Category: காரைநகர் மடத்துக்கரை அம்மன்

காரைநகர் வலந்தலை ஸ்ரீ மடத்துக்கரை முத்துமாரி அம்மன் ஆலய பஞ்சதள இராஜ கோபுர மகாகும்பாபிஷேகம்  எதிர்வரும் 31ம் திகதி புதன்கிழமை இடம்பெற உள்ளது.

ஆலயத்தில் புதிதாக அமைக்கப்பட்ட இராஜ கோபுரம் மற்றும் மணி மண்டபத்திற்கான கும்பாபிஷேகமே எதிர்வரும் 31ம் திகதி இடம்பெற உள்ளது.

இராஜ கோபுரத்தினை சுவிஸ் நாட்டில் வதியும் பரோபகாரி சுப்பிரமணியம் கதிர்காமநாதனும் மணிமண்டபத்தினைக் கலைமாடக்கோன் சண்முகம் சிவஞானமும் தங்களது உபயமகா அமைத்து வழங்கி உள்ளனர்.

நயினை நாகபூசனி அம்மன் ஆலய பிரதம சிவாச்சாரியார் சிவஸ்ரீ ப.முத்துக்குமாரசுவாமிக் குருக்கள் பிரதிஷ்டா பிரதம குருவாக இருந்து கும்பாபிஷேகத்தினை நிகழ்த்தி வைக்க உள்ளார்.காலை 9.49 மணி தொடக்கம் 11.10 மணி வரையுள்ள சுப வேளையில் மகா கும்பாபிஷேகம் இடம்பெற உள்ளது.

காரைநகர் வலந்தலை மடத்துக்கரை அம்பாளுக்கு பஞ்சதள ராஜ கோபுரம் அமைப்பதற்கான பூர்வாங்கப்பணிகள்  21.03.2017 நடைபெற்றது. 

இராஜ கோபுரத்திற்கான முழு உபயமும் பரோபகாரி திரு. சுப்ரமணியம் கதிர்காமநாதன் என்பது குறிப்பிடத்தக்கது.

காரைநகர் மடத்துக்கரை முத்துமாரி அம்பாள் ஆலய மாசி மக பெருவிழாவின் தேர்த்திருவிழாவில் 10.03.2017 வெள்ளிக்கிழமை முற்பகல் 11.00 மணியளவில் நூற்றுக்கணக்கான பத்தர்களின் அரோகராக் கோசம் வானைப்பிளக்க வர்ணபகவான் மழை பொழிய அம்பாள் தேரிலே வலம்வந்து அடியார்களுக்கு அருட்காட்சி வழங்கினார்.

அம்பாளுக்கு புதிய சித்திரத்தேரினையும் தொடர்ந்து புதிய தேர் முட்டியையும் பல மில்லியன் ரூபா செலவில் அமைத்துக் கொடுத்த தேர்த் திருவிழா உபயகாரரான சண்முகம் சிவஞானம் அவர்களுக்கு 'காரை பாரிவள்ளல்' பட்டம் வழங்கிக் கௌரவிக்கப்பட்டார்.