Tag: கோவளம் விளையாட்டுக்கழகம்

காரைநகர் கோவளம் விளையாட்டுக்கழகத்தின் இவ் ஆண்டுக்கான 5வது சமூக சேவை வேலைத்திட்டம்!

நமது மண்ணின் மீதும் நமது மக்களின் மீதும் பற்றுக்கொண்டு எம்மால் மேற்கொள்ளபட்டுவரும் சமூக சேவை வேலைத்திட்டங்களின் அடிப்படையில் 5வது வேலைத்திட்டமாக ''நமது மண்ணை நாம் நேசிப்போம் நமது மண்ணை அழகாக்குவோம்'' எனும் தொனிப்பொருளில் நாம் அன்றாடம் பயன்படுத்தி வரும் நமது ஆதார வைத்தியசாலையின் முற்புற மதில் நீண்டகாலமாக பாசிகள் பிடித்து காணப்பட்டது.

 அருகில் பாடசாலைகள் கோவில்கள் அழகாக இருந்தும் நாம் அன்றாடம் பயன்படுத்தும் வைத்தியசாலையினை அழகாக வைத்திருக்கும் பொருட்டு நமது கழக அங்கத்தவர் திரு.சுகந்தன் அவர்களின் பூரண நிதி அனுசரணையில் நமது கழக இளைஞர்கள் அனைவரும் இரவு பகல் பாராது பத்து நாட்களுக்கும் மேல் தொடர்ச்சிகாக சேவைபுரிந்து இவ்வாறு அழகுற வர்ணம்பூசபட்டுள்ளது. இன்னும் பல சமூகத்திற்கு பயன்மிக்க சேவைகள் எம்மால் மேற்கொள்ளபட உள்ளது அதற்கு அனைவரது ஒத்துழைப்புக்களை வேண்டி நிற்கின்றோம்.

''வாழப்போவது சிறிது காலம் அதற்குள் யாருக்காவது பிரஜோசனமாக இருப்போம்''

கோவளம் விளையாட்டுக்கழகத்தால் ஒவ்வொரு வருடமும் தீபாவளியை முன்னிட்டு மென்பந்து சுற்றுத்தொடர் நடாத்தப்பட்டு வருகின்றது.இத்தொடரானது பல வருடங்களாக கழக உறுப்பினர்களின் முயற்சியால் தொடர்ந்தும் வெற்றிகரமாக நடைபெற்று வருகின்றது.

இதற்கான பண உதவியினை காரைநகர் வர்த்தகர்கள் சிலரிடமும் முன்னால் கழக உறுப்பினர்கள் மூலமும் சேகரித்து பெற்றுக்கொள்கின்றனர் அந்த வகையில் தீபாவளியை முன்னிட்டு 2010 ம் ஆண்டு மரதன் ஓட்டம்,சைக்கிளோட்டம்,கரப்பந்தாட்டம் போன்ற நிகழ்வுகளை கழகம் நடாத்திய போதிலும் பின்னர் போதிய வசதி இன்மையால் அவை கைவிடப்பட்டு துடுப்பாட்ட போட்டியைமட்டும் தொடர்ந்து நடத்திவருகின்றது கோவளம் விளையாட்டுக்கழகம்.

கடந்த கால வெற்றியாளர்களான  2008ம் ஆண்டு சிவகௌரி விளையாட்டுக்கழகமும், 2009,2010,2013 ஒளிச்சுடர் விளையாட்டுக்கழகமும் ,2011 கோவளம் விளையாட்டுகழகமும், 2014ம் ஆண்டு நல்லநண்பர்கள் விளையாட்டுக்கழகமும், 2015ம் ஆண்டு இளஞ்சோலை விளையாட்டுக்கழகமும் திகழ்கின்றன. 2012ம் ஆண்டு சில காரணங்களிற்காக போட்டிகள் இடம்பெற வில்லை 2008 இற்கு முன்னைய பதிவுகள் சரியாக இல்லை.

  2015ம் ஆண்டிற்கான போட்டிகள் யாவும் 24-09-2015, 26-09-2015, 27-09-2015 ஆகிய தினங்களில் அணிக்கு 11 பேர் கொண்ட 10 பந்துப்பரிமாற்றங்களைக்கொண்டதாகவும் 3 பந்து பரிமாற்றங்கள் power-play  ஆனதாகவும் இடம்பெற்றது. 2015ம்  ஆண்டிற்கான சுற்றுப்போட்டியில் கோவளம் A, கோவளம் B, கலாநிதி, ஒளிச்சுடர், இளஞ்சோலை, காரைசலரஞ்சஸ், நல்லநண்பர்கள், பிறட்மன் பலே ஆகிய 8அணிகள் பங்குபற்றின இவை இரண்டு குழுக்களாக பிரித்து குழு A யில் கோவளம் A,கலாநிதி,காரைசலர்ஞ்சஸ்,பிறட்மன்பலே ஆகிய அணிகளும் குழு B யில் கோவளம் B,ஒளிச்சுடர்,நல்லநண்பர்கள், இளஞ்சோலை ஆகிய அணிகளும் இடம்பெற்றது. இவற்றில் புள்ளிகள் அடிப்படையில்  கோவளம் A,கலாநிதி,ஒளிச்சுடர்,இளஞ்சோலை ஆகிய அணிகள் அரையிறுதிப்போட்டிக்கு தகுதிபெற்றன. இவற்றில் கலாநிதி,இளஞ்சோலை ஆகிய அணிகள் இறுதிப்போட்டிக்கு தெரிவாகி இளஞ்சோலை அணி வெற்றியை பெற்றுக்கொண்டதுடன் கோவளம் அணி மூன்றாம் இடத்தை பெற்றுக்கொண்டது.

இறுதிப்போட்டியின் ஆட்டநாயகனாக இளஞ்சோலை விளையாட்டுக்கழகத்தின் பிரசாந்தனும் போட்டி தொடரின் ஆட்டநாயகனாக இளஞ்சோலை விளையாட்டுக்கழகத்தின் நிமலதாஸ் உம் போட்டித்தொடரின் சிறந்த துடுப்பாட்ட வீரராக கலாநிதி அணியின் சங்கரும் போட்டித்தொடரின் சிறந்த பந்து வீச்சாளராக இளஞ்சோலை அணியின் நிமலதாஸ் உம் தெரிவானார்கள்.

முதலாவது இடத்தை பெற்றுக்கொண்ட இளஞ்சோலை விளையாட்டுக்கழகம்

2ம் இடத்தை பெற்றுக்கொண்ட கலாநிதி விளையாட்டுக்கழகம்

3ம் இடத்தை பெற்றுக்கொண்ட கோவளம் அணி,இறுதிப்போட்டிக்கு விருந்தினராக்கலந்து கொண்ட தீவக வலயகல்வி ஆலோசகர் இளங்கோவன் ஆசிரியருடன்.