கனடா-காரை கலாசார மன்றத்தின் ஈராண்டு பொதுக்கூட்டமும் புதிய நிர்வாக சபை தெரிவும் 10.05.2015 ஞாயிற்றுக்கிழமை காலை 9 மணிக்கு 150 Borough Drive, Scarborough இல் அமைந்துள்ள Scarborough Civic Centre மண்டபத்தில் நடைபெறவுள்ளது.
புதிய நிர்வாக சபை தெரிவு தேர்தல் முறையில் போஷகர் சபையினரால் நடாத்தப்படும். தேர்தல் விதிமுறைகள் மற்றும் நிர்வாக சபையின் அனைத்து பதவிகளிற்குமான விண்ணப்ப படிவம் என்பவற்றை கனடா காரை கலாசார மன்றத்தின் உத்தியோகபூர்வமான இணையத்தளமான www.karainagar.com என்ற இணையத்தளத்தில் 30.04.2015க்கு முன்னர் எதிர்பாருங்கள்.
2014 மற்றும் 2015ம் ஆண்டுகளிற்கு அங்கத்தவ பணம் செலுத்தி அங்கத்தவர்களாக இணைந்து கொண்டவர்கள் மட்டும் நிர்வாக சபை பதவிகளுக்கு விண்ணப்பிக்கும் தகுதி பெற்றவர்களாவார்கள் அத்துடன் பொதுக்கூட்டத்தின் போது வாக்களிக்கும் தகுதி பெற்றவர்களாவார்கள்.
கனடா காரை கலாசார மன்றத்தின் தற்போதைய நிர்வாக சபையினரால் முன்னெடுக்கப்பட்டுள்ள காரைநகர் ஆரம்ப பாடசாலைகளிற்கான நிரந்தர வைப்பு நிதியத்திற்கான நிதி சேகரிப்பு மற்றும் அவை தொடர்பான செயற்பாடுகள் தற்பொழுது நடைபெற்றுக்கொண்டிருப்பதால் முழுமையான அறிக்கைகளை தற்பொழுது எடுத்து வரமுடியவில்லை. ஆனாலும் பொதுக்கூட்டத்திற்கு முன்னர் அவை அங்கத்வர்கள் அனைவருக்கும் கிடைக்கும் வகையில் அனுப்பி வைக்கப்படும்.
கனடா காரை கலாசார மன்றத்தின் மேலதிக செய்திகள் தகவல்களை இணையத்தளம் ஊடாக பெற்றுக்கொள்ள முடியாத அங்கத்தவர்கள் 416 642 4912 என்ற மன்றத்தின் தொலைபேசி இலக்கத்தில் தொடர்பு கொண்டு அறியத்தருவதன் மூலம் தங்களுக்கு கடிதம் மூலம் அனுப்பி வைக்கப்படும்.
எதிர்வரும் பொதுக்கூட்டத்தின் போது தற்போது யாப்பு திருத்த குழுவினால் முன்னெடுக்கப்பட்டு வரும் திருத்திய யாப்பு அறிமுகம் செய்யப்பட்டு பொதுச்சபையின் அங்கீகாரத்திற்காக விடப்படும். புதிய திருத்திய யாப்பு 14.04.2015 அன்று கனடா காரை கலாசார மன்றத்தின் இணையத்தளமான www.karainagar.com என்ற இணையத்தளத்தில் எடுத்து வரப்பட்டுள்ளது. இணையத்தளத்தில் எடுத்து வரப்பட்டுள்ள இத்திருத்திய யாப்பு பிரதியினை பெற்றுக்கொள்ள முடியாதவர்கள் மன்றத்துடன் தொடர்பு கொள்ளுமாறு தாழ்மையுடன் கேட்டுக் கொள்கின்றோம்.
பொதுக்கூட்டமும் புதிய நிர்வாக சபை தெரிவும்: 10.05.2015
ஞாயிற்றுக்கிழமை காலை 9.00 மணி
இடம்: 150 Borough Drive, Scarborough, On. M1P 4N7
நிகழ்ச்சி நிரல்:
கடவுள் வணக்கம் (9.00 மணி)
மௌனஅஞ்சலி
தலைவர் உரை
சென்ற பொதுக்கூட்ட அறிக்கை வாசித்தல்(செயலாளர்)
2013- 2014 மற்றும் 2015 ஏப்ரல் வரையான செயற்பாட்டு அறிக்கை விளக்கம் (செயலாளர்)
பொருளாளர் அறிக்கை விளக்கம்
போஷகர் சபை நேரம் (30 நிமிடம்)
யாப்பு திருத்தம், விளக்கம், அங்கீகாரம்
ஆயுட்கால சந்தா, வருட சந்தா தீர்மானம்.
புதிய நிர்வாக சபை தெரிவு
குறிப்பு: பொதுக்கூட்டத்தில் கலந்துரையாடப்பட்டு முடிவெடுக்கப்பட வேண்டிய விடயங்கள் அங்கத்தவர்களினால் 08.05.2015 வெள்ளிக்கிழமைக்கு முன்னர் எழுத்து மூலமாக சமர்ப்பிக்கப்பட வேண்டும். 08.05.2015 வெள்ளிக்கிழமைக்கு முன்னர் கிடைக்கப்பெறும் விண்ணப்பங்கள் மட்டுமே பொதுக்கூட்டத்தின் போது விவாதத்திற்கு எடுத்துக் கொள்ளப்படும்.
பொதுக்கூட்டமும் புதிய நிர்வாக சபை தெரிவும் மிகவும் அமைதியான முறையிலும், உத்தியோகபூர்வமாகவும் நடைபெறுவதற்குரிய அனைத்து ஒழுங்குகளும் செய்யப்பட்டுள்ளன.
பொதுக்கூட்டம் நடைபெறும் மண்டபம் மதியம் 12 மணிவரை மட்டுமே அனுமதி கிடைக்கப்பெற்றுள்ளது. எனவே பொதுக்கூட்டம் உரிய நேரத்தில் ஆரம்பிக்கப்படும். அனைத்து மன்றத்தின் அங்கத்தவர்களையும் கலந்து கொள்ளுமாறு அன்புடன் அழைக்கின்றோம்.
நன்றி!
கனடா காரை கலாசார மன்றம்
நிர்வாகம்
