்தம புருஷன் மகாகவி பாரதியாவார். அவருடைய புரட்சிப்பாதையில் பல புதுமைப்பெண்கள் வழிநடக்க வழிவகுத்தார். பெண்களுக்காக கல்வி உரிமை மறுக்கப்பட்ட சமுதாயத்தில்

              "ஏட்டையும் பெண்கள் தொடுவது தீமை – என்று
                   எண்ணியவர் மாண்டுவிட்டார்"
             "வீட்டுக்குள்ளே பெண்ணைப் பூட்டி வைக்கும்
                       விந்தை மனிதரும் தலை கவிழ்ந்தார்"

                                                                என்றும் வீரமுழக்கமிட்டு பெண்களுக்காக கல்வியினை வரப்பிரசாதமாக பெற்றுக்கொடுத்த வீரகவிஞர் பாரதி என்றால் அது மிகையாகாது.

                 "நிமிர்ந்த நன்னடை நேர்கொண்ட – பார்வையும்
             நிலத்தில் யாருக்கும் அஞ்சாத நெறிகளும் நிமிர்ந்த
      ஞானச் செருக்கும் இருப்பதால் தில்லை மாதர் திறம்புவதில்லையாம்"

 என்று கவிதைகளில் நனவுலகம் படைத்து பெண்களுக்கென்று சம உரிமையினைக் கொடுக்க அரும்பாடுபட்டு புதுமைப்பெண் என்ற புதுவுலகம் காண வழிவகுத்து பெண்களின் உரிமைக்கு புத்துயிர் அளித்தார். புதுமைப்பெண்கள் நனவுலகில் தம் கால்தடங்களை பதித்தாலும் அவர்களை இழிவுபடுத்தும் கலாச்சாரம் இன்னும் தொடர்ந்து கொண்டே செல்கின்றது. அதற்கு சிறந்த உதாரணமாக சீதனக்கொடுமையினைக் குறிப்பிடலாம்.

            தனியுடைமைப் பொருளாதார அமைப்பின் தோற்றத்தோடு உருவாகிய பெண்ணடிமை முறையை பல்லாயிரம் ஆண்டுகளாக நிலைநிறுத்திப் பாதுகாக்க உதவிவரும் பொருளாதார கலாசார நடைமுறைகளுள் சீதனமுறையும் ஒன்று. சமுதாய உழைப்பிலிருந்து பெண்கள் பிரிக்கப்பட்டு சொத்துக்களோடு சொத்துக்களாக போகப்பொருளாக – வீட்டு அடிமைகளாக்கப்பட்ட நிலப்பிரபுத்துவ அமைப்பில் இது பெரு வழக்காகியது. அதிகாரத்தை இழந்த பெண்ணுக்கு புகுந்த இடத்தில் சிறு அந்தஸ்த்தை, கௌரவத்தை பெற்றுக்கொடுக்கும் முறையாக இது பரிணமித்தது.

         அன்று சமயச் சடங்குகளிலும், திருமண வைபவங்களிலும் கோதானம், பூதானம், என்று பல்வேறு தானங்களையும் செய்தவர்கள், அவ் அஃறினைப் பொருட்களோடு ஒன்றாகப் பெண்களைக்கருதி கன்னிகாதானம் செய்யும் வழக்கத்தை கொண்டிருந்தார்கள். இவ்வழக்கம் இன்றும் எம்மிடையே நிலவிவருகின்றது. பெண்களின் பெற்றோருக்கு வெகுமதிகள் கொடுத்து பெண்களை வாங்கும் வழக்கமும் உலகின் பல்வேறு இனக்குழுக்களிடையே நிலவியது. இதனை சிலப்பதிகாரத்தில் இளங்கோவடிகள் அழகாக எடுத்துக்காட்டியுள்ளார். சீதனமுறை சமூகத்தில் ஊறிப் பழகிவிட்ட ஒரு நடைமுறை, இதனை ஒழிக்க முடியாது "மனமாற்றம்"  "பொருளாதாரவளர்ச்சி" "சமுதாயமாற்றம்" இவைகளின் பின்தான் இது சாத்தியமாகும் என்பது போன்ற பல்வேறு கருத்துக்கள் எமது சமூகத்தில் நிலவிவருகின்றன.

                          "நல்ல விலை கொண்டு நாயைவிற்பார் அந்த
                                நாயிடம் யோசனை கேட்பது உண்டோ
                          கொல்ல துணிவு இன்றி நம்மையும் அந்நிலை
                                  கூட்டி வைத்தார் பழி கூட்டி விட்டார்"

                        என்று பாரதியார் பாடியதற்கிணங்க சீதனமுறையால் மாதர் இழிவுபடுத்தப்படும் நிலை நன்கு வெளிப்படுகின்றது. மாற்றப்பட முடியாதவை என்று எமது சமூகம் கருதிய பல்வேறு நடைமுறைகள் எமது கண்களின் முன்னால் மாற்றமடைந்துள்ளன. பெண்கள் தம் விழிப்புணர்வை மேலும் வளர்ப்பதுடன், மானிடநேயம் கொண்ட ஒரு புதிய சமுதாய மாறுதலை விரும்புகின்ற கல்வியாளர்கள், கலை இலக்கியத்துறையினர் அனைவரும் இச் சீதனமுறையை ஒழிப்பதில் துணைநின்றால் மக்களின் ஒத்துழைப்புடன் பெண் ஒடுக்குமுறையின் பொருளியல் வடிவங்களின் ஒன்றான சீதனத்தை இல்லாமல் ஒழிக்க முடியும்.

                     எந்த வகை ஒடுக்குமுறையும் முன்னதாகப் பண்பாட்டுத்தளத்தில் கட்டமைக்கப்பபட்டுவிடுகிறதது. பெண்களை இரண்டாந்தரநிலையில் வாழப் பழக்கிவிட்டதில் வேறெந்த வழிமுறையைக் காட்டிலும் பண்பாட்டு வடிவம் அதிகம் பங்களித்துள்ளது. தழிழர் சமூகத்தில் அதற்குரிய இடங்களை அலசுவதாக அமைகின்ற கருப்பொருட்களை ஆராய்ந்து பார்த்தால் பெண்களுக்கு எதிராக அரங்கேற்றப்படுகின்ற வக்கிரங்களையும், அடக்கு முறைகளையும் இலகுவாக துணியமுடியும். நாளாந்தம் சுமக்கும் வளிமண்டலத்தின் நிறை உணரப்படாமை போலவே பண்பாட்டின் பேரால் நிகழும் ஒடுக்குதல் சகிக்கப்பட்டு வருகிறது. அனைத்து வகை ஒடுக்குமுறைகளையும் தகர்த்துக் கட்டமைக்கும் புதிய பண்பாட்டு மிகப்பிரதானமாய் பெண்விடுதலை சார்ந்து அமையும். அது மூடத்தனமான சகித்தலுக்கு அப்பால் கடந்தகாலத்தை விமர்சன பூர்வமாய் அணுகி மரபின் பேரால் ஒடுங்கிக் கிடத்தலை நிராகரிக்கும்.

                        "கல்வியில்லை உரிமையில்லை பெண்களுக்குக்
                             கடைததேற வழியின்றி விழிக்கின்றார்கள்!
                           புல்லென்றே நினைக்கின்றீர் மனைவி மாரைப்
                              புருஷர்களின் உபயோகம் பெரிதென்கின்றீர்"

                                      என்றார் பாரதிதாசன் இதற்கேற்பவே இவ்வுலகில் பெண்கள் உடல்ரீதியாகவும், உளரீதியாகவும் அடக்கி ஒடுக்கப்பட்டு இழிவுசெய்யப்படுகின்றார்கள். இதற்கு சிறந்த எடுத்துக்காட்டாக டெல்லியில் நடந்த கோரச்சம்பவத்தைக் குறிப்பிடலாம். இதனால் ஏற்பட்ட மக்கள் போராட்டத்தை ஒட்டி, பெருகிவரும் வல்லுறவுக் குற்றத்தை தடுப்பது குறித்து சட்டம், பண்பாடு ஆகிய இரு தளங்களில் இரு விதமான கருத்துக்கள் கூறப்படுகின்றன. நடந்துள்ள குற்றத்தின் கொடுPரம் காரணமாக வல்லறவுக் குற்றவாளிகளைத் தூக்கிலிட வேண்டும் என்ற கோரிக்கை வைக்கப்படுகிறது. பிரச்சினை அதிகமாக இருப்பதால், வல்லுறவுக் குற்ற வழக்குகள் விசாரிக்கப்படாமல் தேங்கிக்கிடப்பது கண்டு பிடிக்கப்பட்டுள்ளது. 
 
                         தனியார்மய, தாராளமயக் கொள்கைகள் பெண்களின் முன்னேற்றத்திற்குப் பல்வேறு வாய்ப்புகளை வழங்கியுள்ளன. இதுகாறும் அடுப்படியில் கட்டுண்டிருந்த பெண்களுக்கும் கூட சுதந்திரத்தையும், ஜனநாயகத்தையும் வழங்கியுள்ளது, ஆலைகள் முதல் தொழில்நுட்பதுறை வரையிலான பல வேலைகளுக்குப் பெண்கள் போகத்தொடங்கிவிட்டார்கள் இரவுப் பணிகளுக்குப் போகக்கூடாது என்ற மனத்தடைகளையெல்லாம் களைந்து விட்டு, துணிச்சலாக இரவு நேரங்களில் வேலைக்குப் போகிறார்கள். திரைப்படங்களுக்குப் போகிறார்கள். இவ்வாறு தனியார்மயக் கொள்கைகளுக்குப் பின்னர் ஏற்பட்டு வரும் முன்னேற்றம் டெல்லி சம்பவம் போன்றவற்றால் அச்சுறுத்தப்படுகின்றது. இத்தகைய குற்றங்களில் ஈடுபடும் குற்றவாளிகள் பெண்களின் முன்னேற்றத்திற்கு மட்டுமன்றி நாட்டின் முன்னேற்றத்திற்கே கூடத்தடைக்கற்கள் தான் எனவே "பெண்களையும் அவர்களது சுதந்திரத்தையும் பாதுகாக்கின்ற வகையில் சட்டங்களை இன்னும் கடுமையாக்க வேண்டும்"
"இச்செயல்களில் ஈடுபடும் குற்றவாளிகளை கடுமையாகத்தண்டிக்க வேண்டும்" என்ற கருத்து நடுத்தர வர்க்கம் முதல் மேல்தட்டு வரையுள்ள எல்லா அறிவு ஜீவிகளின் பொதுவான கருத்தாக நிற்கிறது. எனவே நாட்டின் முன்னேற்றத்துக்கு தடையாக அவர்கள் கருதுவனவற்றின் பட்டியலில் இத்தகைய பாலியல் வல்லுறவுக் குற்றங்களையும் சேர்த்துக்கொள்ள வேண்டும். இதுவே மாதரை இழிவுபடுத்தும் செயல்களில் ஒன்றாகிய வன்புணர்வுகளை கொழுத்தும் வழிமுறையாக திகழ்கின்றது.

     பெண்களின் மீதான உழைப்புச் சுரண்டல் அதிகமாயிருப்பது மட்டுமல்லாமல் மறுகாலனியாக்க கொள்கைகள் அவர்களுடைய உடலினை முன்னெப் போதும் இல்லாத வடிவங்களிலெல்லாம் விற்பனைப் பண்டமாக்கியிருக்கின்றன சினிமாக் களங்களில் ஒரு போகப்பொருளாக பார்க்கப்படும் பெண்கள் இன்று உழைபிலும் கவர்ச்சிப் பாகமாகவே மதிக்கப்படுகின்றனர்.பத்தாண்டுகளுக்கு முன்னர் யாரும் நினைத்துக் கூட பாத்திராத வேலைகளிலும் பெண்கள் ஈடுபடுத்தப்பட்டிருந்தனர். இன்றும் அந்த பயணம் தொடருகின்றது. பெண்கள் ஒரு மதுபான விடுதிகளிலும், இருபதுக்கு இருபது  கிரிக்கெட் போட்டிகளில் கவர்ச்சி உடை அணிந்து ரசிகர்களை உற்சாகப்படுத்துபவர்களாகவும், அமெரிக்காவின் பாலியல் வக்கிர பத்திரிகை குழுமம் இந்தியாவில் ஆரம்பித்திருக்கும் நிறுவனங்களிலும், ஆண்களுக்கு மது ஊற்றிக் கொடுக்கும் கீழான வேலைகளைச் செய்கின்ற இழி நிலைக்கு பெண்கள் இறக்கிவிடப்பட்டுள்ளனர். இதைவிடக் கொடுரம் மலையகத்தில் தேயிலைத் தோட்டங்களில் கவ்வாத்து பறிக்கும் பணியினில் கொத்தடிமைகளாக முதலாளிவர்க்கத்தால் மிதிக்கப்படும் இழிவான நிலைக்கு பெண்கள் உட்படுத்தப்பட்டிருக்கின்றனர்.

                பெண்ணியம் என்ற பதம் பலவாறாக விளங்கவும், விளக்கவும்பட்டுள்ளது. எவ்வாறாயினும், பெண்ணியம் என்பது எல்லா இடத்தும், சமூகத்தளத்திலும் குடும்பத்தளத்திலும் ஆண்,பெண் ஆகிய இரு பாலருக்கும் முழுமையான சமத்துவம் என்பதை அடிப்படையாகக் கற்றுக்கொள்கிறது. பெண்ணியம் பற்றி பேசும் பெண்களின் உரிமைக்காக குரல் எழுப்பும் பெண்கள் அமைப்புகளும், ஊடகங்களும் இன்றைய காலகட்டத்தில் அதிகாரத்திற்கு அடிபணிகின்றன. மேல்தட்டு மக்களின் பணத்திற்கு விலைபோகின்றன. பெண்கள் மீதான அடக்குமுறை, பெண்ணுரிமை போன்ற விடயங்களை பேசம் போது உயர்மட்ட பெண்களின் பிரச்சினைகளை மட்டுமே பேசும் பாங்கு இவற்றிடம் காணப்படுகின்றது. அதிகார வர்க்கத்தை பகைத்துக் கொள்ளாமல் இருக்க இவை செய்யும் சமரசமே இதுவாகும். இந்த அறியாமை அவர்கள் பங்குபற்றும் விவாதங்கள், உரையாடல்களில் வெளிப்படுகின்றது."பெண்கள் சமத்துவத்துடனும் சம உரிமைகளை உடைய சுதந்திர மாதர்களாகவே இருக்கின்றார்கள், இதற்கு மேல் என்ன உரிமை தேவைப்படுகின்றது"என்பது போன்ற வாதங்களெல்லாம் இவர்களால்தான் முன்வைக்கப்படுகின்றது. ஆகவே பெண்களின் ஒடுக்குமுறைகளை அடக்கும் ஆயுதங்களாகிய பெண்ணுரிமை அமைப்புக்களும், ஊடகங்களும் பெண்கள் மீது நிகழும் வர்க்கரீதியான ஒடுக்குமுறைகளுக்கும், சமூகத்தில் நிலவும் ஏனைய ஒடுக்குமுறைகளுக்கும் எதிராக ஒருமைப்பட்டு போராட முன்வரவேண்டும். இதே போன்று ஏனைய ஒடுக்குமுறைகளுக்கு எதிராகப் போராடும் அமைப்புக்கள் பெண்கள் மீதான ஒடுக்குமுறைகளுக்கு எதிராகவும் குரல்கொடுக்க வேண்டியது அவசியமானதாகும்.

        இவ்வாறு கடந்தகாலங்களிலும், நிகழ்காலத்திலும் பெண்கள் உடல்ரீதியாகவும், உளரிதீயாகவும் சமூக மற்றும் பொருளாதார ரீதியாகவும் பல்வேறு இன்னல்களுக்கு உட்பட்டு இழிவுபடுத்தப்படுகின்றனர். இத்தகைய இழிவினை கொழுத்த வேண்டுமாயின் நாம் மேற்கூறியவாறு பெண்விடுதலைக்கான போராட்டத்தை சமூகவிடுதலைக்கான ஒரு போராட்டமாக இணைக்க வேண்டும். ஏனெனில் எந்தவொரு சமூக ஒடுக்குமுறைக்கு எதிரான போராட்டமும் தனித்து மேற்கொள்ளப்படும் போது அது போராட்டச் சக்திகளையும் போராட்டத்தையும் பலவீனப்படுத்தும் என்பதையும் நியாயமான ஒவ்வொரு போராட்டமும் மற்ற நியாயமான போராட்டங்கள் அனைத்தையும் ஆதரிக்கின்றன என்ற உண்மையையும் மனத்திலிருத்துவது பெண்களின் உரிமைகள் பற்றிய அக்கறையுள்ள அனைவரதும் கவனிபிற்குரியது. மேலும் இன்றைய சூழலில் பெண்கள் பலவழிகளில் ஒடுக்குதல்களைச் சந்திப்பதற்கான நிலைமைகளே வளர்ந்து வருகின்றன. எனவே அவை அனைத்தையும் எதிர் கொள்ளக் கூடிய பெண்விடுதலைக்கான நேரிய சிந்தனையும் உறுதியான செயற்பாடும் தேவையாகின்றது. அத் தேவையை நிறைவு செய்ய பெண்கள் சிந்தனைத் தெளிவுடனும் செயலூக்கத் திறனுடனும் கூடிய பெண்கள் வெளிவர வேண்டும். அவர்களுக்கு ஒத்துழைக்கும் வகையில் சம நோக்குடைய ஆண்களும் இப்போராட்டத்தில் பங்குபெறவேண்டும் அப்பொழுதே இப்போராட்டம் வெற்றியினை ஈட்டும். இதற்கு உதாரணமாக பெண் மீதான ஒடுக்குமுறைகளுக்கும் எதிராகவும் சொத்தின் மீதான உரிமையை பெண்ணுக்கு சார்பாகவும், பெண் கல்விக்கு முக்கியத்துவம் அளிக்கும் முகமாகவும் பருவமடையும் முன்பெண்னை மணமுடிக்கும் மூடத்தனத்தை எதிர்க்கவும், விதவைகளுக்கு மறுமணம் செய்யும்  இயக்கத்தை படைப்பிலக்கியமாக்கவும் முனைப்பாக இருந்து போர்க்குரலை உயர்த்திய புதிய கலாசாரத்தின் முன்னோடியான பாரதி பெரியார், பாரதிதாசன், புதுமைப்பித்தன் மற்றும் சின்னப்பாரதி போன்றோர் பெண் ஒடுக்குமுறைக்கு எதிரான பன்முகப்பட்ட போராட்டங்களை எழுச்சியுறச் செய்தனர்.

       எது எவ்வாறாயினும் பெண்ணின் ஆளுமை விருத்தியடைவதன் மூலமே சமூகத்தின் அடிப்படை அலகான குடும்பம் சிறப்படைய முடியும். அப்பொழுது மட்டுமே கற்பெனப்படுவது சொற்திறம்பாமை என்ற பொருள் கோடலை அர்த்தமுள்ளதாக்கமுடியும் எனவே பண்பாட்டின் பெயரால் மாதர் தம்மை இழிவு செய்யும் கருத்தாடல்களை ஒழித்து பெண் ஒடுக்கு முறைக்கு எதிரான போராட்டங்களை தீர்க்கமான வேலைத்திட்டம் ஒன்றின் அடிப்படையில் வகுத்து மக்கள் விடுதலையின் தவிர்க்கவியலாத ஒரு பகுதியாக அதனை வளர்த்தெடுப்பதுடன் ஒரு சமூகத்தின்
வளர்ச்சி மட்டத்தை பெண் வகிக்கும் இடத்தைக் கொண்டே மதிப்பிடமுடியும் என்ற உண்மையை அனைவருக்கும் உணரச்செய்து மாதர் தம்மை இழிவு செய்யும் மடமையை கொழுத்த ஒன்றிணைவோம்.

                                     "பட்டங்கள் ஆள்வதுஞ் சட்டங்கள் செய்வதும்
                                          பாரினிற் பெண்கள் நடத்த வந்தோம்,
                                        ஏட்டு மறவினில் ஆணுக் கிங்கே பெண்
                                             இளைப்பில்லை காணென்று கும்மியடி"

                                                                               நன்றி
  
        
   
                

    மாதர் தம்மை இழிவு செய்யும் மடைமையைக் கொழுத்துவோம்

மாதர் எனும் சொற்பதம் பெண்களைக் குறித்து நிற்கிறது. பெண் என்றால் யார்? அவள் எத்தகைய குணங்களைக் கொண்டவள்? மிகவும் மெல்லிய நுண்மையான அச்சம், மடம், நாணம், பயிர்ப்பு என நாற்குணங்களைக் கொண்டவள். பெண் என்றாலே அடக்கம், பணிவு என்ற பொருட்களும் சேர்ந்தே வரும். ஆனால் அவற்றை வைத்து பெண்ணியத்தை அடக்கியாள முற்படுதல் அபத்தமானது. பெண்களை அடக்கு முறை என்ற குழியினில் தள்ளி அங்கே அவர்களை சிறைவைத்து விட்டனர். ஆண்டாண்டு காலமாக அச்சிறையில் பெண்கள் அடைந்து அடிமையாய் வாழ்கின்றனர். இவ்வாறு மாதரை அடக்கியாழும் அடக்குமுறைக்குள் இருந்து பெண்கள் எப்போது விழித்தெழுந்து அச்சிறையினை உடைத்தெறிந்து வெளியே வருகின்றனரோ அப்போது தான் பெண்ணியத்தின் விடுதலை கைகளில் கிடைக்கும். மாதரை அடக்கியாழ்பவரை அறிவினால் கட்டுப்படுத்த வேண்டும். பெண்களே முதல் தங்களின் மனதில் நம்பிக்கையை கட்டியெழுப்ப வேண்டும். வீணான பயங்களையும், மடமையையும் தூக்கியெறிந்து வீரப்பெண்ணாக முன்வரவேண்டும்.

                                              "மாதர் தம்மை இழிவு செய்யும்
                                               மடiமையை கொழுத்துவோம்" 

                             என்று பெண்ணியத்துக்காக குரல் கொடுத்தான் ஒரு ஆடவன். அவர் தான் மகாகவி பாரதியார். ஒரு ஆணாக இருந்து கொண்டு பெண்ணியத்தின் சீரழிவு கண்டு நெஞ்சு பொறுக்காது பெண்களுக்காக பேனா எடுத்து போர் செய்தவர் பாரதி என்று சொன்னால் அது மிகையாகாது. இருபதாம் நூற்றாண்டின் தமிழ்க்கவிதை உலகில் மாபெரும் மாற்றத்தை கொண்டு வந்தவர் மகாகவி ஆவார். சொல் புதிது, சுவை புதிது, பொருள் புதிது என்ற புதிய தளம் நோக்கி கவிதையை அழைத்துச் சென்றவர். பெண் விடுதலை பற்றித் தன் கவித்துவத்தை நிலைநாட்டியவர். பெண்களின் அடிமைத்தனத்தை உடைத்தெறிந்து சுதந்திரக் காற்றை அவர்களும் சுவாசிக்க வேண்டும் என்பதில் மகாகவி பெரிதும் அவா கொண்டார். 

                                 "அறிவு கொண்ட மனித உயிர்களை 
                                  அடிமையாக்க முயல்பவர் பித்தராம்"

                                 எனும் பாடல் மூலம் ஆணும் பெண்ணும் நிகரானவர்கள் என்றும் அவ்வாறு கொள்வதனால் தான் இவ்வுலகம் மேன்மையடையும் என்பதனையும் கூறியுள்ளார்.

பாரதி வாழ்ந்த காலத்தில் ஆண்கள், பெண்கள் என்று இருபாலரும் ஆங்கிலேயருக்கு அடிமைப்படுத்தப்பட்டு இருந்தனர். ஆனால் பெண்ணோ ஆணுக்குக் கீழே அடிமைப்பெண்ணாக காணப்பட்டாள். ஆணுக்கு ஆண் அடிமையாக இருப்பதைக் காட்டிலும் ஆணுக்குப் பெண் அடிமையாய் இருப்பதே பெரியதொரு அநியாயம்.

                                   "மனித ஜாதியில் ஆணுக்குப் பெண் 
                                   அடிமைப்படுத்தப்பட்டு இருப்பதைப் போல
                                    இதர ஜந்துகளுக்குள்ளே கிடையாது"

                                 என்று மகாகவி கூறியுள்ளான். ஏனைய விலங்கினங்கள் எதுவுமே பெண்ணை அடிமைப்படுத்துவதில்லை. மனிதன் மட்டுமே பெண்ணை அடிமைப்படுத்தியுள்ளான் என்பதை மிகவும் தெளிவான முறையில் நிறுவியுள்ளார் பாரதி.

பெண்ணியத்தின் நிலமை அன்று மக்களோடு இருக்கவில்லை, மாக்களோடு ஒப்பிட்டு நோக்கும் தன்மையதாய் இருந்தது. இதை பாரதி 

                              "நல்ல விலை கொண்டு நாயை விற்பாரந்த 
                                 நாயிடம் யோசனை கேட்பதுண்டோ? 
                              கொல்லத்துணிவின்றி நம்மையும் அந்நிலை 
                                     கூட்டிவைத்தார் பழி கூட்டிவிட்டார்"

                                                                                                                என்று கூறுகிறார்.இங்கு 

பெண்ணியத்தின் நிலைமை தௌ;ளத தெளிவாகின்றது. வெறும் பதுமைகளாகவும் உயிரற்ற உணர்வற்ற ஒரு பொருளாகவுமே இச்சமுகம் பார்க்கிறது. பெண்களுக்கு எதிராக எண்ணற்ற கட்டுப்பாடுகள், நடைமுறைகள், கொடுமைகள் பல நிகழ்ந்து கொண்டுதான் இருக்கிறது. பெண்கள் வாயிருந்தும் பேசமுடியாத ஊமைகளாகவே இன்று நடமாடுகின்றர்;;;;. தமது எண்ணக்கருத்துக்களையோ, பிரச்சனைகளையோ மனம் விட்டு வெளியே கூறமுடியாத ஒரு இக்கட்டான சூழ்நிலைக்கு தள்ளப்பட்டு விட்டனர். அதற்காக பெண்களுக்கு விடுதலை கிடைக்கவில்லை என்றால் மற்றவர்களுக்கு கிடைத்த விடுதலையால் எந்தவொரு பயனும் இங்கு இல்லை என்பதை

                       "தாதரென்ற நிலைமை மாறி ஆண்களொடு பெண்களும் 
                           சரிநிகர் சமனாக வாழ்வம் இந்நாட்டிலே"

                                 என்று கருத்துரைத்துள்ளார். அதே அதிகாரத் தோரணையிலே 

                            "மாதர் தம்மை இழிவு செய்யும்
                          மடைமையைக் கொழுத்த வேண்டும்"

                                                                                                    என எச்சரிக்கிறார்.
நாணமும் அச்சமும் நாய்களுக்குத்தான் இருக்கவேண்டும். அவை பெண்ணியத்திற்கு அவசியமில்லை. அவர்களுக்கு ஞான நல்லறத்தையும், வீர சுதந்திரத்தையும் காக்கின்ற நல்ல குடிப்பெண்ணின் நற்குணங்கள் இருக்க வேண்டும். ஒளவைப்பிராட்டியார,;

                    "முனைமுகத்து நில்லேல்"   என்றும் 
                 "போர்க் களத்தில் முன்னாலே நிற்காதே"

                                    என்றும் எச்சரித்துள்ளார். ஆனால் பாரதி ஒரு ஆணாக இருந்தும் 

                             "முனைமுகத்து நில்" என்றும் 
                                       "தையலை உயர்வு செய்"

                                 என்றும் பாடியுள்ளார். பாரதி காலத்துப்  பெண்கள் ஏறக்குறைய ஒரு நடைப்பிணம் போல உரிமைகள் பறிக்கப்பட்ட நிலையில் வீட்டுச்சிறைகளிலே சிறைவைக்கப்பட்டு இருந்தனர். பெண் என்றால் அடங்கித்தான் இருக்கவேண்டும் என்ற நிலை அன்றைய காலம் தொட்டு இன்று வரை நிலவி வருகின்றது.

பெண் இயல்பிலேயே கொடூரமானவள், சுதந்திரத்தைப் பெற அருகதை அற்றவள் என்றும் ஆணுக்குப் பெண் அடிமை என்ற எண்ணங்களினால் பெண்ணின் அறிவைச் சுரண்டி மேன்மை பெற இயலாமல் முன்னோர்களின் வாய்மொழி சட்டத்திலும், மூடநம்பிக்கை ஆணைகளும் விதிக்கப்பட்டு பாசி படர்ந்த கலாசார குட்டைக்குள் தள்ளப்பட்டாள். பட்டங்கள் ஆளச் சொன்னதனாலோ, சட்டங்கள் செய்யச்சொன்னதனாலோ, அச்சம், மடம், நாணம் நாய்களுக்கு வேண்டும் என்று உரிமைக்குரல் கொடுத்தனாலோ முதல் பெண்ணியவாதி ஆகவில்லை. அதற்கு மாறாய் பதிய சேவை செய்பவளாகவும், ஆண் மக்களைப் பெருக்கும் இனவிருத்திக்குரிய கருவியாகவும் பாடுகின்ற புலவர்களுக்கு கிளியாகவும், அன்னமாகவும,; தென்றலாகவும், மலராயும், உணர்ச்சியற்றவளாயும், அஃறிணைப் பொருளாகவும் நடமாடிய பெண்ணுக்குள் ஞானத்தைக் கண்டவர் பாரதி. 

                    "பெண்ணுக்கு ஞானத்தை வைத்தான்- புவி
                       பேணி வளர்த்திடும் ஈசன்
                      மண்ணுக்குள்ளே சில மூடர்
                      நல்ல மாதரறிவைக் கெடுத்தார்"

                                 என பெண்ணிய சிந்தனையை மேலும் நிலைநாட்டினார்.

பெண் என்பவள் வெறும் ஒருத்தியல்ல. அவள் ஒரு அர்த்தநாரி. ஆணில் பெண் சரிபாதி. முழுமுதற் கடவுளான ஈசனே பார்வதிக்கு தன்னில் சரிபாதியைக் கொடுத்த பின் ஆடவர் மட்டும் ஏன் பெண்ணவளை பின்னுக்குத்தள்ள முனைகின்றனர். பெண்ணின் பெருமைகளை அறியாத மூடர்களாய் அவளை அடக்கி ஆழ்வதையே தொழிலாய் கொண்டனரோ…? 

                            "சிவன் நீ  சக்தி உன் மனைவி,
                             விஷ்ணு நீ  லக்ஸ்மி உன் மனைவி,
                             பிரம்மா நீ சரஸ்வதி உன் மனைவி" 

                                                        என்ற வரிகள் ஊடாக இவை புலப்படுகிறது.

                             "மங்கையராய் பிறப்பதற்கே நல்ல
                               மாதவம் செய்திட வேண்டுமம்மா"

                                    என கவிமணி தேசிக விநாயகம்பிள்ளை அவர்களும் உரைத்துள்ளார். 

                    "தற்காதத்;து கொண்டான் பேணித் தகை சான்ற
                              சொற்காத்து சோர்விலாள் பெண்"

                                 என வள்ளுவனும் தனது 56வது குறளில் மொழிந்துள்ளார். ஒரு வண்டியின்இரு சக்கரங்களும் சுழல்கின்ற பட்சத்தில் தான் அது முறையான பாதையில் பயணிக்கும். வெறுமனே ஒரு சக்கரம் மட்டும் பயணிப்பதென்றால் அது இயலாது போகும். அவ்வாறு இருக்கயில் பெண்ணைத் தனித்து விட்டுவிட்டு ஆண் மட்டும் எவ்வாறு வாழ்வினில் பயணிக்க முடியும். பெண்ணவளின் உள்ளத்தை சற்றுப் பரிந்து பார்க்க முயன்றால் அவளின் அவாவையும் சுதந்திர வேட்கையினையும் தெரிந்துகொள்ளல் எளிதாகும்.

பெண்ணவள் தனக்கென கல்வியை பெற்றுக் கொள்ள வேண்டும். துணை அவள் கொண்ட கல்வி. கல்வி எங்கு இருக்கிறதோ அங்கு இருக்கிறது பலம். கல்வி என்பது ஒளி, பிரகாசம் அதை கைப்பற்றுவோர் ஒளியில் திளைப்பர். கல்வியின் முழுமையான நோக்கம் மனதை வளப்படுத்துவதாய் இருகக் வேண்டும். உள்ளத்தை உயர்த்தும் கல்வி ஏழை, செல்வந்தன், உயர்ந்தவர், தாழ்ந்தவர் என்ற என்ற எந்தவொரு வேறுபாடும் காட்டாது கற்பிக்கப்பட வேண்டும். எல்லோரும் கல்வி கொண்ட மாந்தரானால் ஒளி வீசும் எதிர்காலம் இன்றே நம் கண்களில் அலைமோதும். அத்தகய கல்வி இருபாலருக்கும் பொதுவானது. 

ஆடவருககு மட்டும் தான் கல்வி வேண்டும் அவர்கள் மட்டும் தான் உயர வேண்டும் என்று யார் கூறியது. ஏன் மடமை கொண்டு படுகுழியில் நீங்கள் உங்கள் அறிவற்ற தன்மையினால் வீழ்ந்துகொள்கின்றீர்கள்.

                   "ஆணும் பெண்ணும் நிகரென கொள்வதால்
                   அறிவிலோங்கி இவ் வையகம் தழைக்குமாம்"

                                 என்று பாரதி பெண்ணின் சமத்துவம் பற்றி கூறியதோடு மட்டும் நின்றுவிடாமல் 
'பெண்களுக்குக் கல்வி' என்ற கருத்தையும் முன்வைக்க தவறவில்லை. "பெண்ணுக்கு ஞானத்தை வைத்தான்……….."
என்று பாரதி பாடியமை இதைப்புலப்படுத்துகிறது.

மேலும் பாரதி

                 "ஏட்டையும் பெண்கள் தொடுவது தீமையென
                   எண்ணியிருந்தவர் மாய்ந்து விட்டார்.
                  வீட்டுக்குள்ளே பெண்ணைப் பூட்டிவைப்போமென்ற
                   விந்தை மனிதர் தலை கவிழ்ந்தார்"

                                 என பெண்களின் கல்வி தொடர்பாக அக்கறைக்குரல் கொடுத்துள்ளார். ஆண்கள் மட்டுமன்றி பெண்களும் நிறைந்த புலமையடைய வேண்டும். ஒரு ஆண் படித்தால் அது அவன் குடும்பத்திற்கு மட்டுமே பயனுடையதாகின்றது. ஆனால் ஒரு பெண் கல்வி கற்றால் அது அந்த முழுச்சமுதாயத்திற்குமே பயன் தரும் என்பதை யாவரும் உணரவேண்டும்.

இன்று பெண்கள் இல்லாத அவர்கள் நுழையாத துறையே இல்லை எனலாம். சமயற்கலை, தையற்கலை, நடனக்கலை, வரைகலை, ஆசிரியத்துறை, வைத்தியத்துறை, விண்வெளித்துறை என எந்தத்துறையில் பெண்ணவளின் பங்களிப்பு இல்லை. இத்தனைக்கும் அவள் ஒரு ஜீவனாக இருந்து தன் வேட்கையினால் கல்வியினால் பல்வேறு துறைகளிலும் சாதித்துக் கொண்டு இருக்கின்றாள். இது தெரியாமல் பெண்களுக்கு கல்வி தேவையில்லை. அவளுக்கு சோறு ஆக்கி போடவும், பிள்ளை பெறவும் தெரிந்திருந்தால் போதும் என நினைப்பது கற்ற இளைஞர்களின் பேதமை கொhண்ட பேதை மனது என்று தான் கூற வேண்டும். 

உலகில் பல்வேறு துறைகளிலும் அபாரமாக முன்னேறி வரும் இந்த காலகட்டத்திலும் கூட எங்கோ ஒரு மூலையில் பருவமெய்திய பெண்களை பாடசாலைக்கு அனுப்பாது விடும் மடமை கொண்ட செயன்முறை நடந்தேறிக் கொண்டு தான் இருக்கின்றது என்றால், இதுவரை நாம் பெற்ற வெற்றிகளோ மேற்கொண்ட கண்டுபிடிப்புக்களோ பயனற்றதாகி விடுகின்றது.

பட்டங்கள் ஆள்வதும் சட்டங்கள் செய்வதும் பாரினில் பெண்கள் நடத்தவந்தோம். 

                 "எட்டுமறிவனில் ஆணுக்கிங்கே பெண்
                இளைப்பில்லை கானொன்னு கும்மியடி"

                                 என்று தன்பாடல் மூலம் பாரதி பெண்களை எழுச்சி பெற செய்தார். சாதம் மட்டுமன்றி சரித்திரமும் படைக்க முடியும் பெண்களால் எனவும், சட்டங்கள் செய்யவும் முடியும் என்று உலகெங்கிலும் உள்ள பெண்களின் மனதில் மறைந்து இருந்த அவாவை தன் பாட்டின் மூலம் வெளிக் கொண்டந்தார். இவ்வண்ணமே 

                        "கற்பது பெண்களுக்கு ஆபரணம்
                       கொம்புக் கல்வைத்த நகை தீராதரணம்"

                                                                                             என பாரதிதாசனும்,

                           "கற்கை நன்றே கற்கை நன்றே
                           பிச்சை புகினும் கற்கை நன்றே"

                                                                                                 என நறுந்தொகை இலக்கியமும் பகிர்கின்றது. பெண்கள் இரவு பகல் பாராது கமுயற்சித்து பெண்கள் தமக்குள் இயற்கை அறிவை மிகவும் உன்னத நிலைக்கு கொணர்ந்து விடுதல் எளிது. பெண்களின் பங்கு இல்லாவிட்டால் கல்வி முழுமையடையாது. 

                      "பெண்களின் அறிவை வளர்த்ததால்
                      வையகம் பேதமை அற்றிடும் காணீர்"

                                                                                               என பெண்களுக்கான கல்வி வலியுறுத்தப்படும் போது பெண்கள் தமக்கான கல்வியை பெறுவதில் ஆர்வமாய் இருக்க வேண்டும். கல்வி கொண்டு பெண்கள் பாரினை ஆழ்ந்திட வேண்டும். ஆணுக்கு என்றும் சளைத்தவள் அல்ல பெண் என்பதனை கல்வியின் மூலமாய் நிரூபித்துக்காட்ட வேண்டும்.

இன்றய நிலையில் பெண்கள் வேலைகளுக்கு சென்று தங்களின் நிலையினை முன்னய நிலையில் இருந்து எவ்;வளவோ முன்னோக்கி கொண்டு வந்துவிட்டனர். அந்த வகைளில் தொழில் புரியும் ஒவ்வொரு பெண்ணும் சுதந்திரமாக நடமாடுன்றாளா என்றால் பெருமளவில் இல்லை என்ற பதில்தான் எமக்கு எட்டுகின்றது. காரணம் என்னவெனில் வேலைபுரியும் தளங்களில் ஏற்படும் நெருக்கடி, தொந்தரவு, துஸ்பிரயோகம் தான். பெண்ணானவள் ஒடுக்கப்பட்டு அடக்கப்பட்ட நிலைக்குள் இருந்து வெளியே வந்தும் இப்போது துஸ்பிரயோகங்களால் உருக்குலைந்து கொண்டு இருக்கின்றாள். பெண்ணை ஒரு உயிருள்ள ஜீவனாக பாக்காது அவளை ஒரு அன்னியப் பொருளாக, காமம் தீர்க்கும் அழகு பெட்டகமாகவுமே பார்க்கின்றனர். வீட்டுச் சூழ்நிலை காரணமாக தொழில் புரியும் எத்தனையோ பெண்கள் பல காம வெறியர்களின் நச்சரிப்புக்கு இடையே தன்; வறுமையை கருத்திற் கொண்டு சகிப்புத்தன்மையோடு வேலை பார்க்கிறாள். 

அடுக்களையில் அடிமைகளாக இருந்த பெண்கள் கடந்த 35ஆண்டு காலத்தில் உலகத்தையே அடிமைப்படுத்தும் அளவிற்கு ஆளுமைத்திறன் படைத்தவர்களாக வளர்ந்திருக்கின்றனர் ஆனால் பெண்களை மட்டும் தட்ட நினைக்கும் ஆண்கள் பாலியல் ரீதியாக அவர்களை துன்பறுத்துகின்றனர். எங்கு அடித்தால் அவர்களுக்கு வலிக்கும் என்பதை உணர்ந்துள்ள ஆண்கள் அவர்களின் பெண்மையை குறிவைத்து தாக்குகின்றனர். இது போன்ற சவால்களையும் சந்தித்து வரும் பெண்கள் படிப்போ வேலையோஎல்லாவற்றிலும் ஆண்களுக்கு சற்றும் சளைத்தவர்கள் இல்லை என்பதை பெண்கள் ஒவ்வொரு முறையும் நிரூபித்துக் கொண்டு இருக்கின்றனர்.

தற்சமயம் உலகம் முழுவதும் கொண்டாடப்படும் மகளிர் தினம், சர்வதேச மகளிர் தினமாக அதிகார பூர்வமாக அறிவிக்கப்பட்ட தினம் 1911ஆம் ஆண்டு மாரச் 19ஆம் திததி ஆகும். ஃப்ரெஞ்சுப் புரட்சியின் போது பெண்கள் ஆண்களுக்குச்சமனான சுதந்திரம், சம உரிமை, அரசனது ஆலோசனைக் குழுமங்களில் பிரதிநிதித்துவம் கேட்டு போராட்டத்தில் இறங்கினர். இடைவிடாத பல்வேறு போராட்டங்களுக்கு பின் 1921ஆம் ஆண்டு முதல் மார்ச் 8ஆம் திகதி உலக மகளிர் தினம் கொண்டாடப்பட்டு வருகிறது. 1975ஆம் ஆண்டை சர்வதேச மகளிர் ஆண்டாக ஜ.நா பிரகடனடப்படுத்தியது.                                                                                                                                                                                           
பெண்கள் இன்றைக்கு மருத்துவராக, பொருளியல் வல்லுனராக, ஆசிரியராக, விமானமோட்டுபவராகவும் பணிபுரிந்து வருகின்றனர். மிகப்பெரிய நிறுவனங்களில் சி.இ.ஒ பதவியைக் கூட பெண்கள் தான் வகிக்கின்றனர். அவர்களின் ஆளமைத்திறன் அதிகம்.இலங்கையில் ஸ்ரீமாவே பண்டாரநாயக்கா, சுசந்திக்க ஜெயசிங்க, இந்தியாவில் ருக்மணி லட்சுமி பாய், இந்திராகாந்தி, ஜெயலலிதா, சோனியாகாந்தி உள்ளிட்ட பெண் தலைவர்களின் ஆளுமைத்திறன் உலக அளவில் பிரசித்தி பெற்றுள்ளது.அமைதியாகப் பிறந்து, வாழ்க்கை முழுவதையும் குழந்தைகளின் கல்வி, உலக அமைதி, பெண்ணுரிமைப் போராட்டங்களுக்காக தன்னை அர்ப்பணித்தவராக மரியா மொண்டிசோரி திகழ்கிறார். இவர் 'கல்வித்தாய்' என அழைக்கப்படுவது குறிப்பிடத்தக்க ஒன்றாகும். அமெரிக்க பெண்ணுரிமைப் போராளியாக சூசன் பி.அந்தோனி விளங்கினார். Women’s Temperance Movement  என்ற இயக்கத்தையும் பெண்களுக்கான பத்திரிகையையும் ஆரம்பித்தவர்களுள் ஒருவர். அமெரிக்க ஜக்கிய நாடுகளிலும் ஜரோப்பாவிலும் சுற்றுப்பயணம் செய்து, பெண்ணுரிமையை வலியுறுத்திப் பேசியவர். ஆண்டுக்கு சுமார் 100மேடைகளில் முழங்கியுள்ளார். 

உலகின் மிக உயரிய விருதான நோபல் பரிசு பற்றி யாவருக்கும் தெரியும். இயற்பியல், வேதியியல், மருத்துவம், இலக்கியம்;;, பொருளாதாரம் போன்ற சேவைகளுக்காக மேரி கியூரி, ஜரின் ஜோலியட் கியூரி, லிண்டா பெக், நெலி சாக்ஸ், வங்காரி மாதாய், அன்னை தெரேசா போன்ற இன்னும் பலர் நோபல் பரிசுகளை வென்ற பெண் சாதனையாளர்கள் என்று எண்ணிப்பார்க்கும் போது பெண்களின் பெருமை உலகை எட்டுகிறது.  

பெண்கள் தமது ஆளுமைத் திறனைக் கொண்டு முன்னேறி வந்தும்கூட இன்னும் அவள் எத்தனையோ பல கஷ்டங்களையும் சகிக்க வேண்டித்தான் ஆகியுள்ளது. காரணம் அவர்கள் வேலைத்தளங்களில் எத்தனையோ பாலியல் அவஸ்தைகளையும் சகித்துக்கொண்டால் தான் பணிபுரிய முடியும் என்பது வகுக்கப்படாத சட்டமாக மாறிவிட்டது. ஓர் ஆண் தன் பணியில் முன்னேறிச் சென்றால்,அவனது திறமை காரணம் என்று சொல்லிப் புகழும் உலகம், அதுவே ஒரு பெண் சாதித்தால் 'வேறுவழியில் சாதித்தாள்' என சிறிதும் ஈரமில்லாது புறம் பேசும். இதை எண்ணிப்பார்க்கும் போது பேண்ணவளின் சுதந்திரம் எங்கே போய்க் கொண்டு இருக்கிறது….? என மனம் பதைபதைக்கிறது.

 சாலையில் கடந்து போகும் பெண்களை எல்லாம் இரசித்துவிட்டு செல்லும் ஆண்களுக்கு, பெண்ணின் மனம் புரியாத புதிர் தான். அவளை நெருங்கி மன ஆளத்தை பார்க்கும்போது அவளை ரசிக்க முடியாது, மாறாக அதிர்ந்துபோகத் தான் முடியும். ஒவ்வொரு பெண்ணின் மனதுக்குள்ளும் மொழியப்படாமல் இருக்கும் வாக்கியங்கள் எத்தனை எத்தனை என்பது அவளுக்கு மட்டும் தான் புரியும். நாம் தினமும் பார்க்கும் பெண்களில் ஒருத்தி கள்ளிப்பாலுக்கு தப்பியவளாகவோ, ஒருகண்ணில் வெண்ணெய் மறு கண்ணில் சுண்ணாம்புமாக வீட்டில் சகோதரனுக்கு அளிக்கப்பட்ட சுதந்திரம் மறுக்கப்பட்டவளாகவோ, கணவனால் துரத்தப்பட்டவளாகவோ, சுதந்திரம் வேண்டி விவாகரத்து கோரியவளாகவோ, குடும்பத்தின் நிர்பந்தம் காரணமாக உயிருக்கு உயிராக காதலித்தவனை மறந்து, வீட்டில் பார்த்தவனை மணம் முடித்து துயரத்தை சுமந்து வாழ்பவளாகவோ……. இப்படி யாராக வேண்டுமானாலும் இருக்கலாம்.

நெருங்கிய தோழிகளாய் இருந்த எத்தனையோ பெண்கள் திருமணம் முடித்து கொஞ்சம் கொஞ்சமாக தொடர்பறுந்த நிலையில் புகுந்த வீட்டில் மெஷின்களாக இயங்கவேண்டிய சூழ்நிலை அன்று மட்டும் இருக்கவில்லை, நவீனயுகம் என்று சொல்லும் தற்காலத்திலும் கூட நடந்தேறுகிறது தானே என்று எண்ணிப்பார்க்கும் போது இன்று பாரதியின் புதுமைப்பெண் எங்கே போய்விட்டாள்….? ஒரு பெண்ணை திருமணம் செய்துகொண்டு வரதட்சணை கேட்டுக்கொடுமைளை நிகழ்த்தும் வக்கிரபுத்தி உள்ளவர்களின் கெடூரங்களில் இருந்து பெண்ணியத்தை காப்பாற்ற என்ன வழி….? 

சமுதாயத்தில் சம அந்தஸ்த்து எனக் கருதப்படக்கூடிய வேலை வாய்ப்புகளில் பெண்களின் பங்கு கணிசமாக இருந்தாலும் வேலை செய்யும் இடத்திலும் அதற்கு வெளியேயும் பெண்களுக்கு இழைக்கப்படும் தொல்லை, அநீதி, அராஜகங்களில் இருந்து விடுபட என்ன தீர்வு உள்ளது….? 

இந்ந கேள்விகளுக்கெல்லாம் பதிலைத்தேடாமல் வெறுமனே கோசங்களுடன் முன்னேற்றம் என மார்தட்டிக்கொள்வதில் என்பதில் எந்தவிதப் பயனுமில்லை என்று தான் சொல்ல வேண்டும்;. பாரதியின் வீரப்பெண்மணி எப்போது நம் கண்முன்னே வீரநடை போடுவாள்.

                      "நிமிர்ந்த நன்னடை நேர்கொண்ட பார்வையும்
                          நிலத்தில் யார்க்கும் அஞ்சாத நெறிகளும்
                            திமிர்ந்த ஞானச் செருக்கும் இருப்பதால்
                           செம்மை மாதர் திறம்புவதில்லையாம்"

                                                                                        என்ற பாரதியின் கூற்றுப்படி பெண்கள் எதற்கும் அஞ்சாது நெஞ்சினில் துணிவினையும், பார்வையில் தெளிவினையும் நிலைநிறுத்த வேண்டும். அடக்கியாள எண்ணும் அகோரிகளை இரு கண்களின் பார்வை கொண்டே பொடிப்பொடியாக ஆக்கவேண்டும். பெண்களை இழிவாக நினைப்பவர்க்கும், கைப்பொம்மைகள் என்ற எண்ணம் கொண்டவர்களுக்கும் அவளின் சக்தி எத்தகையது என்பதை காட்ட வேண்டும். பத்துத்திங்கள் தன் கருவினில் பத்திரமாய் நமை தாங்கிச்சுமந்தவளும் ஒரு பெண் தான். தன் வலியை மறைத்து கருவை சுமையாக எண்ணிடாது பூப்போல கருவை சுமந்தவளும் அவள் தான். அவளுக்கா சக்தி இல்லை என்கிறீர்கள். பெண் என்பவள் மென்மையானவள் தான். ஆனால் அந்த பூவுக்குள்ளும் பூகம்பம் வருமென்பதை மறந்துவிட வேண்டாம். அழகாய், சாந்தமாய் மனதைக் கவரும் கடலும் ஒரு பெண் தான். அதே கடல் தான் கோரம் கொண்டு சுனாமியாய உயிர்களை வேட்டையாடியது. இப்போது எண்ணிப்பார்க்க அதிசயமாகத்தான் இருக்கும் அதே கடல் தானா இது என்று. 

நவீனம் நோக்கி உலகம் உருண்டுகொண்டு இருக்கும் தறுவாயில் இனியாவது சற்றே பழமையை விட்டுத்தள்ளி, புத்திஜீவிகளாக நடக்க முனைவோம். சமுகத்தில் பெண்களையும் உயிருள்ள ஜீவனாய் பாவித்து அவளுக்கான சுதந்நதிரத்தையும், உரிமைகளையும் மறுத்திடாது நல்கிட வேண்டும். பெண்ணானவள் வீறுகொண்டு எழுந்தால் யாராலும் யாராலும் தாங்கிட முடியாது என்பதற்கு கண்ணகி ஓர் எடுத்துக்காட்டாகும்.

எனவே பெண்கள் நம் கண்கள். மாதர் குலத்தின் சுடர் தீபங்கள் என்பதை என்றும் எம் மனதினிற் கொண்டு பழைய பேதமைகளில் இருந்து விடுபட்டு வையகம் போற்றும் பெண்மையை நாமும் போற்றுவோமாக.

                                             வாழ்க பெண்ணினம்
                                              வளர்க சமுதாயம்.

                                                                              முற்றும்.
உசாத்துணை நூல்கள்.

1.    பாரதியார் பாடல்கள்.
2.    நாளிதழ்கள்.
3.    பாட புத்தகங்கள் .
4.    சில இணையதளங்கள்.