Tag: kalapoomy

காரைநகர், களபூமியில் ஆயுதமுனையில் கொள்ளை
சந்தேகநபர்கள் 4பேர் இராணுவத்தினரால் மடக்கிப் பிடிப்பு

காரைநகர், களபூமி இ.போ.ச டிப்போவிற்கு முன்பாகவுள்ள சிவலிங்கம் சிவகுமார் என்பவரது வீட்டில் 15.03.2013 வெள்ளிக்கிழமை இரவு 9.30மணியளவில் சுமார் 6க்கும் மேற்பட்ட நபர்கள் ஆயுதமுனையில் கொள்ளை முயற்சியில் ஈடுபட்டனர். இரவு 9.30மணியளவில் நாய் குரைக்கும் சத்தம் கேட்டு வெளியே வந்த வீட்டின் உரிமையாளர் சிவகுமார் என்பவர் கொள்ளையர்களால் வாள்கள், கத்தி, பொல்லுகள் கொண்டு தாக்கப்பட்டதுடன் அவரின் மனைவி, தாய் அவர்களின் கழுத்தைத் திருகி நகைகள், பணம் என்பனவற்றைத் தருமாறு கோரியுள்ளனர். இந்நிலையில் மனைவி மற்றும் தாயாரை காப்பாற்ற முனைந்தபோது கொள்ளையர்கள் தாக்கியதில் சிவகுமார் வயது 38 என்பவருக்கு கையில் 8இழை ஏற்படக்கூடியளவு பெரிய காயம் ஏற்பட்டுள்ளது. அத்துடன் அந்த வீட்டிலிருந்து சுமார் 10பவுணுக்கு மேற்பட்ட நகைகளையும ரூபா ஐம்பதினாயிரம் ரொக்கப்பணத்தையும் கொள்ளையடித்துச் சென்றுள்ளனர். இக்கொள்ளைச் சம்பவம் தொடர்பாக உடனடியாக பொலிசாருக்கும் இராணுவத்தினருக்கும் அறிவித்த பொழுது வலந்தலைச் சந்தியில் வைத்து ஆட்டோவில் வந்த 4பேர் சந்தேகத்தின் பேரில் கைது செய்யப்பட்டுள்ளனர். அவர்களிடமிருந்து ஆயுதங்களும் அதாவது வாள், கத்தி போன்ற ஆயுதங்களும் கைப்பற்றப்பட்டுள்ளதாகவும் தெரிவிக்கப்படுகின்றது. இந்ந நபர்கள் இராணுவத்தினரின் பெயரைச் சொல்லி கடந்த காலங்களிலும் கொள்ளையடித்த நபர்கள் இவர்கள் என இராணுவத்தரப்புக் கூறுகின்றது. இது தொடர்பாக வட்டுக்கோட்டைப் பொலிசார் உடனடியாக சம்பவ இடத்திற்கு விரைந்ததுடன் சம்பந்தப்பட்ட சந்தேகநபர்களை கைது செய்ததுடன் அவர்களையும் வீட்டு உரிமையாளர்களையும் சம்பவ தினத்தன்றே வட்டுக்கோட்டைக்கு அழைக்கப்பட்டுள்ளனர். இது தொடர்பான மேலதிக விபரங்கள் பின்னர் அறியத்தரப்படும். இப்பயங்கரக் கொள்ளை சம்பந்தமாக காரைநகர் மக்கள் மிகுந்த அச்சத்தில் மூள்கியுள்ளனர்.